Jenesesi 23
23
Kwa wa mwadi Abarahamu
1Sara amanle yaka 127. 2Mwa enne ohokwa sidadi ya Kiriyati-Araba, yenno inaitaniwa Eboroni, mwilamboni mwa Kana. Agakwile, mamunaye Abarahamu ohodowa mmba amukumbanyaga eto amunlelaga muhiyanaye ule. 3Noira eno, Abarahamu ohiyaga maningo a muhiyanaye mmba emule, liye dowa wonga na akuda Eti eraga: 4<<Miyo nnakala muwari mwa nyo mbwenye dili mutu oza ilambo yenna eto dili mwanowenda. Nnauvepani ira mudigulihede teya ira diwande mukoyavo muhiyanaga.>> 5Evale aEti ale kohomuwakulaga Abarahamu keraga: 6<<Mbwiyeni munivuruwane inafuna hiyo wonga. Hiyo nnouonani ira nyo muli musogolrelri osakulriwa na Mulugu vari vehu. Hiyo nnourumelihani ira mudowe mwasakulre masiye orihediwa pama anafwanyeya muwari mwa hiyo, mudowe mwamukoye muhiyaninyu masiye anno. Eto muwari mwa hiyo kalivo unafuna ukondihani masiye aye ira mwahamukoye muhiyaninyu.>>
7Evale mulombwana Abarahamu ohovenyaga, liye akokorela aEti anno kali annya a ilambwele. 8-9Liye awandela eraga: <<Akala na ibaribari nyo muhudifunana ira dimukoye muhiyanaga ilambo yenna, nnouvepani ira munvepe Eforoni mwana Zowari ira adigulihede nifukwe naye nnafwanyeya ilambo ya Makepela, mmagomelo mwa mundaye. Miyo nnompagalri liye kobiri yatene vamentoni venyu. Era eno anokala masiye aga ira miyo daakoyegemo abalaga.>>#23:8-9 anokala masiye aga ira miyo daakoyegemo abalaga: Mulombwana Abarahamu kafunne gumanihiwa na akuda Kana. Tchoira liye ohoiziwa ira Mulugu apanganne ira aavahe ahimaye a musogolro ilambo ya Kana. Nona liye kafunne mukoya muhiyanaye vamohi na akuda Kana.
10Mwa ora yenno Eforoni amuwonga Abarahamu aligi vevale vamohi na aEti afwaye vevo vagaratilege atu, va mulango ovolowela wa sidadile. Evale liye ohomuwakulaga Abarahamu vamentoni va aEti atene kafwanyeya evale kavwaga, liye wonga eraga: 11<<Nari mbwiyeni ira dugulihedeni, kinakala. Kadivuruwaneni, nnouvahani mundole vamohi na nifukwe nnafwanyeya wewule vasayi bahi. Miyo nnouvahani vamentoni va atwaga atene kagali veva. Dowani mwamukoyemo mutwinyu wenno ukwile.>>
12Evale Abarahamu agavwile mazu a Eforoni, ohakokorelaga aEti atene, anno kafwanyeya kagali annya a ilambwele, 13liye muwongana mulombwana Eforoni atu atene kavwaga, ira: <<Pepani kadivuruwane! Nnouvepa ira udirumelihe gula mundole. Uwonge peresu ira miyo digule, damukoyemo mutwaga ukwile.>> 14Mbwenye Eforoni ohowonga na Abarahamu ira: 15<<Kadivuruwaneni mbwiyeni. Mundole gwa kobiri da parata 400. Kodi va hiyo atu ambinli nagulihedana kobiri edo niirilevo nni? So inafwanela mudowe mwankoye muhiyaninyu wewule.>> 16Evale mulombwana Abarahamu ohorumela gula mundole, liye pima kobiri yenno yawongile mulombwana Eforoni vamentoni va aEti atene, kobiri da parata 400, molingana na mpimo kalabana aliba malronda a tempu yenne.
Abarahamu ohomukoya muhiyanaye Sara
17-18Noira enne, Abarahamu ohovahediwa munda wenno ali wa mulombwana Eforoni afwanyeya ilambo ya Makepela makumelo wa nzuwa wa Mamere vamohi na nifukwe na mitengo datene dali mmindani mule na nimburo natene nene, liye tikeliwa vamentoni va aEti atene kafwanyeyaga evale kaing'anaga, nimburo neno nagumanne atu va mulango ovolowela wa sidadile.
19Jagaireyile enne, mulombwana Abarahamu ohodowa mukoya muhiyanaye Sara nifukweni nafwanyeya mmundani mule, wandamelana Makepela, makumelo wa nzuwa wa Mamere, pandi ya Eboroni, mwilamboni mwa Kana. 20AEti atene kohomutikela mulombwana Abarahamu mundole vamohi na nifukwe nafwanyeya wandamelana mundole ira Abarahamu aakoyegemo atwaye.#23:20 AEti atene kohomutikela mulombwana Abarahamu mundole vamohi na nifukwe: Ora yenno mulombwana Abarahamu Mulugu kanvahile ilambo nne vang'ono. Ilambo ya vang'ono yanna liye yoakoyamo atwaye, ere gula. So liye ohokana yodediheda ira: <<Voira Mulugu kahi mutu onama, vasogolro ahimaga a musogolro anoza kavahiwe ilambwela.>>
Currently Selected:
Jenesesi 23: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Jenesesi 23
23
Kwa wa mwadi Abarahamu
1Sara amanle yaka 127. 2Mwa enne ohokwa sidadi ya Kiriyati-Araba, yenno inaitaniwa Eboroni, mwilamboni mwa Kana. Agakwile, mamunaye Abarahamu ohodowa mmba amukumbanyaga eto amunlelaga muhiyanaye ule. 3Noira eno, Abarahamu ohiyaga maningo a muhiyanaye mmba emule, liye dowa wonga na akuda Eti eraga: 4<<Miyo nnakala muwari mwa nyo mbwenye dili mutu oza ilambo yenna eto dili mwanowenda. Nnauvepani ira mudigulihede teya ira diwande mukoyavo muhiyanaga.>> 5Evale aEti ale kohomuwakulaga Abarahamu keraga: 6<<Mbwiyeni munivuruwane inafuna hiyo wonga. Hiyo nnouonani ira nyo muli musogolrelri osakulriwa na Mulugu vari vehu. Hiyo nnourumelihani ira mudowe mwasakulre masiye orihediwa pama anafwanyeya muwari mwa hiyo, mudowe mwamukoye muhiyaninyu masiye anno. Eto muwari mwa hiyo kalivo unafuna ukondihani masiye aye ira mwahamukoye muhiyaninyu.>>
7Evale mulombwana Abarahamu ohovenyaga, liye akokorela aEti anno kali annya a ilambwele. 8-9Liye awandela eraga: <<Akala na ibaribari nyo muhudifunana ira dimukoye muhiyanaga ilambo yenna, nnouvepani ira munvepe Eforoni mwana Zowari ira adigulihede nifukwe naye nnafwanyeya ilambo ya Makepela, mmagomelo mwa mundaye. Miyo nnompagalri liye kobiri yatene vamentoni venyu. Era eno anokala masiye aga ira miyo daakoyegemo abalaga.>>#23:8-9 anokala masiye aga ira miyo daakoyegemo abalaga: Mulombwana Abarahamu kafunne gumanihiwa na akuda Kana. Tchoira liye ohoiziwa ira Mulugu apanganne ira aavahe ahimaye a musogolro ilambo ya Kana. Nona liye kafunne mukoya muhiyanaye vamohi na akuda Kana.
10Mwa ora yenno Eforoni amuwonga Abarahamu aligi vevale vamohi na aEti afwaye vevo vagaratilege atu, va mulango ovolowela wa sidadile. Evale liye ohomuwakulaga Abarahamu vamentoni va aEti atene kafwanyeya evale kavwaga, liye wonga eraga: 11<<Nari mbwiyeni ira dugulihedeni, kinakala. Kadivuruwaneni, nnouvahani mundole vamohi na nifukwe nnafwanyeya wewule vasayi bahi. Miyo nnouvahani vamentoni va atwaga atene kagali veva. Dowani mwamukoyemo mutwinyu wenno ukwile.>>
12Evale Abarahamu agavwile mazu a Eforoni, ohakokorelaga aEti atene, anno kafwanyeya kagali annya a ilambwele, 13liye muwongana mulombwana Eforoni atu atene kavwaga, ira: <<Pepani kadivuruwane! Nnouvepa ira udirumelihe gula mundole. Uwonge peresu ira miyo digule, damukoyemo mutwaga ukwile.>> 14Mbwenye Eforoni ohowonga na Abarahamu ira: 15<<Kadivuruwaneni mbwiyeni. Mundole gwa kobiri da parata 400. Kodi va hiyo atu ambinli nagulihedana kobiri edo niirilevo nni? So inafwanela mudowe mwankoye muhiyaninyu wewule.>> 16Evale mulombwana Abarahamu ohorumela gula mundole, liye pima kobiri yenno yawongile mulombwana Eforoni vamentoni va aEti atene, kobiri da parata 400, molingana na mpimo kalabana aliba malronda a tempu yenne.
Abarahamu ohomukoya muhiyanaye Sara
17-18Noira enne, Abarahamu ohovahediwa munda wenno ali wa mulombwana Eforoni afwanyeya ilambo ya Makepela makumelo wa nzuwa wa Mamere vamohi na nifukwe na mitengo datene dali mmindani mule na nimburo natene nene, liye tikeliwa vamentoni va aEti atene kafwanyeyaga evale kaing'anaga, nimburo neno nagumanne atu va mulango ovolowela wa sidadile.
19Jagaireyile enne, mulombwana Abarahamu ohodowa mukoya muhiyanaye Sara nifukweni nafwanyeya mmundani mule, wandamelana Makepela, makumelo wa nzuwa wa Mamere, pandi ya Eboroni, mwilamboni mwa Kana. 20AEti atene kohomutikela mulombwana Abarahamu mundole vamohi na nifukwe nafwanyeya wandamelana mundole ira Abarahamu aakoyegemo atwaye.#23:20 AEti atene kohomutikela mulombwana Abarahamu mundole vamohi na nifukwe: Ora yenno mulombwana Abarahamu Mulugu kanvahile ilambo nne vang'ono. Ilambo ya vang'ono yanna liye yoakoyamo atwaye, ere gula. So liye ohokana yodediheda ira: <<Voira Mulugu kahi mutu onama, vasogolro ahimaga a musogolro anoza kavahiwe ilambwela.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral