Marka 13
13
Biakinn Rawh ik thok
(Mat 24:1-8; Luk 21:5-11)
1Jesuh Biakinn in a suah fang ah a kaizul pakhat ni, “Zoh hnik, Zirhtupa, an lung pipi leh an inn pipi hnem tak u ee!” tiah a ti. 2Culeh Jesuh ni, “Hi inn hnem pipi hi hmu hngai ci maw? A lungpawl hi an thuattia ti thok lo; an zate beeu an i leh thok,” tiah a ti. 3Jesuh cu biakinn ralcuan Oliv Tlang parih a to lioah, Piter, Jeim, Johan leh Andru ni an bulcein, 4“Acu cu khawcangah a i thok ih acupawl an cang vel thok ti hmuhsaknak itu an om thok ti man sim law,” tiah an dil. 5Culeh Jesuh ni sim hngai a thawh ih, “Ahuhman ni tan hruaisual lo dingin ralring uh. 6Mi tlungpi cu ka min kengin an pha thok ih, ‘Kei hi amah cu ka ii,’ ti tia in mi tlungpi an hruaisual thok. 7Raldohtiak leh ral thuhla dokthupawl za taw cu ah nan thlakawk hlah uh; acumang cu a cang thok nain a dengnak a i rih thok lo. 8Miphun khat leh phun khat, ram khat leh ram khat ral an dotia thok; hmun cece ah linghnit a om thok; mangṭaam a tlung thok. Ahi cu nausanpiak tiah hramthawhnak ceu a ii,” tiah a ti.
Hremnak
(Mat 24:9-14; Luk 21:12-19)
9“Nanmah hrimhrim khaw ralring uh; tan pon-in tlang an tan tung thok#13:9 Tlangtung ti cu Kawl aan ih Tazacuai ti khi a ii. sinakok ah an tan vel thok; cun kamah ruangah uktupawl leh siangphahrangle hmaiah nan diing thok, cucu an hemih ka thu nan diinpinak dingah a ii. 10Cun thuthangṭha cu miphun zate hemah sim peita a i thok. 11Tan pon-in tlaang an tan tung tikah nan on-aan thokmi thu ah dontia cia hlah uh; a awn-ang tu cu nangmi iloin Thiang Thlarau a ik ruangah, acui caan ah nan hemih simmi poh awn-ang uh. 12U leh nau khaw thihnak tiangin an leirawi tia thok, cun pa ni tia a leirawi thok ih, tiale ni nulepa dokalh in thihnak tiang an phat tia thok. 13Kamah ruangah mi hmawhhmawh ih huat nan tuak thok. A i na’n a net tiang a ing tu cu run an i thok.
Ningtirhṭha Miṭhiotu
(Mat 24:15-28; Luk 21:20-24)
14“A i nain a om lo nakding hmun ah ningtirhṭha miṭhiotu siah a ik nan hmuh tikah (laireltu ni tiahthiam seh), Judea peng ih a om tu cu tlang parah zuang u seh; 15inn parih a om tu cu thil la dingin ṭumin inn sungah lut hlah seh; 16lo sungih om tu ni angki pawnthuah la dingah kir hlah seh. 17Acui nicaan ih naupai leh nau hnawitawp lio ngei tu cu an hmaka a pit. 18Acu cu isik khuk ah i lo dingin thla cam uh. 19Icatile cui caan a’cun Pathian ih thil seemsuah hramthawh in atu tiang ih a om thah lomi, cun a om dah thok lomi a om thok. 20Culeh Bawipa ni cui ni cu a tawisak deuh lo a’cun ahuhman an luat thok lo; a i nain a rilmile ca’h cu cui nipawl cu a tawisak. 21Cun cui caan ah mi pakhatkhat ni, ‘Zoh hman! Hina’h Messiah a om’ ti’n maw, iklole ‘Zoh hman! Khina’h Messiah a om’ ti’n maw ti taw ah zum duh hlah uh. 22Icatile a hmaanlomi Messiah leh a hmaanlomi profet tipawl suak lei u khawh, a cankhawh a’cun rilmile hman hruaisual khaaitia in hmuhsaknak leh donharṭha tipawl an vua thok. 23A i nain thinhrip in om uh; izongza an can hlan in ka tan sim hngai cia.
Mi Tiapa Phat thok
(Mat 24:29-31; Luk 21:25-28)
24“Ihmansela, cui nicaan ah,
cui hartuarnak hnukah,
ni cu mawtsak i lei khawh,
thlapa khaw a vaang thok lo,
25cun arsipawl khaw
vancung in tla lei u khawh,
vancung huhampawl khaw
hnin an i thok.#Isa 13:10.
26Culeh, huham hnempi leh sunlawinak rum Mi Tiapa cu meici sungin a phat an hmu thok. 27Culeh a vanmipawl thlah hngai in, vulei dengnak in van dengnak tiang, vulei kil li ih a rilmile a khawm hngai thok.
Thei Kung in Thuzirnak
(Mat 24:32-35; Luk 21:29-31)
28“Thei kung in thu zir uh: a tleeng an khawt ih a hnah an cerh caang khuaṭhal a nai ti nan tiah. 29Curuangah hi thilpawl an can rero nan hmuh tikah khaw amah cu a naite, kotka hram rori a pha ti nan tiah. 30Thungaiin ka tan sim hngai, hi thilpawl an can remro hlanah atu san hi a liam thok lo. 31Van leh vulei cu an hmun ringring thok lo, a i na’n ka aankapawl hi cu an hmun ringring thok.
Hngahṭhat Ṭulnak
(Mat 24:36-44; Luk 21:34-36)
32“A i nain cui ni le caan cu ahuhman ni an tiah lo, vanmi ni iseh, Tiapa ni iseh, an tiah cuang lo, Pa ni ceu a tiah. 33Tiimhring uh, thinhrip uh; icatile cui caan cu khawcang a phat thok nan tiah lo. 34Khualtlawn dingin inn ih a pawh ah a salle anmah rian vek a pia ta hngai ih sangka kiltu cu tiimhringih om dingin a cah tu mi pakhat mang hi a ii. 35Curuangah, tiimhring uh, icatile inn ngeitu cu siimla ah maw, zanruang ah maw, ar khuang ah maw, khuaṭhet ah maw, khawcang a phat thok nan tiah lo. 36Culocu pha lohli taw ah mein tan tuak hngai pang lei-a. 37Nan hemih ka simmi hi mi zate hemah khaw ka sim: hrialhrak uh,” tiah a ti.
Currently Selected:
Marka 13: KHBF
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.
Marka 13
13
Biakinn Rawh ik thok
(Mat 24:1-8; Luk 21:5-11)
1Jesuh Biakinn in a suah fang ah a kaizul pakhat ni, “Zoh hnik, Zirhtupa, an lung pipi leh an inn pipi hnem tak u ee!” tiah a ti. 2Culeh Jesuh ni, “Hi inn hnem pipi hi hmu hngai ci maw? A lungpawl hi an thuattia ti thok lo; an zate beeu an i leh thok,” tiah a ti. 3Jesuh cu biakinn ralcuan Oliv Tlang parih a to lioah, Piter, Jeim, Johan leh Andru ni an bulcein, 4“Acu cu khawcangah a i thok ih acupawl an cang vel thok ti hmuhsaknak itu an om thok ti man sim law,” tiah an dil. 5Culeh Jesuh ni sim hngai a thawh ih, “Ahuhman ni tan hruaisual lo dingin ralring uh. 6Mi tlungpi cu ka min kengin an pha thok ih, ‘Kei hi amah cu ka ii,’ ti tia in mi tlungpi an hruaisual thok. 7Raldohtiak leh ral thuhla dokthupawl za taw cu ah nan thlakawk hlah uh; acumang cu a cang thok nain a dengnak a i rih thok lo. 8Miphun khat leh phun khat, ram khat leh ram khat ral an dotia thok; hmun cece ah linghnit a om thok; mangṭaam a tlung thok. Ahi cu nausanpiak tiah hramthawhnak ceu a ii,” tiah a ti.
Hremnak
(Mat 24:9-14; Luk 21:12-19)
9“Nanmah hrimhrim khaw ralring uh; tan pon-in tlang an tan tung thok#13:9 Tlangtung ti cu Kawl aan ih Tazacuai ti khi a ii. sinakok ah an tan vel thok; cun kamah ruangah uktupawl leh siangphahrangle hmaiah nan diing thok, cucu an hemih ka thu nan diinpinak dingah a ii. 10Cun thuthangṭha cu miphun zate hemah sim peita a i thok. 11Tan pon-in tlaang an tan tung tikah nan on-aan thokmi thu ah dontia cia hlah uh; a awn-ang tu cu nangmi iloin Thiang Thlarau a ik ruangah, acui caan ah nan hemih simmi poh awn-ang uh. 12U leh nau khaw thihnak tiangin an leirawi tia thok, cun pa ni tia a leirawi thok ih, tiale ni nulepa dokalh in thihnak tiang an phat tia thok. 13Kamah ruangah mi hmawhhmawh ih huat nan tuak thok. A i na’n a net tiang a ing tu cu run an i thok.
Ningtirhṭha Miṭhiotu
(Mat 24:15-28; Luk 21:20-24)
14“A i nain a om lo nakding hmun ah ningtirhṭha miṭhiotu siah a ik nan hmuh tikah (laireltu ni tiahthiam seh), Judea peng ih a om tu cu tlang parah zuang u seh; 15inn parih a om tu cu thil la dingin ṭumin inn sungah lut hlah seh; 16lo sungih om tu ni angki pawnthuah la dingah kir hlah seh. 17Acui nicaan ih naupai leh nau hnawitawp lio ngei tu cu an hmaka a pit. 18Acu cu isik khuk ah i lo dingin thla cam uh. 19Icatile cui caan a’cun Pathian ih thil seemsuah hramthawh in atu tiang ih a om thah lomi, cun a om dah thok lomi a om thok. 20Culeh Bawipa ni cui ni cu a tawisak deuh lo a’cun ahuhman an luat thok lo; a i nain a rilmile ca’h cu cui nipawl cu a tawisak. 21Cun cui caan ah mi pakhatkhat ni, ‘Zoh hman! Hina’h Messiah a om’ ti’n maw, iklole ‘Zoh hman! Khina’h Messiah a om’ ti’n maw ti taw ah zum duh hlah uh. 22Icatile a hmaanlomi Messiah leh a hmaanlomi profet tipawl suak lei u khawh, a cankhawh a’cun rilmile hman hruaisual khaaitia in hmuhsaknak leh donharṭha tipawl an vua thok. 23A i nain thinhrip in om uh; izongza an can hlan in ka tan sim hngai cia.
Mi Tiapa Phat thok
(Mat 24:29-31; Luk 21:25-28)
24“Ihmansela, cui nicaan ah,
cui hartuarnak hnukah,
ni cu mawtsak i lei khawh,
thlapa khaw a vaang thok lo,
25cun arsipawl khaw
vancung in tla lei u khawh,
vancung huhampawl khaw
hnin an i thok.#Isa 13:10.
26Culeh, huham hnempi leh sunlawinak rum Mi Tiapa cu meici sungin a phat an hmu thok. 27Culeh a vanmipawl thlah hngai in, vulei dengnak in van dengnak tiang, vulei kil li ih a rilmile a khawm hngai thok.
Thei Kung in Thuzirnak
(Mat 24:32-35; Luk 21:29-31)
28“Thei kung in thu zir uh: a tleeng an khawt ih a hnah an cerh caang khuaṭhal a nai ti nan tiah. 29Curuangah hi thilpawl an can rero nan hmuh tikah khaw amah cu a naite, kotka hram rori a pha ti nan tiah. 30Thungaiin ka tan sim hngai, hi thilpawl an can remro hlanah atu san hi a liam thok lo. 31Van leh vulei cu an hmun ringring thok lo, a i na’n ka aankapawl hi cu an hmun ringring thok.
Hngahṭhat Ṭulnak
(Mat 24:36-44; Luk 21:34-36)
32“A i nain cui ni le caan cu ahuhman ni an tiah lo, vanmi ni iseh, Tiapa ni iseh, an tiah cuang lo, Pa ni ceu a tiah. 33Tiimhring uh, thinhrip uh; icatile cui caan cu khawcang a phat thok nan tiah lo. 34Khualtlawn dingin inn ih a pawh ah a salle anmah rian vek a pia ta hngai ih sangka kiltu cu tiimhringih om dingin a cah tu mi pakhat mang hi a ii. 35Curuangah, tiimhring uh, icatile inn ngeitu cu siimla ah maw, zanruang ah maw, ar khuang ah maw, khuaṭhet ah maw, khawcang a phat thok nan tiah lo. 36Culocu pha lohli taw ah mein tan tuak hngai pang lei-a. 37Nan hemih ka simmi hi mi zate hemah khaw ka sim: hrialhrak uh,” tiah a ti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.