Teekɨtɨga 27
27
Dɨngɨr kadkari kɨlahorrt
(Oo 38:1-7)
1A i ɗa dɨngɨr kadkari kɨ kag akasia, ngala a i metɨr joo kɨ nusɨ, tata a i metɨr joo kɨ nusɨ tɔ. Dɨngɨr kadkari'n non ngala kɨ tata a asɨn na. Ngala kɨ dõ a i metɨr kɨɗa kɨ nusɨ. 2A i ɗa gajg dɔkumat kɨsɔɔ. Gajg'n non a ĩn ro kɨɗa sia, na a i ut dɨngɨr kadkari kɨ ningakasɨ tube. 3A i ɗa ngan jog loa kɨta kũg buhoor kɔ, kɨ pelg loa kɨ tasag loa kɨ nyakɔsɨ dã loa kɨ jo ndah horrg loa. A i nyẽ ninga kasɨ ɗan nyaɗakɨlaag tube. 4A i nyẽ ningakasɨ ɗan nya la yalhorr tit band be, na a i ɗa ninga kasɨ sɔɔ dɔkumat kɨsɔɔ tɔ. 5A i la band ningakasɨ dan dɨngɨr kadkarit girr bɔgat kɨber. 6A i tɔsɨ kag kɨ ngal joo kɨta dɨngɨr kadkari, ad i kag akasia kɨ ngal kɨ tɔsɨ, a ut gid'd kɨ ningakasɨ. 7A i la kag kɨngalg kam ningagt, na kag kɨngalg kɨjoo a ĩn kad dɨngɨr kadkarit lon a tɔna ne. 8A i ɗa dɨngɨr kadkari kɨ kag kɨ tɔl ad kama i bulo tit'n m'ɔjɨn dɔ mbalbot. Titbe la a ɗan ne ye.
Natlo kɨta kujkub londɨ
(Oo 38:9-20)
9A i gang natlo kɨta kujkub londɨ. A i gang kada ko ɓodot kɨ pal kub lẽg kɨ sɔl lom lom kɨɓew. Kada kɨkɨɗa ngala a i metɨr dɔmi. 10Kagndog a i dɔjoo kɨ nyahɔ kɨɗa kɨ ningakasɨ dɔjoo tɔ. Kongg lo kag ndog kɨ sordg a ĩn kɨ ɗa kɨ larjã. 11A i ɗa titbe kɨta kada ko dɔɔt tɔ, ad i pal kubg kɨ ngald metɨr dɔmi kɨ kagndog kam ɓal, kɨ nyahɔd ninga kasɨ kam ɓal. Kongg lo kagndog'n non kɨ sordg a ĩn larjã. 12A i ɗa pal kubg kɨ ngald i metɨr dɔjoo gidaimi kɨ kagndog kɨlah kɨ nyahɔd kɨlah tɔ kɨta tat kad natlo ko lokudkàdt 13Tat kad natlo ko loɓakàdt a i metɨr dɔjoo gidaimi. 14Pal kubg ko bɔgt kɨɗa ngald a i metɨr tanãimɨta kɨ nusɨ kɨlah gidaimi kɨ kagndog mɨta kɨ nyahɔd mɨta tɔ. 15Ko bɔgt kɨmad pal kubg ngald a i metɨr tanãimɨta kɨ nusɨ kɨ kagndog mɨta kɨ nyahɔd mɨta tɔ. 16A i ɗa kubkut tabit kɨta lo kand kam natlot, ngala a i metɨr kɨlah. A i ɗa kɨ kɨllakub kɨkil musɨmusɨ kɨ kɨkɨre wor wor kɨ kɨkɨre pirɨr kɨ lẽ kɨ sɔl lom lom kɨɓew kɨ kɔsɨ kɨɗa dɔt. Kag ndog loa a i sɔɔ, nyahɔd a i sɔɔ tɔ. 17Kagndog kɨta gug dɔ natlo'n non tube a ĩn kɨ la nat kɨ sorkag kɨ ɗa kɨ larjã. Kongg lod a ĩn kɨɗa kɨ larjã, nyahɔdg a ĩn ningakasɨ. 18Ngal natlo a i metɨr dɔmi, tata a i metɨr dɔjoo gidaimi. Tat kub natlo a i metɨr joo kɨ nusɨ. A ɗan kɨ pal kub lẽg kɨ sɔl lom lom kɨɓew. Nyahɔdg a ĩn kɨ ɗa kɨ ningakasɨ. 19Nyaɗakɨlag kɨta kɨla kɨɗen kam kujkub londɨ, kɨ kagg kɨta dɔ kɨla hɔ pilie kujkub tube, kɨ kagg kɨta dɔ kɨla hɔ kagndog natlo a ĩn kɨ ɗa kɨ ningakasɨ.
Ɗà go lambag
20A i ndamber Israelag kad ɗen kɨ yib ɓir kɨkasɨ kɨjanjoi roit kɨta horr kɨtakad lambag unjɨn kɨkanj nya ta. 21Aarõ kɨ nganɨn a ɗan go lamba kad unj lokɨsɔle mbã loti nõ Bɨraɓet kam kujkub ndɔdnat kɨ Luwah, nõ kubganglot ko tɨgan sumba ɗan go lambag kad unjɨn lokɨsɔle mbã loti nõ Bɨraɓet kam kujkub ndɔdnat kɨ Luwah, nõ kub ganglot'n sumba na kɨ bar mbalg ĩn najkɨma i kɨndang dɔt. 'Nten la i mberkɨnda kɨ tokɨnõt kɨta Israelag kɨ ngakat kɨ ngaka.
Currently Selected:
Teekɨtɨga 27: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
