Fuɗɗoode 20
20
No Ibrahiima e Abimelek ngaddi
1Ibrahiima ƴuwi ɗoon, eggiri horɗoore leydi Kanaana. O hoɗi hakkunde Kaades e Sur. O eggi ɗoon, o hoɗowi Gerar. 2Ɗoon du Ibrahiima wi'i Saaratu deekum oon wo sakiike muuɗum debbo. Saabe ɗuum Abimelek kaananke Gerar wi'i Saaratu waddee to muuɗum, de waddaa. 3Ammaa Laamɗo ɓangani mo ley koyɗol jemma, haaldi e makko, wi'i:
— Inan a maayan, sabo debbo mo aduɗaa oon wo debbo gonɗo goriiwo.
4Tawi Abimelek meemaayno debbo oon tafon. O wi'i:
— Joomam, yalla a halkan lenyol ponnditiingol ngol waɗaay ko boni naa? 5Wanaa goriiko oon jaati wi'i kam wo o sakiike muuɗum debbo naa. Kanko debbo oon du, o wi'i kam oon wo sakiike makko gorko? Wo e ɓernde laaɓunde kooƴirmi mo, mi waɗaay ko boni.
6Laamɗo haaldi e makko ley koyɗol, wi'i mo:
— Goonga, miɗo anndi e laaɓal ngaɗirɗaa ɗum, katin du miin haɗi ma luttude kam, ɗum waɗi de mi accaay meemuɗaa mo. 7Joonin kaa, hokkitin gorko oon deekum, sabo o annabaajo. O du'ante heɓa mbuuraa. Ammaa si a hokkitaay mo fu, tennyoraa a maayan, aan e jeydaaɓe maa fuu.
8Abimelek dawi gilla hejjere, noddi yimɓe ɓaade muuɗum fuu, fillanii ɗum'en haalaaji ɗiin. Yimɓe ɓeen kuli sanne. 9Abimelek noddi Ibrahiima, haaldi e muuɗum, wi'i:
— Ɗume woni ko ngaɗuɗaa min ɗuum? Ɗume ngaɗumaami de ngaddanɗaa kam miin e leydi am hakke mawɗo o? A waɗii kam ko neɗɗo haanaa waɗeede. 10Abimelek wi'i Ibrahiima katin:
— Ɗume anniyiɗaa de ngaɗuɗaa min hono nii?
11Ibrahiima jaabii, wi'i:
— Mi miilake yimɓe nokkuure nde kulataa Laamɗo fay seeɗa, mi miilake du ɓe mbaran kam saabe deekam oon. 12Ammaa si goonga, wo o sakiike am debbo du. Min kawtu baaba, ammaa min kawtaa inna. Wo noon waɗi keɓumi ɓaŋude o. 13Nde Laamɗo yamirnoo kam mi dilla suudu baabam ndeen, mbiimi jom suudu am oon, nokku fuu ɗo min njottii o waɗana kam moƴƴere, o wi'a wo mi sakiike makko gorko.
14Abimelek hooƴi be'i e baali e ga'i e maccuɓe e horɓe, hokki Ibrahiima. O hokkiti ɗum Saaratu jom suudu muuɗum oon du. 15Abimelek wi'i:
— Inan leydi am yeeso maa. Njooɗoɗaa ɗo muuyɗaa fuu.
16O wi'i Saaratu:
— Ndaar! Mi hokkan sakiike maa gorko oon buuɗi cardi ujunere (1.000) faa ɗum holla wo a laaɓuɗo yeeso wondiiɓe maa ley ko waɗi ɗuum fuu.
17Ibrahiima nyaagii Laamɗo, de Laamɗo danni Abimelek e deekum e horɓe mum, de ɓe keɓi ɓeyngu. 18Sabo Joomiraaɗo faddakeno ɓeyngu ley suudu Abimelek fuu. O waɗiino ɓe ɓe fuu rimarɓe saabe ko Abimelek adi Saaratu, jom suudu Ibrahiima ɗuum.
Currently Selected:
Fuɗɗoode 20: FBF
Highlight
Share
Copy
Want to have your highlights saved across all your devices? Sign up or sign in
© SIM International 2012, 2022
Fuɗɗoode 20
20
No Ibrahiima e Abimelek ngaddi
1Ibrahiima ƴuwi ɗoon, eggiri horɗoore leydi Kanaana. O hoɗi hakkunde Kaades e Sur. O eggi ɗoon, o hoɗowi Gerar. 2Ɗoon du Ibrahiima wi'i Saaratu deekum oon wo sakiike muuɗum debbo. Saabe ɗuum Abimelek kaananke Gerar wi'i Saaratu waddee to muuɗum, de waddaa. 3Ammaa Laamɗo ɓangani mo ley koyɗol jemma, haaldi e makko, wi'i:
— Inan a maayan, sabo debbo mo aduɗaa oon wo debbo gonɗo goriiwo.
4Tawi Abimelek meemaayno debbo oon tafon. O wi'i:
— Joomam, yalla a halkan lenyol ponnditiingol ngol waɗaay ko boni naa? 5Wanaa goriiko oon jaati wi'i kam wo o sakiike muuɗum debbo naa. Kanko debbo oon du, o wi'i kam oon wo sakiike makko gorko? Wo e ɓernde laaɓunde kooƴirmi mo, mi waɗaay ko boni.
6Laamɗo haaldi e makko ley koyɗol, wi'i mo:
— Goonga, miɗo anndi e laaɓal ngaɗirɗaa ɗum, katin du miin haɗi ma luttude kam, ɗum waɗi de mi accaay meemuɗaa mo. 7Joonin kaa, hokkitin gorko oon deekum, sabo o annabaajo. O du'ante heɓa mbuuraa. Ammaa si a hokkitaay mo fu, tennyoraa a maayan, aan e jeydaaɓe maa fuu.
8Abimelek dawi gilla hejjere, noddi yimɓe ɓaade muuɗum fuu, fillanii ɗum'en haalaaji ɗiin. Yimɓe ɓeen kuli sanne. 9Abimelek noddi Ibrahiima, haaldi e muuɗum, wi'i:
— Ɗume woni ko ngaɗuɗaa min ɗuum? Ɗume ngaɗumaami de ngaddanɗaa kam miin e leydi am hakke mawɗo o? A waɗii kam ko neɗɗo haanaa waɗeede. 10Abimelek wi'i Ibrahiima katin:
— Ɗume anniyiɗaa de ngaɗuɗaa min hono nii?
11Ibrahiima jaabii, wi'i:
— Mi miilake yimɓe nokkuure nde kulataa Laamɗo fay seeɗa, mi miilake du ɓe mbaran kam saabe deekam oon. 12Ammaa si goonga, wo o sakiike am debbo du. Min kawtu baaba, ammaa min kawtaa inna. Wo noon waɗi keɓumi ɓaŋude o. 13Nde Laamɗo yamirnoo kam mi dilla suudu baabam ndeen, mbiimi jom suudu am oon, nokku fuu ɗo min njottii o waɗana kam moƴƴere, o wi'a wo mi sakiike makko gorko.
14Abimelek hooƴi be'i e baali e ga'i e maccuɓe e horɓe, hokki Ibrahiima. O hokkiti ɗum Saaratu jom suudu muuɗum oon du. 15Abimelek wi'i:
— Inan leydi am yeeso maa. Njooɗoɗaa ɗo muuyɗaa fuu.
16O wi'i Saaratu:
— Ndaar! Mi hokkan sakiike maa gorko oon buuɗi cardi ujunere (1.000) faa ɗum holla wo a laaɓuɗo yeeso wondiiɓe maa ley ko waɗi ɗuum fuu.
17Ibrahiima nyaagii Laamɗo, de Laamɗo danni Abimelek e deekum e horɓe mum, de ɓe keɓi ɓeyngu. 18Sabo Joomiraaɗo faddakeno ɓeyngu ley suudu Abimelek fuu. O waɗiino ɓe ɓe fuu rimarɓe saabe ko Abimelek adi Saaratu, jom suudu Ibrahiima ɗuum.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© SIM International 2012, 2022