Teekɨtɨga 10
10
Kɨbetg san nya kɨ dɔning Ejipt't
1Bɨraɓe el Moij an: And go Paraõt kɨta m'a mad dɔa ngang kɨdɔt kɨ dɔ ɓerg loa tɔ, kɨtakad m'ɔjɨn nyakɔjg lom 'nten dandt, 2titbe a ɔrrɨn girr nyag'n m'ɗa kɨ Ejiptiag, kɨ nyakɔjg'n m'ɗa dandt ngani kɨ ngakai, kɨtakad i gerɨn mĩ la mĩ Bɨraɓe ye. 3Moij kɨ Aarõ andɨn go Paraõ, elɨna anan: Bɨraɓe Luwah lo Hebreg el an: Mbã ndɔ bãin a i mbet dɔngang, na i sɔl dɔi nomt a? I nya deg lom ad awɨn, kɨtakad ɗan kɨlaɓer admɨn 4Ĩla i mbet nya deg lom kad awɨn a ne, oo loti m'a m'ɗe kɨ kɨbegt kam dɔningt loi. 5A utɨn dɔning ad de a asɨ koo dɔning al, a san ndeg nyag kɨ nãin ĩn kɔsɨndii nyad kari, a san kag kɨɗen kɨ ɓa kam ndɔɔt losɨ, 6a ɗoosɨn kujg loi kɨ kujg lo ɓerg loi tube kɨ kujg lo Ejiptiag tube. Kaasɨg kɨ Bɔwsɨg oon nya kɨ titbe nja kɨɗa al, lon ĩn ne dɔningt maɗi nu mbã ɓone. Moij tel gidɨn tee ɓe lo Paraõ kɨtɨga. 7Ɓerg lo Paraõ elɨna anan: De'n non a i gum kɨya kɨtaj mbã ndɔ ɓain a? I nya dekɨdɨngãg ad awɨn kɨtakad ɗan kɨlaɓer adɨn Bɨraɓe Luwah lod Dɔning Ejipt tuj, ye i ger al ɓaitɔ ɔ?
8Tel ɗen kɨ Moij kɨ Aarõ ro Paraõt gog. Paraõ tɔ eld an: Aw, i ɗan kɨlaɓer adɨn Bɨraɓe Luwah losɨ Na nõg a awɨn a? 9Moij el an: J'a j'aw kɨ nganjg kɨ bɨgag loj kɨ nganj kɨdɨngã kɨ kɨdẽ nat kɨ ɓut batg kɨ ɓut mangg loj, kɨta sumba kad kɨ ɗa nah lo Bɨraɓe. 10Paraõ nda yo an: Kɨ Bɨraɓe i nat sesɨ mĩ, m'a m'nyasɨ mad awɨn nat kɨ ngansɨg titbe e? Be al, kɨta kɔj ɗa majal i kamsɨt nõ 11A i titbe al, awɨn ĩn dekɨdɨngãg koon, i ɗan kɨlaɓer adɨn Bɨraɓe, kɨta nya 'nten la i ndigɨn ye. Tuɓand nõ Paraõt kɨtɨga.
12Bɨraɓe el Moij an: I la jii kɨdɔ dɔning, Ejipt't kɨtakad kɨbetg tee udɨn dɔning Ejipt't, kad san nyag tube kɨ ɓan dɔningt ad i nyag tube kɨ kɔsɨndii nyad. 13Moij la kag tɔsɨ lon kɨdɔ dɔning Ejipt't, na Bɨraɓe ad nél kɨ loɓakàdt la dɔningt kɨsĩ mbã kàd udɨn, kɨ ndɔ mbã lo tĩ. Lon lo ar ye, nel kɨ loɓakàdt ɗe kɨ kɨbetg. 14Kɨbetg tee udɨn dɔning Ejipt't kɨtaagbe, ndɨn kam dɔning Ejipt't kɨtaagbe, ĩn ngãi kɨ tɔi. Nõdt kete kɨbetg kɨtitd goto, ke gog godt kɨtitd a goto tɔ. 15Utɨn dɔning'n non tube ad lo diw til, san nyag tube kɨ ɓan dɔningt kɨ kand kagg tube kɨ kɔsɨndii nyad. Nya kɨmbool mad kɨɗa kɨ nãi kam kagt, ke nya kɨ ɓa kam ndɔɔt goto kam dɔning Ejipt't kɨtaagbe.
16Kamla Paraõ ad kunɨn Moij kɨ Aarõ kanangbe, el an: M'ɗa majal m'ndoorɨn Bɨraɓe Luwah losɨ, m'ndoorɨnsɨ tɔ. 17M'kɔsɨ kɨ i nyan go majal lom 'nten kɔ kɨ nja kɨɗa ɓaitɔ, na kɨ i kɔn Bɨraɓe Luwah losɨ kɨtakad ɔrr yo 'nten kɔ romt koon 18Moij tee ɓe lo Paraõ kɨtɨga, na kɔ Bɨraɓe. 19Bɨraɓe ad nél kɨtag ngãi la kɨ lokudkàdt ɔrr kɨbetg'n non kɔ, tuɓa ũd kam Bahbot kɨkɨre. Kɨbet kɨkɨɗa kɨ nãi gog kam dɔning Ejipt goto. 20Na Bɨraɓe ad kam Paraõ kongkong kɨdɔt ad nya Israelag ad awɨn al.
Til diw kirir dɔning Ejipt't
21Bɨraɓe el Moij an: I lajii kɨ dõ kɨtakad til diw ut dɔning Ejipt, ad i til diw kɨ de a asɨ kɔd kɨ jin. 22Moij la jin kɨ dõ ad til diw kirir kam dɔning Ejipt't kɨtaagbe ndɔ mɨta, 23ad deg oon na al, de kɨɗa kɨ ɓai londɨnt goto mbã ndɔ mɨta. Na kunj i kam londɨ Israelagt tube.
24Kamla Paraõ ad kunɨn Moij, el an: Aw i ɗan kɨlaɓer adɨn Bɨraɓe, na ɓut batg losɨ kɨ ɓut mangg losɨ koon la a nãin gog ye Adɨn ngansɨg awɨn nat sesɨ tɔ 25Moij el an: Sumba kad adj kadkari kɨjakɔ kɨ kadkari kɨlahorrt jijt kɨtakad kɨ ja mosɨd jad Bɨraɓe Luwah loj 26Nyakulg loj a awɨn sej nat, kɨkɨɗa ka a nãi gog al, kɨta sumba kad kɨ hɔ kudt la kɨ ɗan kɨlaɓer kad Bɨraɓe loj ye. Kɨ ger nya'n j'a kɨ kɔt't kɨta ɗan kɨlaɓer kad Bɨraɓe al, na lon kɨ tee nu kamtã. 27Bɨraɓe ad kam Paraõ kongkong kɨdɔt, na nyad ad awɨn al.
28Paraõ el Moij an: I tee romt kɔ oo go roi maj kad i ɗe oo takum'm gog al Kɨtɔ ndɔt'n a oo takum'm a ne, a oi. 29Moij el an: I el maj, m'a m'oo takumi gog al. Bɨraɓe elta tɔl ngander deg kɨ dãg.
Currently Selected:
Teekɨtɨga 10: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Teekɨtɨga 10
10
Kɨbetg san nya kɨ dɔning Ejipt't
1Bɨraɓe el Moij an: And go Paraõt kɨta m'a mad dɔa ngang kɨdɔt kɨ dɔ ɓerg loa tɔ, kɨtakad m'ɔjɨn nyakɔjg lom 'nten dandt, 2titbe a ɔrrɨn girr nyag'n m'ɗa kɨ Ejiptiag, kɨ nyakɔjg'n m'ɗa dandt ngani kɨ ngakai, kɨtakad i gerɨn mĩ la mĩ Bɨraɓe ye. 3Moij kɨ Aarõ andɨn go Paraõ, elɨna anan: Bɨraɓe Luwah lo Hebreg el an: Mbã ndɔ bãin a i mbet dɔngang, na i sɔl dɔi nomt a? I nya deg lom ad awɨn, kɨtakad ɗan kɨlaɓer admɨn 4Ĩla i mbet nya deg lom kad awɨn a ne, oo loti m'a m'ɗe kɨ kɨbegt kam dɔningt loi. 5A utɨn dɔning ad de a asɨ koo dɔning al, a san ndeg nyag kɨ nãin ĩn kɔsɨndii nyad kari, a san kag kɨɗen kɨ ɓa kam ndɔɔt losɨ, 6a ɗoosɨn kujg loi kɨ kujg lo ɓerg loi tube kɨ kujg lo Ejiptiag tube. Kaasɨg kɨ Bɔwsɨg oon nya kɨ titbe nja kɨɗa al, lon ĩn ne dɔningt maɗi nu mbã ɓone. Moij tel gidɨn tee ɓe lo Paraõ kɨtɨga. 7Ɓerg lo Paraõ elɨna anan: De'n non a i gum kɨya kɨtaj mbã ndɔ ɓain a? I nya dekɨdɨngãg ad awɨn kɨtakad ɗan kɨlaɓer adɨn Bɨraɓe Luwah lod Dɔning Ejipt tuj, ye i ger al ɓaitɔ ɔ?
8Tel ɗen kɨ Moij kɨ Aarõ ro Paraõt gog. Paraõ tɔ eld an: Aw, i ɗan kɨlaɓer adɨn Bɨraɓe Luwah losɨ Na nõg a awɨn a? 9Moij el an: J'a j'aw kɨ nganjg kɨ bɨgag loj kɨ nganj kɨdɨngã kɨ kɨdẽ nat kɨ ɓut batg kɨ ɓut mangg loj, kɨta sumba kad kɨ ɗa nah lo Bɨraɓe. 10Paraõ nda yo an: Kɨ Bɨraɓe i nat sesɨ mĩ, m'a m'nyasɨ mad awɨn nat kɨ ngansɨg titbe e? Be al, kɨta kɔj ɗa majal i kamsɨt nõ 11A i titbe al, awɨn ĩn dekɨdɨngãg koon, i ɗan kɨlaɓer adɨn Bɨraɓe, kɨta nya 'nten la i ndigɨn ye. Tuɓand nõ Paraõt kɨtɨga.
12Bɨraɓe el Moij an: I la jii kɨdɔ dɔning, Ejipt't kɨtakad kɨbetg tee udɨn dɔning Ejipt't, kad san nyag tube kɨ ɓan dɔningt ad i nyag tube kɨ kɔsɨndii nyad. 13Moij la kag tɔsɨ lon kɨdɔ dɔning Ejipt't, na Bɨraɓe ad nél kɨ loɓakàdt la dɔningt kɨsĩ mbã kàd udɨn, kɨ ndɔ mbã lo tĩ. Lon lo ar ye, nel kɨ loɓakàdt ɗe kɨ kɨbetg. 14Kɨbetg tee udɨn dɔning Ejipt't kɨtaagbe, ndɨn kam dɔning Ejipt't kɨtaagbe, ĩn ngãi kɨ tɔi. Nõdt kete kɨbetg kɨtitd goto, ke gog godt kɨtitd a goto tɔ. 15Utɨn dɔning'n non tube ad lo diw til, san nyag tube kɨ ɓan dɔningt kɨ kand kagg tube kɨ kɔsɨndii nyad. Nya kɨmbool mad kɨɗa kɨ nãi kam kagt, ke nya kɨ ɓa kam ndɔɔt goto kam dɔning Ejipt't kɨtaagbe.
16Kamla Paraõ ad kunɨn Moij kɨ Aarõ kanangbe, el an: M'ɗa majal m'ndoorɨn Bɨraɓe Luwah losɨ, m'ndoorɨnsɨ tɔ. 17M'kɔsɨ kɨ i nyan go majal lom 'nten kɔ kɨ nja kɨɗa ɓaitɔ, na kɨ i kɔn Bɨraɓe Luwah losɨ kɨtakad ɔrr yo 'nten kɔ romt koon 18Moij tee ɓe lo Paraõ kɨtɨga, na kɔ Bɨraɓe. 19Bɨraɓe ad nél kɨtag ngãi la kɨ lokudkàdt ɔrr kɨbetg'n non kɔ, tuɓa ũd kam Bahbot kɨkɨre. Kɨbet kɨkɨɗa kɨ nãi gog kam dɔning Ejipt goto. 20Na Bɨraɓe ad kam Paraõ kongkong kɨdɔt ad nya Israelag ad awɨn al.
Til diw kirir dɔning Ejipt't
21Bɨraɓe el Moij an: I lajii kɨ dõ kɨtakad til diw ut dɔning Ejipt, ad i til diw kɨ de a asɨ kɔd kɨ jin. 22Moij la jin kɨ dõ ad til diw kirir kam dɔning Ejipt't kɨtaagbe ndɔ mɨta, 23ad deg oon na al, de kɨɗa kɨ ɓai londɨnt goto mbã ndɔ mɨta. Na kunj i kam londɨ Israelagt tube.
24Kamla Paraõ ad kunɨn Moij, el an: Aw i ɗan kɨlaɓer adɨn Bɨraɓe, na ɓut batg losɨ kɨ ɓut mangg losɨ koon la a nãin gog ye Adɨn ngansɨg awɨn nat sesɨ tɔ 25Moij el an: Sumba kad adj kadkari kɨjakɔ kɨ kadkari kɨlahorrt jijt kɨtakad kɨ ja mosɨd jad Bɨraɓe Luwah loj 26Nyakulg loj a awɨn sej nat, kɨkɨɗa ka a nãi gog al, kɨta sumba kad kɨ hɔ kudt la kɨ ɗan kɨlaɓer kad Bɨraɓe loj ye. Kɨ ger nya'n j'a kɨ kɔt't kɨta ɗan kɨlaɓer kad Bɨraɓe al, na lon kɨ tee nu kamtã. 27Bɨraɓe ad kam Paraõ kongkong kɨdɔt, na nyad ad awɨn al.
28Paraõ el Moij an: I tee romt kɔ oo go roi maj kad i ɗe oo takum'm gog al Kɨtɔ ndɔt'n a oo takum'm a ne, a oi. 29Moij el an: I el maj, m'a m'oo takumi gog al. Bɨraɓe elta tɔl ngander deg kɨ dãg.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.