Fuɗɗoode 18
18
No Laamɗo faaminiri Saaratu heɓan ɓiɗɗo gorko
1Joomiraaɗo ɓangani Ibrahiima ɗakkol leɗɗe Mamre mawɗe, tawi imo jooɗinoo dammbugal hukum makko hakkunde naange. 2O ɓanti gite makko, o yi'i worɓe tato ina ndarii yeeso makko. Nde o yi'unoo ɓe fu, o harii, o ummii dammbugal hukum ɗoon, o doggi o jakkitowii ɓe. O hippii yeeso maɓɓe, o wi'i:
3— Joomam, si mi heɓii hinney yeeso maaɗa fu, taa caloɗaa weerande kam, miin maccuɗo maaɗa. 4Accee ndiyam seeɗa waddee, looton koyɗe mon, ŋottinoɗon ley lekki ɗo. 5Mi waddanan on nyaamdu faa keɓon semmbe de paltoɗon, sabo on pantii to maccuɗo mooɗon.
Ɓe mbi'i:
— Waɗu no mbiiruɗaa noon.
6Ibrahiima harii yottii to Saaratu ley hukum toon, wi'i ɗum:
— Yaawnu! Ngaɗiraa maasaaje e conndi alkama ɗaatundi etirɗe tati.
7Ibrahiima doggiri to na'i muuɗum toon, suɓii ngaari mbaggiri, hokki maccuɗo muuɗum de oon moƴƴini ndi law. 8Ndeen o hooƴi kettungol e ɓiraaɗam e ngaari moƴƴinaandi ndiin, o yaari yeeso maɓɓe. O heddii imo darii ɗakkol maɓɓe ley lekki kiin, iɓe nyaama. 9Ɓe kaaldi e makko, ɓe mbi'i:
— Toy deeka Saaratu woni?
O jaabii, o wi'i:
— Ley hukum o woni.
10Gooto e maɓɓe wi'i:
— Mi yeccoto ɗo maa mawuuri hono wakkati oo, tawa Saaratu jom suudu maa oon heɓii ɓiɗɗo gorko.
Saaratu nani, tawi ina wonnoo dammbugal hukum caggal makko. 11Ndeen tawi Ibrahiima e Saaratu naywii sanne. Saaratu faltake ɓeyngu. 12Saaratu jali ley ɓernde muuɗum de wi'i:
— Yalla muuyo na heddanii kam katin miin naywirɗo nii oo? Jom ɓaade am du wo keewɗo duuɓi!
13Joomiraaɗo haaldi e Ibrahiima, wi'i:
— Ko waɗi de Saaratu jali? Ko saabii de wi'i noy waawiri rimude de wo nayeejo. 14Yalla na woodi ko tiiɗani Joomiraaɗo naa? Mi wartan to maaɗa mawuuri hono wakkati oo, tawa Saaratu heɓii ɓiɗɗo gorko.
15Saaratu kaa yeddi, wi'i:
— Mi jalaay!
Sabo o hulii.
Joomiraaɗo jaabii mo, wi'i:
— A jalii koy!
No Ibrahiima du'oranii huɓeere Sodoma
16Worɓe tato ɓeen ndilli ɗoon, ponndii Sodoma. Ibrahiima ɗowti ɓe faa waynoo ɓe. 17Joomiraaɗo miilii, wi'i:
— Yalla mi suuɗan Ibrahiima ko ngaɗanmi ɗuum naa? 18Si goonga Ibrahiima laatoto lenyol manngol, jogiingol semmbe. Lenyi adunaaru fuu e makko keɓirta barke. 19Sabo mi suɓake mo faa o yamira ɓiɓɓe makko e suudu makko tinnaade e rewude laawol Joomiraaɗo caggal makko. Ɓe laatoo fonnditiiɓe, ɓe ngaɗa ko dartii faa mi yottina ko aadaniimi Ibrahiima ɗuum.
20Ndeen Joomiraaɗo wi'i Ibrahiima:
— Ko Sodoma e Gomoora peldaa ɗuum mawnii faa faltake. Hakkeeji maɓɓe du ɗuuɗii sanne. 21Saabe ɗuum mi jippoto mi ndaara yalla golleeji maɓɓe ina poti e pelooje ɗe nanumi ɗeen naa? Si wo goonga naa fewre fu mi faaman.
22Ɗiɗo maɓɓe ndilli nokkuure ndeen ponndii Sodoma. Wakkati oon Ibrahiima heddii ina darii yeeso Joomiraaɗo. 23Ibrahiima ɓattii, wi'i:
— Ndelle a halkidan fonnditiiɓe e oonyiiɓe fuu naa? 24Na waawi tawee fonnditiiɓe 50 na ngoni ley huɓeere Sodoma ndeen. Ndelle a yaafataako saabe 50 fonnditiiɓe wonɓe e mayre ɓeen? 25A'aa! A wanaa ngaɗoowo iri ɗuum! A halkidataa ponnditiiɗo e oonyiiɗo. Abada a fonndataa njoɓdi ponnditiiɗo e ndi bonɗo! Aan carotooɗo adunaaru fuu oon, a sarorto dartaare!
26Joomiraaɗo jaabii, wi'i:
— Si mi tawii fonnditiiɓe 50 ley huɓeere Sodoma ndeen, mi yaafoto nde nde fuu saabe maɓɓe.
27Ibrahiima jaabii katin, wi'i:
— Mi suusii haaldude e maaɗa, aan Joomiraaɗo! Miin laatiiɗo colla e ndoondi ɓoldi oon. 28Si tawii njoyo ina nyaki ley 50 ɓeen le? Saabe njoyo nyakuɓe ɓeen, a halkan huɓeere ndeen fuu naa?
Joomiraaɗo wi'i:
— Mi halkataa nde si mi tawii toon fonnditiiɓe 45.
29Ibrahiima haaldi e makko katin wi'i:
— Si 40 tawaama toon le?
Joomiraaɗo jaabii, wi'i:
— Mi halkataa ɓe saabe fonnditiiɓe 40 ɓeen.
30Ibrahiima wi'i katin:
— Joomiraaɗo, taa ɓernu, won ko njiɗumi ɓeydude. De si fonnditiiɓe 30 tawaama toon le?
O jaabii, o wi'i:
— Mi halkataa ɓe si mi tawii toon fonnditiiɓe 30.
31Ibrahiima ɓeydi katin, wi'i:
— A yi'ii mi suusii haaldude e maaɗa, aan Joomiraaɗo. De si fonnditiiɓe 20 tawaama toon le?
Joomiraaɗo wi'i:
— Mi halkataa ɓe saabe fonnditiiɓe 20 ɓeen.
32Ibrahiima wi'i katin:
— Joomiraaɗo, taa ɓernu. Mi ɓeydan huunde wootere tan. Si fonnditiiɓe sappo tawaama toon le?
Joomiraaɗo jaabii, wi'i:
— Mi halkataa ɓe saabe fonnditiiɓe 10 ɓeen.
33Joomiraaɗo dilli nde tilinoo haaldude e Ibrahiima ndeen. Ibrahiima hooti wuro muuɗum.
Currently Selected:
Fuɗɗoode 18: FBF
Highlight
Share
Copy
Want to have your highlights saved across all your devices? Sign up or sign in
© SIM International 2012, 2022
Fuɗɗoode 18
18
No Laamɗo faaminiri Saaratu heɓan ɓiɗɗo gorko
1Joomiraaɗo ɓangani Ibrahiima ɗakkol leɗɗe Mamre mawɗe, tawi imo jooɗinoo dammbugal hukum makko hakkunde naange. 2O ɓanti gite makko, o yi'i worɓe tato ina ndarii yeeso makko. Nde o yi'unoo ɓe fu, o harii, o ummii dammbugal hukum ɗoon, o doggi o jakkitowii ɓe. O hippii yeeso maɓɓe, o wi'i:
3— Joomam, si mi heɓii hinney yeeso maaɗa fu, taa caloɗaa weerande kam, miin maccuɗo maaɗa. 4Accee ndiyam seeɗa waddee, looton koyɗe mon, ŋottinoɗon ley lekki ɗo. 5Mi waddanan on nyaamdu faa keɓon semmbe de paltoɗon, sabo on pantii to maccuɗo mooɗon.
Ɓe mbi'i:
— Waɗu no mbiiruɗaa noon.
6Ibrahiima harii yottii to Saaratu ley hukum toon, wi'i ɗum:
— Yaawnu! Ngaɗiraa maasaaje e conndi alkama ɗaatundi etirɗe tati.
7Ibrahiima doggiri to na'i muuɗum toon, suɓii ngaari mbaggiri, hokki maccuɗo muuɗum de oon moƴƴini ndi law. 8Ndeen o hooƴi kettungol e ɓiraaɗam e ngaari moƴƴinaandi ndiin, o yaari yeeso maɓɓe. O heddii imo darii ɗakkol maɓɓe ley lekki kiin, iɓe nyaama. 9Ɓe kaaldi e makko, ɓe mbi'i:
— Toy deeka Saaratu woni?
O jaabii, o wi'i:
— Ley hukum o woni.
10Gooto e maɓɓe wi'i:
— Mi yeccoto ɗo maa mawuuri hono wakkati oo, tawa Saaratu jom suudu maa oon heɓii ɓiɗɗo gorko.
Saaratu nani, tawi ina wonnoo dammbugal hukum caggal makko. 11Ndeen tawi Ibrahiima e Saaratu naywii sanne. Saaratu faltake ɓeyngu. 12Saaratu jali ley ɓernde muuɗum de wi'i:
— Yalla muuyo na heddanii kam katin miin naywirɗo nii oo? Jom ɓaade am du wo keewɗo duuɓi!
13Joomiraaɗo haaldi e Ibrahiima, wi'i:
— Ko waɗi de Saaratu jali? Ko saabii de wi'i noy waawiri rimude de wo nayeejo. 14Yalla na woodi ko tiiɗani Joomiraaɗo naa? Mi wartan to maaɗa mawuuri hono wakkati oo, tawa Saaratu heɓii ɓiɗɗo gorko.
15Saaratu kaa yeddi, wi'i:
— Mi jalaay!
Sabo o hulii.
Joomiraaɗo jaabii mo, wi'i:
— A jalii koy!
No Ibrahiima du'oranii huɓeere Sodoma
16Worɓe tato ɓeen ndilli ɗoon, ponndii Sodoma. Ibrahiima ɗowti ɓe faa waynoo ɓe. 17Joomiraaɗo miilii, wi'i:
— Yalla mi suuɗan Ibrahiima ko ngaɗanmi ɗuum naa? 18Si goonga Ibrahiima laatoto lenyol manngol, jogiingol semmbe. Lenyi adunaaru fuu e makko keɓirta barke. 19Sabo mi suɓake mo faa o yamira ɓiɓɓe makko e suudu makko tinnaade e rewude laawol Joomiraaɗo caggal makko. Ɓe laatoo fonnditiiɓe, ɓe ngaɗa ko dartii faa mi yottina ko aadaniimi Ibrahiima ɗuum.
20Ndeen Joomiraaɗo wi'i Ibrahiima:
— Ko Sodoma e Gomoora peldaa ɗuum mawnii faa faltake. Hakkeeji maɓɓe du ɗuuɗii sanne. 21Saabe ɗuum mi jippoto mi ndaara yalla golleeji maɓɓe ina poti e pelooje ɗe nanumi ɗeen naa? Si wo goonga naa fewre fu mi faaman.
22Ɗiɗo maɓɓe ndilli nokkuure ndeen ponndii Sodoma. Wakkati oon Ibrahiima heddii ina darii yeeso Joomiraaɗo. 23Ibrahiima ɓattii, wi'i:
— Ndelle a halkidan fonnditiiɓe e oonyiiɓe fuu naa? 24Na waawi tawee fonnditiiɓe 50 na ngoni ley huɓeere Sodoma ndeen. Ndelle a yaafataako saabe 50 fonnditiiɓe wonɓe e mayre ɓeen? 25A'aa! A wanaa ngaɗoowo iri ɗuum! A halkidataa ponnditiiɗo e oonyiiɗo. Abada a fonndataa njoɓdi ponnditiiɗo e ndi bonɗo! Aan carotooɗo adunaaru fuu oon, a sarorto dartaare!
26Joomiraaɗo jaabii, wi'i:
— Si mi tawii fonnditiiɓe 50 ley huɓeere Sodoma ndeen, mi yaafoto nde nde fuu saabe maɓɓe.
27Ibrahiima jaabii katin, wi'i:
— Mi suusii haaldude e maaɗa, aan Joomiraaɗo! Miin laatiiɗo colla e ndoondi ɓoldi oon. 28Si tawii njoyo ina nyaki ley 50 ɓeen le? Saabe njoyo nyakuɓe ɓeen, a halkan huɓeere ndeen fuu naa?
Joomiraaɗo wi'i:
— Mi halkataa nde si mi tawii toon fonnditiiɓe 45.
29Ibrahiima haaldi e makko katin wi'i:
— Si 40 tawaama toon le?
Joomiraaɗo jaabii, wi'i:
— Mi halkataa ɓe saabe fonnditiiɓe 40 ɓeen.
30Ibrahiima wi'i katin:
— Joomiraaɗo, taa ɓernu, won ko njiɗumi ɓeydude. De si fonnditiiɓe 30 tawaama toon le?
O jaabii, o wi'i:
— Mi halkataa ɓe si mi tawii toon fonnditiiɓe 30.
31Ibrahiima ɓeydi katin, wi'i:
— A yi'ii mi suusii haaldude e maaɗa, aan Joomiraaɗo. De si fonnditiiɓe 20 tawaama toon le?
Joomiraaɗo wi'i:
— Mi halkataa ɓe saabe fonnditiiɓe 20 ɓeen.
32Ibrahiima wi'i katin:
— Joomiraaɗo, taa ɓernu. Mi ɓeydan huunde wootere tan. Si fonnditiiɓe sappo tawaama toon le?
Joomiraaɗo jaabii, wi'i:
— Mi halkataa ɓe saabe fonnditiiɓe 10 ɓeen.
33Joomiraaɗo dilli nde tilinoo haaldude e Ibrahiima ndeen. Ibrahiima hooti wuro muuɗum.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© SIM International 2012, 2022