Teekɨtɨga 39
39
Ɗan kubg kɨta ngéjamosɨ kadkarig
(Oo 28:1-31)
1Ɗan kubg kɨmajmaj kɨta ɗan kɨlaɓer kam lot kɨjaɓat, kɨ kubg kɨjaɓat kɨta Aarõ kɨ kɨllakub kɨkil musɨmusɨ kɨ kɨkɨre wor wor kɨ kɨkɨre pirɨr tit'n Bɨraɓe ndan mbera Moij.
2Ɗà epod kɨ kɨla lɔr kɨ kɨla kub kɨkil musɨmusɨ kɨ kɨkɨre wor wor kɨ kɨkɨre pirɨr kɨ lẽ kɨ sɔl lom lom kɨɓew. 3Ndan gaj lɔr mbujmbuj ad hol pelpel, na jan ad to tit kɨllakub be kɨta joo kam kɨllakub kɨkil musɨmusɨ kɨ kɨkɨre wor wor kɨ kɨkɨre pirɨr kɨ lẽ kɨ sɔl lom lom kɨgo goosɨ joo kubt. 4Ɗan nyag kɨdɔ bɔgat, dɔnd nat, dɔnd ta bɔg epodt kɨjoo. 5Kub dɔɓo kɨ ɗa kɨgo goosɨ jo kubt kɨdɔ epodt tɨga kɨta dɔa i kɨla kɨ titna kɨ epod kɨ gaj kub kɨkɨɗa tɔ, ad i kɨ kɨla lɔr kɨllakub kɨkil musɨmusɨ kɨ kɨkɨre wor wor kɨ kɨkɨre pirɨr kɨ lẽ kɨ sɔl lom lom kɨɓew, tit'n Bɨraɓe ndan mbera Moij. 6Ɗan go medkɔsɨ oniksg land kam nyahɔdt kɨ ɗa kɨ lɔr, tɔsɨn tɔ ngan Israelg dɔ medkɔsɨgt'n non tit'n ngegoosɨ tɔsɨ nya a tɔsɨn dɔ kaset kɔsɨdɔnya. 7Ndad dɔ nyagt kɨdɔ bɔg epodt kad in medkɔsɨ ga kam dɔ ngan Israel tit'n Bɨraɓe ndan mbera Moij.
Ɗago nyakutdɔ gu ngejanyamosɨ kadkari
8Ɗà nyakutdɔ gu kɨgo goosɨ joo kubt tit'n ɗan ne epod be, kɨ kɨla lɔr kɨ kɨ kɨllakub kɨkil musɨmusɨ kɨ kɨkɨre wor wor kɨ kɨkɨre pirɨr kɨ lẽ kɨ sɔl lom lom kɨɓew. 9Tata kɨ ngala asɨn na, i kɨ teet dɔnat. Ngala i daji de, na tata i daji kɨɗa tɔ, i kɨ teet dɔnat. 10Ndan medkɔsɨg tit kɨnjɔra njɔra sɔɔ. Njɔra kɨdasa i mbal sardoin kɨmbal topaj kɨ mbal emerod. 11Njɔra kɨkõjoo i mbal rubis kɨ sapir kɨ diamãt. 12Njɔra kɨkõmɨta i mbal opal kɨ mbal agat kɨ mbal ametist. 13Njɔra kɨkõsɔɔ i mbal krisolit kɨ mbal oniks kɨ mbal jaspɨ. Medkɔsɨg'n non ĩn kɨ la kam lɔr hɔdt. 14Medkɔsɨg'n non ĩn kɨgo tɔ ngan Israelt kɨkɨlah gidaijoo, kɨgo tɔdt, tit'n ngegoosɨ tɔsɨ nya a tɔsɨn dɔ kase kɔsɨdɔnya. Medkɔsɨ kɨɗen i kɨ tɔ kɨɗa kɨ lɔr dɔnt, kɨgo girr Israelt kɨkɨlah gidaijoo. 15Ɗan kɨla lɔrg kɨjanjoi kɨ nda gid nat kɨta nyakutdɔ gu'n non. 16Ɗan nyahɔd kɨ ɗa kɨ lɔr joo kɨ ninga lɔrg joo, ndan ninga kɨjoo'n non dɔkum nyakutdɔ gut kɨjoo. 17Lan kɨla lɔr kɨjoo kɨ nda gid nat kam ninga lɔrgt kɨjoo kɨ ĩn dɔkum nyakutdɔ gut. 18Na ta kɨ nãi joo lo kɨla lɔrg kɨjoo kɨ nda gid nat ndand kam nyahɔdt kɨjoo dɔ nya kɨdɔ bɔg epodt konõt. 19Ɗan ninga lɔr madg joo, ndand dɔkum nyakutdɔ gut kɨ ta epodt kokama. 20Ɗan ninga lɔrg joo, ndand girr nya kɨdɔ bɔgt kɨjoo lo epod kɨber konõt, nderbe kɨ lo lad nat, kɨ dõ dɔ kubdɔɓot lo epod. 21Kɨ kɨla kɨkil musɨmusɨ la dɔn ne ningag lo nyakutdɔ gu kɨ ningag lo epod nat ye, kɨtakad nyakutdɔ gu i dõ dɔ kubdɔɓot lo epod, na kɨtakad nyakutdɔ gu a gangɨn na kɨ epod al, tit'n Bɨraɓe ndan mbera Moij.
Kub madg kɨjaɓat
22Joo'n kubji kɨ ngal lo epod kɨtaagbe kɨ kɨllakub kɨkil musɨmusɨ. 23Ɗan bulo ngawdant kɨta la dɔ, na joo ta bulo'n non tit bulo kub hand ɗɔɔ be, kɨtakad til al. 24Ɔsɨn kɨɗanya kɨ desẽ ɓakumta kand grenadieg kɨ kɨllakub kɨkil musɨmusɨ kɨ kɨkɨre wor wor kɨ kɨkɨre pirɨr kɨ lẽ kɨ sɔl lom lom kɨɓew ta kubjit kɨngalt kɨber. 25Ɗan mand lɔrg kɨjanjoi, dɔnd mbɨna kand grenadiegt ta kubji kɨngalt kɨber gug. 26Mand kɨɗa kamla ɓakumta kand grenadie kɨɗa, mand kɨɗa kamla ɓakumta kand grenadie kɨɗa, ta kubjit kɨ ngal kɨber gug dɔa tube kɨta ɗa kɨlaɓer tit'n Bɨraɓe ndan mbera Moij.
27Joo'n kubg kɨ lẽ kɨ sɔl lom lom kɨta Aarõ kɨ kɨta ngana, 28kɨ jɔg lẽ kɨ sɔl lom lom kɨta Aarõ kɨ jɔg lẽg kɨ sɔl lom lom kɨmajmaj kɨta ngan Aarõ kɨ kalesõ lẽg kɨ sɔl lom lom kɨɓew 29kɨ kubdɔɓo kɨ lẽ kɨ sɔl lom lom kɨɓew kɨ kɨkil musɨmusɨ kɨ kɨkɨre wor wor kɨ kɨkɨre pirɨr kɨgo goosɨ kɔsɨ kɨrɗanya desĩt tit'n Bɨraɓe ndan mbera Moij. 30Ɗan bar lɔr kɨjanjoi lo jɔg kɨjaɓat, na tɔsɨn ta 'nten dɔt tit'n tɔsɨn ne dɔ kase kɔsɨdɔnyat be: Kɨjaɓat kɨta Bɨraɓe. 31Dɔnah ta jɔgt ko nõt kɨ dõ kɨ kɨllakub kɨkil musɨmusɨ tit'n Bɨraɓe ndan mbera.
Moij Tɔl kõn kɨla kɨta kujkub londɨ
(Oo 35:10-19)
32Titbe la tɔlɨn ne kɔn kɨla kujkub londɨ kujkub ndɔdna kɨ Luwah. Ngan Israelg ɗan kɨgo nyagt tube'n Bɨraɓe nda mbera Moij, titbe la ɗan ne ye. 33Unɨn kujkub londɨ ɗen ne ro Moijt:
Ad i kujkub kɨ nyaɗakɨlaag tube kɨ ningag loa kɨ barkag loa kɨ kag kɨngalg kɨ pilieg kɨ nyahɔdg.
34Kɨ nyakutdɔ kɨ ɗa kɨ ndar bal batg kɨnda kɔlt, kɨ nyakutdɔ kɨ ɗa kɨ ndar hangg kɨ kam mant, kɨ kub ganglo.
35Kɨ sund najkɨma kɨ kag kɨngalg loa kɨ nyakutdɔa.
36Kɨ tabɨl kɨ nyaɗakɨlaag tube kɨ kuɓɨr bɨna kɨndanõt.
37Kɨ lamba lɔr kɨjanjoi kɨ bailambag loa ad i bailambag kɨta nda kɨgoagoa kɨ nyaɗakɨlaag tube kɨ yib kɨta kunj lamba.
38Kɨ dɨngɨr lɔr kɨ yib kurdɔt kɨ nduj mbikam kɨkootmbĩ kɨ kub kut tabit kand kam kujkubt.
39Kɨ dɨngɨr ningakasɨ, kɨ nya la yalhorr loa kɨ nyaɗakɨlaag tube kɨ bai girr kut.
40Kɨ pal kubg kɨta natlo kɨ kagndog loa kɨ nyahɔdg kɨ kubkut lo kand kam natlot kɨ kɨlag loa kɨ kagg kɨta dɔ kɨla hɔ pilie kujkub londɨ, kɨ nyaɗakɨlag tube kɨta kɨlaɓer kam kujkub londɨ, kɨta kujkub ndɔdna kɨ Luwah.
41Kɨ kubg kɨ joo'n majmaj kɨta ɗa kɨlaɓer kam lot kɨjaɓat, kɨ kubg kɨjaɓat kɨta Aarõ ngejanyamosɨkadkari kɨ kubg kɨta ngana kɨtakad ɗan ne kɨlaɓer kam kɨla jamosɨkadkarit.
42Ngan Israelg ɗan kɨla'n non tube kɨgo nyagt tube'n Bɨraɓe nda mbera Moij. 43Moij oo kɨlla'n non tube na oo ɗan tɨga, tit'n Bɨraɓe ndan mbera, titbe tɔ la ɗan ne ye, na Moij njang dɔd.
Currently Selected:
Teekɨtɨga 39: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
