Smnlean 17
17
Gaya Psalak Pnskraya Pnsdhegan
199 knkawas na ciida ka Abram we, mtqita heya ka Utux Tmninun. Rmengo heya: “Yaku we Utux Baro Kana Beyax. Isu we kseediq mttuku bale mkkesa berah mu ka isu. 2Mpsdehu ku sunan, khbragun misu hiya ka laqi ltlutuc su.” 3Tmbqelic dxeral dqeras na ka Abram, rmengo heya dungal ka Utux Baro: 4“Tai, nii ka pnsdhegan mu yaku ma daha isu, isu we maha su ma pusu rudan egu ba qnlhangan. 5Peeyah saya de, ngayan su we iya kesi Abram, Abraham kesun ka ngayan su. Ado wada su mu phyegun mpkpusu rudan egu ba qnlhangan ka isu. 6Prnaun misu tmlaqi hbaro ba lqlaqi ka isu. Qnlhangan su we mpeeyah isu pheyu. Qbsuran paru uri we asi ka peeyah isu. 7Yaku ma isu, laqi ltlutuc bobo knlangan we mpsdehu pnsdhegan mu. Ppnsdhegan nii we maha betaq ani knuwan, kiya ka Utux Baro we maha nisu ma nlqlaqi ltlutuc su. 8Dxeral ga su niqan tnooda saya we bege mu sunan. Kiya ka kana dxeral Kenaan. Dxeral nii we mptnpusu dnoi isu ma dlaqi ltlutuc su ani betaq knuwan. Yaku we mpuUtux ku Baro dheya.”
9Rmengo Abraham dungal ka Utux Baro: “Isu ma lqlaqi ltlutuc su bobo knxalan we asi ka muyu pnsdhegan mu. 10Nii we kiya ka pnsdehu mu yaku ma isu, kana lqlaqi ltlutuc. Asi namu ka pyugun, kana rseno namu we asi ka moda ptgaya psalak. 11Yamu we asi namu ka moda psalak, kiya ka pnskraya mu pnsdhegan mu yamu ka nii. 12Kana laqi namu rseno, ani so dtnqliyan gaga sapah namu ma, bnaruy namu pneyah qnlhangan icil, kiya ka uxe lqlaqi ltlutuc namu uri we, tg8 ali pnttingan na de asi ka moda psalak kana. 13Mntuting sapah su ma bnaruy su ging we asi ka moda ptgaya psalak kana. So kiya de, pnsdehu mu we ga meniq ckceka heyi namu mpsdehu betaq ani knuwan. 14Ini oda ptgaya psalak ka laqi rseno we asi ka pkngalun peeyah ckceka seediq. Ado wada ini puyu pnsdhegan mu ka heya.”
15Rmengo Abraham dungal ka Utux Baro: “Quri so mqedil su Saray we, iya kesi Saray mlawa da. Ngayan na we Sarah kesi mlawa da. 16Sblequn mu ka Sarah, mpeeyah heya ka egu qnlhangan. Mpeyah heya ka qbsuran paru dseediq.” 17Tgtemaq dxeral dqeras na ka Abraham ma tgleing mhulis, lmngelung ka lhebun na: “Mpniqan laqi ka seediq 1'00 knkawas dungal peni? Wada 90 ka knkawas Sarah di, mtduwa tmlaqi ka heya na peni?” 18Rmengo Utux Baro ka Abraham: “Tai so muudus berah su ka Yismael.” 19Rmengo ka Utux Baro: “Uxe! Mptnlaqi 1 laqi rseno ka mqedil su Sarah. Yijxaq kesi tmngayan ka ngayan na. Mpskere ku psdehu ku heya, so maha pnsdehu ani betaq knuwan lqlaqi ltlutuc na. 20Quri Yismael we, wada mu qbhangan ka pnesa su da: Tai, sblequn mu ka heya. Prnaun mu maha mrana riyung ka dheya. Heya we mptnlaqi 12 pnswayan pusu rudan, qnlhangan na we maha paru uri. 21Betaq knkawas so meeyah nii mu pdngusun ciida, mptnlaqi Yijxaq ka Sarah. Yaku we mpskere ku pnsdhegun mu heya.” 22Mhedu rmengo kari Abraham ka Utux Baro de, mlatac ma wada mnkala karac baro da.
23Ali ciida, muyu rnengo Utux Baro ka Abraham, pdaun na ptgaya psalak kana ka Yismael laqi na, kana drseno gaga sapah na, kana mntuting sapah ma bnaruy ging. 24Moda ptgaya psalak ciida ka Abraham we 99 knkawas na. 25Moda ptgaya psalak ciida ka Yismael we 13 knkawas na. 26Ali ciida, msuupu moda ptgaya psalak ka Abraham ma Yismael laqi na. 27Kana drseno gaga sapah na, ani mntuting sapah ma bnaruy ging peeyah seediq icil we, wada moda msuupu ptgaya psalak kana.
Currently Selected:
Smnlean 17: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
