Tirhthalahle 1
1
Thiang Thlarau Tiamnak
1Ka dawtmi Theofilas, Ka laibu peita sungah a hramthawh in a ril hngai mi tirhthlahle hemah Thiang Thlarau thawngin thu a zirh hngai hnukih, 2vancung ah latso a ik tiangih a thiltimi leh a thuzirhmi thuhla zate ka ngan hngai. 3A tuar hnukah alkhawh-lomi fiansak nak tlungpi rum an hemah ni sawmli sung a lang ih a nung ti a hmuh hngai, cun Pathian uknak thu a sim hngai. 4Anmah rum a om lioah, Jerusalem mata loin, Pa ih tiammi cu acunangih hngak dingah zong thu a cah hngai. “Hihi ka hemin nan zakmi cu a ii; 5Johan ni cu ti ah a tan hnim hngai, a i nain atu hnuk ni ii hlet hlanah Thlarau in hnim nan i leh thok,” tiah a ti hngai.
Jesuh Vankainak
(Mar 16:19-20; Luk 24:50-53)
6Curuangah hmunkhatih an khawmtiak tikah, “Bawipa, atu hi Israel miphun hemah uknak na tundiinṭhan thok ṭum ii im?” tiah an dil. 7Ani ni, “Pa ni amah ih thungeihnak in a teekmi caan iklole nikhua cu nangmi ih tiah thok a i tal lo. 8A i nain Thiang Thlarau nan parah pha taw ah, huham nan co leh thok; cun Jerusalem, Judea ramṭhen zate leh Samaria ramṭhen zate, cun vulei khuazakip hlawhin ka thutiahpitu nan i thok,” tiah a let hngai. 9Acu cu a sim uh in, an zoh ciahco lio fang ah latso a ii ih meici ni an hmuh lonak ah a hruaita. 10A tah lio leh, vancungla an han zoh lioah puan raang sin mi pahnih an hrialah an zong diing lohli. 11“Galilee mile hngai, ica’h vancungla han zoh in nan diinkau? Hi Jesuh, nan hemin vancungla ih latso a i rommi cu, vancung ah tatin nan hmuh manghin a phat ṭhan nan hmu leh thok,” tiah an ti.
Judas Airol ding Matthias Rilnak
12Cuhnukah Oliv timi tlang, Jerusalem khua hrial, Sabbath ni ih vah ban nak ih ommi in Jerusalem ah an kirṭhan. 13Khuapi sung an luh tikah an caamnak inn cungla khaan ah an tat. Piter, Johan, Jeim, Andru, Filip leh Thomas, Bartholomeo leh Matthai, Alfias ih tiapa Jeim, Phunṭan Simon leh Jeim ih tiapa Judas an ii. 14Hile an zate hi, numi hrekkhat, Jesuh ih nu Mari leh a naupale khaw telin, thlacam dingah pun an piatia ringring. 15Ni tlawmlio hlat hnukah Piter cu zumtupawl, mi 120 tluk, an khawmnak ah hang diingin, 16“Ulenau hngai, Jesuh pon tu mipawl hruai hngai tu ah a cangmi Judas ih thu ah Thiang Thlarau ni David thawngin a simciami Lai Thianghlim cu a kimngah a ṭul. 17Icatile ani cu kanmah lakah siarcih a ii ih, hi rianṭuannak ah a covo zem a ii. 18(A hrokhrawlnak ih hlawhman in lo pakhat a lei, acui lo sungah a lulet in a tla, a pun a kuai ih a sungrilpawl dengin an pawt. 19Acu cu Jerusalem ih a omtu zate ih tiahmi ah a cang ih a lo cu an aan in Hakeldama tiah kawh a ii; a tican cu Thisan Lo tinak a ii.)
20Icatile Saam laibu sungah,
‘A inn cu a ṭhingmi cang sela,
a sungih omtu ahuhman
om hlah u seh;’#Saam 69:25.
cun,
‘A rianṭuan diinhmun cu
mipace ni la u seh’#Saam 109:8.
tiah nganin a om.
21Curuangah Bawi Jesuh kan lakih a bualleen lio caan hmawhhmawh ah, 22Johan ni ti ah mi a hnim in thawh in amah Jesuh kan hemin latso a ik ni tiang kanmah rum vaktat tu lakih pakhat cu Jesuh thawhṭhannak tiahpitu pakhat ah a can a ṭul thok,” tiah a ti. 23Curuangah mi pahnih; Jastas ti in khaw tiahmi, Barsabbas tiih kawhmi Josef leh Matthias an buur. 24Cutikah thlacam in, “Bawipa, nang ni cu micang ih thinlung na tiah. Hile pahnih lakah ahu sawn hi 25Judas ni amah ih omnak ah tat dingin a pialhtaakmi hi rianṭuan leh tirhthlah iknak covo diinhmun airol dingah na ril ti man hmuh hram,” tiah an ti. 26Culeh an pahnih caah tlinhngal an dawk ih, Matthias parah a tla; cun amah cu tirhthlah hleikhat hemah beeng a ii.
Currently Selected:
Tirhthalahle 1: KHBF
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.
