Spegan 17
17
Hukuc Aharon
1Rmengo Moseh ka Utux Tmninun: 2“Rngagi ka seediq Israel, peeyah ckceka daha mangal hukuc ma pn1 hukuc ka 1 sapah. Pooda mdudul tnsapah tama daha ngali 12 hukuc. Txtaxa ngayan daha we ptsani bobo hukuc daha. 3Ngayan Aharon we ptsani bobo hukuc Lewiy. Ado txtaxa mdudul knkingal pnswayan rudan we asi ka pn1 hukuc. 4Adis berah kulu pnsdhegan kobu mrtaso hiya ka hukuc nii, kiya ka pstrengun ta hiya. 5Seediq gneegan mu we, mpstasil ka hukuc na. So kiya de mptbale ku smmeriq smnetur yamu ka seediq Israel ma, uxe mpbetaq berah mu da.” 6Kiya de, rmengo seediq Israel ka Moseh ma, mege pn1 hukuc heya ka txtaxa mdudul pnswayan rudan. 1 mdudul we 1 hukuc, kana ba we 12 hukuc. Gaga ckceka hiya ka Aharon uri. 7Moseh we psaun na berah Utux Tmninun ma ckceka kulu pnsdhegan truma kobu mrtaso hiya. 8So kusun, mremux truma kobu mrtaso ka Moseh. Tai! Hukuc Aharon pnswayan rudan Lewiy we gisu smtasil ma, mphepah ma ghiyan aring mtumun! 9Moseh we ngalun na peeyah berah Utux Tmninun ka kana hukuc ma, spqita na kana seediq Israel. Mnita kana ka dheya de, meyah mangal hukuc daha ka dmpdudul daha.
10Rmengo Moseh ka Utux Tmninun: “Pbrinah peeniq berah kulu pnsdhegan ka hukuc Aharon, ngalun pnskraya tnbrinah seediq Israel. So kiya de tduwa su ptbale smneriq smnetur daha kenan. Dheya de uxe mphuqil ka dheya da.” 11Muyu so nii moda ka Moseh. Maanu ka tnugesa Utux Tmninun de, muyu so nii moda ka heya. 12Rmengo Moseh ka dseediq Israel: “Qtai! Mphuqil miyan da! Mpkuuka miyan da! Mpkuuka kana ka yami da! 13Kana smdaling Utux Tmninun we mphuqil. Mphuqil miyan kana ka yami di peni?”
Currently Selected:
Spegan 17: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020