Lntadan 36
36
1Becalel ma Ahaliab ma kana niqan knkela lhebun, mnangal knkela ma mkela tunux bnege Utux Tmninun, mkela smalu lmlamu ooda nniqan mrtaso we, muyu kana tnugesa Utux Tmninun meepah ka dheya.
Bnege Dseediq
2Moseh we pssliun na mlawa kana ka Becalel ma Ahaliab ma, kana dseediq niqan knkela bnege Utux Tmninun, lhebun daha we mqaras bale meyah meepah na. 3Dseediq nii ka wada maangal bnege dseediq Israel pnoda Moseh ssmalu lmlamu ooda nniqan mrtaso. Mgrebu klaali, ida mqaras meyah mege nina ka dseediq. 4Kana niqan knkela meepah ooda nniqan mrtaso we, mlatac peeyah qnpahan daha meyah kana. 5Rmengo Moseh ka dheya: “Teyal knneegu bnege seediq, wada hmrinas ddooyun ta ssmalu tnugesa Utux Tmninun da.” 6Kiya de rmengo ka Moseh, asi posa kari ckceka kobu hiya: “Ani rseno ma ani mqedil we iya eyah mege bbege ssmalu nniqan mrtaso da.” So kiya ka hani msange ini adis bbege daha ka dseediq. 7Qyqeya ddooyun daha we wada mttuku bale ma msngari dooyun daha smalu.
Smalu Kobu Mrtaso
(Lnt 26:1-37)
8Ckceka na dmpqeepah hiya we, kiya ka niqan knkela lhebun daha, ngali 10 pala smlei kobu mrtaso. Pala nii we smlei snuyuk malu ware keguy, selung mtlawa, mgtdiyuc ma, mtanah. Pspui miri hnyegan kirubing bobo na. 9Kn1 qndisan baang pala we 28 sese, knuglahang na we 4 sese. Pntnaani smalu ka knkingal pala. 10Heya we pllutuc 5 pala, kesi hiya ka 5 pala uri. 11Smlaani ngadux ware mtlawa ka ssiyo pala mplutuc na. Kiya ma kesi hiya smalu ka ssiyo pala 1 uri. 12Heya we smais 50 ngadux ka pala paru nii, icil na de pntmaani meku smais 50 ngadux so maha mbbais ka dheya. 13Smlaani king ka 50 galuk ka heya. Pggaluk psuupu ka pala de ngali 1 kobu.
14Heya we tminun 11 pala snmalu ubal miric ka bubung kobu mrtaso. 15Kn1 qndisan baang pala we 30 sese, knuglahang na we 4 sese, pntnaani smalu ka 11 pala. 16Pltudi 5 pala ka heya ma ngali na 1 pala. Kiya ka 6 pala we ngali 1 lmutuc uri. 17Heya we smais 50 ngadux ka ssiyo pala nii. Smais 50 ngadux ptnaun na smais 50 ngadux icil na uri. 18Heya we smalu xiluy limuk 50 ngaduk so maha mskingal ka ubung kobu. 19Heya we smalu ubung kobu snmalu pnshenuk qraqil baus miric ma bungi malu ba qraqil mubung nganguc na dungal.
20Qnabil kobu mrtaso we smlaani tgebil ka heya. 21Qndisan knkingal qrtinuh we 10 sese, knuglahang na we 1 sese dmeka. 22Kn1 qrtinuh we smlaani 2 gelang pplutuc na ssiyo qcinuh. Pniqi so nii gelang kana ka qrtinuh. 23Heya we smalu qrtinuh kobu mrtaso: Mquri so toma we smlei 20 qrtinuh qmabil. 24Ngali ging ma smlei 40 ka tluungan qcinuh peeniq toma 20 qrtinuh nii. 2 doriq we plutuc 2 tluungan qrtinuh nii. 2 doriq qrtinuh nii we kesi lmutuc 2 tluungan kiya uri. 25Quri so tgdaya kobu, heya we smlei 20 qrtinuh qmabil ma, 2640 ka tluungan snmalu ging ga niqan doriq. Kn1 qrtinuh toma na hiya we niqan pn2 doriq. Icil qrtinuh we pniqi 2 doriq uri. 27Quri so bukuy kobu mrtaso de, kiya ka quri pryaxan hido, heya we smalu 6 qcinuh qmabil. 282 muxi bukuy we phyegi 2 qcinuh. 29Qrtinuh muxi nii ge, md2 mswaye ka toma na ma baro de psuupu pggaluk betaq tgplaale ba ngadux. 2 qrtinuh muxi nii we pntena smalu kana. 30So kiya de msuupu ka qnabil qrtinuh nii we 8 ma 16 ka tluungan madis doriq snmalu xiluy ging. Truma qrtinuh nii we niqan 2 doriq na ma, kiya we niqan 2 doriq na uri.
31Heya we smalu rgero na we tgebil: Smlaani 5 rgero tgebil ka quri qnabil kobu nii. 32Quri icil we 5 rgero tgebil ka quri qnabil kobu kiya uri. Quri pryaxan hido ka bukuy kobu we 5 hnyegan. 33Heya we pniqun na mndungus ckceka ka rgero we lihu peeyah ssiyo ba kobu betaq ssiyo ba icil kobu. 34Heya we pqpahi na king ka qrtinuh qnabil, pniqi ngadux king, kiya de so maha malu tlbuan rgero. Pqpahi king ka rgero uri.
35Heya we smalu kndekul malu ware keguy ma selung mtlawa, mgtdiyuc, mtanah ka 1 pala qqeerung, nii we prii hnyegan kirubing snmalu baga. 36Pala qqeerung nii we pqyaani 4 eruc tgebil gaga pqpahi king ka heya. Pniqi daung snmalu king ka baro na. Kiya de ptleung bobo 4 tluungan madis doriq snmalu ging. 37Heya we miri malu ware keguy ma selung mtlawa, mgtdiyuc, mtanah ka qeerung rhengun ttmayan kobu mrtaso. 38Smlaani 5 eruc tgebil qpahi king ka qeerung rhengun. Niqan daung snmalu king ka baro eruc na. Dungal we smlaani 5 tluungan xiluy limuk madis doriq ka eruc.
Currently Selected:
Lntadan 36: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
