Lntadan 39
39
Smalu Mrtaso Lukus Msapuh
(Lnt 28:1-14)
1Dheya we dmoi selung mtlawa, mgtdiyuc, mtanah smalu mrtaso lukus plkusun dmsapuh smapuh nniqan mrtaso truma hiya. Dheya we mpsalu lukus mrtaso Aharon, pnuyu daha Utux Tmninun rnengo na Moseh.
2Ipudi nii we asi ka sdoi ware king, selung mtlawa, mgtdiyuc, mtanah ma malu ware keguy smalu. 3Stpaqun daha tmuting mepux ka king ma sqlingun daha matak so ware, thiqan daha tminun selung mtlawa, mgtdiyuc, mtanah ma ware nuqah. 4Dheya we smalu 2 ka habik ltudi ka ahing icil ma icil ipudi. 5Habik dooyun ipudi nii we smlaani ware mgkiing, mtlawa, mgtdiyuc, mtanah ma, malu ware keguy. Nii we pnuyu daha Utux Tmninun rnengo na Moseh. 6Qmrequr 2 btunux rako mtanah ka dheya. Pnskraya qnreyan daha toma tluungan snmalu king. Mntena so qmrequr ngayan pnskraya, qriyan daha bobo hiya ka ngayan lqlaqi Israel. 7Heya we psaun na habik ahing ipudi nii ka 2 btunux qrari nii. Btunux lmngelung seediq Israel ka nii. Kiya ka pnuyu daha Utux Tmninun rnengo na Moseh.
8Torih gaga berah we pniri baga. Mntena so smalu ipudi, dmoi ware king, selung mtlawa, mgtdiyuc, mtanah smalu torih, malu ware keguy smalu. 94 muxi na we mntena ka torih nii. Msnpusal ma ngali pn1 qango ka qndisan ma knkingal qango ka knuglahang na. 10Bobo torih nii we psdali daha 4 beku btunux qrari: Tgkingal beku we btunux mtanah, tupas ma, imiraruc. 11Tg2 beku we mtumun trruku, sahwaya ma, sadux qrari. 12Tg3 beku we btunux hyasins, btunux qrari ma, qrari mgtdiyuc. 13Tg4 beku we btunux mgsama, btunux rako mtanah ma, mtumun mgqliyang. Dnii we psdali peeniq bobo tluungan tninun king. 14Btunux qrari nii we pniqi 12 ngayan lqlaqi Israel. Mntena so gmqeri ngayan pnskraya tgkingal btunux we niqan ngayan na, gisu rmirih 12 pnswayan pusu rudan dseediq Israel. 15Dheya we smalu gidi king so snuyuk kndekul torih. 16Dungal we dheya we smalu 2 tluungan tninun king ma 2 ngadux king, kiya de psai tgbaro muxi ma muxi torih. 17Dheya we sdhegi daha mekuy ngadux king gaga mxmuxi torih ka 2 gidi king. 182 puting gidi nii we bkei daha 2 tluungan tninun king gaga bobo habik ahing quri tgberah ipudi. 19Dungal we smalu daha 2 ngadux king, psai muxi torih, pdngusi ssiyo ipudi. 20Smalu 2 ngadux king dungal, psdali na bobo 2 habik ahing ipudi, kiya ka smdaling pnstreengan smais quri tgberah. 21Dheya we pspuun daha mekuy snuyuk mtlawa ka ngadux torih ma, ngadux ipudi, so maha mekui ipudi nii ka torih uxe na pkaangal. Kiya ka pnuyu daha Utux Tmninun rnengo na Moseh.
22Lukus pbragun skrbuwan we smlean daha selung mtlawa. 23Mndungus ba ckceka quri baro ka lukus nii we pniqan daha pdaan tunux ma ssiyo nduyung na we mali daha smais tninun so uxe maha mtlhelah. 24Rila ssiyo mtqiri lukus mgbaro nii we psaan daha selung mtlawa, mgtdiyuc, mtanah so qutirodux. 25Psbyaxan daha posa hmuril king psaun daha cenga qutirodux ma meniq ckceka ssiyo qutirodux: 261 ka hmuril king de 1 ka qutirodux meniq rila ssiyo mtqiri lukus mgbaro dooyun daha msapuh. Kiya ka pnuyu daha kari Utux Tmninun rnengo na Moseh.
27Dheya we stinun daha malu ware keguy smrtaso lukus rila pstrmaun ka Aharon ma lqlaqi na. 28Dungal we saangal daha ware nuqah smalu ka bunuh ptgaya ma bunuh mrtaso taan ma ribul. 29Smiri daha pdeping ware nuqah ma selung mtlawa, mgtdiyuc, mtanah ka habik. Noda nii we ida so rnengo Utux Tmninun Moseh. 30Dheya we smalu 1 taku king pnskraya pntgaanak pkmalu, mntena so qmrequr ngayan pnskraya gqeri daha matis bobo na heya ka mesa: “Mrtaso bbege Utux Tmninun.” 31Ngali snuyuk mtlawa, bkei bobo bunuh ptgaya. Mooda kana nii we muyu so rnengo Utux Tmninun Moseh.
Mnhedu Smrtaso kobu mrtaso
(Lnt 35:10-19)
32Kana qpahun kobu mrtaso we so kiya wada daha qhdeun mooda kana da. Kana rnengo na Moseh ka Utux Tmninun we wada muyu so nii mooda ka seediq Israel. 33Hqulun daha Moseh hiya ka kobu mrtaso, kobu mrtaso ma kana qyqeya. Kiya ka daung, qrtinuh qnabil, rgero, eruc ma tluungan niqan doriq, 34qraqil baus miric rncuhan mtanah bubung mgbaro, qraqil camac bubung mgbaro, pala qqeerung, 35kulu pnsdhegan, phelan kulu pnsdhegan ma gemuk kulu pnsdhegan, 36psaan spuhan, qyqeya kana qyqeya ddooyun psaan smapuh ma bbege pang, 37pcmagan snmalu bale ba king, sara pcmagan, kana qyqeya pcmagan ma, abura camo skenux, 38spuhan psknexan pnqpahan king, mrtaso abura, skenux mrtaso, qeerung rhengun kobu mrtaso, 39spuhan psqmaan ma, kadi limuk, phelan na, kana qyqeya gaga theyaq hiya, ribo trmaan ma, tluungan na, 40pala qnalang mtqiri nganguc, eruc, tluungan niqan doriq na, qqeerung rhengun ttmayan nganguc, cniyuk, xiluy ma, kobu kana ddooyun daha kobu mrtaso, 41kana mrtaso lukus plkusun daha msapuh qmeepah mrtaso nniqan, lukus mrtaso Aharon ma lqlaqi na dooyun daha meepah spuhan ciida. 42Kana noda nii we seediq Israel we pnuyu daha Utux Tmninun rnengo na Moseh. 43Qmita kana ooda nii ka Moseh ge, tai, hmuwa mesa rmengo ka Utux Tmninun de, muyu so kiya mooda ka dheya. Kiya de smbleyaq daha ka Moseh.
Currently Selected:
Lntadan 39: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Lntadan 39
39
Smalu Mrtaso Lukus Msapuh
(Lnt 28:1-14)
1Dheya we dmoi selung mtlawa, mgtdiyuc, mtanah smalu mrtaso lukus plkusun dmsapuh smapuh nniqan mrtaso truma hiya. Dheya we mpsalu lukus mrtaso Aharon, pnuyu daha Utux Tmninun rnengo na Moseh.
2Ipudi nii we asi ka sdoi ware king, selung mtlawa, mgtdiyuc, mtanah ma malu ware keguy smalu. 3Stpaqun daha tmuting mepux ka king ma sqlingun daha matak so ware, thiqan daha tminun selung mtlawa, mgtdiyuc, mtanah ma ware nuqah. 4Dheya we smalu 2 ka habik ltudi ka ahing icil ma icil ipudi. 5Habik dooyun ipudi nii we smlaani ware mgkiing, mtlawa, mgtdiyuc, mtanah ma, malu ware keguy. Nii we pnuyu daha Utux Tmninun rnengo na Moseh. 6Qmrequr 2 btunux rako mtanah ka dheya. Pnskraya qnreyan daha toma tluungan snmalu king. Mntena so qmrequr ngayan pnskraya, qriyan daha bobo hiya ka ngayan lqlaqi Israel. 7Heya we psaun na habik ahing ipudi nii ka 2 btunux qrari nii. Btunux lmngelung seediq Israel ka nii. Kiya ka pnuyu daha Utux Tmninun rnengo na Moseh.
8Torih gaga berah we pniri baga. Mntena so smalu ipudi, dmoi ware king, selung mtlawa, mgtdiyuc, mtanah smalu torih, malu ware keguy smalu. 94 muxi na we mntena ka torih nii. Msnpusal ma ngali pn1 qango ka qndisan ma knkingal qango ka knuglahang na. 10Bobo torih nii we psdali daha 4 beku btunux qrari: Tgkingal beku we btunux mtanah, tupas ma, imiraruc. 11Tg2 beku we mtumun trruku, sahwaya ma, sadux qrari. 12Tg3 beku we btunux hyasins, btunux qrari ma, qrari mgtdiyuc. 13Tg4 beku we btunux mgsama, btunux rako mtanah ma, mtumun mgqliyang. Dnii we psdali peeniq bobo tluungan tninun king. 14Btunux qrari nii we pniqi 12 ngayan lqlaqi Israel. Mntena so gmqeri ngayan pnskraya tgkingal btunux we niqan ngayan na, gisu rmirih 12 pnswayan pusu rudan dseediq Israel. 15Dheya we smalu gidi king so snuyuk kndekul torih. 16Dungal we dheya we smalu 2 tluungan tninun king ma 2 ngadux king, kiya de psai tgbaro muxi ma muxi torih. 17Dheya we sdhegi daha mekuy ngadux king gaga mxmuxi torih ka 2 gidi king. 182 puting gidi nii we bkei daha 2 tluungan tninun king gaga bobo habik ahing quri tgberah ipudi. 19Dungal we smalu daha 2 ngadux king, psai muxi torih, pdngusi ssiyo ipudi. 20Smalu 2 ngadux king dungal, psdali na bobo 2 habik ahing ipudi, kiya ka smdaling pnstreengan smais quri tgberah. 21Dheya we pspuun daha mekuy snuyuk mtlawa ka ngadux torih ma, ngadux ipudi, so maha mekui ipudi nii ka torih uxe na pkaangal. Kiya ka pnuyu daha Utux Tmninun rnengo na Moseh.
22Lukus pbragun skrbuwan we smlean daha selung mtlawa. 23Mndungus ba ckceka quri baro ka lukus nii we pniqan daha pdaan tunux ma ssiyo nduyung na we mali daha smais tninun so uxe maha mtlhelah. 24Rila ssiyo mtqiri lukus mgbaro nii we psaan daha selung mtlawa, mgtdiyuc, mtanah so qutirodux. 25Psbyaxan daha posa hmuril king psaun daha cenga qutirodux ma meniq ckceka ssiyo qutirodux: 261 ka hmuril king de 1 ka qutirodux meniq rila ssiyo mtqiri lukus mgbaro dooyun daha msapuh. Kiya ka pnuyu daha kari Utux Tmninun rnengo na Moseh.
27Dheya we stinun daha malu ware keguy smrtaso lukus rila pstrmaun ka Aharon ma lqlaqi na. 28Dungal we saangal daha ware nuqah smalu ka bunuh ptgaya ma bunuh mrtaso taan ma ribul. 29Smiri daha pdeping ware nuqah ma selung mtlawa, mgtdiyuc, mtanah ka habik. Noda nii we ida so rnengo Utux Tmninun Moseh. 30Dheya we smalu 1 taku king pnskraya pntgaanak pkmalu, mntena so qmrequr ngayan pnskraya gqeri daha matis bobo na heya ka mesa: “Mrtaso bbege Utux Tmninun.” 31Ngali snuyuk mtlawa, bkei bobo bunuh ptgaya. Mooda kana nii we muyu so rnengo Utux Tmninun Moseh.
Mnhedu Smrtaso kobu mrtaso
(Lnt 35:10-19)
32Kana qpahun kobu mrtaso we so kiya wada daha qhdeun mooda kana da. Kana rnengo na Moseh ka Utux Tmninun we wada muyu so nii mooda ka seediq Israel. 33Hqulun daha Moseh hiya ka kobu mrtaso, kobu mrtaso ma kana qyqeya. Kiya ka daung, qrtinuh qnabil, rgero, eruc ma tluungan niqan doriq, 34qraqil baus miric rncuhan mtanah bubung mgbaro, qraqil camac bubung mgbaro, pala qqeerung, 35kulu pnsdhegan, phelan kulu pnsdhegan ma gemuk kulu pnsdhegan, 36psaan spuhan, qyqeya kana qyqeya ddooyun psaan smapuh ma bbege pang, 37pcmagan snmalu bale ba king, sara pcmagan, kana qyqeya pcmagan ma, abura camo skenux, 38spuhan psknexan pnqpahan king, mrtaso abura, skenux mrtaso, qeerung rhengun kobu mrtaso, 39spuhan psqmaan ma, kadi limuk, phelan na, kana qyqeya gaga theyaq hiya, ribo trmaan ma, tluungan na, 40pala qnalang mtqiri nganguc, eruc, tluungan niqan doriq na, qqeerung rhengun ttmayan nganguc, cniyuk, xiluy ma, kobu kana ddooyun daha kobu mrtaso, 41kana mrtaso lukus plkusun daha msapuh qmeepah mrtaso nniqan, lukus mrtaso Aharon ma lqlaqi na dooyun daha meepah spuhan ciida. 42Kana noda nii we seediq Israel we pnuyu daha Utux Tmninun rnengo na Moseh. 43Qmita kana ooda nii ka Moseh ge, tai, hmuwa mesa rmengo ka Utux Tmninun de, muyu so kiya mooda ka dheya. Kiya de smbleyaq daha ka Moseh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020