Juwawu 13
13
Yesu ohuwa manyalo a anamamuharaye
1Pwando ya Mavirelo yahanle vang'ono ira idjiwe eto Yesu ohoona ira: <<Tempu ikwakwana ira dikume ilambo ya vati ila, didowege wa Baba.>> Mwa enne makalelo aaziveliwe liye anamamuharaye kafwanyeya mwilamboni ya vati, ohaziveliwave fiyeda makutulo.
2Yesu na anamamuharaye kafwanyeya kadjaga jantari. Mwa tempu yenne ali Diyabo agamanle nvaha Judasi Iskariyoti mwana Simawu yofunafuna mmirimani mwaye ira amugulihe Yesu. 3Yesu ohoiziwa ira: <<Baba udivahile utongi wa jatene. Miyo dikumele wa Mulugu. Eni nnafuna diwelele wa liye.>> 4Muwari moumbuwela ejo, liye ohovenyaga, liye wungula kapa yaye, tukula tuwaliya, soleda mmwinini mwaye, 5liye tukula mahindje, hela mbasiyani, roma ahuwaga anamamuharaye manyalo, apuputaga na tuwaliya yasoledile liye mmwinini ile.
6Vevale Yesu aahuwagave enne, agamukwivenle mulombwana Simawu Peduru, Peduru ohonfukaga ira: <<Nabwiya, kodi nyo munafuna mudihuwe manyalo miyo?>> 7Yesu ohomuwakulaga eraga: <<We inera miyo kuiziwile. Mbwenye vasogolro unoza uonelremo.>> 8Evale Peduru ohowonga na Yesu ira: <<Kavili jowandeya ira nyo muhuwe manyalo aga.>> Evale Yesu ohomuwakula, liye ira: <<Miyo dahauhuwe, kunna pandi na miyo.>> 9Evale Simawu Peduru ohoweliha mazu eraga: <<Nabwiya akala munafuna mudihuwe, kamudihuwe manyalove bahi. Mudihuwe na manda anna, vamohi na murwene.>> 10Evale Yesu ohomuwandela Peduru eraga: <<Ule uhambile uli wapamene, kinafwanela ahambe akoka, malringana avihuwa manyalo aye bahi. Nyo muli apamene mbwenye kahi nyo atene.>> 11Ira Yesu awonge ira: <<Kahi nyo atene muli apamene>>, tchoira ohomuiziwa wenno afuna muguliha.
12Agamanle ahuwa anamamuharaye manyalo, ohotukula kapa yaye, liye wara, dowa garati vameza akoka. Evale ohafuka, liye ira: <<Kodi muhuonelramo yenno yuireleni miyo ila? 13Nyo munadiira: <Namafundjiha> nari <Nabwiya>. Na ibaribari munosakanya pama, mwasiwa miyo dili Namafundjiha nari Nabwiya. 14Akala miyo Namafundjiha wenyu nari Nabwiya wenyu dihiwanda uhuwani nyo manyalo, na nyenne inafwanela muhuwanege mmohi na nfwaye. 15Tchoira yuireleni miyo tchi ionihedo ira na nyenne muiregena. 16Miyo nnafuna duwandeleni ibaribari. Kalivo namalaba omukwaranya patarawu waye. Masiki namarumiwa kanamukwaranya wenno umurumile.#13:16 Kalivo namalaba omukwaranya patarawu waye… namarumiwa kanamukwaranya wenno umurumile: Yesu awonga eni muwari moawandela ira akala liye masiki agalive Namafundjiha ohowanda ahuwa, ku wonga na aliwene kairegena makalelo amohive. 17Akala jiwongile miyo ji muhumala iziwa, orelihiwa gwenno unafuna iragana.>>
18Yesu ohowongagave eraga: <<Mbwenye dawongaga eni, kannawonga zela nyo mwatene. Miyo dahaiziwa ale daasakunlre miyo. Ukala eto dahamusakunlre miyo. Gwenno unafuna diguliha. Nnerela ira jikwakwanele jejo jilrembiwe mMazuni ira: <Mutu wenno unadja pawu na miyo, uhudinyingala.>#Salmu 41:9 19Miyo nnauwandelani jeji jahanaireye ira sogolro jaireya, muze muroromele ira MIYO DILI.>>#13:19 MIYO DILI: Nione rodape wa Juwawu 8:24.
20<<Miyo nnafuna duwandeleni ibaribari. Mutu wenne unamuwatchela wenno dimurumile miyo, mutuyo udiwatchela eto miyo. Eto ule unadiwatchela miyo, umuwatchela na wenno udirumile.>>
Yesu ohowonga zela ule afuna muguliha
Matewuji 26:17-25; Markuji 14:12-21; Lukaji 22:7-13,21-23
21Nomala wonga ejile, Yesu ohokana kumbanya mmirimani mwaye.#13:21 mmirimani mwaye: Owu hehi mmuzimuni mwaye. Evale ohawandela anamamuharaye eraga: <<Miyo nnafuna duwandeleni ibaribari. Muwari mwa nyo ukalavo mutu mmohi unafuna diguliha.>> 22Evale anamamuharaye ale kohoromaga ing'anana mmohi na nfwaye, kaumbuwelaga ira: <<Kodi mutuwa eva bani?>> 23Vameza vali atu vale, Yesu amuwandamenlege namamuharaye [Juwawu] wenno asimbwa liye muziveliwa.#13:23 namamuharaye [Juwawu] wenno asimbwa liye muziveliwa: Juwawu unawongiwa va gwenna ulrembile livuru ni. Liye unaviwonga ekave. Nione Juwawu 21:20-24. 24Evale Simawu Peduru ohonvaha sinale ira anfuke Yesu mutu amuwonga liye. 25Evale liye omususela Yesu, liye nfuka ira: <<Nabwiya, kodi unafuna ugulihani eva bani?>> 26Yesu kwi: <<Mutu wenno nnanvahe miyo pandi ya pawu nnafuna miyo voda ila, mutuwa gwenno.>> Noira enne, Yesu ohotukula pandi ya pawu ile, liye voda. Agavodile, ohonvaha Judasi, mwana Simawu Iskariyoti. 27Judasi Iskariyoti ule agawatchenle pandi ya pawu ile, Satana ohovolowa mmirimani mwaye. Evale Yesu ohomuwongana, liye ira: <<Inafuna we ira, wirena mobaranya.>> 28Yesu agawongile enne, muwari mwa atene kafwanyeya vameza vale, kalivo aonelremo yawonga Yesu. 29Voira Judasi Iskariyoti gwakoyetcha tumba na kobiri, amohiwa kawanganyeda ira: <<Yesu unamuwandela ira liye adowe agule jofuneya ja vapwandoni vano. Owu hehi, afwase Yesu unafuna liye adowe aavahe kobiri atu osimela.>> 30Evale Judasi agawatchenle pawu yovodiwa ile kadibeliwilege, ohovenyaga mobaranya liye kuma. Jejile jaireyaga na mahiyu.
Yesu ohowonga zela dowa wafuna liye dowa
31Judasi agakumile, Yesu ohowonga eraga: <<Tchineneva eni Mwana wa Mutu unafuna avahiwe undimuwa. Liye avahiwa undimuwa eto Mulugu na liyene unoteteliwa muwari mwa liye. 32Mulugu muwari moteteliwa muwari mwa Mwanaye eto na liyene unomutetela Mwanaye. Mulugu mwinnya unonvaha undimuwa Mwanaye tchineneva eni.
33<<Anaga miyo nnokala na nyo mwa ora ya vang'ono. Dadowa, munerege divenda eto nnga mazu dawongile miyo na andimuwa a aJudewu, nnowonga eto mazu amohive na nyo ira: <Unadowa miyo, kamunawanda dihara.>
Nlamulo nixa na Yesu
34<<Miyo nnafuna duvaheni nlamulo nixa. Nlamulo nixa nnafuna miyo uvahani ti ni. Muzivelanege mmohi na nfwaye. Na makalelo nnga duzivenleni miyo nyo, na nyenne, muzivelanege mmohi na nfwaye na makalelo mamohive. 35Mwazivelanaga mmohi na nfwaye, pa evo vanafuna iziwa atu atene ira nyo muli anamadiharaga.>>
36Evale Simawu Peduru ohonfukaga Yesu ira: <<Nabwiya, nyo munadowa waani?>> Yesu ohomuwakula, liye ira: <<Unadowa miyo, kunawanda dihara tchineneva. Mbwenye vasogolro unoza udihare.>> 37Evale Peduru ohowongaga kwi: <<Nabwiya, mwasiwa gwa nni dahanawandele miyo uharani tchineneva? Miyo eto nnoukwelani.>> 38Yesu ohomuwakula ira: <<Kodi weyo unodikwela miyo? Miyo nnafuna duwandele ibaribari. Mutumbi oroma ahananle weyo unodiruna fendo taru.>>
Currently Selected:
Juwawu 13: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Juwawu 13
13
Yesu ohuwa manyalo a anamamuharaye
1Pwando ya Mavirelo yahanle vang'ono ira idjiwe eto Yesu ohoona ira: <<Tempu ikwakwana ira dikume ilambo ya vati ila, didowege wa Baba.>> Mwa enne makalelo aaziveliwe liye anamamuharaye kafwanyeya mwilamboni ya vati, ohaziveliwave fiyeda makutulo.
2Yesu na anamamuharaye kafwanyeya kadjaga jantari. Mwa tempu yenne ali Diyabo agamanle nvaha Judasi Iskariyoti mwana Simawu yofunafuna mmirimani mwaye ira amugulihe Yesu. 3Yesu ohoiziwa ira: <<Baba udivahile utongi wa jatene. Miyo dikumele wa Mulugu. Eni nnafuna diwelele wa liye.>> 4Muwari moumbuwela ejo, liye ohovenyaga, liye wungula kapa yaye, tukula tuwaliya, soleda mmwinini mwaye, 5liye tukula mahindje, hela mbasiyani, roma ahuwaga anamamuharaye manyalo, apuputaga na tuwaliya yasoledile liye mmwinini ile.
6Vevale Yesu aahuwagave enne, agamukwivenle mulombwana Simawu Peduru, Peduru ohonfukaga ira: <<Nabwiya, kodi nyo munafuna mudihuwe manyalo miyo?>> 7Yesu ohomuwakulaga eraga: <<We inera miyo kuiziwile. Mbwenye vasogolro unoza uonelremo.>> 8Evale Peduru ohowonga na Yesu ira: <<Kavili jowandeya ira nyo muhuwe manyalo aga.>> Evale Yesu ohomuwakula, liye ira: <<Miyo dahauhuwe, kunna pandi na miyo.>> 9Evale Simawu Peduru ohoweliha mazu eraga: <<Nabwiya akala munafuna mudihuwe, kamudihuwe manyalove bahi. Mudihuwe na manda anna, vamohi na murwene.>> 10Evale Yesu ohomuwandela Peduru eraga: <<Ule uhambile uli wapamene, kinafwanela ahambe akoka, malringana avihuwa manyalo aye bahi. Nyo muli apamene mbwenye kahi nyo atene.>> 11Ira Yesu awonge ira: <<Kahi nyo atene muli apamene>>, tchoira ohomuiziwa wenno afuna muguliha.
12Agamanle ahuwa anamamuharaye manyalo, ohotukula kapa yaye, liye wara, dowa garati vameza akoka. Evale ohafuka, liye ira: <<Kodi muhuonelramo yenno yuireleni miyo ila? 13Nyo munadiira: <Namafundjiha> nari <Nabwiya>. Na ibaribari munosakanya pama, mwasiwa miyo dili Namafundjiha nari Nabwiya. 14Akala miyo Namafundjiha wenyu nari Nabwiya wenyu dihiwanda uhuwani nyo manyalo, na nyenne inafwanela muhuwanege mmohi na nfwaye. 15Tchoira yuireleni miyo tchi ionihedo ira na nyenne muiregena. 16Miyo nnafuna duwandeleni ibaribari. Kalivo namalaba omukwaranya patarawu waye. Masiki namarumiwa kanamukwaranya wenno umurumile.#13:16 Kalivo namalaba omukwaranya patarawu waye… namarumiwa kanamukwaranya wenno umurumile: Yesu awonga eni muwari moawandela ira akala liye masiki agalive Namafundjiha ohowanda ahuwa, ku wonga na aliwene kairegena makalelo amohive. 17Akala jiwongile miyo ji muhumala iziwa, orelihiwa gwenno unafuna iragana.>>
18Yesu ohowongagave eraga: <<Mbwenye dawongaga eni, kannawonga zela nyo mwatene. Miyo dahaiziwa ale daasakunlre miyo. Ukala eto dahamusakunlre miyo. Gwenno unafuna diguliha. Nnerela ira jikwakwanele jejo jilrembiwe mMazuni ira: <Mutu wenno unadja pawu na miyo, uhudinyingala.>#Salmu 41:9 19Miyo nnauwandelani jeji jahanaireye ira sogolro jaireya, muze muroromele ira MIYO DILI.>>#13:19 MIYO DILI: Nione rodape wa Juwawu 8:24.
20<<Miyo nnafuna duwandeleni ibaribari. Mutu wenne unamuwatchela wenno dimurumile miyo, mutuyo udiwatchela eto miyo. Eto ule unadiwatchela miyo, umuwatchela na wenno udirumile.>>
Yesu ohowonga zela ule afuna muguliha
Matewuji 26:17-25; Markuji 14:12-21; Lukaji 22:7-13,21-23
21Nomala wonga ejile, Yesu ohokana kumbanya mmirimani mwaye.#13:21 mmirimani mwaye: Owu hehi mmuzimuni mwaye. Evale ohawandela anamamuharaye eraga: <<Miyo nnafuna duwandeleni ibaribari. Muwari mwa nyo ukalavo mutu mmohi unafuna diguliha.>> 22Evale anamamuharaye ale kohoromaga ing'anana mmohi na nfwaye, kaumbuwelaga ira: <<Kodi mutuwa eva bani?>> 23Vameza vali atu vale, Yesu amuwandamenlege namamuharaye [Juwawu] wenno asimbwa liye muziveliwa.#13:23 namamuharaye [Juwawu] wenno asimbwa liye muziveliwa: Juwawu unawongiwa va gwenna ulrembile livuru ni. Liye unaviwonga ekave. Nione Juwawu 21:20-24. 24Evale Simawu Peduru ohonvaha sinale ira anfuke Yesu mutu amuwonga liye. 25Evale liye omususela Yesu, liye nfuka ira: <<Nabwiya, kodi unafuna ugulihani eva bani?>> 26Yesu kwi: <<Mutu wenno nnanvahe miyo pandi ya pawu nnafuna miyo voda ila, mutuwa gwenno.>> Noira enne, Yesu ohotukula pandi ya pawu ile, liye voda. Agavodile, ohonvaha Judasi, mwana Simawu Iskariyoti. 27Judasi Iskariyoti ule agawatchenle pandi ya pawu ile, Satana ohovolowa mmirimani mwaye. Evale Yesu ohomuwongana, liye ira: <<Inafuna we ira, wirena mobaranya.>> 28Yesu agawongile enne, muwari mwa atene kafwanyeya vameza vale, kalivo aonelremo yawonga Yesu. 29Voira Judasi Iskariyoti gwakoyetcha tumba na kobiri, amohiwa kawanganyeda ira: <<Yesu unamuwandela ira liye adowe agule jofuneya ja vapwandoni vano. Owu hehi, afwase Yesu unafuna liye adowe aavahe kobiri atu osimela.>> 30Evale Judasi agawatchenle pawu yovodiwa ile kadibeliwilege, ohovenyaga mobaranya liye kuma. Jejile jaireyaga na mahiyu.
Yesu ohowonga zela dowa wafuna liye dowa
31Judasi agakumile, Yesu ohowonga eraga: <<Tchineneva eni Mwana wa Mutu unafuna avahiwe undimuwa. Liye avahiwa undimuwa eto Mulugu na liyene unoteteliwa muwari mwa liye. 32Mulugu muwari moteteliwa muwari mwa Mwanaye eto na liyene unomutetela Mwanaye. Mulugu mwinnya unonvaha undimuwa Mwanaye tchineneva eni.
33<<Anaga miyo nnokala na nyo mwa ora ya vang'ono. Dadowa, munerege divenda eto nnga mazu dawongile miyo na andimuwa a aJudewu, nnowonga eto mazu amohive na nyo ira: <Unadowa miyo, kamunawanda dihara.>
Nlamulo nixa na Yesu
34<<Miyo nnafuna duvaheni nlamulo nixa. Nlamulo nixa nnafuna miyo uvahani ti ni. Muzivelanege mmohi na nfwaye. Na makalelo nnga duzivenleni miyo nyo, na nyenne, muzivelanege mmohi na nfwaye na makalelo mamohive. 35Mwazivelanaga mmohi na nfwaye, pa evo vanafuna iziwa atu atene ira nyo muli anamadiharaga.>>
36Evale Simawu Peduru ohonfukaga Yesu ira: <<Nabwiya, nyo munadowa waani?>> Yesu ohomuwakula, liye ira: <<Unadowa miyo, kunawanda dihara tchineneva. Mbwenye vasogolro unoza udihare.>> 37Evale Peduru ohowongaga kwi: <<Nabwiya, mwasiwa gwa nni dahanawandele miyo uharani tchineneva? Miyo eto nnoukwelani.>> 38Yesu ohomuwakula ira: <<Kodi weyo unodikwela miyo? Miyo nnafuna duwandele ibaribari. Mutumbi oroma ahananle weyo unodiruna fendo taru.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral