Teekɨtɨga 38
38
Ɗan dɨngɨr kadkari kɨlahorrt
(Oo 27:1-8)
1Betsalel ɗa dɨngɨr kadkari kɨlahorrt kɨ kag akasia, ngala i metɨrjoo kɨ nusɨ, tata i metɨr joo kɨ nusɨ, ngala kɨ tata asɨn na, ngala kɨ dõ i metɨr kɨɗa kɨ nusɨ.
2Ɗà gajg dɔkumat kɨsɔɔ. Gajg'n non ĩn ro kɨɗa sia. Ut dɔ dɨngɨr kadkari kɨ ningakasɨ tube. 3Ɗà nyaɗakɨlag tube kɨta dɨngɨr kadkari: Jog kɨ pelg kɨ tasag kɨ nyakɔsɨ dã kɨ ngan jo ndah horrg. Nyẽ ningakasɨ ɗan nyaɗakɨlaag tube. 4Nyẽ ningakasɨ ɗan nya la yalhorr tit band be, na laa dan dɨngɨr kadkarit girr bɔgat kɨber. 5Ɗà ninga kasɨ sɔɔ dɔkumat kɨsɔɔ to kɨta la kag kɨngalg. 6Tɔsɨ kag akasia kɨ ngal joo, na ut gid'd kɨ ningakasɨ. 7La kag kɨngalg kam ningagt kɨkad dɨngɨr kadkarit kɨta kunɨn kɨ dõ. Ɗà dɨngɨr kadkari kɨ barkag ad kama i bulo.
Ɗan baigirr kutg
8Betsalel ɔi kutram ningakasɨg lo dekɨdẽg kɨ ndan dɔa nat, na kɨ tɔsɨ tabit kand kam kujkub ndɔdnat kɨ Luwah, lẽ ɗan bai kɨ njaa.
Ɗan natlo kɨta kujkub londɨ
(Oo 27:9-19)
9Gang natlo. Gang kada ko ɓodot kɨ pal kub lẽg kɨ sɔl lom lom kɨɓew asɨ metɨr dɔmi bu. 10Kagndog i dɔjoo kɨ nya hɔd ningakasɨ dɔjoo tɔ. Kongg lo kagndog kɨ sordg ĩn kɨ ɗa kɨ larjã. 11Ɗà titbe kɨta kada ko dɔɔ tɔ ad i pal kubg kɨ ngald i metɨr dɔmi kɨ kagndogg dɔjoo, kɨ nyahɔd ningakasɨ dɔjoo. Kongg lo kagndog'n non kɨ sordg ĩn larjã. 12Ɗà titbe kɨta kada ko lokudkàdt tɔ ad i pal kubg kɨ ngald i metɨr dɔmi kɨ kagndog kɨlah kɨ nyahɔd kɨlah tɔ. Kongg lo kagndog'n non kɨ sordg ĩn larjã. 13Tat kad natlo ko loɓakàdt i metɨr dɔmi. 14Pal kubg ko bɔgt kɨɗa ngald i metɨr kɨlah gidaimi kɨ kagndog mɨta kɨ nyahɔd mɨta tɔ. 15Ko bɔgt kɨmad i titbe tɔ, ko nu kɨ ko ne tabit kand kam natlot pal kubg kɨ ngald i metɨr tanãimɨta kɨ nusɨ kɨ kagndog mɨta kɨ nyahɔd mɨta tɔ. 16Pal kubg tube'n gugɨn dɔ natlo ĩn kɨ ɗa kɨ lẽ kɨ sɔl lom lom kɨɓew. 17Nyahɔ kagndogg ĩn ningakasɨ, kongg lo kagndog kɨ sordg ĩn larjã, tasomd ĩn kɨ kut dɔ kɨ larjã. Kagndog kɨta gug dɔ natlo'n non tube'n kɨ la nat kɨ sorkag kɨ ɗa kɨ larjã. 18Kubkut tabit kɨta lo kand kam natlot i kɨla lo ngegoosɨ kɔsɨ kɨɗa nyan. Ɗà kɨ kɨllakub kɨkil musɨmusɨ kɨ kɨkɨre wor wor kɨ kɨkɨre pirɨr kɨ lẽ kɨ sɔl lom lom kɨɓew. Ngala i metɨr kɨlah, ngala kɨ dõ i metɨr i joo kɨ nusɨ tit kɨ tat pal kubg lo natlo. 19Kagndog loa i sɔɔ, nyahɔd kɨ ɗa kɨningakasɨ i sɔɔ tɔ. Kongg lod ĩn kɨ ɗa kɨ larjã, utɨn dɔ tasomd kɨ sordg kɨ larjã. 20Kagg kɨta dɔ kɨla hɔ pilie kujkub londɨ kɨ kagg kɨta dɔ kɨla hɔ kagndog natlo ĩn kɨ ɗa kɨ ningakasɨ.
Kɔr nyag'n ɗan ne kujkub londɨ
21Kɔr nyag'n tɨdan kɨta kujkub londɨ, ad i kujkub najkɨma laten: Tit'n Itamar, ngon Aarõ ngejanyamosɨkadkari, tɨdan kɨgo mberkɨndat lo Moij kɨta kɨlaɓer lo Lebiag. 22Betsalel, ngon Uri kɨdɨngã, ngon Hur, ko girr Judat, ɗa nyag tube'n Bɨraɓe nda mbera Moij. 23Ngeɗasia i Oholiab, ngon Ahisamak kɨdɨngã ko girr Dant, i ngetɔsɨ mbal kɨ ngegoosɨ kɨla kɨ ngekɔsɨ ja kɨɗanya kɨ kɨllakub kɨkil musɨmusɨ kɨ kɨkɨre wor wor kɨ kɨkɨre pirɨr kɨ lẽ kɨ sɔl lom lom kɨɓew.
24Lɔr tube kɨ ɗan ne kɨla lot kɨjaɓat ad i lɔr kadkari, kɔra i 877 kɨlo kɨ 300 gram. 25Larjã lo ĩgɨn tɨdand ku ngékawnat ye, asɨ 3 017 kɨlo kɨ 750 gram. 26Deg kɨ 603 550 kɨ ɓald i dɔjoo ke tɔi dɔjoo'n tɨdan ye dekɨɗen kadt ad larjã gram. 27Kɔdg nyẽn kɨlo larjã 3 000 kɨta ɗan nyahɔ kag lo lo kɨjaɓat kɨ kɨ lo kubganglo kɨ kerme. Ad kɨlo 30 asɨ ɗa nyahɔ kag 100, 28kɨ kɨlo 17 kɨ 750 gram'n nãi ye ɗan ne kong kɨta kagg, utɨn dɔ tasomd, na ɗan sordg tɔ. 29Kɔr ningakasɨ kadkari lo ngan Israel: 2 124 kɨlo. 30Ɗan ne nyahɔg kɨta tabit kand kam kujkub ndɔdnat kɨ Luwah, kɨ dɨngɨr kadkari ningakasɨ, kɨ nya la yalhorr ningakasɨ, kɨ nyaɗakɨlag tube lo dɨngɨr kadkari, 31kɨ nyahɔg lo natlo kɨ gug dɔa, kɨ nyahɔg lo tabit kand kam natlot, kɨ kagg tube kɨta dɔ kɨla hɔ kag kujkub londɨ kɨ kagg tube kɨta dɔ kɨla hɔ kagndog natlo gug dɔa.
Currently Selected:
Teekɨtɨga 38: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
