Lewiy 2
2
Gaya Smapuh Pnhgalang
1Nasi mege snapuh pnhgalang bbege na Utux Tmninun ka seediq we, asi ka mege tgmalu bale ware rqeling ma, hrigi bobo hiya ka abura ma pmaxi geluq sknexan. 2Desi lqlaqi laqi Aharon dmsapuh hiya. Dmsapuh we asi ka mangal 1 karuk baga ware rqeling, duma abura ma kana sknexan. Ngalun na kana ka nii ma sqmaun na bobo spuhan hiya. Nii we kiya ka snapuh psqama sknexan bbege Utux Tmninun. 3Mnsngari smnapuh pnhgalang nii we, asi ka sbege Aharon ma lqlaqi laqi na. Ckceka snpuhan psqama bbege Utux Tmninun we, nii ka mrtaso riyung.
4Nasi mege snapuh nuduh pnhgalang ka bbege na we, asi ka pang snmalu malu ba ware rqeling ini psai tgeda ma gnmaxan abura, uxe uri we pang ini psai tgeda ma rcuhan abura. 5Nasi ta mege snapuh bobo sapo xiluy ka bbege we, asi ka dmoi nemu mugi ini psai tgeda ma gnmaxan abura. 6Gbingun su pnbiciq ma hrigun su abura. Nii we kiya ka snapuh mege pnhgalang. 7Nasi su mege ndaan su supih sapo bbege su snapuh pnhgalang we, asi ka snmalu abura ma tgmalu ba nemu mugi. 8Bbege su snapuh pnhgalang so nii ka desi berah Utux Tmninun, biqi msapuh. Msapuh we desun na berah spuhan. 9Mangal duma snapuh pnhgalang peeyah ckceka hiya ma sqmaun na bobo spuhan. Nii we kiya ka snapuh psqama sknexan bbege Utux Tmninun. 10Snapuh pnhgalang nii we asi ka sbege Aharon ma lqlaqi laqi na. Ckceka snpuhan psqama bbege Utux Tmninun we, nii ka mrtaso riyung.
11Kana spuhan pnhgalang bbege Utux Tmninun we asi ka ini psai tgeda. Ado asi ka ini namu sqmai mege spuhan psqama Utux Tmninun ma, kana tgeda ma beyuq walu. 12Nii we bbege namu ngalun snapuh pnlaale kmetuy Utux Tmninun. Kiya ma iya bale ngali spuhan srkenux psqama bobo spuhan. 13Kana spuhan pnhgalang we asi ka gmaxun timu. Ckceka spuhan pnhgalang hiya we, asi ka ini namu srhuqi ka timu sndhegan namu Utux Baro. Kana snapuh bbege we asi ka psaun timu kana.
14Nasi su mege pnlaale kmetuy ka snapuh su pnhgalang bbege su Utux Tmninun de, asi su ka mege demux nuduh. Kiya ka nemu mugi gnlangan. Nii ka ngali snapuh pnhgalang. 15Pgmaxi abura ma sknexan. Nii we kiya ka snapuh pnhgalang. 16Nangal na peeyah ckceka snpuhan hiya duma ka msapuh we, kiya ka duma bgurah mugi tnemu, abura ma malu sknexan we, asi ka sqmaun kana. Nii we kiya ka snapuh psqama bbege Utux Tmninun.
Currently Selected:
Lewiy 2: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020