Lntadan 23
23
Knsderux ma Ini Psaanak
1Iya kmmhemuc gmarang kari bgihur. Iya theyaq seediq naqah pgkela qnnaqah. 2Iya psuupu mumal seediq meepah naqah noda. Iya tuumal seediq psridil ini psaanak meniq prngagan. 3Iya kmdakar seediq qrinuc meniq ckceka prngagan.
4Nasi su pkelu dapa uxe uri we dapa roba pais su we, sai bale mege dheya. 5Nasi su qtaan gisu pixun knchedil bale napa ka dapa roba pais su we, iya hrnasi, asi su ka msuupu heya lmhelah knchedil napa dapa roba.
6Iya bale qmnuqu psgao msderux dseediq qrinuc. 7Qdriqi ka ooda kari mberiq. Iya bale phuqil seediq uka qnquwan ma seediq msderux noda. Ado uxe mu ngalun msderux ka seediq naqah. 8Iya aangal lnabu daha. Ado mpkbudu doriq mita seediq ka maangal lnabu nii. Kiya uri we pkridil kari seediq msderux uri.
9Iya traqil seediq tnooda. Ado tnooda namu meniq dxeral Micrayim ka yamu. Klaun namu maanu ka lnglungan so tnooda.
Knkawas Sngayan ma Ali Sngayan
106 Knkawas we qpahi qnpahan namu ma, psseli ka hmneru peeyah dxeral. 11Kiya de tg7 knkawas de, asi su ka psngayun ka dxeral. Iya tukuy ma iya phuma, so maha niqan uqun daha ka seediq qrinuc ckceka namu. Knrngiyan daha we tduwa uqun camac uri. Qnpahan lipas ma curung we keso nii mooda uri.
12Qeepah ka mk6 ali. Kiya de sange ka mk7 ali. So maha msange ka dapa, dapa roba. So maha mbeyax dungal ka lqlaqi tnqliyan su ma, tnooda hiya.
13Kana kari rnengo mu sunan we, ndwai bale muyu kana. Ngayan utux icil we iya bale rngagi. Iya bale rengo seediq peeyah quwaq su uri.
Teru Paru Smseman
(Lnt 34:18-26. Meg 16:1-17)
141 knkawas we niqan mn3 mpsmesung namu kenan. 15Ooda smesung ini psai tgeda. Puyu so rnengo mu yamu. Eeniq idas Abidu kiya ka ali pnheyu mu ciida mekan namu mk7 ali pang ini psai tgeda. Ado ali nii we mnlatac namu peeyah Micrayim. Ani namu ima iya chungi madis bbege namu meyah mita yaku. 16Ooda smesung kmetuy ka yamu. Maangal namu pnhmaan namu qnpahan, mbqerus namu dehuk maangal plaale mghei na. Qnhdean knkawas ciida we, psseli namu bnqresan namu peeyah qnpahan namu de, ooda smesung smeku uqun. 17Kana txtaxa rseno we asi ka mn3 mosa thmuku Utux Tmninun Bukung.
18Iya bale pthiqi mege ka dara spuhan ma uuqun gaga niqan tgeda. Kiya uri we iya bale htii betaq mgrebu ka siyang snapuh meniq ali smseman mu ciida.
19Tgmalu bale pnlaale mnhada pneyah dxeral namu we, desi nniqan Utux Tmninun, Utux Baro su hiya.
Iya bale pspui hmanguc nunuh bubu na ka wawa miric.
Sntangan ma Dmudul Tmgesa
20Tai, mpskagul ku snkgulan mu meniq berah namu mosa qmlahang yamu meniq elu. Maadis yamu mosa dxeral pnsramal mu yamu. 21Qlahang bale meniq berah na ka yamu. Qbahang bale kari na. Iya kncyuki ka heya. Uxe su na srwaun ka qnnaqah su da. Ado gaga meniq heyi na ka ngayan mu.
22Nasi su bale ba mbahang kari na, muyu bale mooda kana tnugesa mu de, maha mu ngalun pais ka pais namu. Pais namu we maha pais mu uri.
23Mkkesa berah namu ka snkgulan mu. Mpdudul yamu mosa mremux dxeral seediq Amori, Xet, Perijiy, Kenaan, Xiwiy ma Yebus hiya. Yaku ka mpkuuka dheya. 24Iya thmuku ma qmeepah utux daha. Iya bale puyu gaya noda daha uri. Lixi bale ma, qhdei bale tnemu smeeliq ka tikung daha. 25Thmuku Utux Tmninun, Utux Baro namu ka yamu. Heya we mpsbleyaq yamu ma mbege uqun ma qsiya yamu. Maha na ngalun kana ka knnarux heyi ckceka namu uri. 26Truma qlhangan su we mpuuka ka mqedil kpretan ma mqedil kdungean uri. Ptkuun mu bale ka knkawas nniqan namu bobo dxeral. 27Kana ndaan su dxeral we, maha miicu bale meniq berah su ka dseediq hiya. Kiya uri ma so kana pais su uri we maha qduriq peeyah berah su. 28Mpskagul ku mnarux punu meniq berah namu. Mpliwaq ku dseediq Xiwiy, Kenaan ma, Xet peeyah berah namu. 29Uxe mu lwaqun 1 knkawas, ado maha daha lixun ka ddxeral da. Kiya de maha mrana ka camac meyah smeeliq dyamu. 30Thuwe ku lmiwaq dheya peeyah berah namu. Betaq namu mrana ka dseediq namu de, mtduwa maangal dxeral nii. 31Tyusun mu ka ayus dxeral. Peeyah rcilung Mtanah ma, betaq rcilung Peliset. Peeyah tadus brenux betaq yayung Paru. Bege mu baga namu ka dseediq mneniq hiya. Yamu we lwaqi peeyah berah namu ka dheya. 32Iya psdehu dheya ma utux daha. 33Dheya we ini tduwa meniq dxeral namu. So uxe psridil yamu niqan qnquwan noda namu kenan. Nasi su thmuku utux daha de, mpdurang sunan ka nii.
Currently Selected:
Lntadan 23: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Lntadan 23
23
Knsderux ma Ini Psaanak
1Iya kmmhemuc gmarang kari bgihur. Iya theyaq seediq naqah pgkela qnnaqah. 2Iya psuupu mumal seediq meepah naqah noda. Iya tuumal seediq psridil ini psaanak meniq prngagan. 3Iya kmdakar seediq qrinuc meniq ckceka prngagan.
4Nasi su pkelu dapa uxe uri we dapa roba pais su we, sai bale mege dheya. 5Nasi su qtaan gisu pixun knchedil bale napa ka dapa roba pais su we, iya hrnasi, asi su ka msuupu heya lmhelah knchedil napa dapa roba.
6Iya bale qmnuqu psgao msderux dseediq qrinuc. 7Qdriqi ka ooda kari mberiq. Iya bale phuqil seediq uka qnquwan ma seediq msderux noda. Ado uxe mu ngalun msderux ka seediq naqah. 8Iya aangal lnabu daha. Ado mpkbudu doriq mita seediq ka maangal lnabu nii. Kiya uri we pkridil kari seediq msderux uri.
9Iya traqil seediq tnooda. Ado tnooda namu meniq dxeral Micrayim ka yamu. Klaun namu maanu ka lnglungan so tnooda.
Knkawas Sngayan ma Ali Sngayan
106 Knkawas we qpahi qnpahan namu ma, psseli ka hmneru peeyah dxeral. 11Kiya de tg7 knkawas de, asi su ka psngayun ka dxeral. Iya tukuy ma iya phuma, so maha niqan uqun daha ka seediq qrinuc ckceka namu. Knrngiyan daha we tduwa uqun camac uri. Qnpahan lipas ma curung we keso nii mooda uri.
12Qeepah ka mk6 ali. Kiya de sange ka mk7 ali. So maha msange ka dapa, dapa roba. So maha mbeyax dungal ka lqlaqi tnqliyan su ma, tnooda hiya.
13Kana kari rnengo mu sunan we, ndwai bale muyu kana. Ngayan utux icil we iya bale rngagi. Iya bale rengo seediq peeyah quwaq su uri.
Teru Paru Smseman
(Lnt 34:18-26. Meg 16:1-17)
141 knkawas we niqan mn3 mpsmesung namu kenan. 15Ooda smesung ini psai tgeda. Puyu so rnengo mu yamu. Eeniq idas Abidu kiya ka ali pnheyu mu ciida mekan namu mk7 ali pang ini psai tgeda. Ado ali nii we mnlatac namu peeyah Micrayim. Ani namu ima iya chungi madis bbege namu meyah mita yaku. 16Ooda smesung kmetuy ka yamu. Maangal namu pnhmaan namu qnpahan, mbqerus namu dehuk maangal plaale mghei na. Qnhdean knkawas ciida we, psseli namu bnqresan namu peeyah qnpahan namu de, ooda smesung smeku uqun. 17Kana txtaxa rseno we asi ka mn3 mosa thmuku Utux Tmninun Bukung.
18Iya bale pthiqi mege ka dara spuhan ma uuqun gaga niqan tgeda. Kiya uri we iya bale htii betaq mgrebu ka siyang snapuh meniq ali smseman mu ciida.
19Tgmalu bale pnlaale mnhada pneyah dxeral namu we, desi nniqan Utux Tmninun, Utux Baro su hiya.
Iya bale pspui hmanguc nunuh bubu na ka wawa miric.
Sntangan ma Dmudul Tmgesa
20Tai, mpskagul ku snkgulan mu meniq berah namu mosa qmlahang yamu meniq elu. Maadis yamu mosa dxeral pnsramal mu yamu. 21Qlahang bale meniq berah na ka yamu. Qbahang bale kari na. Iya kncyuki ka heya. Uxe su na srwaun ka qnnaqah su da. Ado gaga meniq heyi na ka ngayan mu.
22Nasi su bale ba mbahang kari na, muyu bale mooda kana tnugesa mu de, maha mu ngalun pais ka pais namu. Pais namu we maha pais mu uri.
23Mkkesa berah namu ka snkgulan mu. Mpdudul yamu mosa mremux dxeral seediq Amori, Xet, Perijiy, Kenaan, Xiwiy ma Yebus hiya. Yaku ka mpkuuka dheya. 24Iya thmuku ma qmeepah utux daha. Iya bale puyu gaya noda daha uri. Lixi bale ma, qhdei bale tnemu smeeliq ka tikung daha. 25Thmuku Utux Tmninun, Utux Baro namu ka yamu. Heya we mpsbleyaq yamu ma mbege uqun ma qsiya yamu. Maha na ngalun kana ka knnarux heyi ckceka namu uri. 26Truma qlhangan su we mpuuka ka mqedil kpretan ma mqedil kdungean uri. Ptkuun mu bale ka knkawas nniqan namu bobo dxeral. 27Kana ndaan su dxeral we, maha miicu bale meniq berah su ka dseediq hiya. Kiya uri ma so kana pais su uri we maha qduriq peeyah berah su. 28Mpskagul ku mnarux punu meniq berah namu. Mpliwaq ku dseediq Xiwiy, Kenaan ma, Xet peeyah berah namu. 29Uxe mu lwaqun 1 knkawas, ado maha daha lixun ka ddxeral da. Kiya de maha mrana ka camac meyah smeeliq dyamu. 30Thuwe ku lmiwaq dheya peeyah berah namu. Betaq namu mrana ka dseediq namu de, mtduwa maangal dxeral nii. 31Tyusun mu ka ayus dxeral. Peeyah rcilung Mtanah ma, betaq rcilung Peliset. Peeyah tadus brenux betaq yayung Paru. Bege mu baga namu ka dseediq mneniq hiya. Yamu we lwaqi peeyah berah namu ka dheya. 32Iya psdehu dheya ma utux daha. 33Dheya we ini tduwa meniq dxeral namu. So uxe psridil yamu niqan qnquwan noda namu kenan. Nasi su thmuku utux daha de, mpdurang sunan ka nii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020