Luka 10
10
Mi Sawmsarih Tirhthlahnak
1Cuhnukah Bawipa ni mipace sawmsarih sia hngai in, amah rori a tah khaih nak khua cang ah khuah khat vek in a thlah hngai li. 2An hemah, “Thlaikhawm ding cu a tlungpikau, a i nain a ṭuantule cu an tlawmte; curuangah thlaikhawm Bawipa ni a thlaikhawm ah ṭuantule thlahsuak hngai dingin dil uh. 3Nan lam cu tat kau uh. Zoh hman uh, saserual lakih tusuanpawl thlah mangin ka tan thlah hngai. 4Tangka sannak dip, songkhoi, kedaap, tipawl kentia hlah uh; cun lam lakah ahukhaw dobia hlah uh. 5Nan luhnak inn itupoh ah, ‘Hi inn ah daihnak om kau seh’ ti peita uh! 6Culeh acunangah cui daihnak a ṭom ve tu pakhatkhat a om a’cun nan daihnak cu acu mi hemah a om dah thok; a i na’n acuti a ik lo a’cun nanmah hemah a kirṭhan thok. 7Acui inn siksik ah om berbo u la, an tan piakmi itupoh aw in ding uh, icatile rianṭuantu cu piak a phu. Inn khat hnuk inn khat thawntia hlah uh. 8Khua pakhat nan luh leh khuamipawl ni an tan dolaak tikpohah, nan hmaka ih hlunmi cu aw kau uh; 9acunangih ommi mitiakpawl damsak uh, cun, ‘Pathian uknak cu nan caah bansam ah a pha rom’ tiah ti uh. 10A i na’n khua pakhat nan luh ih an tan dolaak lo tikpohah, an zalam ah suakin, 11‘Kan ke parih a belmi nan khua leivut hman nanmah tan ralsannak in kan thingta hi. A i na’n hihi cu tiah uh: Pathian uknak cu a pha rom’ tiah ti uh. 12Ka tan sim hngai, acui ni a’cun acui khua vanin Sodom ca’h hman a tuar a zualdoideuh thok.
Sualrimlo Khuapawl Hmakapihnak
(Mat 11:20-24)
13“Maw Khorazin, na hmaka a pit! Bethsaida, na hmaka a pit. Icatile nan khua sungih vuakmi donharṭhapawl hi Tai-ar leh Sidon khua sungah vuak ita sela an sualrimnak hla pi velin, bawri partlai sinhru leh vutcaam phulhtia in an to rom thok nain. 14A i nain thuṭhennak a’cun nangmi ca’h vanin cu Tai-ar leh Sidon caah an tuar a zualdoideuh thok.
15Cun nang, Kapernaum,
vancung ah hlirsan i lei cim?
I hlah, Mithikhua ah ṭhum
na i thok,” tiah a ti.
16Cun a kaizulle cu, “Nan thu an tan ngai tupoh ni ka thu a ma ngai hngai, cun nanmah an tan hnong tupoh ni kamah a ma hnong hngai, cun kamah a ma hnong tupoh ni a ma thlah tu an hnong,” tiah a ti hngai.
Sawmsarih Kirṭhannak
17Mi sawmsarih cu lungawi in an kirṭhan, “Bawipa, na min ruangah khawsiale hman ni kan thuthu in an om!” tiah an ti. 18Jesuh ni, “Vancung in Satan nimtlakaau mangin a tlak ka hmu. 19Zoh uh, rul leh nuhmeikaangpawl, cun ral ih dihcahnak zate parah zon teih khawhnak thu ka tan pia hngai rom; itu ni khaw an tan tuahmawh thok lo. 20Ii lam hmanah, thlarau sia ni nan thu an tan cangngaih ruangah cu nan lungawi hlah uh, nan minpawl van ah nganin an om ruang tu ah nan lungawi sawn uh,” tiah a ti hngai.
Jesuh a Tha a Nuam
(Mat 11:25-27)
21Acui caan ah Jesuh cu Thiang Thlarau thawngin thanuamnak rum a khat ih, “Maw ka Pa, lei leh van ih Bawi, hi thilpawl hi miting leh thutiah hemin nan thup ih, thutiah reprai lo tu mipawl hemih na phuan ruangah ka tan lawm; a ii, ka Pa, acumang cu na dawtzawng a ii. 22Thil zate ka hemah ka Pa ni a ma pia rom; Pa simlo ahuhman ni Tiapa ahu a ik an tiah lo, cun Tiapa ni a hemih phuang dingah a rilmi ahu ni maw, cun Tiapa ni maw simlo cu Pa ahu a ik an tiah lo,” tiah a ti. 23Cuhnukah kaizulle san laah a mertia ih an bulcein, “Nan hmuhmi a hmu tu mit cu an thluasuak! 24Icatile profet tlungpi leh siangphahrang tlungpi ni nan hmuhmi hi hmuh an hiar ta na’n an hmu ta lo, cun nan zakmi hi zak an hiar ta na’n an za ta lo ti ka tan sim hngai,” tiah a ti hngai.
Samaria Miṭhapa Thuṭhim
(Mat 22:34-40; Mar 12:28-34)
25Acu caangte daanthiam pakhat Jesuh hniksak dingah a hang diing. “Zirhtupa, kumkhua nunnak ro co dingah itu ka ti thok?” tiah a ti. 26Jesuh ni, “Daan sungah itu ngan tia hmen? Acunangah itu rel hmen ci?” tiah a ti. 27Ani ni, “Bawipa na Pathian cu na thinlung zate, na nunkhua zate, na thazaang zate rum na daw thok; cun na innkiang cu namah na dawttiak mangin na daw thok,” tiah a ti. 28Culeh Jesuh ni, “Na thuleh a hmaan; acu cu vua, cun na nung thok,” tiah a ti. 29Ihmansela amah leh amah miding ti tiak daw in Jesuh cu, “Ka innkiang cu ahu a ii?” tiah a dil. 30Jesuh ni, “Mi pakhat cu Jerusalem in Jerikho laah a tat ih rokhmangle kut ah a pha, a partlai an phoih, an thawi, thi samte in an mata mianmi. 31Tlangbawi pakhat cu acui lam in a vak ngelcel; culeh acu pa a hmuh tikah khatlasan in a hrel. 32Acumangcun Levi mi pakhat ni acui hmun a pha ih acu pa a hmuh tikah khatlasan in a hrel ve. 33A i nain Samaria mipa cu khual a tlon lioah acu pa hrial a pha; culeh acu pa a hmuh tikah a phusahih vuai. 34A hemah phain an tuahmawhnak maapawl cu thathau leh sabitti toih hngai in a tuam hngai. Cuhnukah a sumhnam parah toh in, khualbuk ah a pita, cun a zokhen. 35A zingla ah denarii pahnih a phorh ih khualbuk kiltu piain, ‘Hi pa hi zokhen law; ka kirṭhan laah na hman beengmi itupoh ka tan sam leh thok,” tiah a ti. 36Hile pathum lakah rokhmangle kut ih a pha tu pa ih innkiang cu ahu tleng ik zum ci?” tiah a ti. 37Daanthiam pa ni, “A parih phusahihnak a lansaktu pa,” tiah a ti. Jesuh ni, “Tat la acumangcun vua,” tiah a ti.
Jesuh ni Martha leh Mari a Tlawn hngai
38An lam an tah peh ih, khua pakhat an pha, acunangah Martha timi nu ni Jesuh cu a inn ah a tlunsak. 39Martha ni Mari timi naunu a ngei ih Jesuh ke hramah toin a thusimmi a ngai. 40Ihmansela Martha cu a rianṭuan tlungpi ni a thin a hnaihnok; curuangah Jesuh hemah phain, “Bawipa, ka naunu ni hi hmawhhmawh kamah ceu ṭuan dingin a ma mat men hi na poisa raau lo maw? Ma bawn dingin sim tu hmen,’ tiah a ti. 41Ihmansela Bawipa ni, “Martha, Martha, nang hmawh thil tlungpi ruangah dontia in na thin a tan hnaihnok kovawh; 42thil pakhat ceu a ṭul hekhawh. Mari ni a ṭhadeuhmi a rilngah, acu cu a hemin suh mianmi a i thok lo,” tiah a sawn.
Currently Selected:
Luka 10: KHBF
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.
