Lntadan 27
27
Psqmaan Smapuh
(Lnt 38:1-7)
1Ngali tgebil ma smlei psqmaan smapuh. Qndisan na we 5 sese, knuglahang na we 5 sese ma, mntena knllabang na ka psqmaan smapuh nii. Tnugkadan na we 3 sese. 24 mxmuxi na we smalu 4 urung ma pltudi spuhan. Kiya de pqapah limuk ka psqmaan smapuh nii. 3Smlei kulu psaan knyapan qbulic, kiya uri ma qaruk, yuqu, lihu heyi ma sara psaan puniq. Qyqeya nii we smlei xiluy limuk kana. 4Smlaani kadi limuk ka toma spuhan ma, 4 muxi kadi nii we psai 4 qmuru xiluy limuk tlbuan. 5Kadi limuk nii we peeniq toma sduman gaga dmeka tnugkadan spuhan. 6Slmei phelan spuhan nii we smlaani tgebil qpahi xiluy limuk. 7Phelan nii we lhgaani qmuru xiluy limuk tlbuan tduwa mheal psqmaan snapuh nii. 8Dmoi qrtinuh smalu spuhan, ckceka spuhan nii we niqan psaan. Pygaani so rnengo mu dgiyaq hiya smalu kana.
Nganguc Kobu Mrtaso
(Lnt 38:9-20)
9Slmei nganguc kobu. Quri toma na, kiya ka mquri toma na we smlei malu ware keguy ptqrii pala qmalang ka nganguc kobu mrtaso. Qndisan na we 100 sese. 10Nganguc nii we niqan 20 ka eruc ma 20 tluungan niqan doriq. Daung ma rgero na we smlaani ging kiya. 11Qndisan so quri daya na we mntena uri. Qndisan na we 100 sese, asi ka niqan 20 eruc ma 20 tluungan niqan doriq. Daung ma rgero na we smlei ging kiya. 12Pala quri so pryaxan hido, knuglahang na we 50 sese, pniqi 10 ka eruc ma 10 tluungan niqan doriq. 13Quri so nklaan hido we, kiya ka mquri nklaan hido ka berah na, pala nii we 50 sese knuglahang. 141 Ssiyo tmayan pala we 15 sese, niqan 3 eruc ma 3 tluungan niqan doriq. 15Icil tmayan pala we 15 sese, niqan 3 eruc ma 3 tluungan niqan doriq na uri. 16Pala rhengun nganguc nii we 20 sese qndisan na. Slmei malu ware keguy ma selung mtlawa, mgtdiyuc, mtanah prii pdeping. Pniqi 4 hnyegan eruc ma 4 tluungan niqan doriq. 17Kana eruc mtqiri nii we pglubi rgero snmalu ging. Pdaun eruc we ging. Ttlungan niqan doriq we smlaani xiluy limuk. 18Qndisan baang nganguc we 100 sese, knuglahang na we 50 sese ma, tnugkadan na we 5 sese. Pala we tnani malu ware keguy ma ttlungan eruc niqan doriq we smlaani xiluy limuk. 19Lmlamu qyqeya ddooyun ckceka kobu, kana ddooyun xiluy plekuh xiluy meniq kobu ma nganguc we smlei xiluy limuk kana.
Gaya Pcamo
(Lew 24:1-4)
20Rngagi ka seediq Israel, desi mege sunan ka malu ba abura curung snmalu daha, ppcamo ma ppcamo klaali. 21Meniq nganguc truma pusu mrtaso ma pala hiya, Aharon ma lqlaqi na, mpqlahang samo nii meniq berah Utux Tmninun peeyah keeman betaq mgrebu. Mpuyu gaya nii betaq ani knuwan ka dseediq Israel.
Currently Selected:
Lntadan 27: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
