Fuɗɗoode 7
7
No Nuuhu naatiri laana mawka kaan
1Joomiraaɗo wi'i Nuuhu:
— Naatu ley laana kaan, aan e koreeji maa fuu, sabo aan tan nji'umi wo ponnditiiɗo ley jamaanu oo. 2Kooƴaa daabaaji dagiiɗi ɗiin fuu jeɗɗi jeɗɗi, gorel e dewel de ɗi ngonda e maaɗa. Daabaaji ɗi ndagaaki ɗiin du ɗiɗi ɗiɗi, gorel e dewel. 3Pooli piirooji du jeɗɗi jeɗɗi, gorel e dewel, faa sii majji heddoo ley adunaaru. 4Sabo caggal balɗe jeɗɗi mi waɗan ƴuwoonde toɓira dow adunaaru balɗe 40 jemma e nyalooma. Noon piɗɗirammi ko tagumi ɗuum fuu dow mbeɗu leydi. 5Nuuhu waɗi ko Joomiraaɗo yamiri ɗum ɗuum fuu.
6Duuɓi 600 Nuuhu wondi wakkati ilam tuufaanu jippotonoo dow adunaaru ndeen. 7Nuuhu e jom suudu muuɗum e ɓiɓɓe muuɗum worɓe e deekiraaɓe muɓɓen naati laana kaan faa kisa ilam tuufaanu. 8Daabaaji dagiiɗi e ɗi ndagaaki e pooli e kulle ladooje 9fuu naaddi e Nuuhu ley laana kaan. Ɗi naatiri ɗiɗi ɗiɗi, gorel e dewel, fodde no Laamɗo yamiri Nuuhu noon.
10Caggal balɗe jeɗɗi ɗeen, ilam tuufaanu fuɗɗi na yoola adunaaru. 11Ley hitaande ndeen duuɓi Nuuhu wo 600. Nyannde sappo e jeɗɗi lewru ɗiɗaɓurdu, ilduɗe mawɗe cukkitorii semmbe, julanɗe kammu du omtii dow leydi. 12Ƴuwoonde toɓiri balɗe 40, jemma e nyalooma. 13Wo nyannde ndeen Nuuhu naati ley laana kaan, kam e jom suudu muuɗum e ɓiɓɓe muuɗum Saam e Haam e Yaafet e rewɓe muɓɓen tato. 14Kamɓe e kulle ladde fuu, ngel fuu e sii muuɗum e daabaaji wuro, ngel fuu e sii muuɗum e ko ladata, ngel fuu e sii muuɗum e pooli, ngel fuu e sii muuɗum, fuu ɓe naati ley laana kaan. 15Ko foofata fuu, ɗiɗi ɗiɗi muɓɓen naandi e Nuuhu ley laana kaan. 16Ɗi naatiri gorel e dewel no Laamɗo yamiri Nuuhu noon. Ndeen Joomiraaɗo ommbi dammbugal laana kaan gaɗa makko.
17Ilam tuufaanu waɗiri balɗe 40 dow adunaaru. Ndiyam ɗaam wari heewi faa ɓanti laana kaan e leydi. 18Diyeele ɗeen mawni, ɗe uddi leydi, laana kaan na huywa dow majje. 19Iɗe ɓeydoroo semmbe dow leydi faa ɗe ngari ɗe njooli baamle toowɗe fuu. 20Diyeele ɗeen njooliri baamle ɗeen tooweefi piyanɗe 15. 21Ko tagaa, ko waawi sottitinde dow leydi fuu halki: pooli e daabaaji wuro e kulle ladde e ko ladata e tagaaɓe fuu.
22Ko foofata ko woodi yonki ley adunaaru fuu halki. 23Joomiraaɗo halki ko wuuri ley adunaaru fuu, ɗum woni yimɓe e daabaaji e ko ladata e pooli fuu. Nuuhu e ɓe wondi ley laana ɓeen tan ndaɗi.
24Diyeele ɗeen keddii ina cuddi leydi faa waɗi balɗe 150.
Currently Selected:
Fuɗɗoode 7: FBF
Highlight
Share
Copy
Want to have your highlights saved across all your devices? Sign up or sign in
© SIM International 2012, 2022
