Jenesesi 24
24
Abarahamu ohomulumbeliha namalabaye ira adowe amusakele Izaki muhiyana
1Abarahamu ohomala ulula eto ohokana yaka dohokala da masika. Eto Yehova ohomureliha mwa jatene jene. 2Mwa enne siku nimohi Abarahamu ohowonga na namalabaye wenno aromileve mulaba wanle, wenno asogolrelretcha jengo jaye jatene, liye ira: <<Kahela ndanda nawo vati va tambala yaga 3ira miyo dulumbelihe mwa nzina na Yehova, Mulugu wa zulu eto Mulugu wa ilambo ya vati ira weyo kuza umuteliha mwanaga na muhiyana wa mwilamboni munakala miyo muno mwa Kana. 4Mbwenye miyo nnafuna ira udowe ilambo ya wanihu, wamusake wewo muhiyana wa muibalini mwaga ira mwanaga Izaki amutele.>>
5Evale namalabole agavwile enne, ohonfukaga mbwiyaye Abarahamu, liye ira: <<Nnga miyo dadowa damusaka muhiyana ilambo ya waninyu eto muhiyaniwa akonda lrandiwa, ahafune dihara, dire avi? Dimutukule mwaninyu Izaki dimudowegena wewo ira akalege ilambo yenno ikumenle nyo ile?>> 6Evale Abarahamu ohomuwakulaga eraga: <<Ii, nari. Weyo kumuwelihede mwanaga wewule. 7Mwasiwa Yehova, Mulugu wa zulu, wenno udikumihile vande va ababaga, na ilambo ya abalaga, wenno uwandile diwandela eto alumbela ira: <Miyo nnonvaha mwana unafuna we mbala ilambo yenna>, unomuruma mungelro waye ira akale vasogolro vawo ira weyo uwande fiya ilambo ya abalaga wamutukule muhiyana wewo ira mwanaga amutele. 8Eto weyo wadowa, wamusaka muhiyana wewule, muhiyana unafuna we nfwanya ahafune uhara mwilamboni muno, weyo mbwenye kunna mulandu zela yolumbela yaga peno va. So mbwenye kumuwelihede mwanaga ilambo ikumile miyo.>>
9Mwa enne namalabole agavwile mazu anne, otukulaga ndanda naye, liye hela vati va tambala ya mbwiyaye Abarahamu, liye lumbela ira: <<Miyo nnoirana jatene jidirumile nyo.>> 10Evale namalabole ohotukulaga akamelo kumi a mbwiyaye Abarahamu eto ohotukulaga jovaha johiyana hiyana japama jejo janvahile Abarahamu, liye maruwa, dowaga sidadi yakala mulombwana Nahori#24:10 Nahori ali Abarahamu mbalaye. muwari mwa ilambo ya Mezopotamiya.
Lobela wa namalaba wa Abarahamu
11Tempu yafiyaga namalabole wewule yaligi ora ya tchiguwo, ora yenno ahiyana atene anadowa atu iko karungaga mahindje. Evale liye ohakokoriha akamelo aye wandamelana vaisimeni, unde wa sidadile. 12Agali evale ohoromaga lobela eraga: <<So Yehova nyo Mulugu wa mbwiyaga Abarahamu, nnouvepani ira mudikamihede jatene jidiwendele pama peno. Muwande muirela upama mbwiyaga Abarahamu. 13Miyo nnafwanyeya wandamelana vaisimeni vano. Eto anavihiyana a musidadi mu anoza rungaga mahindje veva. 14Nnouvepani musakanye ira namwali wenno nnanvepe miyo ira: <Nnauvepa urule muno wawo ira udivahe mahindje, ding'we!>, liye adirumela awonga ira: <Kang'wani! Eto mwamala ng'wa, nnorunga mahindje amohiwa daavahe akamelo enyu, kang'we!>, namwaliwa akale wenno mmusakunlre nyo ira namalaba wenyu Izaki amutele. Mwairana eno miyo nnowanda iziwa ira muhuwanda muoniha upama mbwiyaga Abarahamu.>>
15Mwa enne namalabole ahanamarihe wonga mazu anne, tchi tempu yazaga namwali mmohi aitaniwa Rebeka, agakapatchile munwaye.#24:15 agakapatchile munwaye: Tempu yenno atu mino diwa kaheletcha vafudi. Rebeka ule ali mwana Betuweli. Betuweli mmaye ali Milika mwadi Nahori. Nahori eto ali Abarahamu mbalaye. 16Namwali ule ali muhiyana oriyetchetcha eto ali ahanamugonena mulombwana. Agazile, ohodowa liye titela isimeni ule, liye rungela munwaye, nomala eno liye roma gwela. 17Mwa enne namalabole ohotamangaga, liye dowa muwongana eraga: <<Nnavepa ira ding'we mahindje a vang'ono a mmunoni mwawo!>> 18Evale liye ohowakulaga eraga: <<Mbwiyeni mahindje banna kang'wani!>> Eto mohodibeliwa ohorulaga munole, liye hela mmandani mwaye, liye nvaha namalabole mahindje ira ang'we. 19Evale namalabole agamanle ng'wa, namwali ule ohowonga eraga: <<Miyo nnodowa darunge mahindje amohiwa ira daang'wihe akamelo enyu fiyeda atene kamale ng'wa!>> 20Noira eno, mobaranya ohotukulaga mahindje kahanle mmunoni mule, liye kutulela mwemo mwang'wela anavinyama, liye tamangaga dowa rungaga mahindje amohiwa za ang'wihaga akamelo atene a namalabole. 21Mwa enne namalabole omuing'anaga Rebeka pama, agalive omiyalene ira aiziwe akala Yehova ohorumelaga yovepa yaye, owu akala karumenle.
22Mwa enne akamelo ale kagamanle ng'wa, namalabole ohokumihaga ipini ya vapunoni yagali ya oru yonyemela garama tanu na imohi, liye muwariha namwali Rebeka vapunoni vaye. Eto ohokumihaga mapurusera menli onyemela garama 120, liye nvaha. 23Noira enne, namalabole ohonfukaga Rebeka eraga: <<Kodi babawo bani? Nnga vande vihikala nimburo noira miyo didowe dahaye vamohi na anavinyama atene dinna miyo?>> 24Liye ohowakulaga eraga: <<Miyo Babaga gu Betuweli. Babaga mmaye gu Milika eto babaye gu Nahori.>> 25Evale Rebeka ohowongagave eraga: <<Wanihu kohokalawo malatchi na jodja jidjindji jene ja anavinyama. Eto ukala nimburo nokwakwana ira nyo muhaye.>>
26Mwa enne namalabole agavwile enne ohooramiheda kove yaye vati, liye roma mutamalela Yehova, eraga: 27<<Otitimihiwa akale Yehova, Mulugu wa mbwiyaga Abarahamu mwasiwa liye kahiyile muoniha mbwiyaga upama waye na ibaribari yaye. Eto na miyene Yehova udisogolrelra peno ante liye za difiyiha vande va abali a mbwiyaga Abarahamu.>> 28Evale namwali ule Rebeka ohomuhiyaga namalabole wewule, liye tamanga dowa vande va mmaye, awandelamo jatene ejile.
Namalaba wa Abarahamu ohodowa vande va Rebeka
29-30Rebeka ohomukana murongoliye mmohi eni aitaniwa Labawu. Evale Labawu agamanle vwa jatene jaireyile eto agaonne ipini yafwanyeya vapunoni va Rebeka vamohi na mapurusera kafwanyeya mmiwononi mwaye, vamohi na mazu awongile Rebeka zela jejo jawongile namalabole, Labawu ohodowaga isimeni ule motamanga ira agumane na liye. Agadowile, anfwanyilege namalabole agaimenle wandamelana vaisimeni vale na akamelo aye. 31Evale liye ohomuwongagana eraga: <<Ndoweni vande nyo mulombwana orelihiwa na Yehova, kodi mwasiwa gwa nni nyo kala veva? Mwasiwa miyo dihimala sakanyeda nimburo nnafuna nyo fiyedamo na nimburo na akamelo enyu.>>
32Noira enne, koholandana vevale, aliwa dowa vande. Kagafiyile vande vale, kohatapulaga akamelo ale, aliwa dowela jodja ja akamelo ale na malatchiwa ogonela. Eto kohokumihaga mahindje, aliwa nvaha namalabole vamohi na afwaye kaza vamohi na liye ira kahuwe manyalo. 33Nomala eno, kohokumihaga jodja aliwa avaha ira kadje. Mbwenye kagazilena jodja jile, namalabole ohokondaga eraga: <<Ii, nari. Miyo kannabaranyeda dja, muselu dazana miyo dahanawonge.>> Evale mulombwana Labawu ohomuwakulaga eraga: <<Tabo. Kawongani!>> 34Evale liye ohoromaga folramo awongaga eraga: <<Miyo dili namalaba wa Abarahamu. 35Yehova uhumureliha valukulu mbwiyaga Abarahamu liye fiyeda kala mutu orayela. Yehova uhunvaha mabila na ng'ombe, parata na oru, anamalaba a alombwana na anamalaba a ahiyana, akamelo na aburu. 36Eto mbwiyaga muhiyanaye Sara masiki agamanle ulula, uhuwanda mbalela mbwiyaga mwana. Eto mwanole agabaliwile, mbwiyaga uhumutikela jorayela jaye jatene. 37Mbwenye ulrendo waga ula ira miyo dize uno, mbwiyaga Abarahamu gudilumbelihile kwi: <Kumutelihe mwanaga na ahiyana a Kana wewuno nnakala miyo uno. 38Mbwenye udowe vande va babaga, wamusakulre muhiyana mmohi wa muibalini mwaga, umutukule ira mwanaga amutele.> 39Evale miyo dagavwile eno dohonfuka mbwiyaga, miyo ira: <Nnga muhiyana nnanfwanye miyo ahafune dihara uno, dire avi?> 40Liye ohodiwakula, liye ira: <Yehova wenno nnamuhara miyo, unomuruma mungelro waye ausogolrelre weyo ira ulrendo wawo uwende pama ira uwande fiya vande va ababaga, wamutukule muhiyana mmohi wa muibalini mwaga umuzena, mwanaga amutele. 41Wairana eno mbwenye uhukutcha zela ulumbeliha waga. Nari weyo wadowa wa abalaga, aliwa kahafune uvaha muhiyana ira umuzena, weyo kunakanavo mulandu zela ulumbeliha waga.> >>
42Namalabole ohowongagave eraga: <<Mwa enne pavenyile miyo, zaga eni. Peno dagafiyile vaisimeni vale, dohonvepa Mulugu miyo ira: <Yehova, Mulugu wa mbwiyaga Abarahamu, akala nyo munofuna jodipatiha yenno izele miyo, nnouvepani eni. 43Miyo dili vaisimeni va. Nnauvepani ira namwali mmohi unaze ira adowe arunge mahindje, wenno nnamuwongena miyo ira: <<Nnavepa mahindje anafwanyeya mmunoni mwawo mo, ding'we>>, 44adiwakula aira: <<Ng'wani, amala daavahe mahindje na akamelo enyu anna ira kang'we!>>, akale muhiyana wenno mmusakunlre nyo Yehova ira mwana wa mbwiyaga amutele.> 45Mwa enne miyo dahanamarihe mazu dawonga miyo mmirimani mmirimani na Yehova, tchi tempu yafiyaga namwali Rebeka agakapatchile munwaye. Liye titela isimeni ule, dowa runga mahindje. Evale adowaga miyo dohomuwongana ira: <Nnouvepa ira udivahe mahindje ding'we.>
46<<Mbwenye dagamuwongilena enne, mobaranya liye ohorula munwaye, liye kwi: <Nyo podi ng'wa. Miyo eto nnafuna daavahe akamelo enyu mahindje ira kang'we.> Evale miyo dohong'wa. Eto liye ohodowa runga mahindje mamohiwa, liye ng'wiha akamelo aga. 47Nomala eno, miyo nfuka ira: <Babawo bani?> Liye ohowakula, liye ira: <Babaga gu Betuweli mwana Milika na Nahori.> Agawongile eno, miyo tukula ipini, muwariha vapunoni vaye eto miyo tukula mapurusera, muwariha mmiwononi mwaye.#24:47 mmiwononi mwaye: Ku wonga miwono daminli dene. 48Nomala dohooramiha kove yaga, miyo mutamalela Yehova, Mulugu wa Abarahamu, dimutitimihaga na mwasa odisogolrelra ndila yafuna miyo hara ante miyo haholowa, fiyeda mwilamboni mwa abali a mbwiyaga Abarahamu eto liye disogolrelra ante miyo fiyedaga nfwanya mbwiyaga Abarahamu mbalaye mwanaye ira adowe ateliwe na mbwiyaga mwanaye. 49So va mbwenye dafuna mudiwandele akala munofuna muoniha mbwiyaga zivela no roromeleya ira munodirumeliha dimutukule namwali Rebeka adowe ateliwe na mwana mbwiyaga Abarahamu, owu hehi akala kajinawandeya, mudiwandele ira diharege ndila dimohi diwa.>>
50Evale Labawu na babaye Betuweli kohowakulaga keraga: <<Hiyo kaninna inafuna hiyo wonga nne upama nne ubure tchoira jatene jejo Yehova gufunile ira jiireye! 51Rebeka eto gwenna unafwanyeya vamentoni venyu veva. Mmutukule mmudowegena ira mbwiyinyu mwanaye amutele nnga mwemo muwongele Yehova!>>#24:51 nnga mwemo muwongele Yehova: Voira Yehova ohovwa yolobela ya namalaba wa Abarahamu, Labawu na babaye Betuweli kaonne ira ali funa wa Mulugu ira Rebeka ateliwe na Izaki. 52Evale namalaba wa Abarahamu ule agavwile mazu anne ohooramihaga kove afiyihaga vati, momutamalela Yehova. 53Noira enne, namalabole ohotukulaga jengo ja parata na ja oru na jowara, liye nvaha Rebeka. Eto ohokumihaga jengo ja peresu yokwima liye nvaha mmaye Rebeka ule na murongoliye Labawu ule.
54Jagamanle ireya enne, namalabole vamohi na afwaye atene annaga liye kohoromaga dja vamohi no ng'wa eto siku nenne kohogonaga evale. Unde wagatchile, kohovenyaga na mabebehi, namalabole liye lanya eraga: <<Miyo nnafuna mudigunye ira diwelele wa mbwiyaga Abarahamu.>> 55Mbwenye Rebeka murongoliye na mmayiwa kohoiraga: <<So mbwenye hiyo nnavepa ira mubabihe kala wewuno malambo a vang'onove, malambo kumi bahi ira namwalila akale na hiyo vang'onove. Era eno mugundeye mudowege pama.>> 56Evale liye ohawakula eraga: <<Kamudidibelihe uno. Tchoira Yehova ohosakanya ira ulrendo waga uwende pama. Dera mudihiye ira diwelele wa mbwiyaga Abarahamu.>>
57Noira enne, aliwa kohomuwakula ira: <<Dedihani nibabihe muitana mwinnya, ninfuke, nivwe inafuna liye wonga.>> 58Mwa enne kohomuitana Rebeka, aliwa nfuka ira: <<Mulombwanola eni unafuna mugundeye, mudowege. Kodi unofuna jodowa na liye?>> Evale Rebeka ohowakulaga eraga: <<Miyo kadinna makani, nnodowa!>>
Rebeka ohodowa teliwa na Izaki
59Evale abali a Rebeka kohomulanyaga murongoliwa Rebeka na namalaba waye, na namalaba wa Abarahamu vamohi na alombwana kazilege na liye. 60Eto kohomurelihaga Rebeka keraga: <<Murongolihu, ukale mma wa matchikwi na matchikwi madjindji! Eto ahimawo kawandege gondjiha sidadi da amwidaniwa!>>
61Rebeka ule ohokana eto anamalabaye amohiwa anna liye. Evale Rebeka na anamalabaye kohovenya, aliwa dowa gwela vaakameloni, aliwa roma muhara namalabole. Mwa enne namalabole ohomutukulaga Rebeka, aliwa maruwa dowaga.
62Izaki ohokumawo Beri-Layi-Royi wakaletcha liye. Mwa tempu yenne akala ilambo ya Negebe. 63Yagafiyile ora ya tchiguwo, mulombwana Izaki ohodowaga mmundani ira alobele. Mwa enne againg'anihile meso aye olapela wene, ohoonaga akamelo kazaga. 64Eto Rebeka na liyene wazelaga liye ule, againg'anne olapela wene, ohomuonaga Izaki. Agamuonne Izaki, Rekekole ohotitaga vakameloni vale. 65Mwa enne ohonfuka namalabole eraga: <<Kodi mulombwana wenne bani unaza mmundani mule ira agumane na hiyo?>> Namalabole ohomuwakulaga eraga: <<Gu mbwiyaga!>> Rebeka agavwile enne ohotukulaga nguwo, liye vikunelana wintoni waye.
66Evale namalabole ohomuwandelagamo Izaki jatene jairile liye muulrendoni mwaye. 67Noira enne, Izaki ohomutukulaga muhiyanaye Rebeka ule, liye mudowana mmusasani mwa marafula mmaye wenno ali Sara, Rebeka kala muhiyanaye. Eto Izaki omuziveliwa muhiyanaye ule. Mwa enne Izaki ohodidiliheya murima zela kumbanya wanna liye na mwasa wa ukwa wa mmaye.
Currently Selected:
Jenesesi 24: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Jenesesi 24
24
Abarahamu ohomulumbeliha namalabaye ira adowe amusakele Izaki muhiyana
1Abarahamu ohomala ulula eto ohokana yaka dohokala da masika. Eto Yehova ohomureliha mwa jatene jene. 2Mwa enne siku nimohi Abarahamu ohowonga na namalabaye wenno aromileve mulaba wanle, wenno asogolrelretcha jengo jaye jatene, liye ira: <<Kahela ndanda nawo vati va tambala yaga 3ira miyo dulumbelihe mwa nzina na Yehova, Mulugu wa zulu eto Mulugu wa ilambo ya vati ira weyo kuza umuteliha mwanaga na muhiyana wa mwilamboni munakala miyo muno mwa Kana. 4Mbwenye miyo nnafuna ira udowe ilambo ya wanihu, wamusake wewo muhiyana wa muibalini mwaga ira mwanaga Izaki amutele.>>
5Evale namalabole agavwile enne, ohonfukaga mbwiyaye Abarahamu, liye ira: <<Nnga miyo dadowa damusaka muhiyana ilambo ya waninyu eto muhiyaniwa akonda lrandiwa, ahafune dihara, dire avi? Dimutukule mwaninyu Izaki dimudowegena wewo ira akalege ilambo yenno ikumenle nyo ile?>> 6Evale Abarahamu ohomuwakulaga eraga: <<Ii, nari. Weyo kumuwelihede mwanaga wewule. 7Mwasiwa Yehova, Mulugu wa zulu, wenno udikumihile vande va ababaga, na ilambo ya abalaga, wenno uwandile diwandela eto alumbela ira: <Miyo nnonvaha mwana unafuna we mbala ilambo yenna>, unomuruma mungelro waye ira akale vasogolro vawo ira weyo uwande fiya ilambo ya abalaga wamutukule muhiyana wewo ira mwanaga amutele. 8Eto weyo wadowa, wamusaka muhiyana wewule, muhiyana unafuna we nfwanya ahafune uhara mwilamboni muno, weyo mbwenye kunna mulandu zela yolumbela yaga peno va. So mbwenye kumuwelihede mwanaga ilambo ikumile miyo.>>
9Mwa enne namalabole agavwile mazu anne, otukulaga ndanda naye, liye hela vati va tambala ya mbwiyaye Abarahamu, liye lumbela ira: <<Miyo nnoirana jatene jidirumile nyo.>> 10Evale namalabole ohotukulaga akamelo kumi a mbwiyaye Abarahamu eto ohotukulaga jovaha johiyana hiyana japama jejo janvahile Abarahamu, liye maruwa, dowaga sidadi yakala mulombwana Nahori#24:10 Nahori ali Abarahamu mbalaye. muwari mwa ilambo ya Mezopotamiya.
Lobela wa namalaba wa Abarahamu
11Tempu yafiyaga namalabole wewule yaligi ora ya tchiguwo, ora yenno ahiyana atene anadowa atu iko karungaga mahindje. Evale liye ohakokoriha akamelo aye wandamelana vaisimeni, unde wa sidadile. 12Agali evale ohoromaga lobela eraga: <<So Yehova nyo Mulugu wa mbwiyaga Abarahamu, nnouvepani ira mudikamihede jatene jidiwendele pama peno. Muwande muirela upama mbwiyaga Abarahamu. 13Miyo nnafwanyeya wandamelana vaisimeni vano. Eto anavihiyana a musidadi mu anoza rungaga mahindje veva. 14Nnouvepani musakanye ira namwali wenno nnanvepe miyo ira: <Nnauvepa urule muno wawo ira udivahe mahindje, ding'we!>, liye adirumela awonga ira: <Kang'wani! Eto mwamala ng'wa, nnorunga mahindje amohiwa daavahe akamelo enyu, kang'we!>, namwaliwa akale wenno mmusakunlre nyo ira namalaba wenyu Izaki amutele. Mwairana eno miyo nnowanda iziwa ira muhuwanda muoniha upama mbwiyaga Abarahamu.>>
15Mwa enne namalabole ahanamarihe wonga mazu anne, tchi tempu yazaga namwali mmohi aitaniwa Rebeka, agakapatchile munwaye.#24:15 agakapatchile munwaye: Tempu yenno atu mino diwa kaheletcha vafudi. Rebeka ule ali mwana Betuweli. Betuweli mmaye ali Milika mwadi Nahori. Nahori eto ali Abarahamu mbalaye. 16Namwali ule ali muhiyana oriyetchetcha eto ali ahanamugonena mulombwana. Agazile, ohodowa liye titela isimeni ule, liye rungela munwaye, nomala eno liye roma gwela. 17Mwa enne namalabole ohotamangaga, liye dowa muwongana eraga: <<Nnavepa ira ding'we mahindje a vang'ono a mmunoni mwawo!>> 18Evale liye ohowakulaga eraga: <<Mbwiyeni mahindje banna kang'wani!>> Eto mohodibeliwa ohorulaga munole, liye hela mmandani mwaye, liye nvaha namalabole mahindje ira ang'we. 19Evale namalabole agamanle ng'wa, namwali ule ohowonga eraga: <<Miyo nnodowa darunge mahindje amohiwa ira daang'wihe akamelo enyu fiyeda atene kamale ng'wa!>> 20Noira eno, mobaranya ohotukulaga mahindje kahanle mmunoni mule, liye kutulela mwemo mwang'wela anavinyama, liye tamangaga dowa rungaga mahindje amohiwa za ang'wihaga akamelo atene a namalabole. 21Mwa enne namalabole omuing'anaga Rebeka pama, agalive omiyalene ira aiziwe akala Yehova ohorumelaga yovepa yaye, owu akala karumenle.
22Mwa enne akamelo ale kagamanle ng'wa, namalabole ohokumihaga ipini ya vapunoni yagali ya oru yonyemela garama tanu na imohi, liye muwariha namwali Rebeka vapunoni vaye. Eto ohokumihaga mapurusera menli onyemela garama 120, liye nvaha. 23Noira enne, namalabole ohonfukaga Rebeka eraga: <<Kodi babawo bani? Nnga vande vihikala nimburo noira miyo didowe dahaye vamohi na anavinyama atene dinna miyo?>> 24Liye ohowakulaga eraga: <<Miyo Babaga gu Betuweli. Babaga mmaye gu Milika eto babaye gu Nahori.>> 25Evale Rebeka ohowongagave eraga: <<Wanihu kohokalawo malatchi na jodja jidjindji jene ja anavinyama. Eto ukala nimburo nokwakwana ira nyo muhaye.>>
26Mwa enne namalabole agavwile enne ohooramiheda kove yaye vati, liye roma mutamalela Yehova, eraga: 27<<Otitimihiwa akale Yehova, Mulugu wa mbwiyaga Abarahamu mwasiwa liye kahiyile muoniha mbwiyaga upama waye na ibaribari yaye. Eto na miyene Yehova udisogolrelra peno ante liye za difiyiha vande va abali a mbwiyaga Abarahamu.>> 28Evale namwali ule Rebeka ohomuhiyaga namalabole wewule, liye tamanga dowa vande va mmaye, awandelamo jatene ejile.
Namalaba wa Abarahamu ohodowa vande va Rebeka
29-30Rebeka ohomukana murongoliye mmohi eni aitaniwa Labawu. Evale Labawu agamanle vwa jatene jaireyile eto agaonne ipini yafwanyeya vapunoni va Rebeka vamohi na mapurusera kafwanyeya mmiwononi mwaye, vamohi na mazu awongile Rebeka zela jejo jawongile namalabole, Labawu ohodowaga isimeni ule motamanga ira agumane na liye. Agadowile, anfwanyilege namalabole agaimenle wandamelana vaisimeni vale na akamelo aye. 31Evale liye ohomuwongagana eraga: <<Ndoweni vande nyo mulombwana orelihiwa na Yehova, kodi mwasiwa gwa nni nyo kala veva? Mwasiwa miyo dihimala sakanyeda nimburo nnafuna nyo fiyedamo na nimburo na akamelo enyu.>>
32Noira enne, koholandana vevale, aliwa dowa vande. Kagafiyile vande vale, kohatapulaga akamelo ale, aliwa dowela jodja ja akamelo ale na malatchiwa ogonela. Eto kohokumihaga mahindje, aliwa nvaha namalabole vamohi na afwaye kaza vamohi na liye ira kahuwe manyalo. 33Nomala eno, kohokumihaga jodja aliwa avaha ira kadje. Mbwenye kagazilena jodja jile, namalabole ohokondaga eraga: <<Ii, nari. Miyo kannabaranyeda dja, muselu dazana miyo dahanawonge.>> Evale mulombwana Labawu ohomuwakulaga eraga: <<Tabo. Kawongani!>> 34Evale liye ohoromaga folramo awongaga eraga: <<Miyo dili namalaba wa Abarahamu. 35Yehova uhumureliha valukulu mbwiyaga Abarahamu liye fiyeda kala mutu orayela. Yehova uhunvaha mabila na ng'ombe, parata na oru, anamalaba a alombwana na anamalaba a ahiyana, akamelo na aburu. 36Eto mbwiyaga muhiyanaye Sara masiki agamanle ulula, uhuwanda mbalela mbwiyaga mwana. Eto mwanole agabaliwile, mbwiyaga uhumutikela jorayela jaye jatene. 37Mbwenye ulrendo waga ula ira miyo dize uno, mbwiyaga Abarahamu gudilumbelihile kwi: <Kumutelihe mwanaga na ahiyana a Kana wewuno nnakala miyo uno. 38Mbwenye udowe vande va babaga, wamusakulre muhiyana mmohi wa muibalini mwaga, umutukule ira mwanaga amutele.> 39Evale miyo dagavwile eno dohonfuka mbwiyaga, miyo ira: <Nnga muhiyana nnanfwanye miyo ahafune dihara uno, dire avi?> 40Liye ohodiwakula, liye ira: <Yehova wenno nnamuhara miyo, unomuruma mungelro waye ausogolrelre weyo ira ulrendo wawo uwende pama ira uwande fiya vande va ababaga, wamutukule muhiyana mmohi wa muibalini mwaga umuzena, mwanaga amutele. 41Wairana eno mbwenye uhukutcha zela ulumbeliha waga. Nari weyo wadowa wa abalaga, aliwa kahafune uvaha muhiyana ira umuzena, weyo kunakanavo mulandu zela ulumbeliha waga.> >>
42Namalabole ohowongagave eraga: <<Mwa enne pavenyile miyo, zaga eni. Peno dagafiyile vaisimeni vale, dohonvepa Mulugu miyo ira: <Yehova, Mulugu wa mbwiyaga Abarahamu, akala nyo munofuna jodipatiha yenno izele miyo, nnouvepani eni. 43Miyo dili vaisimeni va. Nnauvepani ira namwali mmohi unaze ira adowe arunge mahindje, wenno nnamuwongena miyo ira: <<Nnavepa mahindje anafwanyeya mmunoni mwawo mo, ding'we>>, 44adiwakula aira: <<Ng'wani, amala daavahe mahindje na akamelo enyu anna ira kang'we!>>, akale muhiyana wenno mmusakunlre nyo Yehova ira mwana wa mbwiyaga amutele.> 45Mwa enne miyo dahanamarihe mazu dawonga miyo mmirimani mmirimani na Yehova, tchi tempu yafiyaga namwali Rebeka agakapatchile munwaye. Liye titela isimeni ule, dowa runga mahindje. Evale adowaga miyo dohomuwongana ira: <Nnouvepa ira udivahe mahindje ding'we.>
46<<Mbwenye dagamuwongilena enne, mobaranya liye ohorula munwaye, liye kwi: <Nyo podi ng'wa. Miyo eto nnafuna daavahe akamelo enyu mahindje ira kang'we.> Evale miyo dohong'wa. Eto liye ohodowa runga mahindje mamohiwa, liye ng'wiha akamelo aga. 47Nomala eno, miyo nfuka ira: <Babawo bani?> Liye ohowakula, liye ira: <Babaga gu Betuweli mwana Milika na Nahori.> Agawongile eno, miyo tukula ipini, muwariha vapunoni vaye eto miyo tukula mapurusera, muwariha mmiwononi mwaye.#24:47 mmiwononi mwaye: Ku wonga miwono daminli dene. 48Nomala dohooramiha kove yaga, miyo mutamalela Yehova, Mulugu wa Abarahamu, dimutitimihaga na mwasa odisogolrelra ndila yafuna miyo hara ante miyo haholowa, fiyeda mwilamboni mwa abali a mbwiyaga Abarahamu eto liye disogolrelra ante miyo fiyedaga nfwanya mbwiyaga Abarahamu mbalaye mwanaye ira adowe ateliwe na mbwiyaga mwanaye. 49So va mbwenye dafuna mudiwandele akala munofuna muoniha mbwiyaga zivela no roromeleya ira munodirumeliha dimutukule namwali Rebeka adowe ateliwe na mwana mbwiyaga Abarahamu, owu hehi akala kajinawandeya, mudiwandele ira diharege ndila dimohi diwa.>>
50Evale Labawu na babaye Betuweli kohowakulaga keraga: <<Hiyo kaninna inafuna hiyo wonga nne upama nne ubure tchoira jatene jejo Yehova gufunile ira jiireye! 51Rebeka eto gwenna unafwanyeya vamentoni venyu veva. Mmutukule mmudowegena ira mbwiyinyu mwanaye amutele nnga mwemo muwongele Yehova!>>#24:51 nnga mwemo muwongele Yehova: Voira Yehova ohovwa yolobela ya namalaba wa Abarahamu, Labawu na babaye Betuweli kaonne ira ali funa wa Mulugu ira Rebeka ateliwe na Izaki. 52Evale namalaba wa Abarahamu ule agavwile mazu anne ohooramihaga kove afiyihaga vati, momutamalela Yehova. 53Noira enne, namalabole ohotukulaga jengo ja parata na ja oru na jowara, liye nvaha Rebeka. Eto ohokumihaga jengo ja peresu yokwima liye nvaha mmaye Rebeka ule na murongoliye Labawu ule.
54Jagamanle ireya enne, namalabole vamohi na afwaye atene annaga liye kohoromaga dja vamohi no ng'wa eto siku nenne kohogonaga evale. Unde wagatchile, kohovenyaga na mabebehi, namalabole liye lanya eraga: <<Miyo nnafuna mudigunye ira diwelele wa mbwiyaga Abarahamu.>> 55Mbwenye Rebeka murongoliye na mmayiwa kohoiraga: <<So mbwenye hiyo nnavepa ira mubabihe kala wewuno malambo a vang'onove, malambo kumi bahi ira namwalila akale na hiyo vang'onove. Era eno mugundeye mudowege pama.>> 56Evale liye ohawakula eraga: <<Kamudidibelihe uno. Tchoira Yehova ohosakanya ira ulrendo waga uwende pama. Dera mudihiye ira diwelele wa mbwiyaga Abarahamu.>>
57Noira enne, aliwa kohomuwakula ira: <<Dedihani nibabihe muitana mwinnya, ninfuke, nivwe inafuna liye wonga.>> 58Mwa enne kohomuitana Rebeka, aliwa nfuka ira: <<Mulombwanola eni unafuna mugundeye, mudowege. Kodi unofuna jodowa na liye?>> Evale Rebeka ohowakulaga eraga: <<Miyo kadinna makani, nnodowa!>>
Rebeka ohodowa teliwa na Izaki
59Evale abali a Rebeka kohomulanyaga murongoliwa Rebeka na namalaba waye, na namalaba wa Abarahamu vamohi na alombwana kazilege na liye. 60Eto kohomurelihaga Rebeka keraga: <<Murongolihu, ukale mma wa matchikwi na matchikwi madjindji! Eto ahimawo kawandege gondjiha sidadi da amwidaniwa!>>
61Rebeka ule ohokana eto anamalabaye amohiwa anna liye. Evale Rebeka na anamalabaye kohovenya, aliwa dowa gwela vaakameloni, aliwa roma muhara namalabole. Mwa enne namalabole ohomutukulaga Rebeka, aliwa maruwa dowaga.
62Izaki ohokumawo Beri-Layi-Royi wakaletcha liye. Mwa tempu yenne akala ilambo ya Negebe. 63Yagafiyile ora ya tchiguwo, mulombwana Izaki ohodowaga mmundani ira alobele. Mwa enne againg'anihile meso aye olapela wene, ohoonaga akamelo kazaga. 64Eto Rebeka na liyene wazelaga liye ule, againg'anne olapela wene, ohomuonaga Izaki. Agamuonne Izaki, Rekekole ohotitaga vakameloni vale. 65Mwa enne ohonfuka namalabole eraga: <<Kodi mulombwana wenne bani unaza mmundani mule ira agumane na hiyo?>> Namalabole ohomuwakulaga eraga: <<Gu mbwiyaga!>> Rebeka agavwile enne ohotukulaga nguwo, liye vikunelana wintoni waye.
66Evale namalabole ohomuwandelagamo Izaki jatene jairile liye muulrendoni mwaye. 67Noira enne, Izaki ohomutukulaga muhiyanaye Rebeka ule, liye mudowana mmusasani mwa marafula mmaye wenno ali Sara, Rebeka kala muhiyanaye. Eto Izaki omuziveliwa muhiyanaye ule. Mwa enne Izaki ohodidiliheya murima zela kumbanya wanna liye na mwasa wa ukwa wa mmaye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral