Lewiy 24
24
Gaya Pcamo
(Lnt 27:20-21)
1Rmengo Moseh ka Utux Tmninun: 2“Rngagi ka seediq Israel, desi mege sunan ka malu ba abura curung snmalu daha, ppcamo ma ppcamo klaali. 3Meniq nganguc truma pusu mrtaso ma pala hiya, Aharon ge, mpcamo camo berah Utux Tmninun peeyah gbiyan betaq mgrebu. Gaya mpbetaq ani knuwan knxalan yamu hiya ka nii. 4Asi ka ini psetuq pcamo camo berah Utux Tmninun ka heya.
Pang Bbege Utux Tmninun
5Isu we angal nemu mugi, duhi 12 pang. Kn1 pang we ngali 2 tnugmxalan igipa nemu mugi smalu. 6Bkei 2 beku posa ka pang. Kn1 beku we pn6, peeniq bobo psaan snmalu king meniq berah Utux Tmninun. 7Kiya ma posa malu ba sknexan bobo knkingal bneku pang. So daha lnglungun. Snapuh puniq bbege Utux Tmninun ka nii. 8Kn1 ali sngayan we, asi ka psaun namu berah Utux Tmninun klaali. Pnugaya ani betaq knuwan dseediq Israel ka nii. 9Pang nii we asi ka sbege Aharon ma lqlaqi laqi na ka nii. Uqun daha nniqan mrtaso ka nii. Gaya daha betaq ani knuwan. Ado snapuh psqama bnege daha Utux Tmninun we, mrtaso riyung ka nii.”
Qnquwan Noda Psrutiq Ngayan
10Niqan 1 laqi mqedil Israel. Tama na we seediq Micrayim. Niqan 1 ali meyah theyaq dseediq Israel. Laqi mqedil nii ma 1 seediq Israel we gisu pkeekan kari ckceka kobu. 11Laqi mqedil Israel nii we wada smrutiq ngayan mrtaso, kiya ma betaq cmiyus. Kiya de desun daha berah Moseh hiya ka heya. Ngayan bubu na we Selomit. Weewa Dibri pneeyah drudan Dan. 12Shetur daha ka seediq kiya ma, ttara daha tnugesa Utux Tmninun.
13Rmengo Moseh ka Utux Tmninun: 14“Adis nganguc kobu ka seediq tmnsiiyax ngayan mrtaso kiya. Seediq mnbahang we asi ka psaan tunux na ka baga daha. Kana seediq we mdoi btunux phuqil heya. 15Isu we tgsai bale ka seediq Israel: Kana cmiyus Utux Baro we, asi ka mheal qnquwan noda na. 16Psrutiq ngayan Utux Tmninun we, asi ka phqilun. Kana seediq we, asi ka mangal btunux phuqil heya. Ani tnooda ma seediq hini, wada smrutiq ngayan Utux Tmninun de, asi ka phqilun ka heya.
17Pnhuqil seediq we, asi ka phqilun. 18Phuqil tnbugan we, asi ka pririh tnbugan. Phuqil knuudus we mpririh knuudus. 19Nasi wada pqluqah seediq ssiyo na ka seediq, betaq ini kkesa ka heya de, asi ka so kiya kmpooda heyi na uri: 20Asi ka luqah ka mpririh luqah. Asi ka doriq ka mpririh doriq. Asi ka rupun ka mpririh rupun. Wada hmuwa mesa mpqluqah heyi seediq ka heya we, asi ka pntnaun so kiya mpooda heyi na uri. 21Phuqil tnbugan we, asi ka pririh tnbugan. Phuqil seediq we, asi ka phqilun. 22Ani tnooda ma seediq hini we, mntena kana ka gaya. Yaku we Utux Tmninun, Utux Baro namu.”
23So kiya de, rmengo seediq Israel ka Moseh. Dheya de desun daha nganguc kobu ka seediq smniyus ngayan mrtaso kiya. Dmoi btunux phuqil heya. Seediq Israel we muyu Utux Tmninun tnugesa na Moseh moda ka dheya.
Currently Selected:
Lewiy 24: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020