Seemthawhnak 26
26
Isaak leh Abimelek
1Abraham san lio ih a tlungtami peita mangṭaam hleiah, ram sungah mangṭaam a tlung. Culeh Isaak cu Filistin mile ih siangphahrang Abimelek omnak Gerar ah a tat. 2Bawipa cu Isaak hemah a lang ih, “Izipt laah zong ṭum hlah; ka tan hmuh thokmi ram ah omhmun khuar. 3Hi ram a’hin tluangmi in om, cun ka tan ompi thok ih ka tan thluasuah thok; namah leh na hrinsarle hemah hi ram hi a zate’n ka tan ṭhen hngai thok, cun na pa Abraham hemih ka khaammi thu cu ka kimsak thok. 4Na ciitlangle cu van ih arsi zet in ka punzaisak hngai thok ih na hrinsarle cu hi ram a zate ka ṭhen hngai thok; culeh na ciitlang thawngin vulei cung miphun zate thluasuahmi an i thok, 5icatile Abraham ni ka thu a cangngai ih ka thucah, ka thupiakpawl, ka phunglampawl leh ka daanpawl a zulh hngai ruangah a ii,” tiah a ti.
6Curuangah Isaak cu Gerar ah omhmun a khuar. 7Acui hmun ih mipawl ni a nupi ih thu an dil tikah, “Ka tarnu a ii,” tiah a ti hngai; icatile Rebekah cu a landan ah mihipkho a ik ruangah, acui hmun ih mipawl ni Rebekah ruangah ma that pang lei-a uh, ti hratin, ‘Ka nupi a ii’ ti thok cu a hrul. 8Isaak cu acunangih caan saupi a om tikah Filistin Siangphahrang Abimelek ni tukvirh in khua a zoh ih Isaak cu a nupi Rebekah hawh rero a hmu. 9Curuangah Abimelek ni Isaak cu a ko ih, “Na nupi a ik tu hi! Ituruangah, ‘Ani cu ka tarnu a ii’ tiah na ti ta?” tiah a ti. Isaak ni, “Amah ruangah thi pang lei-a ing tiah ka ruah ruangah tangmawh,” tiah a ti. 10Abimelek ni, “Ahihi kan parah itu ti ci maw? Mi pakhatkhat ni na nupi cu baaite’n a metpi kho men ih kan parah mawhphurhnak na phatsak thok hekhawh,” tiah a ti. 11Curuangah Abimelek ni mipawl an zate ralrin pia hngai in, “Hi pa iseh, a nupi iseh a tongtham tupoh thah a i thok,” tiah a ti.
12Isaak ni acui ram ah thlai a thla ih acui kum cu a let zakhat in a khawm. Bawipa ni a thluasuah, 13culeh milian ah a cang; mingeinung vuai a can tiang a ṭhangso hlehhlo. 14Turun, merun leh cawrun, cun hemom tlungpi a ngei hngai, curuangah Filistin mipawl ni an nahsuah. 15(Filistin mipawl ni a pa Abraham san lioah a tungsaupawl ih an saih taakmi tikhur hmawhhmawh vulei an silh ih an phih piak.) 16Culeh Abimelek ni Isaak cu, “Kan hemin vak mianmi; kan ca’h na ṭhawngṭha tuk vel hi,” tiah a ti.
17Curuangah Isaak cu acunang cun a pok ih Gerar horrawn ah riahbuuk sain acunangah omhmun a khuar. 18Isaak ni a pa Abraham san lio ih an saih taakmi tikhur a saai sei; icatile a pa thih hnukah Filistin mipawl ni an silh ih an phit; cun a pa ih vawhmi minpawl a vawh hngai. 19Ihmansela Isaak ih hemomle ni horrawn ah tikhur an saai ih tiput an tuah tikah, 20Gerar ih sumhnam khaaltule cu Isaak ih sumhnam khaaltule rum bottia in, “Ti cu kanmah ih a ii,” tiah an ti. Curuangah anmah rum an altiaknak a ik ruangah tikhur cu Esek#26:20 Esek ti cu Bawhtiaknak tican. a vawh. 21Cutikah tikhur pace an saai ih acu khaw an bottia sei; curuangah Sitnah#26:21 Sitnah ti cu Raltiaknak tican. tiah a vawh. 22Acunang cun a thawntia ih tikhur pace a saai, acu cu an bot lo; curuangah Rehoboth#26:22 Rehoboth ti cu Hmun iklole Khaan Kaaupi tican. a vawh ih, “Atu cu Bawipa ni khaan a man vuak piak rom, ram sungah kan pungzai thok,” tiah a ti.
23Acunang cun Beersheba laah a kai. 24Acui zan rori ah Bawipa cu a hemah langin, “Kei hi na pa Abraham ih Pathian ka ii; hrul hlah, icatile ka tan ompi thok ih ka tan thluasuah thok, cun ka tungsau Abraham ruangah na ciitlang cu ka punzaisak thok,” tiah a ti. 25Curuangah acunang ahcun pakawh a don ih Bawipa ih min a ko, cun a puanthlaam a sa. Cun Isaak ih tungsaule ni tikhur an saai.
26Cutikah Abimelek cu Gerar cun a thuronmi Ahuzzath leh a ralbawi Fikol rum Isaak hemah an tat. 27Isaak ni, “A ma huat hngai ruangah nan hemin a ma ṭhawl hngai rom hin. Ica’h ma tuak dingin nan phat duh?” tiah a ti hngai. 28Anmimi ni, “Bawipa ni a tan ompi rom ti kan hmu tam tuk; curuangah nang leh keimi lakkarah thukhaam om sela, cun namah rum thukam vua hu la kan ti, 29cuticun keimi ni itu tan ti lo’n ṭhate’n kan tan tahsak rom mangin nang ni khaw harnak a man pia hlah taw ci. Atu cu Bawipa ni a tan thluasuah vel,” tiah an ti. 30Curuangah puai a vuak hngai ih an aw, an ding. 31A zingla mawpan hang thoin khatla ni khatla parah thu an khaamtia veve; culeh Isaak ni lam ah a thlah hngai ih a hem cun daitein an pok. 32Acui ni ah Isaak ih tungsaule ni an tikhur saihmi thu an sim ih, “Ti kan hmu rom,” tiah an ti. 33Acu cu Shibah #26:33 Shibah ti cu Thukhaam timi rum a aanta a sakhat. tiah a vawh; curuangah a khua min cu nihinni tiang hi Beer-sheba#26:33 Beersheba ti cu Thukhaam Tikhur tican. a i dah.
Hit mi Esau Nupile
34Esau cu kum sawmli a ti tikah Hit mi Beeri ih tianu Judith leh Hit mi Elon ih tianu Basemath a pi hngai; 35culeh anmimi ni Isaak leh Rebekah cu thinnuamlo vuai in an vua hngai.
Currently Selected:
Seemthawhnak 26: KHBF
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.
Seemthawhnak 26
26
Isaak leh Abimelek
1Abraham san lio ih a tlungtami peita mangṭaam hleiah, ram sungah mangṭaam a tlung. Culeh Isaak cu Filistin mile ih siangphahrang Abimelek omnak Gerar ah a tat. 2Bawipa cu Isaak hemah a lang ih, “Izipt laah zong ṭum hlah; ka tan hmuh thokmi ram ah omhmun khuar. 3Hi ram a’hin tluangmi in om, cun ka tan ompi thok ih ka tan thluasuah thok; namah leh na hrinsarle hemah hi ram hi a zate’n ka tan ṭhen hngai thok, cun na pa Abraham hemih ka khaammi thu cu ka kimsak thok. 4Na ciitlangle cu van ih arsi zet in ka punzaisak hngai thok ih na hrinsarle cu hi ram a zate ka ṭhen hngai thok; culeh na ciitlang thawngin vulei cung miphun zate thluasuahmi an i thok, 5icatile Abraham ni ka thu a cangngai ih ka thucah, ka thupiakpawl, ka phunglampawl leh ka daanpawl a zulh hngai ruangah a ii,” tiah a ti.
6Curuangah Isaak cu Gerar ah omhmun a khuar. 7Acui hmun ih mipawl ni a nupi ih thu an dil tikah, “Ka tarnu a ii,” tiah a ti hngai; icatile Rebekah cu a landan ah mihipkho a ik ruangah, acui hmun ih mipawl ni Rebekah ruangah ma that pang lei-a uh, ti hratin, ‘Ka nupi a ii’ ti thok cu a hrul. 8Isaak cu acunangih caan saupi a om tikah Filistin Siangphahrang Abimelek ni tukvirh in khua a zoh ih Isaak cu a nupi Rebekah hawh rero a hmu. 9Curuangah Abimelek ni Isaak cu a ko ih, “Na nupi a ik tu hi! Ituruangah, ‘Ani cu ka tarnu a ii’ tiah na ti ta?” tiah a ti. Isaak ni, “Amah ruangah thi pang lei-a ing tiah ka ruah ruangah tangmawh,” tiah a ti. 10Abimelek ni, “Ahihi kan parah itu ti ci maw? Mi pakhatkhat ni na nupi cu baaite’n a metpi kho men ih kan parah mawhphurhnak na phatsak thok hekhawh,” tiah a ti. 11Curuangah Abimelek ni mipawl an zate ralrin pia hngai in, “Hi pa iseh, a nupi iseh a tongtham tupoh thah a i thok,” tiah a ti.
12Isaak ni acui ram ah thlai a thla ih acui kum cu a let zakhat in a khawm. Bawipa ni a thluasuah, 13culeh milian ah a cang; mingeinung vuai a can tiang a ṭhangso hlehhlo. 14Turun, merun leh cawrun, cun hemom tlungpi a ngei hngai, curuangah Filistin mipawl ni an nahsuah. 15(Filistin mipawl ni a pa Abraham san lioah a tungsaupawl ih an saih taakmi tikhur hmawhhmawh vulei an silh ih an phih piak.) 16Culeh Abimelek ni Isaak cu, “Kan hemin vak mianmi; kan ca’h na ṭhawngṭha tuk vel hi,” tiah a ti.
17Curuangah Isaak cu acunang cun a pok ih Gerar horrawn ah riahbuuk sain acunangah omhmun a khuar. 18Isaak ni a pa Abraham san lio ih an saih taakmi tikhur a saai sei; icatile a pa thih hnukah Filistin mipawl ni an silh ih an phit; cun a pa ih vawhmi minpawl a vawh hngai. 19Ihmansela Isaak ih hemomle ni horrawn ah tikhur an saai ih tiput an tuah tikah, 20Gerar ih sumhnam khaaltule cu Isaak ih sumhnam khaaltule rum bottia in, “Ti cu kanmah ih a ii,” tiah an ti. Curuangah anmah rum an altiaknak a ik ruangah tikhur cu Esek#26:20 Esek ti cu Bawhtiaknak tican. a vawh. 21Cutikah tikhur pace an saai ih acu khaw an bottia sei; curuangah Sitnah#26:21 Sitnah ti cu Raltiaknak tican. tiah a vawh. 22Acunang cun a thawntia ih tikhur pace a saai, acu cu an bot lo; curuangah Rehoboth#26:22 Rehoboth ti cu Hmun iklole Khaan Kaaupi tican. a vawh ih, “Atu cu Bawipa ni khaan a man vuak piak rom, ram sungah kan pungzai thok,” tiah a ti.
23Acunang cun Beersheba laah a kai. 24Acui zan rori ah Bawipa cu a hemah langin, “Kei hi na pa Abraham ih Pathian ka ii; hrul hlah, icatile ka tan ompi thok ih ka tan thluasuah thok, cun ka tungsau Abraham ruangah na ciitlang cu ka punzaisak thok,” tiah a ti. 25Curuangah acunang ahcun pakawh a don ih Bawipa ih min a ko, cun a puanthlaam a sa. Cun Isaak ih tungsaule ni tikhur an saai.
26Cutikah Abimelek cu Gerar cun a thuronmi Ahuzzath leh a ralbawi Fikol rum Isaak hemah an tat. 27Isaak ni, “A ma huat hngai ruangah nan hemin a ma ṭhawl hngai rom hin. Ica’h ma tuak dingin nan phat duh?” tiah a ti hngai. 28Anmimi ni, “Bawipa ni a tan ompi rom ti kan hmu tam tuk; curuangah nang leh keimi lakkarah thukhaam om sela, cun namah rum thukam vua hu la kan ti, 29cuticun keimi ni itu tan ti lo’n ṭhate’n kan tan tahsak rom mangin nang ni khaw harnak a man pia hlah taw ci. Atu cu Bawipa ni a tan thluasuah vel,” tiah an ti. 30Curuangah puai a vuak hngai ih an aw, an ding. 31A zingla mawpan hang thoin khatla ni khatla parah thu an khaamtia veve; culeh Isaak ni lam ah a thlah hngai ih a hem cun daitein an pok. 32Acui ni ah Isaak ih tungsaule ni an tikhur saihmi thu an sim ih, “Ti kan hmu rom,” tiah an ti. 33Acu cu Shibah #26:33 Shibah ti cu Thukhaam timi rum a aanta a sakhat. tiah a vawh; curuangah a khua min cu nihinni tiang hi Beer-sheba#26:33 Beersheba ti cu Thukhaam Tikhur tican. a i dah.
Hit mi Esau Nupile
34Esau cu kum sawmli a ti tikah Hit mi Beeri ih tianu Judith leh Hit mi Elon ih tianu Basemath a pi hngai; 35culeh anmimi ni Isaak leh Rebekah cu thinnuamlo vuai in an vua hngai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.