Lebitik 15
15
Nya kɨ ad dekɨdɨngã tel kɨyerr
1Bɨraɓe el Moij kɨ Aarõ an: 2El Israelag an: Lon dekɨdɨngã mad aw kɨ mõi'n ad ɓi tee roat a ne, ɓin non i nya kɨyerr. 3'Nten i mberkɨnda dɔ yerrt loa kɨta ɓin tee roat, ke ɓi ndɨ tee roat ɓaitɔ, ke ɓi nya ta tee kaa ne, i kɨyerr. 4Tɨra kɨɗen'n ngemõi'n non to dɔt, ke nya kɨɗen'n ndɨdɔt a ne, a i kɨyerr. 5De'n ɔd tɨra loa a ne, a tugo kub lon a ndog man, na a i kɨyerr mbã lokɨsɔle. 6Dekɨɗen'n ndɨ dɔ nyat mad kɨ ngemõi'n non ndɨt a ne, a tugo kub lon, a ndog man, a i kɨyerr mbã lokɨsɔle 7De'n ɔd dãro de kɨyerr'n non a tugo kub lon, a ndog man, a i kɨyerr mbã lokɨsɔle. 8Ĩla ngemõi'n non tiw hortan dɔ det kɨkar a ne, de kɨkar'n non to a tel kɨyerr, a tugo kub lon, a ndog man, a i kɨyerr mbã lokɨsɔle. 9Sirg kɨɗen'n ngemõi'n non ndɨdɔt a ne, a i kɨyerr. 10Dekɨɗen'n ɔd nya mad'n i girr ngemõit'n non a ne, a i kɨyerr mbã lokɨsɔle. De'n un nya kɨ titbe tɔ a tugo kub lon, a ndog man, a i kɨyerr mbã lokɨsɔle. 11Dekɨɗen'n ngemõi'n non ɔda, na tugo jin kete al a tugo kub lon, a ndog man, a i kɨyerr mbã lokɨsɔle. 12Joning kɨɗen'n ngemõi'n non ɔd a ne, a tɔn kɔ, kag kɨɗen kɨ tɔsɨ nyaɗakɨlat a tugon kɨ man.
13Lon ngemõi'n non yoot ad ɓi nya ta tee roat a ne, a tɨda ndɔ'n asɨ tanãimɨta kɨta kar ron, a tugo kub lon, a ndog ron kam mant kɨ ɓa, na a i kɨkar. 14Ndɔ kɨkõjijoo a ne, a ɔi derngɔt joo ke ngan derkul joo a awɨn nõ Bɨraɓet tabit kujkub ndɔdnat ad ngejanyamosɨ. 15Ngejanyamosɨ a la kɨkɨɗa kadkari kutdɔ majal na kɨmad kadkari kɨlahorrt. Ngejanyamosɨ a ɗa titbe kad utɨn dɔ majal loa nõ Bɨraɓet kɨta ɓi kɨ tee roat.
16Ĩla man ro dekɨdɨngã tee a ne, a ndog ron kɨtaagbe kam mant, na a i kɨyerr mbã lokɨsɔle. 17A tugo kub kɨɗen kɨ ndar kɨɗen'n man ro de'n non ãi kɨ tit, na a i kɨyerr mbã lokɨsɔle. 18Ĩla dekɨdẽ to kɨ dekɨdɨngã kɨ titbe a ne, ĩn tujoo a ndogɨn man, a ĩn kɨyerr mbã lokɨsɔle.
Nya kɨ ad dekɨdẽ tel kɨyerr
19Dekɨdẽ'n mosɨ ɗaa ad ãi roat a ne, a i kɨyerr mbã ndɔ tanãimɨta. Dekɨɗen'n ɔda a ne, a i kɨyerr mbã lokɨsɔle. 20Nya kɨɗen'n to dɔt kaglot'n mosɨ ndɨ ãi roat a ne, a i kɨyerr, nya kɨɗen'n ndɨdɔt a i kɨyerr tɔ. 21Dekɨɗen'n ɔd tɨra tɔa a ne, a tugo kub lon, a i kɨyerr mbã lokɨsɔle. 22Dekɨɗen'n ɔd nya kɨ ɗi'n ndɨdɔt a tugo kub lon, a ndog man, a i kɨyerr mbã lokɨsɔle, 23ke tɨra tɔa, ke nya'n ndɨdɔt, lon ɔd nya'n non a ne, a i kɨyerr mbã lokɨsɔle. 24Ĩla dekɨdɨngã to sia na mosɨ dekɨdẽ'n non ɔda a ne, a i kɨyerr ndɔ tanãimɨta na tɨra'n tot, a i kɨyerr ho.
25Ĩla mosɨ ɗa dekɨdẽ mad ndɔ ngãi, na i kaglo'n mosɨ a ãin roat al, ke tɔi kaglo loa a ne, a i kɨyerr. Kaglo tube'n mosɨ ɗaan a ne, a i kɨyerr tit kaglo kɨyerr loa tube kɨ mosɨ dã. 26Tɨra kɨɗen'n to dɔt ndɔg tube'n mosɨ ɗaan a i tit tɨra toa kɨ kaglot'n mosɨ ãin roat be, na nya kɨɗen'n ndɨdɔt a i kɨyerr tit kaglo'n mosɨ ãi roat ye be tɔ. 27Dekɨɗen'n ɔd nyag 'nten a i kɨyerr, a tugo kub lon, a ndog man na a i kɨyerr mbã lokɨsɔle. 28Lon yoot dɔ mõit woi ye, a tɨda ndɔ'n asɨ tanãimɨta, gog got a i kɨkar. 29Ndɔ kɨkõjijoo a hɔ derngɔt joo, ke ngan derkul joo, a ɗen ro ngejanyamosɨt tabit kujkub ndɔdnat. 30Ngejanyamosɨ a la kɨkɨɗa kadkari kutdɔ majal na kɨmad kadkari kɨlahorrt. Ngejanyamosɨ a ɗa titbe kɨta kutɨn dɔ majal loa nõ Bɨraɓet kɨta mosɨ ɗaa ye, tela kɨyerrt.
31Titbe a arɨn ne Israelag dɔ nyagt kɨyerr lod, na ɓeta oin kam yerrt lod lon yerrɨne kɨ kujkub londɨ lom ĩn i dandt.
32'Nten la i mberkɨnda kɨta de'n ɓi tee roat ke man roa tee ad tela kɨyerrt, 33kɨta dekɨdẽ'n mosɨ ɗaa. Ad i kɨta dekɨdɨngã ke dekɨdẽ'n nya mad tee roat, kɨta dekɨdɨngã'n to kɨ dekɨdẽ'n i kɨyerr.
Currently Selected:
Lebitik 15: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.