Smnlean 11
11
Paga Babel
1Ciida, wano 1 ba klegan kari ka bobo dxeral, mntena kana kari srengo daha. 2Mquri nklaan hido theruy ka dheya ciida, betaq dxeral Sinar de smdiyal breenux di meniq hiya di. 3Mpprengo ka dheya: “Aguh! Slmae ta rengga ma pskrayo ta muduh.” Kiya de spharac daha smalu ka dxeral nuduh ngalun daha btunux ma gleqan daha abura krutang dungal. 4Rmengo ka dheya: “Aguh! Smlee ta 1 alang ma 1 paga, pdheko ta karac ka paga. Phyego ta ka ngayan ta nanak, so ta uxe mpkrehak bobo dxeral.” 5Meyah ka Utux Tmninun, meyah mita alang ma paga snmalu seediq. 6Rmengo ka Utux Tmninun: “Tai, Dheya we wada mskingal ba klegan seediq, mntena kana ka kari daha. Pnrdingan daha meepah ka noda nii na. Saya dheya we ani maanu mkmdaan daha moda we, uka ani maanu ka mtduwa mhetur dheya da. 7Aguh! Hae ta toma, sao ta prrudu ka kari daha. Ado so ini pgkela kari ka dheya.” 8Kiya de Utux Tmninun we wada na speeyah hiya pkrehak kana bobo dxeral ka dheya. So kiya de malix smmalu alang kiya ka dheya da. 9Ado prrudu kari kana bobo dxeral meniq hiya ka Utux Tmninun. Speeyah na hiya pkrehak kana bobo dxeral ka seediq. So kiya de Babel kesun tmngayan ka alang kiya.
Lqlaqi Sem
(1 No 1:24-27)
10Nii we lqlaqi laqi Sem. Tg2 knkawas bobo snrnecux paru, betaq 1'00 knkawas na ka Sem ciida tmlaqi Arpaksad. 11Bobo tmnlaqi Arpaksad ka Sem, muudus 5'00 knkawas kndesan na dungal ka heya, dmanga laqi rseno ma laqi mqedil duri.
12Betaq 35 knkawas na ka Arpaksad ciida tmlaqi Selax. 13Bobo tmnlaqi Selax ka Arpaksad, muudus 4'03 knkawas kndesan na dungal ka heya, dmanga laqi rseno ma laqi mqedil uri.
14Betaq 30 knkawas na ka Selax ciida tmlaqi Eber. 15Bobo tmnlaqi Eber ka Selax, muudus 4'03 knkawas kndesan na dungal ka heya, dmanga laqi rseno ma laqi mqedil uri.
16Betaq 34 knkawas na ka Eber ciida tmlaqi Peleg. 17Bobo Eber we tmnlaqi Peleg, muudus 4'30 knkawas kndesan na dungal ka heya, dmanga laqi rseno ma mqedil uri.
18Tmlaqi Reu betaq 30 knkawas na ka Peleg. 19Tmnlaqi Reu ka Peleg de, muudus 2'09 knkawas kndesan na dungal ka heya, dmanga laqi rseno ma mqedil uri.
20Betaq 32 knkawas na ka Reu ciida tmlaqi Serug. 21Bobo tmnlaqi Serug ka Reu, muudus 2'07 knkawas kndesan na dungal ka heya, dmanga laqi rseno ma mqedil uri.
22Betaq 30 knkawas na ka Serug ciida tmlaqi Nahor. 23Bobo tmnlaqi Nahor ka Serug de, muudus 2'00 knkawas kndesan na dungal ka heya, dmanga laqi rseno ma mqedil uri.
24Betaq 29 knkawas na ka Nahor ciida tmlaqi Terax. 25Bobo Nahor we tmlaqi Terax, muudus 1'19 knkawas kndesan na dungal ka heya, dmanga laqi rseno ma mqedil uri.
26Betaq 70 knkawas na ka Terax ciida tmlaqi Abram, Nahor ma, Haran.
Lqlaqi Terax
27Nii we lqlaqi laqi Terax. Terax we tmlaqi Abram, Nahor ma Haran. Haran we tmlaqi Lot. 28Haran we mnhuqil berah Terax tama na. Mnhuqil Ur dxeral Krdiya ptntingan na. 29Mangal mqedil ka Abram ma Nahor. Mqedil Abram we Saray ka ngayan na. Mqedil Nahor we Milkah ka ngayan na. Weewa Xaran ka heya. Tama Milkah ma Yiskah we Haran. 30Ini tquli laqi ka Saray, uka laqi na.
31Terax we madis Abram laqi na ma lqlaqi laqi na, Lot laqi Xaran ma ina na ma, Saray mqedil Abram msuupu mlatac Ur dxeral ga Krdiya ma mquri dxeral Kenaan. Dehuk Haran ka dheya de meniq hiya da. 32Kana kndesan Terax we 2'05 knkawas de, mhuqil Xaran ka heya.
Currently Selected:
Smnlean 11: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
