Smnlean 45
45
Pgkela Dqbsuran Na ka Yosehu
1Uka na kklaun hmetur ka lnglungan na meniq berah dseediq mdayo heya ka Yosehu, asi mdiras mlawa: “Txtaxa namu latac yaku kana, osa nganguc!” Pgkela dqbsuran na ka Yosehu we uka ani ima ka mnheyu hiya. 2Kiya de mdiras lingis ka heya, mnbahang kana ka seediq Micrayim, dseediq tnsapah Paroh uri we mnbahang uri. 3Rmengo qbsuran na ka Yosehu: “Yaku we Yosehu! Gaga hiya ka tama mu na ho?” Miicu cmiyuk kari ka dmtswai na, ado mkluwi bale meniq berah na ka dheya.
4Rmengo dqbsuran na dungal ka Yosehu: “Eyah smdaling hari kenan.” Kiya de meyah smdaling hari ka dheya. Rmengo ka heya: “Yaku we kiya ka Yosehu mtswai namu wada namu brigun Micrayim. 5Saya de, iya qnnaqah kuxul ma iya smeriq mseang yamu nanak ka wada namu maruy kenan. Ado Utux Baro we spgeela ku na berah yamu smkagul hini ka yaku. Eyux so pkuudus knuudus ta. 6Krayan dxeral hini we wada 2 knkawas da. Meeyah 5 knkawas ka ini tduwa tmukuy ma kmetuy. 7Utux Baro we spgeela ku na berah yamu smkagul hini ka yaku. So maha pllutuc lqlaqi namu bobo dxeral, dmoi baga yamu ma, pkuudus knuudus namu. 8Taan ta ka so nii de, smkagul kenan we uxe yamu, Utux Baro ka kiya. Heya we spntena ku na tama Paroh ka yaku ma, tnpusu sapah na ma, niqan pusu beyax kana bobo dxeral Micrayim. 9Yamu we osa nhari tama mu hiya: Sai rmengo ka heya: ‘Laqi su Yosehu: So nii ka rnengo na, Utux Baro we wada ku na ngalan mdudul Micrayim. Braho su eyah yaku hini, iya ali tggila. 10Isu ma lqlaqi laqi su, miric ma dapa ma, kana dnoi su we desi meniq dxeral Gosen smdaling yaku. 11Mpdanga ku isu meniq hiya. Ado meeyah 5 knkawas ka krayan nana, So uxe maha qrinuc riyung ka isu ma tnsapah su ma, kana dnoi su.’ 12Tai! Qmnita kana ka doriq namu ma, doriq Binyamin mtswai mu. Pnooda bale quwaq mu rmengo dheya. 13Qntaan namu kana knledax mu meniq Micrayim ma qtaan namu kana noda we tgsai bale tama mu. Kiya uri we naaguh hari peeyah yaku hini ka tama mu.” 14Kiya de, lmingis nduyung Binyamin mtswai na ka Yosehu. Binyamin we lmingis nduyung na ka heya uri. 15Kiya de tmunguh dqbsuran na ma, tnglingis tmmaku dheya. Bobo na de, mprengo heya ka dqbsuran na.
16Noda nii we wada mkgarang sapah Paroh ka nii. Rmengo: “Nii meyah hini ka dmtswai Yosehu da.” Paroh ma ddqbsuran mdayo we malu mesa ka dheya. 17Rmengo Yosehu ka Paroh: “Psai kari ka dmtswai su, rngagi: ‘Keso nii ka noda namu. Paani tnbugan namu ka napa ppaun namu, osa nhari Kenaan. 18Desi hini kana ka tama namu ma, tnsapah namu. Mpbege ku yamu malu uqun dxeral Micrayim. Yamu we maha namu mekan hmneru malu gnhiyan dxeral nii.’ 19Druni bale ka dheya: ‘Keso nii ka noda namu. Desi peeyah Micrayim ka ppaan. Desi hini kana ka lqlaqi namu ma mqedil namu, kiya ma tama namu. 20Iya krwahi ka dnoi namu, ado malu uqun dxeral Micrayim we maha namu kana.’”
21Dlqlaqi Israel de muyu kari so nii. Yosehu we muyu kari pnosa Paroh, sbege na ppaan ma uuqun daha moda elu ka dheya. 22Kiya we biqan na pn1 lukus ka txtaxa qbsuran na uri. Kiya de, biqan na 3'00 ging ma 5 lukus ka Binyamin. 23Biqan na tama na ka 10 dapa balas roba we mapa tgmalu ba qyqeya Micrayim. 10 dapa gipu roba we mapa uqun tama na, kiya de uqun knetuy, pang ma, uqun daha moda elu. 24Yosehu ge, smraki dmtswai na ma rmengo dheya: “Iya ooda mkseang mkleelu ka yamu.”
25Kndalax Micrayim ka dheya ma mosa Yakobu tama daha Kenaan hiya. 26Rmengo heya: “Gaga muudus nana ka Yosehu. Kiya ma gaga niqan pusu beyax kana dxeral Micrayim ka heya.” Asi ktleetu ka lhebun Yakobu, ado ini snhii dheya. 27Kiya de, srengo na heya ka kana kari rnengo Yosehu. Taan na ka ppaan smkagul meyah mapa heya de, miiyo ka bgihur Yakobu tama daha da. 28Rmengo ka Israel: “Baka da! Yosehu laqi mu gisu muudus na, maha ku mita heya tgberah ini ku huqil nana.”
Currently Selected:
Smnlean 45: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Smnlean 45
45
Pgkela Dqbsuran Na ka Yosehu
1Uka na kklaun hmetur ka lnglungan na meniq berah dseediq mdayo heya ka Yosehu, asi mdiras mlawa: “Txtaxa namu latac yaku kana, osa nganguc!” Pgkela dqbsuran na ka Yosehu we uka ani ima ka mnheyu hiya. 2Kiya de mdiras lingis ka heya, mnbahang kana ka seediq Micrayim, dseediq tnsapah Paroh uri we mnbahang uri. 3Rmengo qbsuran na ka Yosehu: “Yaku we Yosehu! Gaga hiya ka tama mu na ho?” Miicu cmiyuk kari ka dmtswai na, ado mkluwi bale meniq berah na ka dheya.
4Rmengo dqbsuran na dungal ka Yosehu: “Eyah smdaling hari kenan.” Kiya de meyah smdaling hari ka dheya. Rmengo ka heya: “Yaku we kiya ka Yosehu mtswai namu wada namu brigun Micrayim. 5Saya de, iya qnnaqah kuxul ma iya smeriq mseang yamu nanak ka wada namu maruy kenan. Ado Utux Baro we spgeela ku na berah yamu smkagul hini ka yaku. Eyux so pkuudus knuudus ta. 6Krayan dxeral hini we wada 2 knkawas da. Meeyah 5 knkawas ka ini tduwa tmukuy ma kmetuy. 7Utux Baro we spgeela ku na berah yamu smkagul hini ka yaku. So maha pllutuc lqlaqi namu bobo dxeral, dmoi baga yamu ma, pkuudus knuudus namu. 8Taan ta ka so nii de, smkagul kenan we uxe yamu, Utux Baro ka kiya. Heya we spntena ku na tama Paroh ka yaku ma, tnpusu sapah na ma, niqan pusu beyax kana bobo dxeral Micrayim. 9Yamu we osa nhari tama mu hiya: Sai rmengo ka heya: ‘Laqi su Yosehu: So nii ka rnengo na, Utux Baro we wada ku na ngalan mdudul Micrayim. Braho su eyah yaku hini, iya ali tggila. 10Isu ma lqlaqi laqi su, miric ma dapa ma, kana dnoi su we desi meniq dxeral Gosen smdaling yaku. 11Mpdanga ku isu meniq hiya. Ado meeyah 5 knkawas ka krayan nana, So uxe maha qrinuc riyung ka isu ma tnsapah su ma, kana dnoi su.’ 12Tai! Qmnita kana ka doriq namu ma, doriq Binyamin mtswai mu. Pnooda bale quwaq mu rmengo dheya. 13Qntaan namu kana knledax mu meniq Micrayim ma qtaan namu kana noda we tgsai bale tama mu. Kiya uri we naaguh hari peeyah yaku hini ka tama mu.” 14Kiya de, lmingis nduyung Binyamin mtswai na ka Yosehu. Binyamin we lmingis nduyung na ka heya uri. 15Kiya de tmunguh dqbsuran na ma, tnglingis tmmaku dheya. Bobo na de, mprengo heya ka dqbsuran na.
16Noda nii we wada mkgarang sapah Paroh ka nii. Rmengo: “Nii meyah hini ka dmtswai Yosehu da.” Paroh ma ddqbsuran mdayo we malu mesa ka dheya. 17Rmengo Yosehu ka Paroh: “Psai kari ka dmtswai su, rngagi: ‘Keso nii ka noda namu. Paani tnbugan namu ka napa ppaun namu, osa nhari Kenaan. 18Desi hini kana ka tama namu ma, tnsapah namu. Mpbege ku yamu malu uqun dxeral Micrayim. Yamu we maha namu mekan hmneru malu gnhiyan dxeral nii.’ 19Druni bale ka dheya: ‘Keso nii ka noda namu. Desi peeyah Micrayim ka ppaan. Desi hini kana ka lqlaqi namu ma mqedil namu, kiya ma tama namu. 20Iya krwahi ka dnoi namu, ado malu uqun dxeral Micrayim we maha namu kana.’”
21Dlqlaqi Israel de muyu kari so nii. Yosehu we muyu kari pnosa Paroh, sbege na ppaan ma uuqun daha moda elu ka dheya. 22Kiya we biqan na pn1 lukus ka txtaxa qbsuran na uri. Kiya de, biqan na 3'00 ging ma 5 lukus ka Binyamin. 23Biqan na tama na ka 10 dapa balas roba we mapa tgmalu ba qyqeya Micrayim. 10 dapa gipu roba we mapa uqun tama na, kiya de uqun knetuy, pang ma, uqun daha moda elu. 24Yosehu ge, smraki dmtswai na ma rmengo dheya: “Iya ooda mkseang mkleelu ka yamu.”
25Kndalax Micrayim ka dheya ma mosa Yakobu tama daha Kenaan hiya. 26Rmengo heya: “Gaga muudus nana ka Yosehu. Kiya ma gaga niqan pusu beyax kana dxeral Micrayim ka heya.” Asi ktleetu ka lhebun Yakobu, ado ini snhii dheya. 27Kiya de, srengo na heya ka kana kari rnengo Yosehu. Taan na ka ppaan smkagul meyah mapa heya de, miiyo ka bgihur Yakobu tama daha da. 28Rmengo ka Israel: “Baka da! Yosehu laqi mu gisu muudus na, maha ku mita heya tgberah ini ku huqil nana.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020