MAWOOKIONYI 5

Oshari lo Adamu

(1Mbo 1:1-4)

1 Iki nkyo kitapu kya oshari lo Adamu. Mkonu fulya Ruwa alewumba mndu, nalemmbika kui ofano lo Ruwa. 2 Nalewumba mndu msoṟo na mndu mka, kawawikya mboṟa kawadumbuya rina nyi Wandu , mkonu fulya alewawumba.

3Adamu kawada maaka ihana na makumi haṟaṟu, (130) kafee mana o ofano loke, kui mfananyie foke, kamdumbuya rina lyake nyi Seti. 4Adamu amefee Seti maaka yake ikawa mahana nyanya, kafee wana wa kiumi na wa kika. 5Maaka yose ya Adamu alekaa iya wuyana nyi maaka mahana kenda na makumi haṟaṟu, (930) nao kapfa. 6Seti kawada maaka ihana na itanu, kafee Enoshi. 7Seti amfee Enoshi kawada maaka mahana nyanya na mfungade, kafee wana wa kiumi na wa kika. 8Maaka yose ya Seti nyi maaka mahana kenda na ikumi na iwi, kapfa.

9Enoshi kawada maka makumi kenda kafee Kenani. 10Enoshi amfee Kenani kawada maaka mahana nyanya na ikumi na itanu, kafee wana wa kiumi na wa kika. 11Maaka yose ya Enoshi nyi maaka mahana kenda na itanu, kapfa.

12Kenani kawada maaka makumi mfungade, kafee Mahalaleli. 13Kenani amfee Mahalaleli kawada maaka mahana nyanya na makumi haana, kafee wana, wa kiumi na wa kika. 14Maaka yose ya Kenani nyi maaka mahana kenda na ikumi, kapfa.

15Mahalaleli kawada maaka makumi haṟandaṟu na itanu kafee Yaredi. 16Mahalaleli kekifee Yaredi kakaa maaka mahana nyanya na makumi haṟaṟu, kafee wana wa kiumi na wa kika. 17Maaka yose ya Mahalaleli nyi maaka mahana nyanya na makumi kenda na itanu, kapfa.

18Yaredi kawada maaka ihana na makumi haṟandaṟu na iwi, kafee Enoki. 19Yaredi kekifee Enoki kawada maaka mahana nyanya, kafee wana wa kiumi na wa kika. 20Maaka yose ya Yaredi nyi maaka mahana kenda na makumi haṟandaṟu na iwi, kapfa.

21Enoki kawada maaka makumi haṟandaṟu na itanu, kafee Metusela. 22Enoki kahendelia Ruwa amfee Metusela maaka mahana haṟaṟu kafee wana wa kiumi, na wa kika. 23Maaka yose ya Enoki nyi maaka mahana haṟaṟu na makumi haṟandaṟu, na itanu. (365) 24 Enoki kahendelia Ruwa kiheri kyake kyose, nalawonose, kyamba nyi Ruwa alemduo.

25Metusela kawada maaka ihana na makumi nyanya na mfungade, (187) kafee Lameki. 26Metusela amfee Lameki kawada maaka mahana mfungade na makumi nyanya na iwi, (782), kafee wana wa kiumi, na wa kika. 27Maaka yose ya Matusela nyi maaka mahana kenda na makumi haṟandaṟu na kenda; (969) kapfa.

28Lameki kawada maaka ihana na makumi nyanya na iwi, (182) kafee mana. 29Kamdumbuya rina nyi Noe, kahamba, “Ichu nyio echiluwihiṟia moo kya iṟunda lyadu na wukiwa wo mawoko hadu iya orukenyi luusese nyi Ruwa.” 30Lameki kakaa maaka mahana hatanu na makumi kenda na itanu, (595) amefee Noe, kafee wana wa kisoṟo na wa kika. 31Maaka yose ya Lameki nyi maaka mahana mfundade na makumi mfundade na mfungade, (777) kapfa.

32Noe nyi alewada maaka mahana hatanu, kafee Semu, Hamu na Yafeti.

Currently Selected:

MAWOOKIONYI 5: KIM2

Highlight

Copy