Lebitik 1
1
Kadkari kɨlahorr
1Bɨraɓe kun Moij ela ta ko kam kujkub ndɔdnat an: 2Elta kɨ ngan Israelg, eld an: Lon de mad kusɨt a ad kadkari Bɨraɓe a ne, a ɗe kɨ dã kadkari kam ɓut nyakulgt kɨbo ke kɨdu.
3Ĩla kadkari loa i kadkari kɨlahorrt kam ɓut nyakulgt kɨbo a ne, a ad kɨdɨngã kɨkanj nya mad ɗaa, a ad ta tabit kujkub ndɔdnat kad ngah maj takum Bɨraɓet. 4A nda jin dɔ kadkari kɨlahorrt kad'n ngah maj takum Bɨraɓet, na i nyakutdɔ majal loa. 5Kamla a tɔl bɔw mang'n non nõ Bɨraɓet, na ngan Aarõ ngéjanyamosɨ a unɨn mosa tudɨn gugɨn ne dɔ dɨngɨr'n i tabit kujkub ndɔdnat. 6A tɔrr ngɨraa kamla a gang dã'n non sĩ sĩ. 7Ngan Aarõ ngéjanyamosɨ a lan horr dɔ dɨngɨrt, a ũn kir dɔ horrt kɨgoagoa. 8Ngan Aarõ ngejanyamosɨ a ũn dã kɨ gangɨn nõ, dɔa kɨ mboola, kɨgoagoa dɔ kirt'n i dɔ horrt dɔ dɨngɨrt. 9A tugo tia kɨ njaa kɨ man, na ngejanyamosɨ a laa horro kɨtaagbe dɔ dɨngɨrt. I kadkari'n horr õa, i kadkari kɨlahorrt, i sé kɨ kootmbĩ kɨ nel Bɨraɓe.
10Ĩla kadkari loa i kadkari kɨ lahort kam ɓut nyakulgt kɨdu, batg ke bĩãg a ne, a ad kɨdɨngã kɨkanj nya mad ɗaa. 11A jakɔa kad dɨngɨrt kɔtko ɓodo nõ Bɨraɓet, na ngan Aarõ ngejanyamosɨ a unɨn mosa tud gugɨn ne dɔ dɨngɨr. 12A gang dã'n non dɨtɨmdɨtɨm nat kɨ dɔa kɨ mboola na ngejanyamosɨ a ũd kɨgoagoa dɔ kirt'n i dɔ horrt dɔ dɨngɨrt, 13na a tugo tia kɨ njaa kɨ man. Ngejanyamosɨ a laa horro kɨtaagbe dɔ dɨngɨrt, i kadkari'n horr õa, i kadkari kɨlahorrt, i sé kɨ kootmbĩ kɨ nel Bɨraɓe.
14Ĩla kadkari loa kɨta Bɨraɓe i kadkari yelg kɨlahorrt a ne, a ɗe kɨ kadkari derngɔtg ke ngan derkulg lon. 15Ngejanyamosɨ a tɔl yel dɔ dɨngɨrt, a gang dɔa na laa horro dɔ dɨngɨrt, na a ad mosa ãi kad dɨngɨrt. 16A ɔrr ɓɔlɓooa kɨ bela, a ũ kad dɨngɨrt ko loɓakàdt, lon a ũn buhoor tit. 17Kaya nat joo mbɨna bɔgagt kanj ganga nat. Ngejanyamosɨ a laa horro dɔ dɨngɨrt dɔ kirt'n to dɔ horrt. I kadkari'n horr õa, i kadkari kɨlahorrt, i sé kɨkootmbĩ kɨ nel Bɨraɓe.
Currently Selected:
Lebitik 1: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
