Lntadan 22
22
Gaya Pririh
1Nasi gmeeguy dapa uxe uri we miric ka seediq we, ani na wada phqilun uxe uri we wada na sbaruy we, asi ka dmahur 5 dapa pririh 1 dapa. Dmahur 4 miric pririh 1 miric. 2Kmari beling ka seediq pgeeguy. Nasi daha wada klaun ma wada daha phqilun de, seediq pnhuqil we uka qnquwan noda na phuqil ka heya. 3Nasi mgkala ka hido de, seediq pnhuqil we niqan qnquwan noda na ka heya. Seediq pgeeguy we asi ka pririh. Ani ya uka bale ka dnoi na we, asi ka brigun ka heya spririh qyqeya gneeguy na. 4Netun wada qtaan ka gneeguy na, ana dapa, dapa roba, uxe uri we miric, gaga muudus meniq baga nana we, asi ka prnaun pririh mege ka heya.
5Netun mosa tmabu tnbugan na so qnpahan lipas ka seediq, mhmetan na posa qnpahan seediq ma mmhemuc mekan hiya ka tnbugan na de, asi ka mosa mangal malu bale lipas qnpahan na, kiya ka spririh na seediq.
6Netun mtahu betaq wada psqama pkpako ssiyo ma, wada sqama kana ka gntuwan daha drami paye ma, pnhgalang mnheyu qnpahan ma, kana qnpahan we wada sqama kana de, pntahu na we asi ka pririh.
7Netun htiyan na pseku ssiyo na ka pila ma qyqeya na ka seediq ma, wada daha gguyun peeyah sapah seediq nii ka qyqeya. Netun slayun ka seediq gmneeguy de, mprana pririh mege ka mpgeeguy nii. 8Netun ini slai ka gmneeguy de, seediq tnsapah nii we asi ka mosa berah psgao hiya. Mosa pgkela heya we ini angal qyqeya nseediq ssiyo ka heya.
9Quri so lmlamu smeeliq noda we, ana dapa, dapa roba, miric, lukus ma qyqeya wada mgedang we, niqan ka seediq betaq rmengo mesa: Naku ka nii de, asi ka desun daha berah Utux Baro ka noda nii. Mpsgao na we maha psgao ima ka niqan qnquwan noda. Niqan qnquwan noda na we asi ka mprabang spririh na seediq ssiyo na.
10Nasi htiyan na pqlhangan seediq ssiyo ka dapa roba, dapa, miric ma, so lmlamu tnbugan ka seediq. Nasi wada mhuqil ka tnbugan, uxe uri we wada mluqah ma, wada glekun seediq ma uka ka seediq qmnita. 11Ddaha nii we asi ka mosa psdehu berah Utux Tmninun. Seediq qmnlahang we asi ka pgkela ini angal qyqeya seediq ssiyo na ka heya. Seediq ttnbugan we asi ka mangal pnsdehu na. Seediq qmnlahang we ana ini pririh kiya. 12Nasi wada gguyun peeyah seediq qmnlahang hiya ka tnbugan de, asi ka pririh ttnbugan ka heya. 13Nasi wada sgliqan phuqil ccamac de, asi na ka desun berah na pgkela bale ba. Tnbugan wada sgliqan we ani ini prihi kiya.
14Nasi kmbarux tnbugan seediq ssiyo ka seediq. Wada mluqah, uxe uri wada mhuqil. Nasi ini eniq hiya ka tnpusu tnbugan we, asi ka pririh ka kmnbarux na. 15Nasi meniq hiya ka tnpusu tnbugan we, ani ini pririh ka knbarux na. Nasi knbrexan na bbege pila we wano mege bbege na pila nanak.
Gaya Ooda ma Snhiyan
16Nasi mosa tmraki weewa ini oda psterung ka seediq ma, thiqan na msuupu mtaqi. Heya de asi ka mege pila moda sndehu psterung ma ngalun na mqedil ka weewa nii. 17Nasi ini bale sruwa mege heya ka tama wawa nii de, asi ka mege pila sndehu smberih bale ba weewa nii ka heya.
18Mqedil mooda mpstuutux we, iya bale pkdusi.
19Msuupu daha camac ka seediq we, asi ka phqilun.
20Thmuku utux icil, uxe wano thmuku mege Utux Tmninun ka seediq we, asi ka phqilun ka seediq kiya.
21Iya pqraqil seediq tnooda. Iya tsiiyax dheya. Ado mnoda namu tnooda meniq dxeral Micrayim ka yamu duri. 22Iya pqraqil mqedil mqrinuc ma laqi uka tama ma bubu. 23Nasi namu mnoda pqraqil dheya ma, meyah lmingis dmurun yaku ka dheya de, mpqbahang ku pnlawa daha ka yaku. 24Kiya de mpkseang ku paru, mpdoi ku hlmadac phuqil yamu. Kiya de mqedil namu de maha mqedil mqrinuc, lqlaqi namu de maha uka tama ma bubu.
25Netun su pkbarux pila seediq gisu mqraqil ckceka namu ka dseediq mu we, iya bale prbangi mangal pila. 26Sbege na sunan pnririh na kmbarux pila ka lukus nseediq ssiyo we, asi su ka sbege heya berah priyax hido. 27Ado wano lukus nii ka shilo na, muubung heya na. Maha huwa mesa mtaqi ka heya di peni? Netun meyah lmingis dmurun yaku de, mpciyuk ku heya. Ado niqan ku huwe ka yaku.
28Iya tsiiyax rmengo Utux Baro. Iya siyus dmpdudul yamu kana seediq uri.
29Iya hrnasi ka ali bbege su pnhgalang, sino ma abura kenan.
Bege kenan ka tgqbsuran laqi pntuting su. 30Dapa ma miric su we so kiya moda uri. Mk7 ali mpsnegul bubu na han. Kiya de mk8 ali de asi su ka sbege kenan ka kiya.
31Yamu we dseediq mprtaso kenan. Kiya de heyi wada sgliqan camac qnpahan we, iya bale uqi ma, qdaani peekan huling ka kiya.
Currently Selected:
Lntadan 22: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Lntadan 22
22
Gaya Pririh
1Nasi gmeeguy dapa uxe uri we miric ka seediq we, ani na wada phqilun uxe uri we wada na sbaruy we, asi ka dmahur 5 dapa pririh 1 dapa. Dmahur 4 miric pririh 1 miric. 2Kmari beling ka seediq pgeeguy. Nasi daha wada klaun ma wada daha phqilun de, seediq pnhuqil we uka qnquwan noda na phuqil ka heya. 3Nasi mgkala ka hido de, seediq pnhuqil we niqan qnquwan noda na ka heya. Seediq pgeeguy we asi ka pririh. Ani ya uka bale ka dnoi na we, asi ka brigun ka heya spririh qyqeya gneeguy na. 4Netun wada qtaan ka gneeguy na, ana dapa, dapa roba, uxe uri we miric, gaga muudus meniq baga nana we, asi ka prnaun pririh mege ka heya.
5Netun mosa tmabu tnbugan na so qnpahan lipas ka seediq, mhmetan na posa qnpahan seediq ma mmhemuc mekan hiya ka tnbugan na de, asi ka mosa mangal malu bale lipas qnpahan na, kiya ka spririh na seediq.
6Netun mtahu betaq wada psqama pkpako ssiyo ma, wada sqama kana ka gntuwan daha drami paye ma, pnhgalang mnheyu qnpahan ma, kana qnpahan we wada sqama kana de, pntahu na we asi ka pririh.
7Netun htiyan na pseku ssiyo na ka pila ma qyqeya na ka seediq ma, wada daha gguyun peeyah sapah seediq nii ka qyqeya. Netun slayun ka seediq gmneeguy de, mprana pririh mege ka mpgeeguy nii. 8Netun ini slai ka gmneeguy de, seediq tnsapah nii we asi ka mosa berah psgao hiya. Mosa pgkela heya we ini angal qyqeya nseediq ssiyo ka heya.
9Quri so lmlamu smeeliq noda we, ana dapa, dapa roba, miric, lukus ma qyqeya wada mgedang we, niqan ka seediq betaq rmengo mesa: Naku ka nii de, asi ka desun daha berah Utux Baro ka noda nii. Mpsgao na we maha psgao ima ka niqan qnquwan noda. Niqan qnquwan noda na we asi ka mprabang spririh na seediq ssiyo na.
10Nasi htiyan na pqlhangan seediq ssiyo ka dapa roba, dapa, miric ma, so lmlamu tnbugan ka seediq. Nasi wada mhuqil ka tnbugan, uxe uri we wada mluqah ma, wada glekun seediq ma uka ka seediq qmnita. 11Ddaha nii we asi ka mosa psdehu berah Utux Tmninun. Seediq qmnlahang we asi ka pgkela ini angal qyqeya seediq ssiyo na ka heya. Seediq ttnbugan we asi ka mangal pnsdehu na. Seediq qmnlahang we ana ini pririh kiya. 12Nasi wada gguyun peeyah seediq qmnlahang hiya ka tnbugan de, asi ka pririh ttnbugan ka heya. 13Nasi wada sgliqan phuqil ccamac de, asi na ka desun berah na pgkela bale ba. Tnbugan wada sgliqan we ani ini prihi kiya.
14Nasi kmbarux tnbugan seediq ssiyo ka seediq. Wada mluqah, uxe uri wada mhuqil. Nasi ini eniq hiya ka tnpusu tnbugan we, asi ka pririh ka kmnbarux na. 15Nasi meniq hiya ka tnpusu tnbugan we, ani ini pririh ka knbarux na. Nasi knbrexan na bbege pila we wano mege bbege na pila nanak.
Gaya Ooda ma Snhiyan
16Nasi mosa tmraki weewa ini oda psterung ka seediq ma, thiqan na msuupu mtaqi. Heya de asi ka mege pila moda sndehu psterung ma ngalun na mqedil ka weewa nii. 17Nasi ini bale sruwa mege heya ka tama wawa nii de, asi ka mege pila sndehu smberih bale ba weewa nii ka heya.
18Mqedil mooda mpstuutux we, iya bale pkdusi.
19Msuupu daha camac ka seediq we, asi ka phqilun.
20Thmuku utux icil, uxe wano thmuku mege Utux Tmninun ka seediq we, asi ka phqilun ka seediq kiya.
21Iya pqraqil seediq tnooda. Iya tsiiyax dheya. Ado mnoda namu tnooda meniq dxeral Micrayim ka yamu duri. 22Iya pqraqil mqedil mqrinuc ma laqi uka tama ma bubu. 23Nasi namu mnoda pqraqil dheya ma, meyah lmingis dmurun yaku ka dheya de, mpqbahang ku pnlawa daha ka yaku. 24Kiya de mpkseang ku paru, mpdoi ku hlmadac phuqil yamu. Kiya de mqedil namu de maha mqedil mqrinuc, lqlaqi namu de maha uka tama ma bubu.
25Netun su pkbarux pila seediq gisu mqraqil ckceka namu ka dseediq mu we, iya bale prbangi mangal pila. 26Sbege na sunan pnririh na kmbarux pila ka lukus nseediq ssiyo we, asi su ka sbege heya berah priyax hido. 27Ado wano lukus nii ka shilo na, muubung heya na. Maha huwa mesa mtaqi ka heya di peni? Netun meyah lmingis dmurun yaku de, mpciyuk ku heya. Ado niqan ku huwe ka yaku.
28Iya tsiiyax rmengo Utux Baro. Iya siyus dmpdudul yamu kana seediq uri.
29Iya hrnasi ka ali bbege su pnhgalang, sino ma abura kenan.
Bege kenan ka tgqbsuran laqi pntuting su. 30Dapa ma miric su we so kiya moda uri. Mk7 ali mpsnegul bubu na han. Kiya de mk8 ali de asi su ka sbege kenan ka kiya.
31Yamu we dseediq mprtaso kenan. Kiya de heyi wada sgliqan camac qnpahan we, iya bale uqi ma, qdaani peekan huling ka kiya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020