WALEWI 24
24
Taa tsa ihema liele
(Iwu 27:20-21)
1Mndumii-Ruwa, nalewia Mose, 2“Wawasa Waisraeli wakuendie mafuda mecha kipfa kya taa kundu taayo iake kiheri kyose. 3Aroni nechiwika taayo ihemenyi lyekusanzia, kya nja ya isulia lya isanduku lya mma kundu iake oshangunyi loko kio taṟaṟaa. Ilyi nyi iwawaso lya mlungana ipfo shisharinyi shanu. 4Nechiwika taatso huya kimnaṟa kya taa kya sahabu njicha tsiake oshangunyi lo Mndumii-Ruwa, kiheri kyose.”
Mkate ya ihema liele lya Mndumii-Ruwa
5 “Ira mso mmamiri, shilo ikumi na shiwi nokahaṟe mkate ikumi na iwi. 6Mkateyo iwiko njotasa tsiwi mesenyi ya sahabu njicha, orio otasa mkate iṟandaṟu. 7Orio otasa nohekieho ubani wucha kundu wuwadane na mkateyo, iwe kienga kya kidaso kekoṟa na ngumbuo ko Mndumii-Ruwa. 8Orio mfiri fo sabato Aroni nochiiachikia necha otasa oshangunyi loko Inyi Mndumii-Ruwa, handu ha Waisraeli cha mkundana fo mlungana. 9 Aroni na oshari loke wawenyi nyiwo wawainenge momu folya mkateyo kipfa iinjiele mnu kyamba nyi kienga kya mwano njekeinengo Inyi Mndumii-Ruwa, kui modo. Iki nkiwawaṟi mlungana.”
Ngapo isumhanyi
10Mkonu fumu kukocha kituṟu kulya mfiṟihenyi; Mwisraeli umu kaloyana na manake umu mae nyi Shelemothi Mwisraeli na ndeye nyi Mmisri. 11Mkonu fumu manake ulya mae Shelemothi mana o Dibri o kisharinyi kya Dani, naleruma na isesa rina lya Ruwa. Kyasia wandu wakamduo manakecho ko Mose, 12wakambika kipfungonyi mṟasa wechiloṟo mdumbuye fo Mndumii-Ruwa.
13Kyasia, Mndumii-Ruwa kawia Mose, 14“Wuta manakecho aleruma na nja ya mfiṟiha na walya wose waleicho kechiruma wahekie mawoko hawo huya mdo foke, na wandu wose wambahe wechimkumbia maho. 15Naiyo nowie Waisraeli ke mndu oose echisesa Ruwa oke kimbaṟi nakudike wunyamaṟi woke. 16Mnducho oose nawe nyi menyikanyi ang'u nyi mhenu echiruma Mndumii-Ruwa, wandu wose wechimbaha wechimkapa na maho. 17 Mndu oose echiwaha mndu ungi kimbaṟi nao nawoho. 18Mndu oose echiwaha kiuma kya mndu ungi kimbaṟi kiṟaache kingi; kii na moo ko kii na moo. 19Mndu oose echiwika odoe kifaṟe, kiwari nao nawewiko kifaṟe kihianyi na kilya alewika ulya ungi, 20 nalemfunja fuo nao nawefunjo fuo, riso ko riso, iheho ko iheho. Orio mndu awawiṟa odoe kimbaṟi nao nawewawiṟo kihianyi na mawuto halya hake. 21Msa awaha kiuma kimbaṟi nalekie kingi; kyaindi mndu oose kawaha mndu ungi nkiwari nao nawewoho. 22 Iwawasolyi lyiwaṟi ko mhenu na menyikanyi. Inyi nyio Mndumii-Ruwa, Ruwa onu.”
23Nahong'u Mose kawia Waisraeli mbonyitso tsose. Wakaduo mndu ulya aleruma Mndumii-Ruwa, nja ya mfiṟiha, wakambaha wechimkapa na maho. Nyi wudo Waisraeli walewuta chandu Mndumii-Ruwa, alewawasa Mose.
Currently Selected:
WALEWI 24: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.