Marka 14
14
Jesuh Thah ding Thuphiarnak
(Mat 26:1-5; Luk 22:1-2; Joh 11:45-53)
1Atu cu Lontaak Puai leh Colnu phulh-lo Sang puai nakding ni hnih ceu a daw vel. Tlangbawi upapawl leh daanzirhtupawl ni a thuptein amah pon ih thah nakding lam an hrawl: 2“Puai lioah cu i hlah seh, culocu mipi lakah buainak suak pang lei-a,” tiah an ti.
Rimhmui Toihnak
(Mat 26:6-13; Joh 12:1-8)
3Jesuh cu Bethani khua ih a om sung, miphar Simon inn ih caw a awk lioah, numi pakhat cu alabaster#14:3 Alabaster timi cu thawl vuaknak i hman mi lung phun khat a ii. lung in vuakmi uum pakhat in rimhmui ti mankhungngaimi a kengta ih a pha, cun a uum cu khuai in Jesuh ih lu a toih. 4Acunangih om tu hrekkhat ni an hehhar in pakhat leh pakhat, “Ica’h rimhmui cu hiti’n a vaihtheh#14:4 Vaihtheh hi Heusak ti tu kan om. tlawi? 5Icatile hi rimhmui hi denarii za thum van tlungsawn ah zuarin a tangka mifarah piak khawh a i nain,” an ti tia. Cun cu nu cu an cam. 6Ihmansela Jesuh ni, “Amah omin om seh; ica’h nan hnaihnawh duh? Ka parah thil mawi a vua hekhawh. 7Icatile mifarah cu nan hemah an om ringring ih, nan dawt cang in an parah ṭhatnak nan lansak kho, a i nain kei cu nan hemah ka om ringring thok lopi. 8Ani cu a vuak khawhmi a vua rom; ka ruangpun rimhmui a ma toih cu kamah vuinak ca’h a tuahtiim cia. 9Thungaiin ka tan sim hngai, vulei cung punpuhluk ih hi thuthangṭha simthan a ik nakpohah a thilvuakmi cu amah palhtiak-lonak ah simcih a i ve thok,” tiah a ti hngai.
Jesuh Leirawi ding Lungkimnak
(Mat 26:14-16; Luk 22:3-6)
10Cuhnukah Hleihnih lakih pakhat a imi Judas cu tlangbawi upale hemah Jesuh leiroih hngai dingin a tat. 11An zaklaak tikah an ngetia ih tangka pia dingin an kam. Curuangah ani ni Jesuh leiroihngah nakding caanṭha hrawl a thawh.
Kaizulle rum Lontaak Puai
(Mat 26:17-25; Luk 22:7-13; Joh 13:21-30)
12Colnu phulh-lo Sang Puai a ni khatnak, Lontaak Puai tusuan an talh ni ah a kaizulle ni, “Khawnangah Lontaak puai caw na awk dingah man zalhsak daw ci maw?” tiah an ti. 13Curuangah a kaizul pahnih thlah hngai in, “Khua sungah tat u la ti uum pakhat a phurmi pa ni an tan tuakla thok; zul lei cu khawh, 14khawnangah lut le, innteek cu, ‘Ka kaizulle rum Lontaak Puai kan hman nakding khual khaan cu khawnangah a ii? a ti’ tiah sim uh. 15Inn cungta ah izongza kimcia leh tiariciami khaan hnempi a tan hmuh hngai thok. Acunangah kan ca’h zaal uh,” tiah a ti hngai. 16Curuangah kaizulle cu pok in khuapi ahcun an lut ih a sim hngaimi mangin an hmu; culeh Lontaak Puai caw cu an zaal. 17Siimlari ahcun hleihnihle rum an pha. 18Caw um vek in an awk lioah Jesuh ni, “Thungaiin ka tan sim hngai, nan lakih pakhat, caw ka awkpi mi ni a ma leirawi thok,” tiah a ti hngai. 19An ngaihsia in pakhat hnuk pakhat ni, “Kei cu i hlah ing maw?” tiah an ti vek. 20Ani ni, “Hleihnih lakih pakhat, kamah rum kheng pakhat sungih sang a hnim khat tu a ii. 21Icatile Mi Tiapa cu amah thuhla nganmi mangin a tat kau thok, a i na’n Mi Tiapa a leirawitu cu a hmaka a pit! Acu pa ca’hcun hrin ita hlah sela ṭhasawn hngen tur ee,” tiah a ti hngai.
Bawipa Zanriah Hramthawhnak
(Mat 26:26-29; Luk 22:14-23; 1Kor 11:23-26)
22Caw an awk lioah Jesuh ni sang pakhat lain thlua a suah hnukah a seu, a pia hngai ih, “La uh, hihi ka tiksa a ii,” a ti. 23Cuhnukah hai a la, lungawithu a sim hnukah a pia hngai ih an zate ni an ding vek. 24Culeh, “Hihi mi tlungpi ca-ih thletmi ka thisan in thukamnak a ii. 25Thungaiin ka tan sim hngai, Pathian uknak sungih a thar in ka din ni a phat hlansung sabit ruang in a suakmi sabitti cu ka ding ti thok lo,” tiah a ti hngai.
Piter ih Pheh thok
(Mat 26:30-35; Luk 22:31-34; Joh 13:36-38)
26Hla an sak hnukah Oliv Tlang ah an kai. 27Culeh Jesuh ni, “Nan zate hi mimatatu nan i thok; icatile:
‘Tukhal ka that thok ih,
tuule cu an parcak remro thok’#Zek 13:7.
tiah ngan a ii.
28Ihmansela thawhsak i taw ing ah nan hmala in Galilee ah tat li leh lang,” tiah a ti hngai. 29Piter ni, “An tan mattaak remro hman ah kei ni cu ka tan mata thok lo,” tiah a ti. 30Jesuh ni, “Thungaiin ka tan sim, nihin zan rori, ar khuang voi hnih hlanah voi thum a ma pheh thok,” tiah a ti. 31Ihmansela Piter ni ngekngeihin, “Nang rum thi khat thok ka ik hmanah ka tan pheh thok lo,” tiah a ti. Culeh an zate ni cuticun an ti vek.
Gethsemane Duum sungah
(Mat 26:36-46; Luk 22:39-46)
32Gethsemane timi duum pakhat ah an tat. Culeh a kaizulle cu, “Ka thlacam lioah hina’h tola uh,” tiah a ti hngai. 33Piter leh Jeim leh Johan a pita hngai ih, thinlung purzaan om a thawh. 34Culeh, “Thi thok tiangin ka thinlung a purzaan; hina’h taangin tiimvar uh,” tiah a ti ta hngai. 35Culeh hladeuh ah tatin khur ah a bok ih, a canthiam ahcun cui caan ni liamta dingin thla a cam. 36“Abba, #14:36 Abba ti cu Papa tican. Pa aw, nang ih caah cu izongza an cangzo; hi hai hi ka hemin thawn hram law, a i nain kamah ih dawtzawng mang iloin namah ih dawtzawng mang i kau seh,” tiah a ti. 37A kirla ah mein a hmu hngai ih Piter cu, “Simon, na me maw? Nazi pakhat sung tal na hrak zo lo maw? 38Tiimvar la, sualtorhnak ah lut lo dingin thlacam; thinlung ni daw hmansela tiksa hmawh a ṭonṭaih ah,” tiah a ti. 39Cun a tat ih a aanta keel saalin thla a cam ṭhan. 40A kirṭhan mein a hmu hngai sei, icatile an mit an hrak zo ti lo; cun a hemah aan awk an tiah hrim lo. 41A voi thumnak a pha ih, “Nan melio rih in nan diintia rih maw? A za vel! A caan a pha rom; Mi Tiapa cu misualle kut ah leirawi a ii. 42Tho uh, tat le hu. Zoh hman uh, a ma leirawitu a pha sam vel,” tiah a ti hngai.
Jesuh Ponnak
(Mat 26:47-56; Luk 22:47-53; Joh 18:1-11)
43A aan rero lioah Hleihnih lakih pakhat Judas a pha dukdi; tlangbawi upale, daanzirhtupawl leh upapawl ih thlah mi mibuur cu ralreen leh talvawng kentia in amah rum an pha. 44A leirawitu ni, “Ka hnam thok mipa cu amah a ii, pon lei cu khawh ṭhatein kilin tahpi lei cu,” tiah minhlinnak a pia hngai cia. 45Curuangah Jesuh cu hnaih vohvi in, “Rabbi!” ti in a hnam. 46Culeh Jesuh cu pon in hreng an khuah. 47Ihmansela acunang hrialih a diing tu mi pakhat ni a ralreen phawitia in Tlangbawi Saang hemom pa ih khatla na ṭotkau a set. 48Culeh Jesuh ni, “Rokhmang ii ning la mang ralreen leh talvawng rum ma pon dingah nan pha maw? 49Ni cang kovawh Biakinn ah nanmah rum omin thu ka tan zirh hngai, a ma pon hngai tal lo. A i nain Lai Thianghlim cu kimngah kau seh,” tiah a ti hngai. 50An zate ni amah cu an mata ih an leeu. 51Puanlaap ceu kai in tlangval pakhat ni a zul. An ponngah, 52ihmansela a puanlaap cu matain a takpalawng in a zuang mianmi.
Tlangtungnak Hmun ah
(Mat 26:57-68; Luk 22:66-71; Joh 18:12-14, 19-21)
53Jesuh cu Tlangbawi Saang hemah an tahpi, culeh tlangbawi upa, upapawl leh daanzirhtupawl an zate an khawmtia. 54Piter ni hladeuh in Tlangbawi Saang inn tual tiang a zul, ralveengtule hemah toin mei a ai. 55Tlangbawi upapawl leh thureltu zate ni Jesuh thah nakdingah amah ralsanin thudiinpinak an hrawl rero; a i nain ituhman an hmu lo. 56Mi tlungpi ni amah ralsanin thusual an diinpi, ihmansela an thudiinpinak an caangtia lo. 57Mi hrekkhat an hang diing, cun amah ralsanin thusual an diinpi ih, 58“ ‘Kut ih sakmi hi Biakinn hi ṭhet lang khawh, kut ih sak lomi biakinn pace ni thum sungah ka sa thok’ a ti kan za,” tiah an ti. 59Ihmansela hi thu parah hman an thudiinpinak an caangtia lo. 60Culeh Tlangbawi Saang ni an hmalaah hang diingin Jesuh cu, “Namah tan ralsanih thu an diinpimi hi a lehnak hngai na ngei lo maw?” tiah a dil. 61Ihmansela daitein a om ih a let lo. Tlangbawi Saang ni, “Thluasuak Pathian ih Tiapa Messiah cu na ii maw?” tiah a dil ṭhan.
62Jesuh ni, “Ka ii; cun
‘Mi Tiapa cu Huham Vorhlasan
ah toin’ leh ‘vancung ih
meici rum a phat’
hmu leh lei ci,”
tiah a ti.
63Tlangbawi Saang ni a partlai thleekin, “Ica’h thudiinpitu kan tul rih hmen? 64Pathian thangsiatthu a sim nan za rom hin. Nan thusahmi itu ii maw?” tiah a ti. An zate ni thi tlak a ii tiah sualthu an ṭhen piak. 65Mi hrekkhat ni cilriit an sak; a hmai an hup, cun an thawng ih, “A tan thawitu ahu a ik cang hnik,” tiah an ti. Kiltu ralkaple ni khaw pitain an beeng thah.
Piter ni Jesuh a Pheh
(Mat 26:69-75; Luk 22:54-62; Joh 18:15-18, 25-27)
66Piter cu Tlangbawi Saang inn tualzim ih a om lioah Tlangbawi Saang hemom lengtiale lakih pakhat a pha. 67Piter cu mei ai-in a hmuh tikah zoh ciahco in, “Nang khaw Nazareth khuami Jesuh rum nan bualleng khat ta,” tiah a ti. 68Ihmansela a pheh ih, “Na simmi thu itu a ik ka tiah lo, a ruahnak khaw ka tiah lo,” tiah a ti. Culeh kotka lam laah a thawntia. Cutikah ar a khuang. 69Hemomnu ni a hmuh tikah a hrialih diingtule cu, “Hi pa hi an laktel pakhat a ii,” tiah a ti hngai sei. 70Ihmansela Piter ni a pheh ṭhan. Cuhnuk ii hlet hlanah a hrialkam ih diingtule ni Piter cu, “Anmah laktel pakhat na i hrimhrim kau, icatile Galilee peng mi na ii,” tiah an ti ṭhan. 71Ihmansela siat sirin thu a khaam ih, “Atu nan simmi pa hi ka tiah lo ee,” tiah a ti. 72Acu liote ah a voi hnihnak ar a khuang. Piter cu Jesuh ni a hemih, “Ar khuang voi hnih hlanah voi thum a ma pheh thok,” tiah a sim khi a vonmangṭhan. Culeh lungkuai in a ṭap.
Currently Selected:
Marka 14: KHBF
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.
Marka 14
14
Jesuh Thah ding Thuphiarnak
(Mat 26:1-5; Luk 22:1-2; Joh 11:45-53)
1Atu cu Lontaak Puai leh Colnu phulh-lo Sang puai nakding ni hnih ceu a daw vel. Tlangbawi upapawl leh daanzirhtupawl ni a thuptein amah pon ih thah nakding lam an hrawl: 2“Puai lioah cu i hlah seh, culocu mipi lakah buainak suak pang lei-a,” tiah an ti.
Rimhmui Toihnak
(Mat 26:6-13; Joh 12:1-8)
3Jesuh cu Bethani khua ih a om sung, miphar Simon inn ih caw a awk lioah, numi pakhat cu alabaster#14:3 Alabaster timi cu thawl vuaknak i hman mi lung phun khat a ii. lung in vuakmi uum pakhat in rimhmui ti mankhungngaimi a kengta ih a pha, cun a uum cu khuai in Jesuh ih lu a toih. 4Acunangih om tu hrekkhat ni an hehhar in pakhat leh pakhat, “Ica’h rimhmui cu hiti’n a vaihtheh#14:4 Vaihtheh hi Heusak ti tu kan om. tlawi? 5Icatile hi rimhmui hi denarii za thum van tlungsawn ah zuarin a tangka mifarah piak khawh a i nain,” an ti tia. Cun cu nu cu an cam. 6Ihmansela Jesuh ni, “Amah omin om seh; ica’h nan hnaihnawh duh? Ka parah thil mawi a vua hekhawh. 7Icatile mifarah cu nan hemah an om ringring ih, nan dawt cang in an parah ṭhatnak nan lansak kho, a i nain kei cu nan hemah ka om ringring thok lopi. 8Ani cu a vuak khawhmi a vua rom; ka ruangpun rimhmui a ma toih cu kamah vuinak ca’h a tuahtiim cia. 9Thungaiin ka tan sim hngai, vulei cung punpuhluk ih hi thuthangṭha simthan a ik nakpohah a thilvuakmi cu amah palhtiak-lonak ah simcih a i ve thok,” tiah a ti hngai.
Jesuh Leirawi ding Lungkimnak
(Mat 26:14-16; Luk 22:3-6)
10Cuhnukah Hleihnih lakih pakhat a imi Judas cu tlangbawi upale hemah Jesuh leiroih hngai dingin a tat. 11An zaklaak tikah an ngetia ih tangka pia dingin an kam. Curuangah ani ni Jesuh leiroihngah nakding caanṭha hrawl a thawh.
Kaizulle rum Lontaak Puai
(Mat 26:17-25; Luk 22:7-13; Joh 13:21-30)
12Colnu phulh-lo Sang Puai a ni khatnak, Lontaak Puai tusuan an talh ni ah a kaizulle ni, “Khawnangah Lontaak puai caw na awk dingah man zalhsak daw ci maw?” tiah an ti. 13Curuangah a kaizul pahnih thlah hngai in, “Khua sungah tat u la ti uum pakhat a phurmi pa ni an tan tuakla thok; zul lei cu khawh, 14khawnangah lut le, innteek cu, ‘Ka kaizulle rum Lontaak Puai kan hman nakding khual khaan cu khawnangah a ii? a ti’ tiah sim uh. 15Inn cungta ah izongza kimcia leh tiariciami khaan hnempi a tan hmuh hngai thok. Acunangah kan ca’h zaal uh,” tiah a ti hngai. 16Curuangah kaizulle cu pok in khuapi ahcun an lut ih a sim hngaimi mangin an hmu; culeh Lontaak Puai caw cu an zaal. 17Siimlari ahcun hleihnihle rum an pha. 18Caw um vek in an awk lioah Jesuh ni, “Thungaiin ka tan sim hngai, nan lakih pakhat, caw ka awkpi mi ni a ma leirawi thok,” tiah a ti hngai. 19An ngaihsia in pakhat hnuk pakhat ni, “Kei cu i hlah ing maw?” tiah an ti vek. 20Ani ni, “Hleihnih lakih pakhat, kamah rum kheng pakhat sungih sang a hnim khat tu a ii. 21Icatile Mi Tiapa cu amah thuhla nganmi mangin a tat kau thok, a i na’n Mi Tiapa a leirawitu cu a hmaka a pit! Acu pa ca’hcun hrin ita hlah sela ṭhasawn hngen tur ee,” tiah a ti hngai.
Bawipa Zanriah Hramthawhnak
(Mat 26:26-29; Luk 22:14-23; 1Kor 11:23-26)
22Caw an awk lioah Jesuh ni sang pakhat lain thlua a suah hnukah a seu, a pia hngai ih, “La uh, hihi ka tiksa a ii,” a ti. 23Cuhnukah hai a la, lungawithu a sim hnukah a pia hngai ih an zate ni an ding vek. 24Culeh, “Hihi mi tlungpi ca-ih thletmi ka thisan in thukamnak a ii. 25Thungaiin ka tan sim hngai, Pathian uknak sungih a thar in ka din ni a phat hlansung sabit ruang in a suakmi sabitti cu ka ding ti thok lo,” tiah a ti hngai.
Piter ih Pheh thok
(Mat 26:30-35; Luk 22:31-34; Joh 13:36-38)
26Hla an sak hnukah Oliv Tlang ah an kai. 27Culeh Jesuh ni, “Nan zate hi mimatatu nan i thok; icatile:
‘Tukhal ka that thok ih,
tuule cu an parcak remro thok’#Zek 13:7.
tiah ngan a ii.
28Ihmansela thawhsak i taw ing ah nan hmala in Galilee ah tat li leh lang,” tiah a ti hngai. 29Piter ni, “An tan mattaak remro hman ah kei ni cu ka tan mata thok lo,” tiah a ti. 30Jesuh ni, “Thungaiin ka tan sim, nihin zan rori, ar khuang voi hnih hlanah voi thum a ma pheh thok,” tiah a ti. 31Ihmansela Piter ni ngekngeihin, “Nang rum thi khat thok ka ik hmanah ka tan pheh thok lo,” tiah a ti. Culeh an zate ni cuticun an ti vek.
Gethsemane Duum sungah
(Mat 26:36-46; Luk 22:39-46)
32Gethsemane timi duum pakhat ah an tat. Culeh a kaizulle cu, “Ka thlacam lioah hina’h tola uh,” tiah a ti hngai. 33Piter leh Jeim leh Johan a pita hngai ih, thinlung purzaan om a thawh. 34Culeh, “Thi thok tiangin ka thinlung a purzaan; hina’h taangin tiimvar uh,” tiah a ti ta hngai. 35Culeh hladeuh ah tatin khur ah a bok ih, a canthiam ahcun cui caan ni liamta dingin thla a cam. 36“Abba, #14:36 Abba ti cu Papa tican. Pa aw, nang ih caah cu izongza an cangzo; hi hai hi ka hemin thawn hram law, a i nain kamah ih dawtzawng mang iloin namah ih dawtzawng mang i kau seh,” tiah a ti. 37A kirla ah mein a hmu hngai ih Piter cu, “Simon, na me maw? Nazi pakhat sung tal na hrak zo lo maw? 38Tiimvar la, sualtorhnak ah lut lo dingin thlacam; thinlung ni daw hmansela tiksa hmawh a ṭonṭaih ah,” tiah a ti. 39Cun a tat ih a aanta keel saalin thla a cam ṭhan. 40A kirṭhan mein a hmu hngai sei, icatile an mit an hrak zo ti lo; cun a hemah aan awk an tiah hrim lo. 41A voi thumnak a pha ih, “Nan melio rih in nan diintia rih maw? A za vel! A caan a pha rom; Mi Tiapa cu misualle kut ah leirawi a ii. 42Tho uh, tat le hu. Zoh hman uh, a ma leirawitu a pha sam vel,” tiah a ti hngai.
Jesuh Ponnak
(Mat 26:47-56; Luk 22:47-53; Joh 18:1-11)
43A aan rero lioah Hleihnih lakih pakhat Judas a pha dukdi; tlangbawi upale, daanzirhtupawl leh upapawl ih thlah mi mibuur cu ralreen leh talvawng kentia in amah rum an pha. 44A leirawitu ni, “Ka hnam thok mipa cu amah a ii, pon lei cu khawh ṭhatein kilin tahpi lei cu,” tiah minhlinnak a pia hngai cia. 45Curuangah Jesuh cu hnaih vohvi in, “Rabbi!” ti in a hnam. 46Culeh Jesuh cu pon in hreng an khuah. 47Ihmansela acunang hrialih a diing tu mi pakhat ni a ralreen phawitia in Tlangbawi Saang hemom pa ih khatla na ṭotkau a set. 48Culeh Jesuh ni, “Rokhmang ii ning la mang ralreen leh talvawng rum ma pon dingah nan pha maw? 49Ni cang kovawh Biakinn ah nanmah rum omin thu ka tan zirh hngai, a ma pon hngai tal lo. A i nain Lai Thianghlim cu kimngah kau seh,” tiah a ti hngai. 50An zate ni amah cu an mata ih an leeu. 51Puanlaap ceu kai in tlangval pakhat ni a zul. An ponngah, 52ihmansela a puanlaap cu matain a takpalawng in a zuang mianmi.
Tlangtungnak Hmun ah
(Mat 26:57-68; Luk 22:66-71; Joh 18:12-14, 19-21)
53Jesuh cu Tlangbawi Saang hemah an tahpi, culeh tlangbawi upa, upapawl leh daanzirhtupawl an zate an khawmtia. 54Piter ni hladeuh in Tlangbawi Saang inn tual tiang a zul, ralveengtule hemah toin mei a ai. 55Tlangbawi upapawl leh thureltu zate ni Jesuh thah nakdingah amah ralsanin thudiinpinak an hrawl rero; a i nain ituhman an hmu lo. 56Mi tlungpi ni amah ralsanin thusual an diinpi, ihmansela an thudiinpinak an caangtia lo. 57Mi hrekkhat an hang diing, cun amah ralsanin thusual an diinpi ih, 58“ ‘Kut ih sakmi hi Biakinn hi ṭhet lang khawh, kut ih sak lomi biakinn pace ni thum sungah ka sa thok’ a ti kan za,” tiah an ti. 59Ihmansela hi thu parah hman an thudiinpinak an caangtia lo. 60Culeh Tlangbawi Saang ni an hmalaah hang diingin Jesuh cu, “Namah tan ralsanih thu an diinpimi hi a lehnak hngai na ngei lo maw?” tiah a dil. 61Ihmansela daitein a om ih a let lo. Tlangbawi Saang ni, “Thluasuak Pathian ih Tiapa Messiah cu na ii maw?” tiah a dil ṭhan.
62Jesuh ni, “Ka ii; cun
‘Mi Tiapa cu Huham Vorhlasan
ah toin’ leh ‘vancung ih
meici rum a phat’
hmu leh lei ci,”
tiah a ti.
63Tlangbawi Saang ni a partlai thleekin, “Ica’h thudiinpitu kan tul rih hmen? 64Pathian thangsiatthu a sim nan za rom hin. Nan thusahmi itu ii maw?” tiah a ti. An zate ni thi tlak a ii tiah sualthu an ṭhen piak. 65Mi hrekkhat ni cilriit an sak; a hmai an hup, cun an thawng ih, “A tan thawitu ahu a ik cang hnik,” tiah an ti. Kiltu ralkaple ni khaw pitain an beeng thah.
Piter ni Jesuh a Pheh
(Mat 26:69-75; Luk 22:54-62; Joh 18:15-18, 25-27)
66Piter cu Tlangbawi Saang inn tualzim ih a om lioah Tlangbawi Saang hemom lengtiale lakih pakhat a pha. 67Piter cu mei ai-in a hmuh tikah zoh ciahco in, “Nang khaw Nazareth khuami Jesuh rum nan bualleng khat ta,” tiah a ti. 68Ihmansela a pheh ih, “Na simmi thu itu a ik ka tiah lo, a ruahnak khaw ka tiah lo,” tiah a ti. Culeh kotka lam laah a thawntia. Cutikah ar a khuang. 69Hemomnu ni a hmuh tikah a hrialih diingtule cu, “Hi pa hi an laktel pakhat a ii,” tiah a ti hngai sei. 70Ihmansela Piter ni a pheh ṭhan. Cuhnuk ii hlet hlanah a hrialkam ih diingtule ni Piter cu, “Anmah laktel pakhat na i hrimhrim kau, icatile Galilee peng mi na ii,” tiah an ti ṭhan. 71Ihmansela siat sirin thu a khaam ih, “Atu nan simmi pa hi ka tiah lo ee,” tiah a ti. 72Acu liote ah a voi hnihnak ar a khuang. Piter cu Jesuh ni a hemih, “Ar khuang voi hnih hlanah voi thum a ma pheh thok,” tiah a sim khi a vonmangṭhan. Culeh lungkuai in a ṭap.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.