Fuɗɗoode 19
19
Haala kiite Sodoma e Gomoora
1Maleyka'en ɗiɗo ɓeen njottii Sodoma kiiral naange. Wakkati oon tawi Luudu ina jooɗii dammbugal huɓeere ndeen. Nde o yiinoo ɓe fu, o ummii, o jakkitii ɓe, o sujidani ɓe. 2O wi'i:
— Joomiraaɓe am, miɗo nyaagoo on, ngaron ley suudu am, miin maccuɗo mooɗon, looton koyɗe mooɗon, mbaalon toon. Jaango subaka, kooƴon laawol mooɗon mbittoɗon.
Ɓe njaabii ɓe mbi'i:
— A'aa! Min mbaalan yaasin ɗo.
3Ammaa Luudu heddii ina sura ɓe faa ɓe njaɓi, ɓe naati ley suudu muuɗum. O jaɓɓii ɓe, o waɗani ɓe neema, o waɗani ɓe buuru mo jillaaka rabilla. Ɓe kiirtii.
4Fadde maɓɓe fukkaade, worɓe Sodoma fuu ngari, jokolɓe e nayeeɓe e sukaaɓe fuu, piilii suudu nduun. 5Ɓe noddi Luudu, ɓe mbi'i ɗum:
— Toy yimɓe warɓe to maa futuro oo ɓeen ngoni? Yaltin ɓe faa min pukkodoo e maɓɓe.
6Luudu yalti de ommbi dammbugal suudu muuɗum. 7O haaldi e maɓɓe, o wi'i:
— Sakiraaɓe am, miɗo ŋaaroo on, taa ngaɗee ko boni!
8Inan, miɗo woodi ɓiɓɓe rewɓe ɗiɗo ɓe anndaa worɓe. Accon mi yaltinana on ɓe, ngaɗon ɓe ko muuyɗon fuu. Ammaa yimɓe ɓe kaa, taa ngaɗon ɗum'en ko boni, sabo ley ɓaade am ɓe njippii.
9Ɓe mbi'i:
— Dillu toon! Ndelle, aan janano oo wo aan taƴanta min sariya ley wuro amin naa? Joonin min ngaɗete bone ɓurɗo mo min ngaɗata ɓe oon.
Ɓe ndunyiri o semmbe, ɓe ɓattii ommbirgal ngaal faa ɓe ɗoofa ngal. 10Ndeen weerɓe ɗiɗo ɓeen poorti juuɗe muɓɓen, nanngi Luudu, nanni ɗum to muɓɓen ley suudu toon, de ommbi dammbugal ngaal. 11Ɓe piiri yimɓe wonɓe e dammbugal ɓeen masiiba mbumndam. Ɓe fuu, ɓe mbumi, gilla pamaro faa mawɗo. Ɓe kunngii yiitude dammbugal ngaal.
12Weerɓe ɓeen kaaldi e Luudu katin, mbi'i ɗum:
— Yalla aɗa woodi jeydaaɓe woɓɓe ɗoo naa? Ɓe fuu, illa ɓiɓɓe maa worɓe e rewɓe yaade goriraaɓe ɓiɓɓe maaɗa rewɓe, e koreeji maa tawaaɓe ley wuro ngo fuu, yaltin ɗum'en, ndillon, 13sabo min kalkan nokku oo. Joomiraaɗo nanii ko ɓe peldaa ɗuum, de nuli min, min kalka wuro ngoon.
14Luudu yalti haaldi e haɓɓanɓe ɓiɓɓe muuɗum rewɓe ɓeen, wi'i ɗum'en:
— Ummee! Njalten, ndillen nokku oo, sabo Joomiraaɗo halkan wuro ngo.
Ammaa esiraaɓe makko ɓeen ndaardi haala kaan hono toolo.
15Nde ɓadinoo weetude ndeen, maleyka'en ɓeen ciini Luudu yalta. Ɓe mbi'i ɗum:
— Umma, hooƴu deeka e ɓiɓɓe maa rewɓe ɗiɗo ɓeen, taa kalkeɗaa saabe hakkeeji wuro ngo.
16Ammaa Luudu wonnoo na sikkitira. Ndeen maleyka'en ɓeen nanngi junngo muuɗum e junngo jom suudu muuɗum e juuɗe ɓiɓɓe muuɗum rewɓe ɗiɗo ɓeen, sabo Joomiraaɗo yurmake mo. Ɓe mburtini ɓe, ɓe ɗowi ɓe faa e caggal wuro ngoon. 17Nde ɓe njaltinannoo ɓe ndeen, gooto e maleyka'en ɓeen wi'i:
— Tinna doggu! Ndannaa yonki maa. Taa njeeƴoɗaa, taa ndaaraa nokku fuu hakkunde baamle ɗee. Doggu taa kalkaa!
18Luudu haaldi e makko, wi'i:
— Miɗo ŋaare joomam! 19Inan, miin maccuɗo maa, a waɗanii kam moƴƴere mawnde. A hollii kam yurmeende mawnde ko kisinɗaa kam ɗuum. Ammaa mi waawaa doggude faa mi hewta baamle ɗeen tawa masiiba o hewtaay kam, wara kam. 20Ndaar, inan wuro famaro ɗo, kanngo ɓuri ɓadanaade doggoowo, wo ngo famaro du, ndeen mi heɓan mi danna yonki am.
21Maleyka oon wi'i mo:
— Wooɗi, mi ndaardete hinney katin. Mi halkataa wuro ngo kaalataa haala muuɗum ngoon. 22Tinna ndoggaa cuuɗowoɗaa toon sabo mi waawaa waɗude huunde fuu fadde maa yottaade toon.
Ɗum waɗi de wuro ngoon inndiraa Sowar (ɗum na fiirta «pamarel»).
23Wakkati puɗal naange, Luudu naati huɓeere Sowar. 24Ndeen Joomiraaɗo tomni dow Sodoma e Gomoora yiite sitti ƴuwnge e kammu. 25Laamɗo halki kuɓeeje ɗeen e wuuruɓe e muɓɓen e ko fuɗi e leydi ndiin fuu. 26Ndeen dee Luudu yeeƴii ndaari caggal muuɗum, de laatii waande lamɗam.
27Ibrahiima dawi, yehi nokku ɗo darinoo yeeso Joomiraaɗo ɗoon. 28O ƴeewi faro Sodoma e Gomoora e laddeeji leydi ndiin. O yi'i, inan cuurki leydi ndiin ina ƴeeŋa dow hono cuurki duppirde.
29Nde Laamɗo halkannoo gure gonɗe ley naɗɗol ngool ndeen, miccitii Ibrahiima de danni Luudu. O itti ɗum e halkere ndeen. Nii o halkiri gure ɗo Luudu hoɗunoo ɗoon.
Haala Luudu e ɓiɓɓe muuɗum rewɓe
30Luudu wurtii wuro Sowar, de ƴeeŋi dow waamnde. Sabo si goonga, o hulii jooɗaade ley wuro ngoon. O jooɗowii ley loho waamnde ndeen, kanko e ɓiɓɓe makko rewɓe ɗiɗo ɓeen. 31Nyannde gom afo oon haaldi e minyum wi'i ɗum:
— Baabii'en naywii, wooɗi gorko du fuu walaa e nokku o faa wonda e meeɗen hono no woowri ley duuniyaaru noon. 32War! Njarnen baaba meeɗen njaram culoojam de pukkodoɗen e muuɗum faa keɓanen baabii'en ƴuwdi.
33Jemma oon ɓe njarni baabiiɓe njaram culoojam. Ɓiɗɗo debbo mawniiwo oon wari fukkodii e bammum mo maataay nde o fukkii, maataay nde o ummii.
34Jaango majjum, mawniiwo oon haaldi e minyum, wi'i ɗum:
— A yi'i, hankin mi fukkodake e baaba am. Njarnen mo jemma hannden du, de njahaa pukkodoɗaa e makko faa keɓanen baabii'en ƴuwdi.
35Jemma oon du, ɓe njarni baabiiɓe. Minyiiwo oon fukkodowii e makko. O maataay nde oon fukkii e nde ummii fu.
36Nii Luudu reediniri ɓiɓɓe muuɗum rewɓe ɗiɗo ɓeen. 37Mawniiwo debbo oon rimi ɓiɗɗo gorko, inndiri ɗum Mo'ab (ɗum na fiirta «ƴuwdi baaba»). Oon woni baaba Mo'abinkooɓe faa warde hannden. 38Minyiiwo oon du rimi ɓiɗɗo gorko, de inndiri ɗum Ben Ammi (ɗum na fiirta «Ɓii suudu baabam»). Oon woni baaba Amoninkooɓe faa warde hannden.
Currently Selected:
Fuɗɗoode 19: FBF
Highlight
Share
Copy
Want to have your highlights saved across all your devices? Sign up or sign in
© SIM International 2012, 2022
Fuɗɗoode 19
19
Haala kiite Sodoma e Gomoora
1Maleyka'en ɗiɗo ɓeen njottii Sodoma kiiral naange. Wakkati oon tawi Luudu ina jooɗii dammbugal huɓeere ndeen. Nde o yiinoo ɓe fu, o ummii, o jakkitii ɓe, o sujidani ɓe. 2O wi'i:
— Joomiraaɓe am, miɗo nyaagoo on, ngaron ley suudu am, miin maccuɗo mooɗon, looton koyɗe mooɗon, mbaalon toon. Jaango subaka, kooƴon laawol mooɗon mbittoɗon.
Ɓe njaabii ɓe mbi'i:
— A'aa! Min mbaalan yaasin ɗo.
3Ammaa Luudu heddii ina sura ɓe faa ɓe njaɓi, ɓe naati ley suudu muuɗum. O jaɓɓii ɓe, o waɗani ɓe neema, o waɗani ɓe buuru mo jillaaka rabilla. Ɓe kiirtii.
4Fadde maɓɓe fukkaade, worɓe Sodoma fuu ngari, jokolɓe e nayeeɓe e sukaaɓe fuu, piilii suudu nduun. 5Ɓe noddi Luudu, ɓe mbi'i ɗum:
— Toy yimɓe warɓe to maa futuro oo ɓeen ngoni? Yaltin ɓe faa min pukkodoo e maɓɓe.
6Luudu yalti de ommbi dammbugal suudu muuɗum. 7O haaldi e maɓɓe, o wi'i:
— Sakiraaɓe am, miɗo ŋaaroo on, taa ngaɗee ko boni!
8Inan, miɗo woodi ɓiɓɓe rewɓe ɗiɗo ɓe anndaa worɓe. Accon mi yaltinana on ɓe, ngaɗon ɓe ko muuyɗon fuu. Ammaa yimɓe ɓe kaa, taa ngaɗon ɗum'en ko boni, sabo ley ɓaade am ɓe njippii.
9Ɓe mbi'i:
— Dillu toon! Ndelle, aan janano oo wo aan taƴanta min sariya ley wuro amin naa? Joonin min ngaɗete bone ɓurɗo mo min ngaɗata ɓe oon.
Ɓe ndunyiri o semmbe, ɓe ɓattii ommbirgal ngaal faa ɓe ɗoofa ngal. 10Ndeen weerɓe ɗiɗo ɓeen poorti juuɗe muɓɓen, nanngi Luudu, nanni ɗum to muɓɓen ley suudu toon, de ommbi dammbugal ngaal. 11Ɓe piiri yimɓe wonɓe e dammbugal ɓeen masiiba mbumndam. Ɓe fuu, ɓe mbumi, gilla pamaro faa mawɗo. Ɓe kunngii yiitude dammbugal ngaal.
12Weerɓe ɓeen kaaldi e Luudu katin, mbi'i ɗum:
— Yalla aɗa woodi jeydaaɓe woɓɓe ɗoo naa? Ɓe fuu, illa ɓiɓɓe maa worɓe e rewɓe yaade goriraaɓe ɓiɓɓe maaɗa rewɓe, e koreeji maa tawaaɓe ley wuro ngo fuu, yaltin ɗum'en, ndillon, 13sabo min kalkan nokku oo. Joomiraaɗo nanii ko ɓe peldaa ɗuum, de nuli min, min kalka wuro ngoon.
14Luudu yalti haaldi e haɓɓanɓe ɓiɓɓe muuɗum rewɓe ɓeen, wi'i ɗum'en:
— Ummee! Njalten, ndillen nokku oo, sabo Joomiraaɗo halkan wuro ngo.
Ammaa esiraaɓe makko ɓeen ndaardi haala kaan hono toolo.
15Nde ɓadinoo weetude ndeen, maleyka'en ɓeen ciini Luudu yalta. Ɓe mbi'i ɗum:
— Umma, hooƴu deeka e ɓiɓɓe maa rewɓe ɗiɗo ɓeen, taa kalkeɗaa saabe hakkeeji wuro ngo.
16Ammaa Luudu wonnoo na sikkitira. Ndeen maleyka'en ɓeen nanngi junngo muuɗum e junngo jom suudu muuɗum e juuɗe ɓiɓɓe muuɗum rewɓe ɗiɗo ɓeen, sabo Joomiraaɗo yurmake mo. Ɓe mburtini ɓe, ɓe ɗowi ɓe faa e caggal wuro ngoon. 17Nde ɓe njaltinannoo ɓe ndeen, gooto e maleyka'en ɓeen wi'i:
— Tinna doggu! Ndannaa yonki maa. Taa njeeƴoɗaa, taa ndaaraa nokku fuu hakkunde baamle ɗee. Doggu taa kalkaa!
18Luudu haaldi e makko, wi'i:
— Miɗo ŋaare joomam! 19Inan, miin maccuɗo maa, a waɗanii kam moƴƴere mawnde. A hollii kam yurmeende mawnde ko kisinɗaa kam ɗuum. Ammaa mi waawaa doggude faa mi hewta baamle ɗeen tawa masiiba o hewtaay kam, wara kam. 20Ndaar, inan wuro famaro ɗo, kanngo ɓuri ɓadanaade doggoowo, wo ngo famaro du, ndeen mi heɓan mi danna yonki am.
21Maleyka oon wi'i mo:
— Wooɗi, mi ndaardete hinney katin. Mi halkataa wuro ngo kaalataa haala muuɗum ngoon. 22Tinna ndoggaa cuuɗowoɗaa toon sabo mi waawaa waɗude huunde fuu fadde maa yottaade toon.
Ɗum waɗi de wuro ngoon inndiraa Sowar (ɗum na fiirta «pamarel»).
23Wakkati puɗal naange, Luudu naati huɓeere Sowar. 24Ndeen Joomiraaɗo tomni dow Sodoma e Gomoora yiite sitti ƴuwnge e kammu. 25Laamɗo halki kuɓeeje ɗeen e wuuruɓe e muɓɓen e ko fuɗi e leydi ndiin fuu. 26Ndeen dee Luudu yeeƴii ndaari caggal muuɗum, de laatii waande lamɗam.
27Ibrahiima dawi, yehi nokku ɗo darinoo yeeso Joomiraaɗo ɗoon. 28O ƴeewi faro Sodoma e Gomoora e laddeeji leydi ndiin. O yi'i, inan cuurki leydi ndiin ina ƴeeŋa dow hono cuurki duppirde.
29Nde Laamɗo halkannoo gure gonɗe ley naɗɗol ngool ndeen, miccitii Ibrahiima de danni Luudu. O itti ɗum e halkere ndeen. Nii o halkiri gure ɗo Luudu hoɗunoo ɗoon.
Haala Luudu e ɓiɓɓe muuɗum rewɓe
30Luudu wurtii wuro Sowar, de ƴeeŋi dow waamnde. Sabo si goonga, o hulii jooɗaade ley wuro ngoon. O jooɗowii ley loho waamnde ndeen, kanko e ɓiɓɓe makko rewɓe ɗiɗo ɓeen. 31Nyannde gom afo oon haaldi e minyum wi'i ɗum:
— Baabii'en naywii, wooɗi gorko du fuu walaa e nokku o faa wonda e meeɗen hono no woowri ley duuniyaaru noon. 32War! Njarnen baaba meeɗen njaram culoojam de pukkodoɗen e muuɗum faa keɓanen baabii'en ƴuwdi.
33Jemma oon ɓe njarni baabiiɓe njaram culoojam. Ɓiɗɗo debbo mawniiwo oon wari fukkodii e bammum mo maataay nde o fukkii, maataay nde o ummii.
34Jaango majjum, mawniiwo oon haaldi e minyum, wi'i ɗum:
— A yi'i, hankin mi fukkodake e baaba am. Njarnen mo jemma hannden du, de njahaa pukkodoɗaa e makko faa keɓanen baabii'en ƴuwdi.
35Jemma oon du, ɓe njarni baabiiɓe. Minyiiwo oon fukkodowii e makko. O maataay nde oon fukkii e nde ummii fu.
36Nii Luudu reediniri ɓiɓɓe muuɗum rewɓe ɗiɗo ɓeen. 37Mawniiwo debbo oon rimi ɓiɗɗo gorko, inndiri ɗum Mo'ab (ɗum na fiirta «ƴuwdi baaba»). Oon woni baaba Mo'abinkooɓe faa warde hannden. 38Minyiiwo oon du rimi ɓiɗɗo gorko, de inndiri ɗum Ben Ammi (ɗum na fiirta «Ɓii suudu baabam»). Oon woni baaba Amoninkooɓe faa warde hannden.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© SIM International 2012, 2022