Jenesesi 25
25
Ahima amohiwa a Abarahamu
1Abarahamu ohomutela muhiyana mmohiwa aitaniwa Ketura. 2Agamutenle muhiyana wenne, ahima kaabanle atu maziniwa ba ala: Zimirani, Jokisani, Medani, Midiyani, Isibaki na Suwa. 3Jokisani ohombala Seba na Dedani. Dedani ali nikolo na akuda Asurimi, akuda Letusi, na akuda Lewumimu. 4Midiyani anapongwe aabanle liye ba ala: Efa, Eferi, Inoki, Abida na Elida. Atene anna kali atu okumela mwa Ketura, mwadi Abarahamu. 5Abarahamu jorayela jaye jatene amutikenle mwanaye Izaki. 6Mbwenye ahima a ahiyanaye ang'ono, Abarahamu ohagawela jokana jimohi jiwa ahanakwe, liye amwalaniha na mwanaye Izaki, liye aruma pandi ya makumelo wa nzuwa.
Kwa wa Abarahamu
7Mulombwana Abarahamu kalawo waye watene amanle yaka 175. 8Aganna yaka dedi, ku vuma wogomiheda, ku kwa wene. Abarahamu ohokwa agaulunle, aganna idadi yapama, liye dowa gumana na makolo aye.#25:8 liye dowa gumana na makolo aye: Ku wonga Abarahamu agakwile mwilamboni ya vati, liye ohodowa ilambo ya atu kakwile wewo wadowile makolo aye a wanle. Mazwala kinarumelela ira makolo matene a Abarahamu kohovulusiwa, nari. Tchoira Yesu awongaga zela ilambo ya atu kakwile, ohowonga zela mamburo menli, nimburo nimohi na ale anadediha vulusiwa wogomiheda, nimburo nimohi na ale anadediha tolotchiwa wogomiheda. (Lukaji 16:19-31) 9Noira enne, ahimaye Izaki na Jomayili, kohomukoya nifukweni na Makepela mmundani mwa Eforoni, wenno ali muEti, mwana Zowari, munda wenno afwanyeya makumelo wa nzuwa wa Mamere. 10Mundiwa ali wenne Abarahamu agunle liye na akuda Eti. Abarahamu akoyiwile wewo wakoyiwe muhiyanaye Sara. 11Abarahamu agakwile, Mulugu ohomureliha mwanaye Izaki. Ora yenno Izaki akala wandamelana isime ya Beri-Layi-Royi.#25:11 Beri-Layi-Royi: Owu hehi Wenno unna ingumi eto unadiona.
Ahima a Jomayili
12Ula gu muselu wa ahima a Jomayili, mwana wenno Abarahamu ambanle liye na muIjipitu Agari, muzari wa Sara. 13Ala ba mazina a anapongwe aabanle Jomayili roma murandji baliwa fiyeda ogomiheda baliwa. Oroma gu Nebayoti, owelela gu Kedari, Abideli, Mibisawu, 14Mijima, Dumani, Masa, 15Hadade, Tema, Jeturi, Nafisi na Kedema. 16Anna bali anapongwe a Jomayili. Nzina na kada mwana ti nzina na nlogo eto ti nzina na tatamo mwakala atu na misasa diwa. Ku wonga asogolrelri kumi na ambinli otonga malogo kumi na ambinli.
17Jomayili kalawo waye watene amanle yaka 137. Mwa eno, ohokwa, liye dowa gumana na makolo aye anno kakwile.#25:17 liye dowa gumana na makolo aye anno kakwile: Nione rodape unafwanyeya vs 8. 18Ahima atene a Jomayili kafwanyeya roma Havila fiyeda Suri sogolro wa Ijipitu, kalaga nnga unadowa ilambo ya Asiriya.#25:13-18 Ahima aabanle Jomayili: Mazwala anohidedela umboni zela mazu Mulugu awongile liye na Abarahamu zela makalelo Mulugu amurelihile liye Jomayili. Nione Jenesesi 17:20, 21:13. Fwanyeya ira vagamanle malambo madjindjene, ahimaye a musogolro kohoindjiva, aliwa kala malogo pwi pwi. Mbwenye akuda Jomayili tchanna vwanana na atu amohiwa a muibalini mwa Abarahamu.
Baliwa wa Ezawu na Jako
19Ula gu muselu wa ahima a Izaki, mwana Abarahamu. Abarahamu ambanle Izaki. 20Izaki aganna yaka 40 tchi tempu yamutela liye Rebeka mwana Betuweli wenno ali nkuda Aramu akala Padani-Arani, murongola wa Labawu, wenno eto ali nkuda Aramu.
21Mbwenye agamutenle, Rebeka kabala. Mwa enne Izaki ule okaleletcha nvepa Yehova na mwasa wa muhiyanaye Rebeka. Evale Yehova ohovwa yovepa ya Izaki, muhiyanaye liye kana vambani. 22Aganna vambani, fwanyeya ira mbani mwaye mule mwali anasambini. Evale mbani mwaye mohoroma zunguzeya, mwasiwa ahimale kowanawana mmohi na nfwaye. Mwa enne Rebeka ohoira: <<Kodi mwasiwa gwa nni ja mbani jinadiireyela ji?>> Evale ohodowa nfuka Yehova. 23Agafukile, Yehova ohomuwandela ira: <<Weyo mbani mwawo muli ahima ambinli anafuna kala malogo ogaweya eto muli vilambo mbinli. Nlogo na mwana mmohi nnokala na kopolo kwaranya nlogo na nfwaye. Eto muwari mwa aliwa, murandji baliwa unakala wenno unafuna mulabaga mbalaye wa ng'onong'ono.>> 24Mwa enne malambo obala kagafiyile, Rebeka ohabala anasambini. 25Mwana murandji ali ofila eto okana mawoya maningo aye matene. Na mwasa wenne, ohovahiwa nzina na Ezawu.#25:25 Nzina na Ezawu nnavweya nnga nizu na mawoya na iwongelo yawonga atu. 26Mbalaye oharela abaliwe agahidedile izondo ya Ezawu. Na mwasa wenno ohovahiwa nzina na Jako.#25:26 Nzina na Jako nnavweya nnga nizu na izondo nari namanyenga na iwongelo yawonga atu. Izaki anna yaka 60 muhiyanaye aabalaga ahimale.
27Ahimale kohoulukula. Kagaulukunle, Ezawu ali maliba saya, awendetcha mukokolani. Jako ali mutu opwaseya, liye ahaletchana mabasa a vande. 28Izaki asimbwetcha muziveliwa mwanaye Ezawu mwasiwa liye aziveliwetcha dja nyama dazetchana liye masayelo. Mbwenye Rebeka asimbwetcha muziveliwa Jako.
Makalelo a murandji baliwa
Ora yenno muwari mwa ahima okana babiwa mmohive, murandji baliwa ovahiwa fendo mbinli mwa jengo jafuna hala ababiwa kagakwile. (Detoronomiyo 21:17)
Ku wonga Ezawu muwari mokala murandji baliwa, ababiwa kagakwile, ora yogawa jorayela nnga ng'ombe, Ezawu ogovahiwa mbinli, Jako avahiwa imohi, dowagave sogolro ante fwaramento datene dimale.
Ezawu ohomuguliheda mbalaye undimuwa
29Siku nimohi Jako apiyaga matambaye, mbalaye Ezawu ohodemulaga, akumaga masayelo, aganna ndala. 30Evale Ezawu ohowonga na mbalaye Jako, liye ira: <<Nnouvepa ira udivahe matamba ofila unapiya we ayo didje, mwasiwa dihisimbwa kana ndala.>> (Nona Ezawu aitaniwaga Edomu.)#25:30 Edomu na iEberewu inavweya nnga yofila. Ilambo yakala Ezawu na ahimaye aabanle liye, yaitaniwa Edomu. Navwa kawongaga akuda Edomu, ba atu a nlogo na Ezawu. 31Jako ohomuwakulaga eraga: <<Ira miyo duvahe yodja, nnafuna udivahe undimuwa unna we zela kala murandji baliwa.>>#25:31 Ira miyo duvahe yodja, nnafuna udivahe undimuwa unna we zela kala murandji baliwa. Jako afuna amugulihede mbalaye parato imohi ya udja na peresu ya jorayela jatene jafuna Ezawu za vahiwa sogolro zela kala murandji baliwa. Ku wonga Jako afuna ira ababiwa kagakwile, jorayela pwi jihale na liye nnga mwana oroma, hiya Ezawu. 32Evale Ezawu ohoiraga: <<Miyo dihanle vang'ono ira dikwe na ndala! Kodi dakwa undimuwa waga unafuna udikamihede nni? Miyo nnouvaha.>> 33Evale Jako ohowongagave eraga: <<Akala uhurumela, nnafuna ubabihe lumbela.>> Evale Ezawu oholumbelaga, liye muguliheda undimuwa waye mung'onong'ono waye Jako. 34Noira eno, Jako ohonvaha pawu na matamba a bwanda apiya liye. Evale Ezawu ohodjaga, liye ng'wela mahindje. Agairile enne ohovenya, liye dowaga. Moira enne Ezawu oholuluviha undimuwa waye ozela kala murandji baliwa.
Currently Selected:
Jenesesi 25: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Jenesesi 25
25
Ahima amohiwa a Abarahamu
1Abarahamu ohomutela muhiyana mmohiwa aitaniwa Ketura. 2Agamutenle muhiyana wenne, ahima kaabanle atu maziniwa ba ala: Zimirani, Jokisani, Medani, Midiyani, Isibaki na Suwa. 3Jokisani ohombala Seba na Dedani. Dedani ali nikolo na akuda Asurimi, akuda Letusi, na akuda Lewumimu. 4Midiyani anapongwe aabanle liye ba ala: Efa, Eferi, Inoki, Abida na Elida. Atene anna kali atu okumela mwa Ketura, mwadi Abarahamu. 5Abarahamu jorayela jaye jatene amutikenle mwanaye Izaki. 6Mbwenye ahima a ahiyanaye ang'ono, Abarahamu ohagawela jokana jimohi jiwa ahanakwe, liye amwalaniha na mwanaye Izaki, liye aruma pandi ya makumelo wa nzuwa.
Kwa wa Abarahamu
7Mulombwana Abarahamu kalawo waye watene amanle yaka 175. 8Aganna yaka dedi, ku vuma wogomiheda, ku kwa wene. Abarahamu ohokwa agaulunle, aganna idadi yapama, liye dowa gumana na makolo aye.#25:8 liye dowa gumana na makolo aye: Ku wonga Abarahamu agakwile mwilamboni ya vati, liye ohodowa ilambo ya atu kakwile wewo wadowile makolo aye a wanle. Mazwala kinarumelela ira makolo matene a Abarahamu kohovulusiwa, nari. Tchoira Yesu awongaga zela ilambo ya atu kakwile, ohowonga zela mamburo menli, nimburo nimohi na ale anadediha vulusiwa wogomiheda, nimburo nimohi na ale anadediha tolotchiwa wogomiheda. (Lukaji 16:19-31) 9Noira enne, ahimaye Izaki na Jomayili, kohomukoya nifukweni na Makepela mmundani mwa Eforoni, wenno ali muEti, mwana Zowari, munda wenno afwanyeya makumelo wa nzuwa wa Mamere. 10Mundiwa ali wenne Abarahamu agunle liye na akuda Eti. Abarahamu akoyiwile wewo wakoyiwe muhiyanaye Sara. 11Abarahamu agakwile, Mulugu ohomureliha mwanaye Izaki. Ora yenno Izaki akala wandamelana isime ya Beri-Layi-Royi.#25:11 Beri-Layi-Royi: Owu hehi Wenno unna ingumi eto unadiona.
Ahima a Jomayili
12Ula gu muselu wa ahima a Jomayili, mwana wenno Abarahamu ambanle liye na muIjipitu Agari, muzari wa Sara. 13Ala ba mazina a anapongwe aabanle Jomayili roma murandji baliwa fiyeda ogomiheda baliwa. Oroma gu Nebayoti, owelela gu Kedari, Abideli, Mibisawu, 14Mijima, Dumani, Masa, 15Hadade, Tema, Jeturi, Nafisi na Kedema. 16Anna bali anapongwe a Jomayili. Nzina na kada mwana ti nzina na nlogo eto ti nzina na tatamo mwakala atu na misasa diwa. Ku wonga asogolrelri kumi na ambinli otonga malogo kumi na ambinli.
17Jomayili kalawo waye watene amanle yaka 137. Mwa eno, ohokwa, liye dowa gumana na makolo aye anno kakwile.#25:17 liye dowa gumana na makolo aye anno kakwile: Nione rodape unafwanyeya vs 8. 18Ahima atene a Jomayili kafwanyeya roma Havila fiyeda Suri sogolro wa Ijipitu, kalaga nnga unadowa ilambo ya Asiriya.#25:13-18 Ahima aabanle Jomayili: Mazwala anohidedela umboni zela mazu Mulugu awongile liye na Abarahamu zela makalelo Mulugu amurelihile liye Jomayili. Nione Jenesesi 17:20, 21:13. Fwanyeya ira vagamanle malambo madjindjene, ahimaye a musogolro kohoindjiva, aliwa kala malogo pwi pwi. Mbwenye akuda Jomayili tchanna vwanana na atu amohiwa a muibalini mwa Abarahamu.
Baliwa wa Ezawu na Jako
19Ula gu muselu wa ahima a Izaki, mwana Abarahamu. Abarahamu ambanle Izaki. 20Izaki aganna yaka 40 tchi tempu yamutela liye Rebeka mwana Betuweli wenno ali nkuda Aramu akala Padani-Arani, murongola wa Labawu, wenno eto ali nkuda Aramu.
21Mbwenye agamutenle, Rebeka kabala. Mwa enne Izaki ule okaleletcha nvepa Yehova na mwasa wa muhiyanaye Rebeka. Evale Yehova ohovwa yovepa ya Izaki, muhiyanaye liye kana vambani. 22Aganna vambani, fwanyeya ira mbani mwaye mule mwali anasambini. Evale mbani mwaye mohoroma zunguzeya, mwasiwa ahimale kowanawana mmohi na nfwaye. Mwa enne Rebeka ohoira: <<Kodi mwasiwa gwa nni ja mbani jinadiireyela ji?>> Evale ohodowa nfuka Yehova. 23Agafukile, Yehova ohomuwandela ira: <<Weyo mbani mwawo muli ahima ambinli anafuna kala malogo ogaweya eto muli vilambo mbinli. Nlogo na mwana mmohi nnokala na kopolo kwaranya nlogo na nfwaye. Eto muwari mwa aliwa, murandji baliwa unakala wenno unafuna mulabaga mbalaye wa ng'onong'ono.>> 24Mwa enne malambo obala kagafiyile, Rebeka ohabala anasambini. 25Mwana murandji ali ofila eto okana mawoya maningo aye matene. Na mwasa wenne, ohovahiwa nzina na Ezawu.#25:25 Nzina na Ezawu nnavweya nnga nizu na mawoya na iwongelo yawonga atu. 26Mbalaye oharela abaliwe agahidedile izondo ya Ezawu. Na mwasa wenno ohovahiwa nzina na Jako.#25:26 Nzina na Jako nnavweya nnga nizu na izondo nari namanyenga na iwongelo yawonga atu. Izaki anna yaka 60 muhiyanaye aabalaga ahimale.
27Ahimale kohoulukula. Kagaulukunle, Ezawu ali maliba saya, awendetcha mukokolani. Jako ali mutu opwaseya, liye ahaletchana mabasa a vande. 28Izaki asimbwetcha muziveliwa mwanaye Ezawu mwasiwa liye aziveliwetcha dja nyama dazetchana liye masayelo. Mbwenye Rebeka asimbwetcha muziveliwa Jako.
Makalelo a murandji baliwa
Ora yenno muwari mwa ahima okana babiwa mmohive, murandji baliwa ovahiwa fendo mbinli mwa jengo jafuna hala ababiwa kagakwile. (Detoronomiyo 21:17)
Ku wonga Ezawu muwari mokala murandji baliwa, ababiwa kagakwile, ora yogawa jorayela nnga ng'ombe, Ezawu ogovahiwa mbinli, Jako avahiwa imohi, dowagave sogolro ante fwaramento datene dimale.
Ezawu ohomuguliheda mbalaye undimuwa
29Siku nimohi Jako apiyaga matambaye, mbalaye Ezawu ohodemulaga, akumaga masayelo, aganna ndala. 30Evale Ezawu ohowonga na mbalaye Jako, liye ira: <<Nnouvepa ira udivahe matamba ofila unapiya we ayo didje, mwasiwa dihisimbwa kana ndala.>> (Nona Ezawu aitaniwaga Edomu.)#25:30 Edomu na iEberewu inavweya nnga yofila. Ilambo yakala Ezawu na ahimaye aabanle liye, yaitaniwa Edomu. Navwa kawongaga akuda Edomu, ba atu a nlogo na Ezawu. 31Jako ohomuwakulaga eraga: <<Ira miyo duvahe yodja, nnafuna udivahe undimuwa unna we zela kala murandji baliwa.>>#25:31 Ira miyo duvahe yodja, nnafuna udivahe undimuwa unna we zela kala murandji baliwa. Jako afuna amugulihede mbalaye parato imohi ya udja na peresu ya jorayela jatene jafuna Ezawu za vahiwa sogolro zela kala murandji baliwa. Ku wonga Jako afuna ira ababiwa kagakwile, jorayela pwi jihale na liye nnga mwana oroma, hiya Ezawu. 32Evale Ezawu ohoiraga: <<Miyo dihanle vang'ono ira dikwe na ndala! Kodi dakwa undimuwa waga unafuna udikamihede nni? Miyo nnouvaha.>> 33Evale Jako ohowongagave eraga: <<Akala uhurumela, nnafuna ubabihe lumbela.>> Evale Ezawu oholumbelaga, liye muguliheda undimuwa waye mung'onong'ono waye Jako. 34Noira eno, Jako ohonvaha pawu na matamba a bwanda apiya liye. Evale Ezawu ohodjaga, liye ng'wela mahindje. Agairile enne ohovenya, liye dowaga. Moira enne Ezawu oholuluviha undimuwa waye ozela kala murandji baliwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral