Lntadan 20
20
10 Gaya Pndakar
(Meg 5:1-21)
1Kana kari dnurun Utux Baro we so nii, rmengo:
2“Yaku we Utux Tmninun, Utux Baro su. Dmnudul ku platac sunan peeyah dxeral Micrayim pntqliyan su.
3Wano ba yaku, iya thmuku utux icil.
4Iya gmequr smalu tikung namu nanak. Iya mmhemuc smmalu ani maanu hnyegan, mntena so hnyegan gaga karac baro, toma dxeral ma, gaga ckceka qsiya. 5Iya thmuku hnyegan kiya ma, iya qeepah dheya. Ado yaku Utux Tmninun, Utux Baro su we Utux Baro pnugaya ba qnnaqah. Qmnriqu kenan ka seediq we pkdraun mu ka qnquwan noda dheya ma, betaq mu msn3, msn4 knxalan lqlaqi daha. 6Gmaalu kenan ma mnduwa muyu gaya pndakar mu we khwayun mu ka dheya betaq 10'00 knxalan lqlaqi daha.
7Iya hmtani rmengo ka ngayan Utux Tmninun, Utux Baro su. Ado mmhemuc dmoi ngayan Utux Tmninun we, Utux Tmninun we uxe na ngalun kesun uka qnquwan noda ka heya.
8Lnglungi ba ka ali sngayan, ngali ali mrtaso. 96 ali we qphani kana ooda su. 10Tg7 ali we ppyugi ali sngayan su quri Utux Tmninun, Utux Baro su. Ali nii we isu, lqlaqi su, dtnqliyan, tnbugan su ma, dseediq tnooda mkkesa ckceka alang su we, iya bale qeepah ani manu qpahun. 11Ado 6 ali nii we mnoda smalu karac, dxeral, rcilung ma kana lmlamu ckceka na hiya ka Utux Tmninun. Kiya we mk7 ali de msange ka heya di. Kiya de, psbleyaq ali sngayan nii ka Utux Tmninun. Ngalan na ali mrtaso ka ali nii.
12Sprui ka tama ma bubu. So ali bnege Utux Tmninun, Utux Baro su ka nniqan su bobo dxeral we maha bsiyaq.
13Iya phuqil seediq.
14Iya mmhemuc msuupu.
15Iya geeguy.
16Iya qberiq pgkela pqnaqah ssiyo su.
17Iya sqquru sapah ssiyo su. Iya sqquru mqedil, tnqliyan, tnqliyan mqedil, dapa ma roba ma, kana dnoi daha ka isu.”
Miicu Riyung ka Dseediq
(Meg 5:22-23)
18Dseediq we mbahang hrenang bruwa, qmita tqwilaq, hrenang niyuk urung ma, qrengul ka dgiyaq de, mpkrkerang kana ka seediq qmnita ma smtheya mheyu ka dheya. 19Rmengo Moseh ka dheya: “Braho misu, isu ka rengo yami. Mpqbahang nami. Iya prngagi yami ka Utux Baro, so nami uxe mphuqil ka yami.” 20Rmengo dseediq ka Moseh: “Iya kiicu. Ado meyah mtqita yamu ka Utux Baro we meyah ppseung yamu, so namu maha miicu heya ma, uxe namu mooda qnnaqah ooda.” 21Kiya de smtheya mheyu ka dseediq. Wano Moseh ka smdaling Utux Baro meniq ckceka mkuung hiya.
Gaya Msapuh
22Rmengo Moseh ka Utux Tmninun: “Rngagi so nii ka dseediq Israel: ‘Qtaan namu bale doriq namu peeyah baro rmengo yamu ka yaku di. 23Iya ku hiya smlei tikung ka yaku. Iya salu tikung snmalu namu king ma ging. 24Smlei ku 1 spuhan snmalu dxeral. Posa bobo spuhan hiya ka dapa ma miric, psqama smapuh ma smapuh ptbale. Kana so nniqan gisu lmngelung ngayan mu hiya we, maha ku smbleyaq yamu hiya. 25Nasi namu mpsmalu spuhan btunux we, iya doi btunux snqrian. Ado dmnoi namu qyqeya btunux de, gisu namu smrutiq spuhan kiya di. 26Iya pniqi tnugkadan qqahan ka spuhan mu. Kiya de so uxe ptqita ka lneing su toma.’”
Currently Selected:
Lntadan 20: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
