Lntadan 38
38
Smalu Spuhan Psqmaan
(Lnt 27:1-8)
1Heya we maangal tgebil ma smalu psqmaan smapuh. Qndisan na we 5 sese, knuglahang na we 5 sese ma, mntena knllahang na ka psqmaan smapuh nii. Tnugkadan na we 3 sese. 24 mxmuxi na we smalu 4 urung ma pltudi spuhan. Kiya de pqapah limuk ka psqmaan smapuh nii. 3Heya we smalu kulu psaan knyapan qbulic, kiya uri ma karuk, yuqu, lihu heyi ma sara psaan puniq. Qyqeya nii we smlei xiluy limuk kana. 4Heya we smalu kadi limuk pneniq na toma sduman gaga dmeka tnugkadan spuhan. 5Heya we smalu 4 muxi kadi nii we psaan na 4 qmuru xiluy limuk tlbuan. 6Heya we smalu phelan spuhan nii we smlaani tgebil qpahi xiluy limuk. 7Phelan nii we lhgaani qmuru xiluy limuk tlbuan tduwa mheal psqmaan snapuh nii. Dmoi qrtinuh smalu spuhan, ckceka spuhan nii we niqan psaan.
Smalu Ribo Trmaan
(Lnt 30:18)
8Smalu 1 ribo trmaan limuk ma stmean na ka heya. Nii we snmalu xiluy limuk gagi psgigiyan mmqedil qmeepah berah rhengun kobu mrtaso hiya.
Smalu Nganguc Kobu Mrtaso
(Lnt 27:9-19)
9Heya we smalu nganguc dungal. Quri toma na, kiya ka mquri toma na we smalu malu ware keguy ptqrii pala qmalang ka nganguc kobu mrtaso. Qndisan na we 100 sese. 10Pala nii we niqan 20 ka eruc ma 20 tluungan niqan doriq. Daung ma rgero na we smlaani ging kiya. 11Quri daya na pala we qndisan na we 100 sese. Niqan 20 ka eruc ma 20 tluungan niqan doriq. Rgero na we smlei ging kana. 12Pala quri so pryaxan hido, qndisan na we 50 sese, niqan 10 ka eruc ma 10 tluungan niqan doriq. 13Quri so nklaan hido we, kiya ka mquri nklaan hido ka berah na, pala nii we 50 sese. 141 Ssiyo tmayan pala we 15 sese, niqan 3 eruc ma 3 tluungan niqan doriq. 15Icil tmayan pala we niqan 15 sese, niqan 3 eruc ma 3 tluungan niqan doriq na uri. 16Pala muubung ssiyo nganguc nii we snmalu snuyuk malu ware keguy. 17Tluungan eruc we niqan doriq we snmalu xiluy limuk, daung ma rgero ma labu tunux eruc we snmalu ging ma, pnqapah ging ka eruc baro. Kana eruc meniq nganguc we pggaluk we snmalu na rgero ging kana. 18Qeerung rhengun tmayan nganguc we pdpingan na selung mtlawa, mgtdiyuc, mtanah ma malu ware keguy. Qndisan na we 20 sese, knuglahang na we 5 sese, mntena qndisan pala nganguc ka qndisan na. 19Pala qeerung rhengun we niqan 4 hnyegan eruc thiqan 4 tluungan we smlean xiluy limuk. Daung eruc ma labu puting eruc ma rgero we smlean na ging kana. 20Xiluy dooyun na kobu mrtaso ma mtqiri qnalang nganguc we ssmalu na xiluy limuk kana.
Xlxiluy Dooyun Smrtaso Kobu Mrtaso
21Nii ka kobu mrtaso, kiya ka qyqeya ddooyun daha kobu mrtaso gaga psaun kulu pnsdhegan hiya. Pnuyu rnengo Moseh, mnoda baga Itamar laqi Aharon msapuh. Ndaan smepu seediq Lewiy. 22Kana tnugesa na Moseh ka Utux Tmninun we, wada ndwaun mooda Becalel laqi Uriy lqlaqi laqi Xur pneyah pusu rudan Yehudah. 23Thiqan na qmeepah we Ahaliab, laqi Axisamak pneyah pusu rudan Dan. Heya we mkela ba qmrequr ma matis smleun. Mkela ba miri selung mtlawa, mgtdiyuc, mtanah ma tminun malu ware keguy.
24Kana king ddooyun smalu nniqan mrtaso we, kiya ka king bnege daha. Spooda daha smepu skere nniqan mrtaso de, kana we 29 tarantu ma, 7'30 skere. 25Kana ging bnege seediq we, spooda daha smepu skere nniqan mrtaso de, kana we 1'00 tarantu ma, 17'75 skere. 26Kana seediq snpuwan, kiya ka hmrinas 20 knkawas we, 60 mang 35'55 heyi. Spooda ngngalun skere nniqan mrtaso txtaxa daha pndmeka skere de, kiya ka 1 pika. 271'00 tarantu ging we kiya ka dooyun pqsiya pure smalu tluungan kobu mrtaso ma tluungan niqan doriq toma pala. 1'00 tarantu ging we kiya ka dooyun na pqsiya pure smalu tluungan niqan doriq. Kn1 tluungan niqan doriq we 1 tarantu. 2817'75 skere we ddooyun daha pqsiya pure smalu quri daung eruc, muubung tunux ma pskere eruc. 29Kana bnege daha limuk we 70 tarantu ma, 24'00 skere. 30Limuk nii we sdoi daha smalu tluungan niqan doriq, spuhan psqmaan, kadi spuhan ma, kana qyqeya dooyun daha bobo spuhan hiya. 31Kana tluungan niqan doriq mtqiri ssiyo nganguc ma tluungan niqan doriq meniq rhengun nganguc, kiya ma xiluy ddooyun kobu mrtaso ma kana xiluy mtqiri ssiyo nganguc.
Currently Selected:
Lntadan 38: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Lntadan 38
38
Smalu Spuhan Psqmaan
(Lnt 27:1-8)
1Heya we maangal tgebil ma smalu psqmaan smapuh. Qndisan na we 5 sese, knuglahang na we 5 sese ma, mntena knllahang na ka psqmaan smapuh nii. Tnugkadan na we 3 sese. 24 mxmuxi na we smalu 4 urung ma pltudi spuhan. Kiya de pqapah limuk ka psqmaan smapuh nii. 3Heya we smalu kulu psaan knyapan qbulic, kiya uri ma karuk, yuqu, lihu heyi ma sara psaan puniq. Qyqeya nii we smlei xiluy limuk kana. 4Heya we smalu kadi limuk pneniq na toma sduman gaga dmeka tnugkadan spuhan. 5Heya we smalu 4 muxi kadi nii we psaan na 4 qmuru xiluy limuk tlbuan. 6Heya we smalu phelan spuhan nii we smlaani tgebil qpahi xiluy limuk. 7Phelan nii we lhgaani qmuru xiluy limuk tlbuan tduwa mheal psqmaan snapuh nii. Dmoi qrtinuh smalu spuhan, ckceka spuhan nii we niqan psaan.
Smalu Ribo Trmaan
(Lnt 30:18)
8Smalu 1 ribo trmaan limuk ma stmean na ka heya. Nii we snmalu xiluy limuk gagi psgigiyan mmqedil qmeepah berah rhengun kobu mrtaso hiya.
Smalu Nganguc Kobu Mrtaso
(Lnt 27:9-19)
9Heya we smalu nganguc dungal. Quri toma na, kiya ka mquri toma na we smalu malu ware keguy ptqrii pala qmalang ka nganguc kobu mrtaso. Qndisan na we 100 sese. 10Pala nii we niqan 20 ka eruc ma 20 tluungan niqan doriq. Daung ma rgero na we smlaani ging kiya. 11Quri daya na pala we qndisan na we 100 sese. Niqan 20 ka eruc ma 20 tluungan niqan doriq. Rgero na we smlei ging kana. 12Pala quri so pryaxan hido, qndisan na we 50 sese, niqan 10 ka eruc ma 10 tluungan niqan doriq. 13Quri so nklaan hido we, kiya ka mquri nklaan hido ka berah na, pala nii we 50 sese. 141 Ssiyo tmayan pala we 15 sese, niqan 3 eruc ma 3 tluungan niqan doriq. 15Icil tmayan pala we niqan 15 sese, niqan 3 eruc ma 3 tluungan niqan doriq na uri. 16Pala muubung ssiyo nganguc nii we snmalu snuyuk malu ware keguy. 17Tluungan eruc we niqan doriq we snmalu xiluy limuk, daung ma rgero ma labu tunux eruc we snmalu ging ma, pnqapah ging ka eruc baro. Kana eruc meniq nganguc we pggaluk we snmalu na rgero ging kana. 18Qeerung rhengun tmayan nganguc we pdpingan na selung mtlawa, mgtdiyuc, mtanah ma malu ware keguy. Qndisan na we 20 sese, knuglahang na we 5 sese, mntena qndisan pala nganguc ka qndisan na. 19Pala qeerung rhengun we niqan 4 hnyegan eruc thiqan 4 tluungan we smlean xiluy limuk. Daung eruc ma labu puting eruc ma rgero we smlean na ging kana. 20Xiluy dooyun na kobu mrtaso ma mtqiri qnalang nganguc we ssmalu na xiluy limuk kana.
Xlxiluy Dooyun Smrtaso Kobu Mrtaso
21Nii ka kobu mrtaso, kiya ka qyqeya ddooyun daha kobu mrtaso gaga psaun kulu pnsdhegan hiya. Pnuyu rnengo Moseh, mnoda baga Itamar laqi Aharon msapuh. Ndaan smepu seediq Lewiy. 22Kana tnugesa na Moseh ka Utux Tmninun we, wada ndwaun mooda Becalel laqi Uriy lqlaqi laqi Xur pneyah pusu rudan Yehudah. 23Thiqan na qmeepah we Ahaliab, laqi Axisamak pneyah pusu rudan Dan. Heya we mkela ba qmrequr ma matis smleun. Mkela ba miri selung mtlawa, mgtdiyuc, mtanah ma tminun malu ware keguy.
24Kana king ddooyun smalu nniqan mrtaso we, kiya ka king bnege daha. Spooda daha smepu skere nniqan mrtaso de, kana we 29 tarantu ma, 7'30 skere. 25Kana ging bnege seediq we, spooda daha smepu skere nniqan mrtaso de, kana we 1'00 tarantu ma, 17'75 skere. 26Kana seediq snpuwan, kiya ka hmrinas 20 knkawas we, 60 mang 35'55 heyi. Spooda ngngalun skere nniqan mrtaso txtaxa daha pndmeka skere de, kiya ka 1 pika. 271'00 tarantu ging we kiya ka dooyun pqsiya pure smalu tluungan kobu mrtaso ma tluungan niqan doriq toma pala. 1'00 tarantu ging we kiya ka dooyun na pqsiya pure smalu tluungan niqan doriq. Kn1 tluungan niqan doriq we 1 tarantu. 2817'75 skere we ddooyun daha pqsiya pure smalu quri daung eruc, muubung tunux ma pskere eruc. 29Kana bnege daha limuk we 70 tarantu ma, 24'00 skere. 30Limuk nii we sdoi daha smalu tluungan niqan doriq, spuhan psqmaan, kadi spuhan ma, kana qyqeya dooyun daha bobo spuhan hiya. 31Kana tluungan niqan doriq mtqiri ssiyo nganguc ma tluungan niqan doriq meniq rhengun nganguc, kiya ma xiluy ddooyun kobu mrtaso ma kana xiluy mtqiri ssiyo nganguc.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020