MAITALA 7
7
Mwano ya wasongoru
1Mkonu fulya Mose alemarisa ihoṟotsa ihema liele, ililetsia mafuda na ilishimbuo handu hamu na shihia shalyo shose, na iletsia mafuda rasionyi na iishimbuo na shihia shayo shose, 2wasongoru wa Waisraeli na wanene wa shishari na wasongoru wa mkambo sa walehoṟokia wandu walya waleitalo, 3waleendie Mndumii-Ruwa shiinengo shawo: magari haṟandaṟu hamashikie na mapung'a ikumi na hawi, orio wasongoru wawi igari limu, na orio msongoru ipung'a limu. Wamemaa ishilekia osehu lo ihema liele, 4Mndumii-Ruwa nalewia Mose, 5Ambia shiinengoshi kundu shiṟunde iṟunda lyechiwutika kunu ihemenyi lyekusanzia, noinenge Walewi orio umu chandu iṟunda lyake likeri. 6Kyasia, Mose kaira magari halya na pung'a tsilya kainengia Walewi. 7Wagershoni wakainengo magari hawi na pung'a tsiina, kihianyi na iṟunda lyawo, 8Wamerari wakainengo magari haana na mapung'a nyanya, iwatarama iṟundenyi lyawo wesongoyo nyi Ithamari mana o Aroni. 9Kyaindi Mose nalainenge Wakohathi kindo kyose kyamba wo wawei waringi wa shindo shiele sa shiwewaṟi shikudiko makosohu hawo.
10Wasongoru wo wakalekia mwano kipfa kya ishimbuo rasio mkonu fulya lileshio mafuda; waleende mwano yawo osehu lo rasio. 11Mndumii-Ruwa kawia Mose, “Orio mkonu msongoru umu nechilekia mwano foke, foshimbuo rasio.”
12Mkonu fo kuwoka nyi Nashoni mana o Aminadabu o kishari kya Yuda. 13Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso; 14kisahanyi kimu kya sahapu kiwode wulemeri wo gramu ihana na ikumi (110) kiichwo ubani, 15ipung'a limu likoho; isuwa limu, na kisuwa kimu kya maka fumu ko kidaso kemaya modonyi 16kioṟo kimu kya mwano fowuto wunyamaṟi; 17na pung'a tsiwi; masuwa hatanu, shioṟo shitanu na shisuwa shitutu shitanu sha maka fumu fumu sha kidaso kya mwano ya ofoṟo. Ifo nyifo fuwei mwano fo Nashoni mana o Aminadabu.
Waleende mwano yawo kudi: 18Mkonu fo kawi, Nethaneli mana o Suari msongoru o kishari kya Isakari. Shindo shileendo na cha sha ulya o kuwoka. 19Nalewuta mwano yake kudi:sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso. 20Kisahanyi kimu kya sahapu kiwode wulemeri wo gramu ihana na ikumi (110) kiichwo ubani, 21ipung'a limu likoho; isuwa limu, na kisuwa kimu kya maka fumu ko kidaso kemaya modonyi 22kioṟo kimu kya mwano fowuto wunyamaṟi; 23na pung'a tsiwi; masuwa hatanu, shioṟo shitanu na shisuwa shitutu shitanu sha maka fumu fumu sha kidaso kya mwano ya ofoṟo. Ifo nyifo fuwei mwano fo Nathanaeli mana o Sohari. 24Mkonu fo kaṟaṟu; Eliabu mana o Heloni msongoru o kishari kya Sebloni. 25Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso; 26kisahanyi kimu kya sahapu kiwode wulemeri wo gramu ihana na ikumi (110) kiichwo ubani, 27ipung'a limu likoho; isuwa limu, na kisuwa kimu kya maka fumu ko kidaso kemaya modonyi 28kioṟo kimu kya mwano fowuto wunyamaṟi; 29na pung'a tsiwi; masuwa hatanu, shioṟo shitanu na shisuwa shitutu shitanu sha maka fumu fumu sha kidaso kya mwano ya ofoṟo. Ifo nyifo fuwei mwano fo Eliabu mana o Eloni. 30Mkonu fo kaana, Elisuri mana o Shedeuri msongoru o kishari kya Reubeni. 31Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso; 32kisahanyi kimu kya sahapu kiwode wulemeri wo gramu ihana na ikumi (110) kiichwo ubani, 33ipung'a limu likoho; isuwa limu, na kisuwa kimu kya maka fumu ko kidaso kemaya modonyi.
34Kioṟo kimu kya mwano fowuto wunyamaṟi; 35na pung'a tsiwi; masuwa hatanu, shioṟo shitanu na shisuwa shitutu shitanu sha maka fumu fumu sha kidaso kya mwano ya ofoṟo. Ifo nyifo fuwei mwano fo Elisuri mana o Shedeuri.
36Mkonu fo katanu nyiwe mkonu fo Shelumieli mana o Surishadai msongoru o kishari kya Simeoni. 37Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso; 38kisahanyi kimu kya sahapu kiwode wulemeri wo gramu ihana na ikumi (110) kiichwo ubani, 39ipung'a limu likoho; isuwa limu, na kisuwa kimu kya maka fumu ko kidaso kemaya modonyi; 40kioṟo kimu kya mwano fowuto wunyamaṟi; 41na pung'a tsiwi; masuwa hatanu, shioṟo shitanu na shisuwa shitutu shitanu sha maka fumu fumu sha kidaso kya mwano ya ofoṟo. Ifo nyifo fuwei mwano fo Shelumieli mana o Surishadai.
42Mkonu fo kaṟandaṟu fukawa nyi kamba lya Eliasafu mana o Deuli msongoru o kishari kya Gadi. 43Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso; 44kisahanyi kimu kya sahapu kiwode wulemeri wo gramu ihana na ikumi (110) kiichwo ubani, 45ipung'a limu likoho; isuwa limu, na kisuwa kimu kya maka fumu ko kidaso kemaya modonyi; 46kioṟo kimu kya mwano fowuto wunyamaṟi; 47na pung'a tsiwi; masuwa hatanu, shioṟo shitanu na shisuwa shitutu shitanu sha maka fumu fumu sha kidaso kya mwano ya ofoṟo. Ifo nyifo fuwei mwano fo Eliasafu mana o Deuli.
48Mkonu fo mfungade fukawa nyi kamba lya Elishamu mana o Amihudi, msongoru o kishari kya Efraimu. 49Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso; 50kisahanyi kimu kya sahapu kiwode wulemeri wo gramu ihana na ikumi (110) kiichwo ubani, 51ipung'a limu likoho; isuwa limu, na kisuwa kimu kya maka fumu ko kidaso kemaya modonyi. 52Kioṟo kimu kya mwano fowuto wunyamaṟi; 53na pung'a tsiwi; masuwa hatanu, shioṟo shitanu na shisuwa shitutu shitanu sha maka fumu fumu sha kidaso kya mwano ya ofoṟo. Ifo nyifo fuwei mwano fo Elishama mana o Amihudi.
54Mkonu fo nyanya fukawa nyi kamba lya Gamalieli mana o Pedasuri, msongoru o kishari kya Manase. 55Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso; 56kisahanyi kimu kya sahapu kiwode wulemeri wo gramu ihana na ikumi (110) kiichwo ubani, 57ipung'a limu likoho; isuwa limu, na kisuwa kimu kya maka fumu ko kidaso kemaya modonyi; 58kioṟo kimu kya mwano fowuto wunyamaṟi; 59na pung'a tsiwi; masuwa hatanu, shioṟo shitanu na shisuwa shitutu shitanu sha maka fumu fumu sha kidaso kya mwano ya ofoṟo. Ifo nyifo fuwei mwano fo Gamalieli mana o Padasuri.
60Mkonu fo kenda fukawa nyi kamba lya Abidani mana o Gideoni, msongoru o kishari kya Benyamini. 61Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso; 62kisahanyi kimu kya sahapu kiwode wulemeri wo gramu ihana na ikumi (110) kiichwo ubani, 63ipung'a limu likoho; isuwa limu, na kisuwa kimu kya maka fumu ko kidaso kemaya modonyi; 64kioṟo kimu kya mwano fowuto wunyamaṟi; 65na pung'a tsiwi; masuwa hatanu, shioṟo shitanu na shisuwa shitutu shitanu sha maka fumu fumu sha kidaso kya mwano ya ofoṟo. Ifo nyifo fuwei mwano fo Abidani mana o Gideoni.
66Mkonu fo ikumi fukawa nyi kamba lya Ahiezeri mana o Amishadai msongoru o kishari kya Dani. 67Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso; 68kisahanyi kimu kya sahapu kiwode wulemeri wo gramu ihana na ikumi (110) kiichwo ubani, 69ipung'a limu likoho; isuwa limu, na kisuwa kimu kya maka fumu ko kidaso kemaya modonyi; 70kioṟo kimu kya mwano fowuto wunyamaṟi; 71na pung'a tsiwi; masuwa hatanu, shioṟo shitanu na shisuwa shitutu shitanu sha maka fumu fumu sha kidaso kya mwano ya ofoṟo. Ifo nyifo fuwei mwano fo Ahiezeri mana o Amishadai.
72Mkonu fo ikumi na fumu fukawa nyi kamba lya Pagiel mana o Okrani, msongoru o kishari kya Aseri. 73Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso; 74kisahanyi kimu kya sahapu kiwode wulemeri wo gramu ihana na ikumi (110) kiichwo ubani, 75ipung'a limu likoho; isuwa limu, na kisuwa kimu kya maka fumu ko kidaso kemaya modonyi; 76kioṟo kimu kya mwano fowuto wunyamaṟi; 77na pung'a tsiwi; masuwa hatanu, shioṟo shitanu na shisuwa shitutu shitanu sha maka fumu fumu sha kidaso kya mwano ya ofoṟo. Ifo nyifo fuwei mwano fo Pagieli mana o Okrani.
78Na mkonu fo ikumi na kawi fukawa nyi kamba lya Ahira mana o Enani, msongoru o kishari kya Naftali. 79Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso; 80kisahanyi kimu kya sahapu kiwode wulemeri wo gramu ihana na ikumi (110) kiichwo ubani, 81ipung'a limu likoho; isuwa limu, na kisuwa kimu kya maka fumu ko kidaso kemaya modonyi; 82kioṟo kimu kya mwano fowuto wunyamaṟi; 83na pung'a tsiwi; masuwa hatanu, shioṟo shitanu na shisuwa shitutu shitanu sha maka fumu fumu sha kidaso kya mwano ya ofoṟo. Ifo nyifo fuwei mwano fo Ahira mana o Enani.
84Shiinengo shose sha mwano ya wasongoru ikumi na wawi wa Waisraeli walelekia kipfa kya rasion mkonu lileshimbuo nyi sahani tsa pesa ikumi na tsiwi, mapoongo ha pesa ikumi na hawi, shisahanyi sha sahapu ikumi na shiwi. 85Orio sahani ya pesa iwewode wulemeri wo kilo kimu na kienga na orio kisahani kiwewode gramu mahana nyanya. Koikyo shihiasho shose shiwewode shilo makumi hawi na mfungade na gramu mahana haṟandaṟu kui kiheo kya ihema liele.
86Shisahani shilya sha sahapu ikumi na shiwi shiweichuo ubani, orio kimu kiwewode ulemeri wo gramu ihana kimu na ikumi kui kiheo kya ihemenyi liele isho shose shiwewode ulemeri wo kilo kimu na gramu mahana haṟaṟu na makumi hawi. 87Shuma shose sha kidaso kemaya modonyi nyi mapung'a ikumi na hawi, masuwa ikumi na hawi na shisuwa sha maka fumu ikumi na shiwi, handu hamu na kidaso kya mso na shioṟo ikumi na shiwi kidaso kewuta wunyamaṟi, 88na mwano fo kidaso kya ofoṟo fose nyi mapung'a makumi hawi na haana, masuwa makumi haṟandaṟu, shioṟo makumi haṟandaṟu, na shisuwa shitutu sha maka fumu makumi haṟandaṟu. Ifo nyifo mwano fulelekio kipfa kya rasio, lyamemaa ishio mafuda.
89Kiheri Mose aleida na ihemenyi lyesanzia kundu nadede na Mndumii-Ruwa, naleicho ṟu lyiuka ora lo huye lo loṟika lo osaṟio, luwei huya isanduku lya mkundana, lyiwuka kiidi kya shiwumbe shilya shiwi shiwode makungo.
Currently Selected:
MAITALA 7: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.