Lntadan 28
28
Lukus Mrtaso Dmsapuh
(Lnt 39:1-7)
1Plaani peeyah ckceka seediq Israel meyah smdaling isu ka Aharon qbsuran su ma Nadab, Abihu, Elajar ma Itamar lqlaqi na, ngali msapuh mpqeepah kenan. 2Slmei lukus mrtaso ka Aharon qbsuran su. So ptuura pnspruwan ma knmalu. 3Tgsai ka dseediq niqan knkela lhebun daha, kiya ka dseediq gaga stngayan bgihur niqan knkela na. Slmei lukus Aharon, so maha mrtaso, mtduwa qmeepah smapuh kenan. 4Smlei niqan torih berah, ipudi, lukus rila pbragun, lukus rila pstrmaun ka pniri ppdeping ma, bunuh ptgaya ma habik. Dheya ka mpsmalu lukus mrtaso Aharon qbsuran su ma lqlaqi na, kiya de mqeepah msapuh kenan ka dheya. 5Tuuni ware king, selung mtlawa, mgtdiyuc, mtanah ma, malu ware keguy.
Ipudi
6Slmei ipudi pdiyani ware king, selung mtlawa, mgtdiyuc, mtanah ma, malu ware keguy. 7Pniqi 2 ka habik ma ltudi ka ahing ipudi. 8Habik dooyun ipudi nii we smlaani ware mgkiing, mtlawa, mgtdiyuc, mtanah ma, malu ware keguy. 9Ngali 2 btunux rako mtanah, ptsani bobo na hiya ka ngayan lqlaqi Israel: 106 ngayan daha we gqrani tgkingal btunux qrari. 6 ngayan daha we gqrani tg2 btunux qrari. Pdai pntingan daha matis. 11Pntnani so smmalu ngayan pnskraya ka gmequr btunux qrari nii. Gqrani bobo 2 btunux qrari nii ka ngayan lqlaqi Israel. Kiya ma peeniq tluungan tninun king. 122 btunux qrari nii we pspui smais 2 habik ipudi. Btunux nii we so lnglungun dseediq Israel. Aharon we asi ka psaun na ahing na ka habik niqan ngayan nii meniq berah Utux Tmninun. So daha lnglungun riyung. 13Smlei 2 ka tluungan tninun king. 14Slmei 2 gidi king. Gidi nii we so mntena snuyuk Negul. Kiya de psdali peeniq 2 tluungan tninun king.
Torih
(Lnt 39:8-21)
15Prii smalu 1 torih mntena so smmalu ipudi. Smlei ware king, selung mtlawa, mgtdiyuc, mtanah ma, malu ware keguy. 16Mntena khbragan ka torih nii, msnpusal tmeku ma, ngali 1 qango qndisan ma 1 qango knuglahang na. 17Bobo torih nii we psdali 4 beku btunux qrari: Tgkingal beku we btunux mtanah, tupas ma, imiraruc. 18Tg2 beku we mtumun trruku, sahwaya ma, sadux qrari. 19Tg3 beku we btunux hyasins, btunux qrari ma, qrari mgtdiyuc. 20Tg4 beku we btunux mgsama, btunux rako mtanah ma, mtumun mgqliyang. Dnii we psdali peeniq bobo tluungan tninun king. 21Btunux qrari nii we pniqi 12 ngayan lqlaqi Israel. Mntena so gmqeri ngayan pnskraya tgkingal btunux we niqan ngayan na, gisu rmirih 12 pnswayan pusu rudan dseediq Israel. 22Smlaani gidi king so snuyuk kndekul torih. 23Smlei 2 ngadux king ka torih, kiya de psai tgbaro muxi ma muxi torih. 24Sdhegi mekuy ngadux king gaga mxmuxi torih ka 2 gidi king. 252 puting gidi nii we bkei daha 2 tluungan tninun king gaga bobo habik ahing quri tgberah ipudi. 26Smlei 2 ngadux king, psai muxi torih, pdngusi ssiyo ipudi. 27Smlei dungal 2 ngadux king dungal, psdali na bobo 2 habik ahing ipudi, kiya ka smdaling pnstreengan smais quri tgberah. 28Psuupu mekuy snuyuk mtlawa ka ngadux torih ma, ngadux ipudi, so maha mekui ipudi nii ka torih uxe na pkaangal. 29Mremux mrtaso truma ka Aharon ciida we, asi na ka psaun ka torih gisu spatis ngayan lqlaqi Israel nii, psaun na lhebun na, lungelung na meniq berah Utux Tmninun. 30Posa toma torih ka Uring ma Tuming. Mremux berah Utux Tmninun ciida ka Aharon we psai lhebun ka nii. So kiya de meniq berah Utux Tmninun ka Aharon de asi na ka desun klaai ma peeniq lhebun na ka torih sndhegan seediq Israel nii.
Lukus Mrtaso Msapuh
(Lnt 39:22-31)
31Slmei lukus pbragun rila ipudi, smlaani selung mtlawa. 32Pniqi pdaan tunux ka ckceka na, ssiyo nduyung na siisi na baga, mntena so qraqil knedux, so uxe mpgheeliq. 33Ssiyo tgruma rila nii we, smlei so qutirodux snmalu selung mtlawa, mgtdiyuc, mtanah ma, cenga qutirodux nii we psai hmuril king: 341 ka hmuril king de 1 ka qutirodux meniq rila ssiyo mtqiri lukus mgbaro. 35Qmeepah qpahun msapuh ciida ka Aharon nii we asi ka mlukus pbragun rila nii. Mremux mrtaso truma betaq berah Utux Tmninun ma mlatac meyah nganguc ciida we maha daha bhangun ka hrenang hmuril. Kiya de uxe mphuqil ka dheya.
36Mntena so qnreyan ngayan pnskraya, smlei 1 taku king. Bobo na hiya we gqrani: Bbege Utux Tmninun ka Mrtaso. 37Ngali snuyuk mtlawa, bkei bobo bunuh ptgaya. Pniqi berah bale bobo bunuh ptgaya. 38Taku nii we peeniq bale kduruk Aharon. Aharon we mpheal qnquwan smrutiq qyqeya mrtaso ka heya. Qyqeya mrtaso nii we kiya ka pnugaya daha psaanak meniq mrtaso bnege dseediq Israel ka nii. Peeniq klaali kduruk Aharon ka taku nii. Kiya de so maha qrasun meniq berah Utux Tmninun ka dheya. 39Tnani malu ware keguy ka lukus rila pstrmaun. Slmei malu ware keguy ka bunuh ptgaya. Kiya ma prii baga smalu ka habik uri.
40Slmei lukus Smlaani lukus rila pstrmaun, habik ma, bunuh ka lqlaqi Aharon. Nii we ptuura knspruwan ma malu taan. 41Kana nii we plkusi Aharon qbsuran su ma lqlaqi na. Kiya uri ma hrigi abura ma psdehu mege qpahun mrtaso na. Kiya de heya we ptgaya mrtaso mqeepah msapuh mu ka heya. 42Tnani malu ware keguy smlaani caic puto ka dheya, so maha mubung toma peeyah hwinuk betaq bteriq. 43Mremux kobu mrtaso ka Aharon ma lqlaqi na ciida, uxe uri we smdaling spuhan mrtaso meepah spuhan ciida we asi ka kmcaic. So uxe mphuqil mapa qnquwan noda. Nii we pnugaya betaq ani knuwan duAharon ma laqi mslutuc hiti ka nii.
Currently Selected:
Lntadan 28: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
