Juwawu 14
14
Yesu tchi ndila yomufiyiha mutu wa Mulugu
1Yesu ohowonga na anamamuharaye eraga: <<Kamukukumuwe mmirimani mwenyu. Mmuroromele Mulugu eto mudiroromele miyo. 2Ineriha nyumba ya Babaga mukala mamburo madjindji. Wahakala mamburo madjindji, miyo dogouwandelani. Miyo nnadowa ira dausambaulreleni malro. 3Miyo dadowa, damala usambaulrelani malro, nnowela akoka, dize dutukuleni ira unafunege miyo kala, na nyenne mudowe mwakalege vamohi na miyo wewo.>>
4<<Wewo unadowa miyo nyo muhumala iziwawo eto muhumala iziwa ndiliwa.>> 5Evale Tome ohowakulaga eraga: <<Nabwiya hiyo kaniiziwile unaya nyo. Hiyo nnaiziwa ndiliwa avi, agali unaya nyo kaniiziwo?>> 6Evale Yesu ohowakula eraga: <<Miyo dili Ndila, dili Ibaribari, dili Ingumi. Kalivo mutu unafuna vira dowa wa Baba ahavirile mwa miyo.>>
7<<Ahakale nyo mudiiziwa miyo, na Babene mogomuiziwa. Mbwenye kuma peno dowa sogolro nyo muhumuiziwa Baba eto muhumuona.>> 8Evale Filipi ohowonga, liye ira: <<Nabwiya hiyo nnafuna munionihe Baba. Hiyo namuona Baba, ikwakwana.>> 9Yesu ohomuwandela, liye kwi: <<Filipi, miyo dihimala tempu ilukulu dagalive na nyo. Kodi evale na vanove kunadiiziwe? Ule udionne miyo, umala muona Baba. Nnga weyo unawanda avi wonga ira: <Hiyo nnafuna munionihe Baba?> 10Kodi weyo kunaroromela ira miyo dili mwa Baba eto Baba uli mwa miyo? Mazu anawonga miyo, kannawonga mwa miyo meka, nari. Baba wenno uli muwari mwa miyo gunalaba mabasaye muwari mwa miyo. 11Inafwanela muroromele jinawonga miyo ira miyo dili mwa Baba, Baba eto uli mwa miyo. Akala kamunawanda roromela muwari mwa mazu nnawonga miyo, muwande roromela muwari mwa jengo jinerana miyo.
12<<Miyo nnafuna duwandeleni ibaribari. Ule unadiroromela miyo, na liyene unerege irana joira jimohive jejo jinera miyo. Joira jaye eto jinerege kwaranya joira jejo jinera miyo, mwasiwa miyo nnadowa wa Baba. 13Dadowa wa Baba, jatene jinafunege nyo vepa na nzina naga, miyo nnerege irana ira undimuwa wa Baba uoneye mwa miyo Mwanaye. 14Yengo ili yatene inavepege nyo na nzina naga, miyo nnerege irana.
Yesu ohowonga zela Munemba Otchena
15<<Mwadiziveliwa miyo, munerege harihamo malamulo aga.
16<<Miyo nnonvepa Baba ira auvaheni Nkamihedi mmohiwa, wenno unafuna kalaga na nyo kala no kala. 17Nkamihediwa unafuna Baba uvahani gu Munemba Otchena oafundjiha atu ibaribari. Mbwenye atu a mwilamboni kinawanda mutambilra Munemba Otchena mwasiwa kinamuona nne kimuiziwile. Nyo mbwenye muhumuiziwa, mwasiwa uli na nyo eto vasogolro unakalege mmirimani mwenyu.#14:17 atu a mwilamboni: Ba atene kahamuroromenle Yesu. Mutu omuroromela Yesu unafwanyeya mwilamboni, mbwenye kahi mutu wa mwilamboni. So unawendamo bahi. Nione Juwawu 15:18-19. Mazu a Yesu oira uli na nyo eto vasogolro unakalege mmirimani mwenyu ananiwandela ira Munemba Otchena wanle ali vamohi na atu osakulriwa na Mulugu nnga Davi. (1 Samuweli 16:13) Mbwenye Yesu agadowile zulu, siku na Pwando ya Johanda Joroma, Munemba Otchena ohoroma wenda na atu atene omuroromela Yesu na makalelo maxa mmirimani mwewa. (Joira ja Anamarumiwa 2:1-4,38; Roma 8:9; 1 Korinto 6:19)
18<<Miyo dadowa, kannauhiyani eno nnga anapawi. Nnowela dize wa nyo. 19Tchineneva atu a ilambo ya vati kinadionegeve. Nyo mbwenye muneregeve diona. Nyo munoza mukayena ingumi mwasiwa miyo dihikana ingumi. 20Siku niwa nafiya, nyo munoiziwa ira miyo dili mwa Baba eto Baba uli mwa miyo eto miyo dili mwa nyo.
21<<Ule unawatchela malamulo aga, amala airagana, gwenno unadiziveliwa miyo. Eto ule unadiziveliwa miyo, gwenno Baba unafuna liye muziveliwa. Na miyene nnomuziveliwa eto nnovioneyiha vamentoni vaye.>> 22Evale Judasi mmohuwole, ahali Judasi Iskariyoti, ohonfuka Yesu ira: <<Nabwiya, nyo makalelo bavi anafuna nyo irana ira muwande vioneyiha vamentoni vehu mwahavioneyihile vamentoni va atu a ilambo ya vati?>> 23Evale Yesu ohomuwakula ira: <<Vioneyiha waga, makaleluwa ba ala. Mutu wenno unadiziveliwa, liye gunafuna koya mazwaga. Muwari mokoya mazwaga, Baba unomuziveliwa. Era eno miyo na Baba nnoza wa liye ira akale nyumba yehu, nikalege mwa liye. 24Mbwenye ule ahanadiziveliwa, kanakoya mazwaga. Eto muiziwe ira mazu munavwa nyo diwongaga kahi mazwaga. Ba mazu a Baba wenno udirumile.
25<<Miyo nnauwandelani jatene eji dagalive na nyo dahanavenyevo. 26Mbwenye davenyavo, Baba unomuruma Nkamihedi mwa nzina naga, wenno unafwanyeya agali Munemba Otchena. Liye aza unerege ufundjihani jatene eto unerege uwumbutchedani zela jatene juwandenleni miyo.
27<<Dadowaga, nnouhiyedani murendele. Miyo nnouvahani murendele waga. Eto murendele unauvahani miyo kahi murendele nnga uli mwilamboni ya vati. Nona mmirimani mwenyu kamukukumuwe, nne kamukayena ova. 28Mumala vwa mazu diwongile miyo na nyo oira: <Miyo nnodowa eto amala nnowela dize dikale na nyo.> Mwahadiziveliwege, mogohagalala zela dowa waga wa Baba. Tchoira Baba gu mundimuwa odikwaranya miyo vano.
29<<Miyo nnauwandelani jeji jahanaireye ira nyo mwaona jiireyaga, muroromele.
30<<Miyo tchineneva kannakana tempu ira diwongegeve jidjindji na nyo mwasiwa mwene wa ilambo ya vati unaza. Liye mbwenye kanna utongi ozela miyo.#14:30 Mwene wa ilambo ya vati unaza. Yesu amuwonga Satana. Nione Efezo 6:12. Mbwenye Yesu kwi: Na ibaribari liye gu mwene wa ilambwela, mbwenye kanna utongi ozela miyo. 31Miyo mbwenye nnoirana jidirumile Baba ira atu a mwilamboni kaiziwe ira miyo nnomuzivela.>>
Noira eno, Yesu ohowongaga eraga: <<Kavenyani nikwaranyenivo eva vili hiyo va.>>
Currently Selected:
Juwawu 14: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Juwawu 14
14
Yesu tchi ndila yomufiyiha mutu wa Mulugu
1Yesu ohowonga na anamamuharaye eraga: <<Kamukukumuwe mmirimani mwenyu. Mmuroromele Mulugu eto mudiroromele miyo. 2Ineriha nyumba ya Babaga mukala mamburo madjindji. Wahakala mamburo madjindji, miyo dogouwandelani. Miyo nnadowa ira dausambaulreleni malro. 3Miyo dadowa, damala usambaulrelani malro, nnowela akoka, dize dutukuleni ira unafunege miyo kala, na nyenne mudowe mwakalege vamohi na miyo wewo.>>
4<<Wewo unadowa miyo nyo muhumala iziwawo eto muhumala iziwa ndiliwa.>> 5Evale Tome ohowakulaga eraga: <<Nabwiya hiyo kaniiziwile unaya nyo. Hiyo nnaiziwa ndiliwa avi, agali unaya nyo kaniiziwo?>> 6Evale Yesu ohowakula eraga: <<Miyo dili Ndila, dili Ibaribari, dili Ingumi. Kalivo mutu unafuna vira dowa wa Baba ahavirile mwa miyo.>>
7<<Ahakale nyo mudiiziwa miyo, na Babene mogomuiziwa. Mbwenye kuma peno dowa sogolro nyo muhumuiziwa Baba eto muhumuona.>> 8Evale Filipi ohowonga, liye ira: <<Nabwiya hiyo nnafuna munionihe Baba. Hiyo namuona Baba, ikwakwana.>> 9Yesu ohomuwandela, liye kwi: <<Filipi, miyo dihimala tempu ilukulu dagalive na nyo. Kodi evale na vanove kunadiiziwe? Ule udionne miyo, umala muona Baba. Nnga weyo unawanda avi wonga ira: <Hiyo nnafuna munionihe Baba?> 10Kodi weyo kunaroromela ira miyo dili mwa Baba eto Baba uli mwa miyo? Mazu anawonga miyo, kannawonga mwa miyo meka, nari. Baba wenno uli muwari mwa miyo gunalaba mabasaye muwari mwa miyo. 11Inafwanela muroromele jinawonga miyo ira miyo dili mwa Baba, Baba eto uli mwa miyo. Akala kamunawanda roromela muwari mwa mazu nnawonga miyo, muwande roromela muwari mwa jengo jinerana miyo.
12<<Miyo nnafuna duwandeleni ibaribari. Ule unadiroromela miyo, na liyene unerege irana joira jimohive jejo jinera miyo. Joira jaye eto jinerege kwaranya joira jejo jinera miyo, mwasiwa miyo nnadowa wa Baba. 13Dadowa wa Baba, jatene jinafunege nyo vepa na nzina naga, miyo nnerege irana ira undimuwa wa Baba uoneye mwa miyo Mwanaye. 14Yengo ili yatene inavepege nyo na nzina naga, miyo nnerege irana.
Yesu ohowonga zela Munemba Otchena
15<<Mwadiziveliwa miyo, munerege harihamo malamulo aga.
16<<Miyo nnonvepa Baba ira auvaheni Nkamihedi mmohiwa, wenno unafuna kalaga na nyo kala no kala. 17Nkamihediwa unafuna Baba uvahani gu Munemba Otchena oafundjiha atu ibaribari. Mbwenye atu a mwilamboni kinawanda mutambilra Munemba Otchena mwasiwa kinamuona nne kimuiziwile. Nyo mbwenye muhumuiziwa, mwasiwa uli na nyo eto vasogolro unakalege mmirimani mwenyu.#14:17 atu a mwilamboni: Ba atene kahamuroromenle Yesu. Mutu omuroromela Yesu unafwanyeya mwilamboni, mbwenye kahi mutu wa mwilamboni. So unawendamo bahi. Nione Juwawu 15:18-19. Mazu a Yesu oira uli na nyo eto vasogolro unakalege mmirimani mwenyu ananiwandela ira Munemba Otchena wanle ali vamohi na atu osakulriwa na Mulugu nnga Davi. (1 Samuweli 16:13) Mbwenye Yesu agadowile zulu, siku na Pwando ya Johanda Joroma, Munemba Otchena ohoroma wenda na atu atene omuroromela Yesu na makalelo maxa mmirimani mwewa. (Joira ja Anamarumiwa 2:1-4,38; Roma 8:9; 1 Korinto 6:19)
18<<Miyo dadowa, kannauhiyani eno nnga anapawi. Nnowela dize wa nyo. 19Tchineneva atu a ilambo ya vati kinadionegeve. Nyo mbwenye muneregeve diona. Nyo munoza mukayena ingumi mwasiwa miyo dihikana ingumi. 20Siku niwa nafiya, nyo munoiziwa ira miyo dili mwa Baba eto Baba uli mwa miyo eto miyo dili mwa nyo.
21<<Ule unawatchela malamulo aga, amala airagana, gwenno unadiziveliwa miyo. Eto ule unadiziveliwa miyo, gwenno Baba unafuna liye muziveliwa. Na miyene nnomuziveliwa eto nnovioneyiha vamentoni vaye.>> 22Evale Judasi mmohuwole, ahali Judasi Iskariyoti, ohonfuka Yesu ira: <<Nabwiya, nyo makalelo bavi anafuna nyo irana ira muwande vioneyiha vamentoni vehu mwahavioneyihile vamentoni va atu a ilambo ya vati?>> 23Evale Yesu ohomuwakula ira: <<Vioneyiha waga, makaleluwa ba ala. Mutu wenno unadiziveliwa, liye gunafuna koya mazwaga. Muwari mokoya mazwaga, Baba unomuziveliwa. Era eno miyo na Baba nnoza wa liye ira akale nyumba yehu, nikalege mwa liye. 24Mbwenye ule ahanadiziveliwa, kanakoya mazwaga. Eto muiziwe ira mazu munavwa nyo diwongaga kahi mazwaga. Ba mazu a Baba wenno udirumile.
25<<Miyo nnauwandelani jatene eji dagalive na nyo dahanavenyevo. 26Mbwenye davenyavo, Baba unomuruma Nkamihedi mwa nzina naga, wenno unafwanyeya agali Munemba Otchena. Liye aza unerege ufundjihani jatene eto unerege uwumbutchedani zela jatene juwandenleni miyo.
27<<Dadowaga, nnouhiyedani murendele. Miyo nnouvahani murendele waga. Eto murendele unauvahani miyo kahi murendele nnga uli mwilamboni ya vati. Nona mmirimani mwenyu kamukukumuwe, nne kamukayena ova. 28Mumala vwa mazu diwongile miyo na nyo oira: <Miyo nnodowa eto amala nnowela dize dikale na nyo.> Mwahadiziveliwege, mogohagalala zela dowa waga wa Baba. Tchoira Baba gu mundimuwa odikwaranya miyo vano.
29<<Miyo nnauwandelani jeji jahanaireye ira nyo mwaona jiireyaga, muroromele.
30<<Miyo tchineneva kannakana tempu ira diwongegeve jidjindji na nyo mwasiwa mwene wa ilambo ya vati unaza. Liye mbwenye kanna utongi ozela miyo.#14:30 Mwene wa ilambo ya vati unaza. Yesu amuwonga Satana. Nione Efezo 6:12. Mbwenye Yesu kwi: Na ibaribari liye gu mwene wa ilambwela, mbwenye kanna utongi ozela miyo. 31Miyo mbwenye nnoirana jidirumile Baba ira atu a mwilamboni kaiziwe ira miyo nnomuzivela.>>
Noira eno, Yesu ohowongaga eraga: <<Kavenyani nikwaranyenivo eva vili hiyo va.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral