Smnlean 44
44
Kmhuric Binyamin ka Yosehu
1Posa kari mpqlahang sapah ka Yosehu: “Pdai so kklaun mapa dapa roba daha pstenge tmquri lubuy daha ka uqun. Kiya uri we txtaxa pila daha we psai txtaxa lubuy daha uri. 2Pngerah mmahan mu, kiya ka pngerah ging mmahan we, pspui pila bbaruy daha uqun posa lubuy tgswai ba kiya.” Kiya de muyu tnugesa Yosehu moda ka mpqlahang sapah. 3Mgrebu ba so kusun, dseediq nii ma dapa roba daha we mlatac peeyah hiya da. 4Ini ktheya knksaan daha ka dheya we, rmengo mpqlahang sapah ka Yosehu: “Tutui, sai smdurak ka dseediq kiya. Sklaan su ka dheya de, rngagi: ‘Ma namu cmiyuk naqah ka malu noda ho? 5Uxe nii ka dooyun mahan sino tnpusu sapah mu, kiya ka sdoi na moda mpsbunul ka nii da peni? So nii ka noda namu we uxe malu kiya!’”
6Smkela dheya ka mpqlahang sapah de, wada na srengo dheya ka kari nii. 7Rmengo heya ka dheya: “Pusu qbsuran mu, ma so nii ka kari su da ho? Tnqliyan su we uxe bale mqeepah so nii. 8Tai, pila slayan nami meniq lubuy we ida nami desun Kenaan pbrinah mege yamu. Mphuwa miyan mesa gmeeguy madis ging pngerah mahan tnpusu sapah su da ho? 9Slayan su tnqliyan su ani ima ka pngerah mahan de, phqili ka heya. Yami uri we mptnqliyan nami pusu qbsuran su ka yami uri.” 10Rmengo ka mpqlahang sapah: “Saya de, mpuyu ku kari su moda! Slayan mu ima hiya ka pngerah mahan de, mptnqliyan mu ka heya. Kana namu de uka qnquwan noda kiya di.” 11Kiya de asi daha nuggehi posa dxeral ka lubuy daha ma, rwahan daha ka lubuy daha nanak. 12Mpqlahang sapah nii we speeyah na lubuy tgqbsuran betaq lubuy tgswai migin ka heya. Kiya de slayan na meniq lubuy Binyamin ka pngerah mahan. 13Kiya de smgaliq lukus daha ka dheya, spaapa daha bobo dapa roba ka napa daha ma, mbrinah alang dungal.
14Mosa sapah Yosehu dungal ka Yehudah ma mtswai na. Gaga meniq hiya ka Yosehu, kiya de tmbqelic thmuku berah na ka dheya. 15Rmengo dheya ka Yosehu: “Maanu ka noda namu ho? Ini namu klai ka so yaku nii we ida ku maha mkela psbunur ho?” 16Rmengo ka Yehudah: “Maanu rrengo nami pusu qbsuran mu da ho? Maanu kari rrengo nami dungal? Mptduwa nami rmengo uka qnquwan noda nami na ho? Utux Baro we tena migin qnquwan noda nami ka heya da. Tai, yami ma seediq snlayan pngerah mahan we, ida to tnqliyan pusu qbsuran mu kana da.” 17Rmengo ka Yosehu: “Uxe ku maha so nii ka yaku! Snlayan mu ima ka pngerah mahan de, ima ka mptnqliyan mu. Quri so yamu de, tduwa namu mbleyaq mosa tama namu hiya ka yamu.”
Pririh Binyamin Mesa ka Yehudah
18Smdaling heya ka Yehudah, rmengo: “Pusu qbsuran mu! Braho su bale, bhangi ku ba heya ka rrengo mu sunan. Iya kseengi ka tnqliyan su. Ado isu we mntena ba Paroh ka isu. 19Pusu qbsuran mu smniling dtnqliyan su: ‘Niqan tama namu ma mtswai namu nana ho?’ 20Rmnengo nami pusu qbsuran mu: ‘Niqan ka tama nami, rudan ba ka heya da. Kiya uri we tnlaqi 1 tgswai bale laqi rudan ciida ka heya. Wada mhuqil ka qbsuran na da. Wano heya ka rnangi bubu na da. Kiya we kuxul bale tama na ka heya uri.’ 21Kiya we rmengo su tnqliyan su: ‘Adis hini ka heya ma, pqtai ku hiya ka heya.’ 22Rmnengo nami pusu qbsuran mu: ‘Laqi nii we ini tduwa smtheya tama na. Nasi smtheya de, mphuqil ka tama na da.’ 23Rmnengo su tnqliyan ka isu: ‘Nasi namu ini desi ka tgswai ba we uxe ku mptqita yamu.’ 24Mnosa miyan tama nami ciida we wada miyan ssneeru heya ka nkari pusu qbsuran mu. 25Bobo na de, rmengo ka tama nami: ‘Osa maruy uqun dungal ka yamu.’ 26Rmnengo miyan: ‘Ini miyan tduwa mosa, nasi mtheyaq yami mosa ka tgswai ba mtswai nami de tduwa nami mosa da. Ado nasi ini theyaq yami mosa ka tgswai de uxe mpqita yami ka seediq kiya.’ 27Tnqliyan su, tama nami we rmengo: ‘Klaun namu mqedil mu we ptuting 2 ba laqi. 28Taxa daha we wada mlatac yaku da, ida ba wada sgliqan phuqil camac kiya da, betaq saya ini mu qtai. 29Saya, desun namu ka nii peeyah berah mu dungal. Nasi smterung hnqilan, kiya de maha namu smeriq yaku betaq tqdiyan snuunux ma pqrqilun ku namu posa tuxan mnkuung da.’ 30Saya, mbrinah nami tnqliyan su tama nami hiya, nasi ini theyaq yami mosa ka heya de, knuudus tama mu we gisu mlutuc knuudus laqi nii. 31So tama nami we qmita uka ka laqi nii de, mphuqil ka heya. So kiya de, bale ba gisu nami smeriq tnqliyan su. Tama nami we maha betaq tqdiyan snuunux ma pqrqilun posa tuxan mnkuung da. 32Tnqliyan su pnsdehu ku laqi nii mquri tama mu, rmnengo ku: ‘Nasi mu ini pbrnahi mege tama mu ka heya de, yaku we ida ku maha mheal qnquwan noda nii ani betaq knuwan.’ 33Saya, braho su bale, hiti ku hini ka yaku, mpririh ku laqi nii mptqliyan ku pusu qbsuran mu. Psai ptheyaq dqbsuran na ka laqi nii. 34Nasi ini theyaq kenan mosa ka laqi nii de, mphuwa ku mesa mtqita tama mu da ho? Nhuwa ku mita meyah tama mu ka mqraqil da.”
Currently Selected:
Smnlean 44: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Smnlean 44
44
Kmhuric Binyamin ka Yosehu
1Posa kari mpqlahang sapah ka Yosehu: “Pdai so kklaun mapa dapa roba daha pstenge tmquri lubuy daha ka uqun. Kiya uri we txtaxa pila daha we psai txtaxa lubuy daha uri. 2Pngerah mmahan mu, kiya ka pngerah ging mmahan we, pspui pila bbaruy daha uqun posa lubuy tgswai ba kiya.” Kiya de muyu tnugesa Yosehu moda ka mpqlahang sapah. 3Mgrebu ba so kusun, dseediq nii ma dapa roba daha we mlatac peeyah hiya da. 4Ini ktheya knksaan daha ka dheya we, rmengo mpqlahang sapah ka Yosehu: “Tutui, sai smdurak ka dseediq kiya. Sklaan su ka dheya de, rngagi: ‘Ma namu cmiyuk naqah ka malu noda ho? 5Uxe nii ka dooyun mahan sino tnpusu sapah mu, kiya ka sdoi na moda mpsbunul ka nii da peni? So nii ka noda namu we uxe malu kiya!’”
6Smkela dheya ka mpqlahang sapah de, wada na srengo dheya ka kari nii. 7Rmengo heya ka dheya: “Pusu qbsuran mu, ma so nii ka kari su da ho? Tnqliyan su we uxe bale mqeepah so nii. 8Tai, pila slayan nami meniq lubuy we ida nami desun Kenaan pbrinah mege yamu. Mphuwa miyan mesa gmeeguy madis ging pngerah mahan tnpusu sapah su da ho? 9Slayan su tnqliyan su ani ima ka pngerah mahan de, phqili ka heya. Yami uri we mptnqliyan nami pusu qbsuran su ka yami uri.” 10Rmengo ka mpqlahang sapah: “Saya de, mpuyu ku kari su moda! Slayan mu ima hiya ka pngerah mahan de, mptnqliyan mu ka heya. Kana namu de uka qnquwan noda kiya di.” 11Kiya de asi daha nuggehi posa dxeral ka lubuy daha ma, rwahan daha ka lubuy daha nanak. 12Mpqlahang sapah nii we speeyah na lubuy tgqbsuran betaq lubuy tgswai migin ka heya. Kiya de slayan na meniq lubuy Binyamin ka pngerah mahan. 13Kiya de smgaliq lukus daha ka dheya, spaapa daha bobo dapa roba ka napa daha ma, mbrinah alang dungal.
14Mosa sapah Yosehu dungal ka Yehudah ma mtswai na. Gaga meniq hiya ka Yosehu, kiya de tmbqelic thmuku berah na ka dheya. 15Rmengo dheya ka Yosehu: “Maanu ka noda namu ho? Ini namu klai ka so yaku nii we ida ku maha mkela psbunur ho?” 16Rmengo ka Yehudah: “Maanu rrengo nami pusu qbsuran mu da ho? Maanu kari rrengo nami dungal? Mptduwa nami rmengo uka qnquwan noda nami na ho? Utux Baro we tena migin qnquwan noda nami ka heya da. Tai, yami ma seediq snlayan pngerah mahan we, ida to tnqliyan pusu qbsuran mu kana da.” 17Rmengo ka Yosehu: “Uxe ku maha so nii ka yaku! Snlayan mu ima ka pngerah mahan de, ima ka mptnqliyan mu. Quri so yamu de, tduwa namu mbleyaq mosa tama namu hiya ka yamu.”
Pririh Binyamin Mesa ka Yehudah
18Smdaling heya ka Yehudah, rmengo: “Pusu qbsuran mu! Braho su bale, bhangi ku ba heya ka rrengo mu sunan. Iya kseengi ka tnqliyan su. Ado isu we mntena ba Paroh ka isu. 19Pusu qbsuran mu smniling dtnqliyan su: ‘Niqan tama namu ma mtswai namu nana ho?’ 20Rmnengo nami pusu qbsuran mu: ‘Niqan ka tama nami, rudan ba ka heya da. Kiya uri we tnlaqi 1 tgswai bale laqi rudan ciida ka heya. Wada mhuqil ka qbsuran na da. Wano heya ka rnangi bubu na da. Kiya we kuxul bale tama na ka heya uri.’ 21Kiya we rmengo su tnqliyan su: ‘Adis hini ka heya ma, pqtai ku hiya ka heya.’ 22Rmnengo nami pusu qbsuran mu: ‘Laqi nii we ini tduwa smtheya tama na. Nasi smtheya de, mphuqil ka tama na da.’ 23Rmnengo su tnqliyan ka isu: ‘Nasi namu ini desi ka tgswai ba we uxe ku mptqita yamu.’ 24Mnosa miyan tama nami ciida we wada miyan ssneeru heya ka nkari pusu qbsuran mu. 25Bobo na de, rmengo ka tama nami: ‘Osa maruy uqun dungal ka yamu.’ 26Rmnengo miyan: ‘Ini miyan tduwa mosa, nasi mtheyaq yami mosa ka tgswai ba mtswai nami de tduwa nami mosa da. Ado nasi ini theyaq yami mosa ka tgswai de uxe mpqita yami ka seediq kiya.’ 27Tnqliyan su, tama nami we rmengo: ‘Klaun namu mqedil mu we ptuting 2 ba laqi. 28Taxa daha we wada mlatac yaku da, ida ba wada sgliqan phuqil camac kiya da, betaq saya ini mu qtai. 29Saya, desun namu ka nii peeyah berah mu dungal. Nasi smterung hnqilan, kiya de maha namu smeriq yaku betaq tqdiyan snuunux ma pqrqilun ku namu posa tuxan mnkuung da.’ 30Saya, mbrinah nami tnqliyan su tama nami hiya, nasi ini theyaq yami mosa ka heya de, knuudus tama mu we gisu mlutuc knuudus laqi nii. 31So tama nami we qmita uka ka laqi nii de, mphuqil ka heya. So kiya de, bale ba gisu nami smeriq tnqliyan su. Tama nami we maha betaq tqdiyan snuunux ma pqrqilun posa tuxan mnkuung da. 32Tnqliyan su pnsdehu ku laqi nii mquri tama mu, rmnengo ku: ‘Nasi mu ini pbrnahi mege tama mu ka heya de, yaku we ida ku maha mheal qnquwan noda nii ani betaq knuwan.’ 33Saya, braho su bale, hiti ku hini ka yaku, mpririh ku laqi nii mptqliyan ku pusu qbsuran mu. Psai ptheyaq dqbsuran na ka laqi nii. 34Nasi ini theyaq kenan mosa ka laqi nii de, mphuwa ku mesa mtqita tama mu da ho? Nhuwa ku mita meyah tama mu ka mqraqil da.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020