Teekɨtɨga 24
24
Israelag ndig ɗan kɨgo kunkɔt lo Bɨraɓe
1Luwah el Moij an: Al kɨ ro Bɨraɓet, ĩ kɨ Aarõ kɨ Nadab kɨ Abihu kɨ kɨbog lo Israel'n kɨdɔtanãimɨta, na i ɔsɨn dɔsɨ ber ko sãi 2Moij kɨ kɨɗanbe la a ndɔt kɨ ro Bɨraɓet, na kɨmadg a ndɔt'n al. Deg a alɨn sia al tɔ. 3Moij aw el deg tag lo Bɨraɓe tube tag kɨgang tube, na deg tube turɨn ta kɨ kɔ kɨ kɨɗabe anan: J'a kɨ ɗa kɨgo tagt tube'n Bɨraɓe el. 4Moij ndang tag lo Bɨraɓe tube, kamla ɓai kɨsĩ ritit, ɗa dɨngɨr kadkari jakɔ kɨ nja mbalbot kɨ mbalg kɨkɨlah gidaijoo kɨta girr Israelg kɨkɨlah gidaijoo. 5Moij la basag ku Israelagt kɨtakad lan kadkarig kɨlahorrt, na kɨtakad jan mosɨ bɔw mangg kadkarig kɨkad kamsɔllom adɨn Bɨraɓe. 6Moij un nusɨ mosɨ mbel kam tasagt, na nusɨ mosɨ tɔ tud dɔ dɨngɨr kadkarit kɨjakɔ. 7Un maktub kunkɔ, na da nõ degt'n oon dɔ kamla elɨn anan: Tag tube'n Bɨraɓe el ye, j'a kɨ ɗagoot, j'a kɨ tel roj goot tɔ. 8Moij un mosɨ tud dɔ degt, na el an: Oon 'nten i mosɨ kunkɔ'n Bɨraɓe un adsɨ kɨgo tagt'n non tube.
9Moij al dɔ mbalbot nat kɨ Aarõ kɨ Nadab kɨ Abihu kɨ kɨbog lo Israel'n kɨdɔtanãimɨta. 10Oon Luwah lo Israel'n: Lo kɨgir njaat unj tit kɨ medkɔsɨ sapir be, ɓai ɗandang tit dɔrã be. 11Luwah nda jin dɔ bɨradɔgt lo Israel ɗa sed nya kɨ to al. Bɨradɔg oon Luwah, na san ho ãin ho.
Moij aw ro Bɨraɓet dɔ mbalbo Sinait
12Bɨraɓe el Moij an: Al dɔ mbalbot kɨ romt, i ndɨ nõbe M'a mad bar mbalg kɨ tag kɨ tee kɨ mberkɨnda ĩn m'ndang kɨta ndoo Israelag. 13Moij ɓai nat kɨ ngekɨlaɓer lon Jojue, al dõ dɔ mbalbot lo Luwah. 14El kɨbog an: I ngojɨn nẽ be mbã kad kɨ tel kɨ rosɨt gog. Aarõ kɨ Hur a ndɨn sesɨ. Ĩla de mad aw kɨ ta kɨta gang a ne, kɨ ɗe rodt 15Moij al dõ dɔ mbalbot na kilndii ut dɔ mbalbo'n non. 16Kunj Bɨraɓe kɨɗangeɗeng ndɨ mbalbo Sinait, na kilndii ut dɔa ndɔ kɨbojidet, kamla dɔ ndɔt kɨkõtanãimɨta a ne, Bɨraɓe kun Moij ko kam kilndiit. 17Kunj Bɨraɓe kɨɗa ngereng koa i tit horr kɨkõ mugɨj be dɔ tasom mbalbot takum Israelagt. 18Moij and kam kilndiit'n non, al dõ dɔ mbalbot. Moij ndɨdɔ mbalbot'n non ndɔ dɔsɔɔ kɨ kàd dɔsɔɔ.
Currently Selected:
Teekɨtɨga 24: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
