Teekɨtɨga 9
9
Ɓut nyakulg tube kɨ kam dɔning Ejipt't oin
1Bɨraɓe el Moij an: And go Paraõt, ela an: Bɨraɓe Luwah lo Hebreg el an: I nya deg lom ad awɨn kɨtakad ɗan kɨlaɓer admɨn 2Ĩla i mbet nyad kad awɨn, na i hɔd kɨgog tɔ a ne, 3oo ji Bɨraɓe a i dɔ nyakulgt loi kɨ kam mut kɨ dɔ sɨndagt kɨ dɔ korrogt kɨ dɔ lukumgt kɨ dɔ ɓut manggt kɨ dɔ ɓut batgt. A i yokoosɨ kɨmajal kɨbobe. 4Bɨraɓe a nya ɓut nyakulg lo Israelag tadang kɨ ɓut nyakulg lo Ejiptiag, nya mad kɨɗa lo Israelag kaa oi al. 5Bɨraɓe gang kaglo an: Loti Bɨraɓe a ɗa nya'n non kam dɔningt 'nten.
6Loti got Bɨraɓe ɗa nya'n non ad ɓut nyakulg tube kɨ kam dɔning Ejipt't oin, na ɓut nyakulg lo Israelag kɨkɨɗa ka oi al. 7Paraõ la kad n'oo, na oo kɨkɨɗa ku nyakulgt lo Israelag oi al. Na Paraõ ɗa dɔngang, nya deg ad awɨn al.
Dobaig tee ro degt kɨ dãg
8Bɨraɓe el Moij kɨ Aarõ an: Ɔin buhoor purr ɗoosɨ jisɨ Kɨ Moij tɨnda tĩ kɨ dõ nõ Paraõt 9A tel buning kɨ to letlet kɨdɔ dɔning Ejipt't tube, a i ngaw kɨ tee kɨ dobaig ro degt kɨ ro dãgt kɨ kam dɔning Ejipt kɨtaagbe. 10Ɔin buhoor purr, na ɗàn nõ Paraõt. Moij tɨnda tĩ kɨ dõ, na tel ngaw kɨ tee kɨ dobaig ro degt kɨ ro dãgt. 11Mboolig asɨ ɗàn nõ Moijt al kɨta ngawg, kɨta ngawg i ro mbooligt kɨ ro Ejiptiagt tube. 12Bɨraɓe ad kam Paraõ kongkong kɨdɔt, na oo dɔ ta lo Moij kɨ Aarõ al Bɨraɓe elɨn Moij.
Kɔsɨg tuson kam dɔning Ejipt't
13Bɨraɓe el Moij an: I ɓai dõ kɨsĩ ritit, i ɗà nõ Paraõt, ela an: Bɨraɓe Luwah lo Hebreg el an: I nya deg lom ad awɨn kɨtakad ɗan kɨlaɓer admɨn. 14Kɨtɔ kaglot 'nten m'a m'la yokoosɨg lom tube kɨdɔit kɨ kɨdɔ ɓergt loi kɨ kɨdɔ degt loi, kɨtakad i gerɨn kɨmad kɨ titɨm be goto dɔningt kɨtaagbe. 15Kɨtɔ tajigla neni m'la jim m'ndain kɨ deg loi kɨ yokoosɨg a ne, a ĩ kɨ nuj kɔ dɔningt. 16Na M'nyai kɨ dɔi dõ, kɨtakad m'ɔjɨn tɔg lom, kɨtakad tɔm ko'n dɔningt kɨtaagbe. 17Mbã tajigla i ndɨ tɔi dɔi kɨ dõ ndoorɨn deg lom kad i nyad ad awɨn al. 18Oo loti dɔkàdt kɨ titbe m'a mad kɔsɨndiig kɨtag ngãi tuson, na kɔsɨndiig kɨ tit sia goto dɔning Ejipt't, lon ndan ne girra maɗi nu mbã tajigla. 19Kɨtɔ 'nten ad tuɓan nyakulg loi kanangbe kɨ kuju kɨ nyag loi tube kɨ kam mut. Kɔsɨndii a tuso dɔ degt tube kɨ dɔ danggt tube kɨ kam mut. Ĩgɨn awɨn sed kuju al a ne, a oin kɔ.
20De'n ɓool ta lo Bɨraɓe ku degt lo Paraõ ad ɓerg lon kɨ nyakulg lon ãin kɨ kam kujgt. 21Na de'n tur go ta lo Bɨraɓe al nya ɓerg lon kɨ nyakulg lon kam mut.
22Bɨraɓe el Moij an: I la jii kɨ dõ kad kɔsɨndii tuso kɨdɔ dɔning Ejipt kɨtaagbe kɨ kɨdɔ degt kɨ kɨdɔ dãgt kɨ kɨdɔ mbikamgt kɨɗen kɨ kam ndɔɔt kɨ dɔning Ejipt kɨtaagbe 23Moij un kag tɔsɨ lon kɨ dõ, ad Bɨraɓe la ndáng ndii kɨ kɔsɨndii kɨ horr ad tuson dɔningt. Titbe la Bɨraɓe ad ndii edɨn kɨ kɔsɨ dɔ dɔning Ejipt't. 24Kɔsɨndii tuso, horr burɨna kɨ kɔsɨndii kɨtag ngãi. Nya kɨ titbe ɗa nya kam dɔning Ejipt nja kɨɗa al lon Ejiptiag ĩn ne girrdeg maɗi nu mbã tajigla. 25Kɔsɨndii ndah nyag tube kɨ kam mut, kam dɔning Ejipt't deg kɨ dãg tu. Kɔsɨndii nda mbikam kɨɗen kɨ kam mut, teet kag kɨɗen kɨ kam mut tɔ. 26Kam dɔning Gɔsent, lon Israelag ndɨnt kɨɗabe la, kɔsɨndii tusot al ye.
27Paraõ la ad kunɨn Moij kɨ Aarõ, eld an: Tajigla 'nten m'ɗa majal. Bɨraɓe ɗagoot, na mĩ kɨ deg lom kɨ ɗagootal. 28I kɔn Bɨraɓe kɨta ndángndii kɨtag kɨ kɔsɨndii nõ asɨ ta, m'a m'nyasɨ mad awɨn, a i ndin nẽ be gog al ta. 29Moij ela an: Lon m'a m'tee kam ɓet kɨtɨga ye, m'a m'ɔi jim kɨ dõ kɨ ro Bɨraɓet, ndángndii a nya tan, kɔsɨndii a tuso gog al ta, kɨtakad i gerɨn dɔning i lo Bɨraɓe. 30Na m'ger kad ĩ kɨ ɓerg loi a i ɓoolɨn Bɨraɓe al ɓaitɔ. 31Nyẽ kɨ nyako kɨ tɔa i ɔrj tujɨn kɨta ɔrj yaɓɔl, nyẽ tɔ hutɨn. 32Na ndah nyako gem kɨ tẽi al kɨta tɔgɨn al ɓaitɔ. 33Moij ɓai ro Paraõt, tee kam ɓebot kɨtɨga, ɔi jin kɨ dõ kɨ ro Bɨraɓet, ad ndángndii kɨ kɔsɨndii nyan tad, ndii ed dɔningt gog al ta.
34Lon Paraõ oo man ndii kɨ kɔsɨndii kɨ ndángndii nyan tad ye, ɗa majal dɔt kɨ tɔi, ad kama kongkong kɨdɔt, ĩn kɨ ɓerg lon. 35Kam Paraõ kongkong kɨdɔt, nya Israelag ad awɨn al Bɨraɓe elɨn kɨ ta Moij.
Currently Selected:
Teekɨtɨga 9: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Teekɨtɨga 9
9
Ɓut nyakulg tube kɨ kam dɔning Ejipt't oin
1Bɨraɓe el Moij an: And go Paraõt, ela an: Bɨraɓe Luwah lo Hebreg el an: I nya deg lom ad awɨn kɨtakad ɗan kɨlaɓer admɨn 2Ĩla i mbet nyad kad awɨn, na i hɔd kɨgog tɔ a ne, 3oo ji Bɨraɓe a i dɔ nyakulgt loi kɨ kam mut kɨ dɔ sɨndagt kɨ dɔ korrogt kɨ dɔ lukumgt kɨ dɔ ɓut manggt kɨ dɔ ɓut batgt. A i yokoosɨ kɨmajal kɨbobe. 4Bɨraɓe a nya ɓut nyakulg lo Israelag tadang kɨ ɓut nyakulg lo Ejiptiag, nya mad kɨɗa lo Israelag kaa oi al. 5Bɨraɓe gang kaglo an: Loti Bɨraɓe a ɗa nya'n non kam dɔningt 'nten.
6Loti got Bɨraɓe ɗa nya'n non ad ɓut nyakulg tube kɨ kam dɔning Ejipt't oin, na ɓut nyakulg lo Israelag kɨkɨɗa ka oi al. 7Paraõ la kad n'oo, na oo kɨkɨɗa ku nyakulgt lo Israelag oi al. Na Paraõ ɗa dɔngang, nya deg ad awɨn al.
Dobaig tee ro degt kɨ dãg
8Bɨraɓe el Moij kɨ Aarõ an: Ɔin buhoor purr ɗoosɨ jisɨ Kɨ Moij tɨnda tĩ kɨ dõ nõ Paraõt 9A tel buning kɨ to letlet kɨdɔ dɔning Ejipt't tube, a i ngaw kɨ tee kɨ dobaig ro degt kɨ ro dãgt kɨ kam dɔning Ejipt kɨtaagbe. 10Ɔin buhoor purr, na ɗàn nõ Paraõt. Moij tɨnda tĩ kɨ dõ, na tel ngaw kɨ tee kɨ dobaig ro degt kɨ ro dãgt. 11Mboolig asɨ ɗàn nõ Moijt al kɨta ngawg, kɨta ngawg i ro mbooligt kɨ ro Ejiptiagt tube. 12Bɨraɓe ad kam Paraõ kongkong kɨdɔt, na oo dɔ ta lo Moij kɨ Aarõ al Bɨraɓe elɨn Moij.
Kɔsɨg tuson kam dɔning Ejipt't
13Bɨraɓe el Moij an: I ɓai dõ kɨsĩ ritit, i ɗà nõ Paraõt, ela an: Bɨraɓe Luwah lo Hebreg el an: I nya deg lom ad awɨn kɨtakad ɗan kɨlaɓer admɨn. 14Kɨtɔ kaglot 'nten m'a m'la yokoosɨg lom tube kɨdɔit kɨ kɨdɔ ɓergt loi kɨ kɨdɔ degt loi, kɨtakad i gerɨn kɨmad kɨ titɨm be goto dɔningt kɨtaagbe. 15Kɨtɔ tajigla neni m'la jim m'ndain kɨ deg loi kɨ yokoosɨg a ne, a ĩ kɨ nuj kɔ dɔningt. 16Na M'nyai kɨ dɔi dõ, kɨtakad m'ɔjɨn tɔg lom, kɨtakad tɔm ko'n dɔningt kɨtaagbe. 17Mbã tajigla i ndɨ tɔi dɔi kɨ dõ ndoorɨn deg lom kad i nyad ad awɨn al. 18Oo loti dɔkàdt kɨ titbe m'a mad kɔsɨndiig kɨtag ngãi tuson, na kɔsɨndiig kɨ tit sia goto dɔning Ejipt't, lon ndan ne girra maɗi nu mbã tajigla. 19Kɨtɔ 'nten ad tuɓan nyakulg loi kanangbe kɨ kuju kɨ nyag loi tube kɨ kam mut. Kɔsɨndii a tuso dɔ degt tube kɨ dɔ danggt tube kɨ kam mut. Ĩgɨn awɨn sed kuju al a ne, a oin kɔ.
20De'n ɓool ta lo Bɨraɓe ku degt lo Paraõ ad ɓerg lon kɨ nyakulg lon ãin kɨ kam kujgt. 21Na de'n tur go ta lo Bɨraɓe al nya ɓerg lon kɨ nyakulg lon kam mut.
22Bɨraɓe el Moij an: I la jii kɨ dõ kad kɔsɨndii tuso kɨdɔ dɔning Ejipt kɨtaagbe kɨ kɨdɔ degt kɨ kɨdɔ dãgt kɨ kɨdɔ mbikamgt kɨɗen kɨ kam ndɔɔt kɨ dɔning Ejipt kɨtaagbe 23Moij un kag tɔsɨ lon kɨ dõ, ad Bɨraɓe la ndáng ndii kɨ kɔsɨndii kɨ horr ad tuson dɔningt. Titbe la Bɨraɓe ad ndii edɨn kɨ kɔsɨ dɔ dɔning Ejipt't. 24Kɔsɨndii tuso, horr burɨna kɨ kɔsɨndii kɨtag ngãi. Nya kɨ titbe ɗa nya kam dɔning Ejipt nja kɨɗa al lon Ejiptiag ĩn ne girrdeg maɗi nu mbã tajigla. 25Kɔsɨndii ndah nyag tube kɨ kam mut, kam dɔning Ejipt't deg kɨ dãg tu. Kɔsɨndii nda mbikam kɨɗen kɨ kam mut, teet kag kɨɗen kɨ kam mut tɔ. 26Kam dɔning Gɔsent, lon Israelag ndɨnt kɨɗabe la, kɔsɨndii tusot al ye.
27Paraõ la ad kunɨn Moij kɨ Aarõ, eld an: Tajigla 'nten m'ɗa majal. Bɨraɓe ɗagoot, na mĩ kɨ deg lom kɨ ɗagootal. 28I kɔn Bɨraɓe kɨta ndángndii kɨtag kɨ kɔsɨndii nõ asɨ ta, m'a m'nyasɨ mad awɨn, a i ndin nẽ be gog al ta. 29Moij ela an: Lon m'a m'tee kam ɓet kɨtɨga ye, m'a m'ɔi jim kɨ dõ kɨ ro Bɨraɓet, ndángndii a nya tan, kɔsɨndii a tuso gog al ta, kɨtakad i gerɨn dɔning i lo Bɨraɓe. 30Na m'ger kad ĩ kɨ ɓerg loi a i ɓoolɨn Bɨraɓe al ɓaitɔ. 31Nyẽ kɨ nyako kɨ tɔa i ɔrj tujɨn kɨta ɔrj yaɓɔl, nyẽ tɔ hutɨn. 32Na ndah nyako gem kɨ tẽi al kɨta tɔgɨn al ɓaitɔ. 33Moij ɓai ro Paraõt, tee kam ɓebot kɨtɨga, ɔi jin kɨ dõ kɨ ro Bɨraɓet, ad ndángndii kɨ kɔsɨndii nyan tad, ndii ed dɔningt gog al ta.
34Lon Paraõ oo man ndii kɨ kɔsɨndii kɨ ndángndii nyan tad ye, ɗa majal dɔt kɨ tɔi, ad kama kongkong kɨdɔt, ĩn kɨ ɓerg lon. 35Kam Paraõ kongkong kɨdɔt, nya Israelag ad awɨn al Bɨraɓe elɨn kɨ ta Moij.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.