Lntadan 13
13
Pnsnakan Mrtaso ka Laqi Tgqbsuran
1Rmengo Moseh ka Utux Tmninun: 2“Laqi tgqbsuran we psnaki mrtaso bege kenan. Kana ckceka laqi tgqbsuran Israel we, ani seediq ma tnbugan we naku kana.”
Smseman Ini Psai Tgeda
3Rmengo dseediq Israel ka Moseh: “Yamu we lnglungi ka ali pneeyah ta Micrayim pntqliyan ta hiya. Ado Utux Tmninun we pnooda na paru beyax baga na dnudul yamu mlatac pneeyah dxeral nii. Kiya de iya bale uqi ka uuqun niqan tgeda. 4Ali meniq idas Abidu nii we kiya ka ali mlatac namu pneeyah hiya. 5Bobo na Utux Tmninun we mpdudul yamu mremux dxeral seediq Kenaan, Xet, Amori, Xiwiy ma Yebus. Kiya ka dxeral psbyeqan nunuh ma walu sntangan ddrudan namu cbeyo bege na yamu. Kiya de ali meniq idas nii ciida we oda ba smesung gaya nii. 6Mekan namu pang ini psai tgeda ka mk7 ali nii. Tg7 ali de smsemi thmuku ka Utux Tmninun. 7Ekan pang ini psai tgeda ka mk7 ali nii. Iya bale pniqi uuqun niqan tgeda ka kana dxeral namu. Kiya uri ma iya bale pqtai ka tgeda uri. 8Ali nii ciida, tgsai ka lqlaqi namu: So nii ta smmesung ka saya we, ado mlatac ta peeyah Micrayim ciida ge, Utux Tmninun ka qneepah nii. 9Pskryai bale baga su ka nii, peeniq kduruk su lmngelung nii. So maha meniq bale ckceka quwaq namu klaali ka tnugesa Utux Tmninun. Ado Utux Tmninun we wada na spooda baga na paru beyax ka dmudul yamu peeyah Micrayim. 10So kiya de yamu we asi namu ka spooda ali nii muyu gaya nii.”
Sbege Bukung ka Laqi Tgqbsuran
11“Utux Tmninun ge, spooda na sndhegan yamu ma ddrudan namu cbeyo, mpdudul yamu mremux dxeral seediq Kenaan. Sbege na yamu ka dxeral kiya ciida we, 12asi ka sbege Utux Tmninun kana ka pnlaale mtuting na. Balas pnlaale mtuting tnbugan su we sbege Utux Tmninun kana. 13Kiya de, kana pnlaale mtuting wawa roba we, saani priyux maruy miric. Nasi su ini sai priyux maruy de, asi su ka gremun ka nduyung na. Tgqbsuran ba laqi su rseno we asi ka saun priyux maruy kana. 14Bobo na, nasi smiling isu ka laqi su: ‘Maanu pusu na ka nii?’ Rengo ka isu: ‘Utux Tmninun we wada na sdoi paru beyax baga na dmudul ita mlatac peeyah dxeral tnqliyan ta Micrayim. 15Mkere lhebun na ciida ka Paroh, ini sruwa posa ita. Kiya de Utux Tmninun we phqilun na kana ka tgplaale ba mntuting Micrayim, ani seediq ma ani tnbugan. So kiya de, balas tnbugan mu plaale ba mntuting we bege mu spuhan Utux Tmninun kana. Kiya de saun mu pririh maruy kana ka laqi mu rseno pnlaale mtuting. 16Pskryai baga su ka nii ma, smlei kulu psaun kari ka kduruk su. Ado Utux Tmninun we wada na sdoi paru beyax baga na dmudul ita mlatac peeyah Micrayim.’”
Eruc Plabu ma Eruc Puniq
17Posa dseediq Israel ka Paroh ciida, ani ba daling ka elu dxeral dseediq Peliset we, ini dudul pooda hiya ka Utux Baro. Ado rmengo ka Utux Baro: “Nhuwa mnberih ka lnglungan daha de smterung mccebu ka dseediq ma mpbrinah Micrayim dungal.” 18Kiya de Utux Baro ge, dmudul dheya ma pdaun na ptqiri elu, moda elu tadus brenux betaq rcilung Mtanah. Mlatac dxeral Micrayim ka dseediq Israel ciida we, gaga madis qyqeya mccebu kana daha. 19Moseh we desun na ka buuc Yosehu. Ado Yosehu we pnsdhegan na ba rmengo ka dseediq Israel. Rmengo dheya: “Mpqlahang yamu ka Utux Baro. Desi suupu yamu mosa baro ka buuc mu.” 20Kndalax Sukot ka dheya, moda pkobu Etam muxi tadus brenux hiya. 21Mkkesa berah daha ka Utux Tmninun. Diyan we spooda na eruc plabu dmudul elu daha. Keeman de spooda na eruc puniq pkledax dheya. So kiya de ani diyan ma keeman we mkkesa ka dheya. 22Eruc plabu diyan ma eruc puniq keeman we ini latac peeyah berah dseediq Israel.
Currently Selected:
Lntadan 13: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
