Teekɨtɨga 23
23
Takɨgang kɨgoɗobat
1A i tɨnda hoita kɨngom i tĩ kɨ log al. A i nda roi nat kɨ de kɨmajal kad in ngemanaj kɨgoot al al. 2A i ndulo go Koosɨdeg kɨta ɗa majal al Lon a i manaj lo gangtat a ne, a nda roi nat kɨ Koosɨdeg kɨta tuj takɨgang al 3A i ɗa de kɨdangt dene lo gangtat al.
4Ĩla i ndɔd mang, ke korro lo madngétai kɨ nãi a ne, rota a i ɗe sia ada 5Ĩla i oo korro lo ngekɔsɨta so girr nyatot a ne, ot nya kɨnõbe, na i ɗa sia kad una kɨ dõ.
6A i tuj ta de kɨdangt loi lo gangtat loa al. 7A i ɔrr roi kam takɨgangt kɨngom kɔ. Ot tɔl de kɨkanj ta dɔat, ke de kɨdenesew, kɨta m'a m'ɔrr ta dɔ ngeɗamajalt al. 8Ot taa kadkari mad kɨta kadkari ndɨ tɔ kum ngékumja, na tuj tag lo deg kɨdenesew.
9A i ɗa ngetɔg dɔ mbaht al, kɨta i ger ta kɨ õ kam mbahg ɓet, kɨta maɗi ĩn mbahg kam dɔning Ejipt't.
Mberkɨnda kɨta ngomgo ndɔ kɨkõtanãimɨta
10Ɓal kɨbojidet a i duw nya dɔningt loi, a i ja kandah tɔ, 11na ɓal kɨkõtanãimɨta a ne, a i nya ad ta ko to kari, kɨtakad ngéndog lo girrdeg loi sant, na ndega kɨ nãi ye, dãg kɨmut a san. A i ɗa titbe tɔ kɨ ndɔɔ nduu loi kɨ ndɔɔ kag olib loi.
12A i ɗa kɨla loi ndɔ kɨbojidet, na dɔ ndɔt kɨkõtanãimɨta a ne, a i ta ko, kɨtakad mang loi kɨ korro loi a tan ko, kɨtakad ngon kɨdɨngã lo ɓer loi kɨdẽ kɨ nyakor a ɔrrɨn ko tɔ.
Mberkɨnda kɨta ngomgo nahg kɨmita
(Oo 34:1-4)
13Oon go rosɨ maj kad i ɗan kɨgo tagt tube'n m'elsɨ. A i kun tɔ yog al a oon tɔd tait al tɔ.
(Oo 34:18-24)
14Nja mɨta kam ɓalt kɨɗen a i ɗa nah lom. 15A i ɗa nah bɨnã Kɨkanj Berrkasɨ ndɔ tanãimɨta, a i sa kuɓɨr bɨna kɨkanj berrkasɨ tit'n m'ndain mbera kaglot kɨ m'ɔj kam naht kɨ tɔa i Abib, kɨta kam naht'n non la i teen ne kam dɔning Ejipt't kɨtɨga ye. De mad a ɗe nomt jin kari al.
16A i ɗa nah ja nyako, i nah kand kɨdasa lo kɨla loi ad i nyadub loi kam ndirrt A i ɗa nah kaw nyako kɨnat ɓalndɔt, lon a i kawɨn nyako kɨ kam ndɔɔt kɨnat. 17Nja mɨta kam ɓalt kɨɗen dekɨdɨngãg losɨ tube a ɗen nõ Bɨraɓe Luwaht 18Ot la mosɨ kadkari lom nat kɨ kuɓɨr bɨna kɨ ɗa kɨ berrkasɨ Mbool dã nah lom a to mbã loti dɔt al. 19A i ɗe kɨ kand kɨmajtɔi lo nyako kɨdasa kɨ dɔningt loi kam kujt lo Bɨraɓe Luwah loi. A i ndirr ngon bĩã kam mba kõat al.
Bɨraɓe ad malaika lon ndia kete nõ Israelagt
20Oo m'a m'la malaika mad nõit kɨtakad ngomi dɔ ɗobt, kɨta tee sei lot'n m'ɗago oi. 21Oo go roi maj nõat, oo dɔ ndia, i taa ɗɔɔ al kɨta a nyàgo tɔidɔta loi al, kɨta tɔm i dɔat. 22Na ĩla oo dɔ ndia rota, na i ɗa nyag tube'n m'eli a ne, m'a mĩ madngéta lo madngétaig kɨ ngéndoor ngéndoorig. 23Malaika lom a ndia kete nõsɨt, a aw sesɨ kɨ ro Amoriagt kɨ Hetiag kɨ Perejiag kɨ Kananag kɨ Hebiag kɨ Jebusiag, na m'a m'nujd kɔ pet.
24A i ɔsɨn dɔsɨ ningt nõ luwahgt lod al, a i ɗan kɨlaɓer lod al, a i ndajɨn nyaɗa deg'n non al, a i nujɨn yog lod kɔ, a i tɔn yombalg lod kɔ 25A i ɗan kɨlaɓer adɨn Bɨraɓe Luwah losɨ M'a m'njang dɔ nyasa losɨ kɨ man losɨ tɔ. M'a m'un mõig dãsɨt kɔ. 26Kam dɔningt losɨ tube dekɨdẽ mad kɨ ngekɔrr ngon goto ke kuj. M'a mad ndɔ ndɨsɨ kɨ dɔ dõ ɗoosɨ tap.
27M'a m'la ɓool kɨtɔlsɔkɨr lom nõsɨt, m'a m'tuɓa girrdeg kɨ dang dang tube kɨ lot'n a i teent, m'a mad nyambɔj tel ãin nõsɨt. 28M'a m'la nya kɨkootɓool kɨnõsɨt, a tuɓan Hebiag kɨ Kanag kɨ Hetiag ko nõsɨt. 29M'a m'tuɓad kɔ nõsɨt kam ɓalt kɨkɨɗa al, na ɓeta dɔning a tel gootlo, dãg kɨmut tɔ a bɨlan ngãi kɨdɔsɨt. 30M'a m'tuɓad jenjen be kɔ nõsɨt mbã kad i oojɨna ngãi, na i taan dɔning lod.
31M'a m'nda ɗob ning losɨ ko ta Bahbot kɨkɨre, mbã bahbokat't lo Pilistiag, na ko dɔdɨlalot mbã bahbo Eprat't, kɨta m'a m'la ngendɨ dɔningt'n non jisɨt, a i tuɓand kɔ nõsɨt. 32Ot kunɨn kɔsɨ kadɨn na ke kɨ Luwahg lod. 33A ndɨn kam dɔningt losɨ al, na ɓeta a adsɨ ɗan majal ndoormɨm, kɨta ĩla i ɗan kɨlaɓer adɨn luwahg lod a ne, rota a i gum kɨta hɔsɨ.
Currently Selected:
Teekɨtɨga 23: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
