ಮತ್ತಾಯೆ 18
18
ತಗ್ಗ್‌ತನತ್ತ ಬಗೆಟ್
(ಮಾರ್ಕೆ 9:33-37; ಲೂಕೆ 9:46-48)
1ಆ ಸಮಯೊಡು ಶಿಷ್ಯೆರ್ ಯೇಸು ಕೈತಲ್‌ ಬತ್ತ್‌ದ್, “ಪರಲೋಕ ರಾಜ್ಯೊಡು ಏರ್ ಮಲ್ಲಾಯೆ?” ಅಂದ್‌ದ್ ಕೇನ್ನಗ 2ಆಯೆ ಎಲ್ಯ ಬಾಲೆನ್ ಕೈತಲ್‌ ಲೆತ್ತ್‌ದ್ ಅಕ್ಲೆನ ನಡುಟು ಉಂತಾದ್ 3ಅಕ್ಲೆಡ, “ನಿಕುಲು ಪಶ್ಚಾತಾಪ ಪಡೆದ್ ಕುಡೊರ ಎಲ್ಯ ಜೋಕುಲೆ ಲೆಕ್ಕ ಆವಂದೆ ಪೋಯಿಜರ್ಡ ಪರಲೋಕ ರಾಜ್ಯೊಗು ಪೋಪಿನೆ ಇಜ್ಜಿ, ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. 4ಇಂಚ ಉಪ್ಪುನೆಡ್ದ್ ಏರ್ ಈ ಎಲ್ಯ ಬಾಲೆದಲೆಕ್ಕ ತನನ್ ತಗ್ಗಾವೊನ್ವೆನಾ, ಆಯೆನೇ ಪರಲೋಕ ರಾಜ್ಯೊಡು ಮಲ್ಲಾಯೆ. 5ಉಂದತ್ತಂದೆ ಏರಾಂಡಲಾ ಎನ ಪುದರ್‌ಡ್ ಇಂಚಿನ ಒಂಜಿ ಬಾಲೆನ್ ಸೇರಾವೊಂಡೆಡ, ಎನನ್ ಸೇರಾವೊಂಡಿಲೆಕ್ಕ ಆಂಡ್.
ಪಾಪೊಡ್ದು ನರಕೊಗು ಸಾದಿ
(ಮಾರ್ಕೆ 9:42-48; ಲೂಕೆ 17:1,2)
6“ಎನ ಮಿತ್ತ್ ನಂಬಿಕೆ ದೀಪಿನ ಈ ಎಲ್ಯಾಕುಲೆಡ್ ಒರಿಯಗ್ ಏರಾಂಡಲಾ ಅಡ್ಡಿ ಮಲ್ತೆಡ ಅಂಚಿನಾಯನ ಕಂಟೆಲ್‌ಗ್ ಮಲ್ಲ ಬೀಸುನ ಕಲ್ಲ್ ಕಟ್ಟ್‌ದ್ ಕಡಲ್ದ ಗುಂಡಿಗ್ ಮುರ್ಕಾವುನವು ಎಡ್ಡೆ ಅವು. 7ಅಡ್ಡಿಲು ಬರ್ಪಿನೆಡ್ದ್ ಲೋಕೊಗು ಏತೋ ಕೇಡ್. ಅಡ್ಡಿಲು ಎಂಚಾಂಡಲಾ ಬರು. ಆಂಡಲಾ ವಾ ನರಮಾನಿಡ್ದ್ ಅಡ್ಡಿ ಆಪುಂಡಾ ಆಯನ ಗತಿನ್ ದಾನೆಂದ್ ಪನೊಲಿ?
8“ಅಂಚಾಂಡ ನಿನ ಕೈಯಾವಡ್ ಕಾರಾವಡ್ ನಿನನ್ ಪಾಪೊಗು ತಿಕ್ಕಾವುನಾಂಡ ಅವೆನ್ ಕಡ್ತ್‌ದ್ ದಕ್ಕ್‌ದ್ ಬುಡ್ಲ, ಕೈಕಾರ್ ರಡ್ಡ್‌ಲಾ ಇತ್ತ್‌ದ್ ತೆಕ್ಕಂದಿ ತೂಟು ಪಾಡ್ದಿನಾಯೆ ಆಪಿನೆಡ್ದ್ ಕೈಕಾರ್ ಕಳೆವೊಂದಿನಾಯೆ ಆದ್ ಜೀವೊಡು ಸೇರುನವು ನಿಕ್ಕ್ ಏತೋ ಎಡ್ಡೆ. 9ನಿನ ಕಣ್ಣ್ ನಿನನ್ ಪಾಪೊಗು ತಿಕ್ಕಾವುನಾಂಡ ಅವೆನ್ ಕೂಂತುದು ದಕ್ಕ್‌ಲ, ರಡ್ಡ್ ಕಣ್ಣ್ ಇತ್ತಿನಾಯೆ ಆದಿತ್ತ್‌ದ್ ತೂತ ನರಕೊಗು ಬೂರುನೆಡ್ದ್ ಒಂಜೇ ಕಣ್ಣ್ ಇತ್ತಿನಾಯೆ ಆದ್ ಜೀವೊಗು ಸೇರುನವು ನಿಕ್ಕ್ ಏತೋ ಎಡ್ಡೆ.
ತತ್ತ್ ಪೋಯಿ ಕುರಿ
(ಲೂಕೆ 15:3-7)
10“ಈ ಎಲ್ಯಾಕುಲೆಡ್ ಒರಿಯನಾಂಡಲಾ ಸಸಾರ ಮಲ್ಪಂದಿಲೆಕ್ಕ ತೂವೊನ್ಲೆ; ಅಕ್ಲೆ ದೂತೆರ್ ಪರಲೋಕೊಡು ಏಪಲಾ ಎನ ಅಮ್ಮೆರೆನ ಮೋನೆ ತೂವೊಂದುಲ್ಲೆರ್,” ಅಂದ್‌ದ್ ನಿಕ್ಲೆಗ್ ಪನ್ಪೆ. 11ನರಮಾನಿ ಮಗೆ ತತ್ತ್‌ದ್ ಪೋಯಿನೆನ್ ರಕ್ಷಣೆ ಮಲ್ಪೆರೆ ಬತ್ತೆ#18:11 ಉಂದು ವಚನ ಪರ ಗ್ರಂಥೊಡು ತೋಜಿದ್ ಬರ್ಪುಜಿ .
12“ನಿಕ್ಲೆಗ್ ಎಂಚ ತೋಜುಂಡು? ಒರಿ ನರಮಾನಿಗ್ ನೂದು ಕುರಿಕುಲು ಉಪ್ಪುನಗ ಐಟ್ಟ್ ಒಂಜಿ ಕುರಿ ತತ್ತ್‌ದ್ ಪೋಂಡ ಆಯೆ ಸೊನ್ಪತ್ತೊರ್ಂಬ ಕುರಿಕುಲೆನ್ ಗುಡ್ಡೆಡ್ ಬುಡ್ದು, ತಪ್ಪಾವೊಂದು ಪೋತಿನ ಒಂಜಿ ಕುರಿನ್ ನಾಡೊಂದು ಪೋಪೆ ಅತ್ತಾ. 13ಅವು ತಿಕ್ಕ್ಂಡ, ತತ್ತ್‌ದ್ ಪೋವಂದಿ ಸೊನ್ಪತ್ತೊರ್ಂಬ ಕುರಿಕುಲೆಡ್ದ್ ಆ ಒಂಜಿ ಕುರಿಕ್ಕಾದ್ ಮಸ್ತ್ ಸಂತೋಷ ಮಲ್ಪುವೆ ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. 14ಅಂಚೆನೇ ಈ ಎಲ್ಯಾಕುಲೆಡ್ ಒರಿಯಾಂಡಲಾ ನಾಶಾದ್ ಪೋಪಿನವು ಪರಲೋಕೊಡುಪ್ಪು ನಿಕ್ಲೆ ಅಮ್ಮೆರೆ ಚಿತ್ತ ಅತ್ತ್.
ಪಾಪೊಗು ಪರಿಹಾರ
15“ಉಂದತ್ತಂದೆ ನಿನ ಸಹೋದರೆ ನಿಕ್ಕ್ ತಪ್ಪು ಮಲ್ತೆಡ ಈ ಪೋದು ಇರ್ವೆರೆ ಉಪ್ಪುನಪಗ ಆಯನ ತಪ್ಪುನು ಆಯಗ್ ತೆರಿಪಾಲ. ಆಯೆ ನಿನ ಪಾತೆರೊನು ಕೇಂಡೆಡ ನಿನ ಸಹೋದ್ರನ್ ಗೆಂದಿಯ. 16ಆಯೆ ಕೇನಂದೆ ಪೋಂಡ ರಡ್ಡ್ ಮೂಜಿ ಜನ ಸಾಕ್ಷಿದಾಕುಲೆ ಬಾಯಿಡ್ದ್ ಪ್ರತಿಯೊಂಜಿ ಪಾತೆರಲಾ ನಿಗಂಟ್ ಆಪಿಲೆಕ್ಕ ನನಲಾ ಒರಿ ಇರ್ವೆರೆನ್ ನಿನಡೊಪ್ಪ ಲೆತ್ತೊಂದು ಪೋಲ. 17ಆಯೆ ಅಕ್ಲೆ ಪಾತೆರೊನ್ಲಾ ಕೇಂಡಿಜೆಡ ಸಭೆಕ್ ಪನ್ಲ; ಆಂಡ ಸಭೆತಲಾ ಪಾತೆರೊನು ಕೇನಂದೆ ಪೋಯೆಡ ಆಯೆ ನಿಕ್ಕ್ ಪಿದಯಿದ ಜನೊಕುಲೆ ಲೆಕ್ಕಲಾ, ಸುಂಕದಾಯಲೆಕ್ಕಲಾ ಉಪ್ಪಡ್.
18“ಭೂಲೋಕೊಡು ನಿಕುಲು ಒವೆನ್ ಕಟ್ಟುವರಾ, ಅವು ಪರಲೋಕೊಡ್ಲಾ ಕಟ್ಟ್‌ದುಪ್ಪು. ಬೊಕ್ಕ ಭೂಲೋಕೊಡು ನಿಕುಲು ಒವೆನ್ ಗಿರ್ಪುವರಾ ಅವು ಪರಲೋಕೊಡ್ಲಾ ಗಿರ್ಪುಂಡು, ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. 19ಉಂದತ್ತಂದೆ ನಿಕ್ಲೆಡ್ ಇರ್ವೆರ್ ಒಟ್ಟಾದ್ ನಟ್ಟೊನುನ ಒವ್ವಾಂಡಲಾ ಒಂಜಿ ಕಾರ್ಯದ ಸಂಗತಿಲಾವಡ್ ಭೂಲೋಕೊಡು ಒಂಜೇ ಮನಸಾದಿತ್ತ್ಂಡ ಅವು ಪರಲೋಕೊಡುಪ್ಪು ಎನ ಅಮ್ಮೆರೆಡ್ದ್ ಅಕ್ಲೆಗ್ ಒದಗ್‌ದ್ ಬರು, ಅಂದ್‌ದ್ ಕುಡ ನಿಕ್ಲೆಗ್ ಪನ್ಪೆ. 20ದಾಯೆ ಪಂಡ ಇರ್ವೆರಾವಡ್, ಮೂವೆರಾವಡ್ ಎನ ಪುದರ್‌ಡ್ ಓಲ್ ಒಟ್ಟು ಸೇರ್ದ್ ಬರ್ಪೆರಾ ಅವುಲು ಅಕ್ಲೆ ನಡುಟು ಯಾನ್ ಉಲ್ಲೆ,” ಪಂಡೆ.
ಕನಿಕರದಾಂತಿ ಚಾಕ್ರಿದಾಯನ ಉದಾರಣೆ
21ಅಪಗ ಪೇತ್ರೆ ಆಯ ಕೈತಲ್‌ ಬತ್ತ್‌ದ್, “ಕರ್ತವಾ, ಎನ ಸಹೋದರೆ ಎಂಕ್ ತಪ್ಪು ಮಲ್ತ್ಂಡ ಏತ್ ಸರ್ತಿ ಮಾಪು ಮಲ್ಪೊಡು? ಏಳ್ ಸರ್ತಿಯ,” ಅಂದ್‌ದ್ ಕೇಂಡೆ.
22ಐಕ್ ಯೇಸು ಆಯಡ, “ಏಳ್ ಸರ್ತಿ ಪಂಡ್ದ್ ಅತ್ತ್, ಏಳ್ಪತ್ತ ಏಳ್ ಸರ್ತಿಅಂದ್‌ದ್ ನಿಕ್ಕ್ ಪನ್ಪೆ.
23“ಉಂದೆಕ್ಕಾದ್ ಪರಲೋಕ ರಾಜ್ಯ ತನ ಸೇವಕೆರೆಡ್ದ್ ಲೆಖ್ಖ ದೆತ್ತೊನಿಯೆರೆ ಮನಸ್ ಇತ್ತಿ ಒರಿ ಅರಸುಗು ಸಮ ಆದುಂಡು. 24ಆಯೆ ಲೆಖ್ಖ ದೆತ್ತೊನಿಯೆರೆ ಸುರು ಮಲ್ತಿನಪಗ ಕೋಟ್ಯಾಂತರ ದುಡ್ಡು ಸಾಲ ಮಲ್ತಿನಾಯನ್ ಒರಿಯನ್ ಆಯ ಕೈತಲ್‌ ಪತ್ತ್‌ದ್ ಕನತೆರ್. 25ಆ ಸಾಲ ಸಂದಾಯೆರೆ ಆಯಡ ದಾಲಾ ಇಜ್ಜಂದಿನೆಡ್ದ್ ಆಯನ ಧನಿ ಆಯನ್ಲಾ, ಆಯನ ಬೊಡೆದಿ ಜೋಕುಲೆನ್ಲಾ, ಆಯನ ಮಾತ ಬದ್‌ಕ್‌ನ್ಲಾ ಮಾರ್ದ್ ಸಂದಾಯ ಮಲ್ಪೆರೆ ಅಪ್ಪಣೆ ಕೊರಿಯೆ. 26ಆ ಚಾಕ್ರಿದಾಯೆ ಆಯ ಕಾರ್‌ಗ್ ಅಡ್ಡಬೂರ್ದು ಆಯಡ, ‘ಧನಿ ಒಂತೆ ತಡೆತೊನು, ನಿಕ್ಕ್ ಕೊರ್ಪಿನೆನ್ ಯಾನ್ ಕೊರ್ದು ಸಂದಾವೆ,’ ಅಂದ್‌ದ್ ಅಡ್ಡಬೂರ್ಯೆ. 27ಆ ಚಾಕ್ರಿದಾಯನ ಧನಿ ಕನಿಕರೊಡು ಆಯನ್ ಬುಡ್ಪಾದ್ ಆ ಸಾಲೊನು ಬುಡ್ದು ಬುಡಿಯೆ.
28“ಐಡ್ದ್ ಬೊಕ್ಕ ಆ ಚಾಕ್ರಿದಾಯೆ ಪಿದಯಿ ಬತ್ತ್‌ದ್ ತನ್ಕ್ ನೂದು ಪಣವು ಕೊರೊಡಿತ್ತಿ ಒರಿ ಜತೆ ಚಾಕ್ರಿದಾಯನ್ ತೂದು ಆಯನ್ ಪತ್ತ್‌ದ್, ‘ಎನ ಸಾಲ ಸಂದಾಲ,’ ಅಂದ್‌ದ್ ಆಯನ ಕೆಕ್ಕಿಲ್ ಪೊಜೆಂಕಿಯೆ. 29ಅಪಗ ಆಯನ ಜತೆ ಚಾಕ್ರಿದಾಯೆ ಆಯ ಕಾರ್‌ಗ್ ಬೂರ್ದು, ‘ಒಂತೆ ತಡೆತೊನು, ಬೂಟಾವೆ,’ ಅಂದ್‌ದ್ ನಟ್ಟೊಂಡೆ. 30ಆಂಡ ಆಯೆ ಒಪ್ಪಿಯಂದೆ ಲಕ್ಕ್‌ದ್ ಪೋದು, ಕೊರೊಡಾಪಿನ ಮಾತ ಸಾಲೊನ್ಲಾ ಸಂದಾವುನೆಟ್ಟ ಆಯನ್ ಸೆರೆಮನೆಟ್ ಪಾಡಿಯೆ. 31ಆಯ ಜತೆ ಚಾಕ್ರಿದಾಕುಲು ನಡೆತಿ ಸಂಗತಿನ್ ತೂದು ಬಾರೀ ಬೇಜಾರ್ ಮಲ್ತ್‌ದ್ ಧನಿ ಕೈತಲ್‌ ಬತ್ತ್‌ದ್ ಸಂಗತಿಲೆನ್ ತೆರಿಪಾಯೆರ್. 32ಅಪಗ ಯಜಮಾನೆ ಆಯನ್ ಲೆಪ್ಡಾದ್, ‘ಓ ನೀಚ ಚಾಕ್ರಿದಾಯಾ,’ ಈ ಎನನ್ ನಟ್ಟೊಂಡಿನೆಕ್ಕ್ ನಿನ ಸಾಲೊನು ಪೂರ ಮಾಪು ಮಲ್ತೆ. 33‘ಯಾನ್ ನಿಕ್ಕ್ ಕನಿಕರ ತೋಜಾಯಿಲೆಕ್ಕ ಈ ನಿನ ಜತೆ ಚಾಕ್ರಿದಾಯಗ್ ಕನಿಕರ ತೋಜಾಯೆರೆ ಬಲ್ಲಿತ್ತ್‌ಂಡಾ,’ ಪಂಡೆ. 34ಕೋಪೊಡು ಆಯನ ಧನಿ ತನ್ಕ್ ಕೊರೊಡಾಯಿನ ಸಾಲ ಸಂದುನೆಟ್ಟ ಆಯನ್ ಕಷ್ಟ ಕೊರ್ಪಿನಾಕುಲೆ ಕೈಕ್ ಒಚ್ಚಿದ್ ಕೊರಿಯೆ. 35ನಿಕ್ಲೆಡ್ ಪ್ರತಿಯೊರಿಲಾ ತನ ಸಹೋದ್ರನ ಪಾಪೊನು ಪೂರ್ತಿ ಮನಸ್‌ಡ್ದ್ ಮಾಪು ಮಲ್ಪಂದೆ ಪೋಯರ್ಡ, ಪರಲೋಕೊಡುಪ್ಪು ಎನ ಅಮ್ಮೆ ನಿಕ್ಲೆಗ್ ಅಂಚೆನೇ ಮಲ್ಪುವೆ,” ಪಂಡೆ.
Currently Selected:
ಮತ್ತಾಯೆ 18: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature
ಮತ್ತಾಯೆ 18
18
ತಗ್ಗ್‌ತನತ್ತ ಬಗೆಟ್
(ಮಾರ್ಕೆ 9:33-37; ಲೂಕೆ 9:46-48)
1ಆ ಸಮಯೊಡು ಶಿಷ್ಯೆರ್ ಯೇಸು ಕೈತಲ್‌ ಬತ್ತ್‌ದ್, “ಪರಲೋಕ ರಾಜ್ಯೊಡು ಏರ್ ಮಲ್ಲಾಯೆ?” ಅಂದ್‌ದ್ ಕೇನ್ನಗ 2ಆಯೆ ಎಲ್ಯ ಬಾಲೆನ್ ಕೈತಲ್‌ ಲೆತ್ತ್‌ದ್ ಅಕ್ಲೆನ ನಡುಟು ಉಂತಾದ್ 3ಅಕ್ಲೆಡ, “ನಿಕುಲು ಪಶ್ಚಾತಾಪ ಪಡೆದ್ ಕುಡೊರ ಎಲ್ಯ ಜೋಕುಲೆ ಲೆಕ್ಕ ಆವಂದೆ ಪೋಯಿಜರ್ಡ ಪರಲೋಕ ರಾಜ್ಯೊಗು ಪೋಪಿನೆ ಇಜ್ಜಿ, ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. 4ಇಂಚ ಉಪ್ಪುನೆಡ್ದ್ ಏರ್ ಈ ಎಲ್ಯ ಬಾಲೆದಲೆಕ್ಕ ತನನ್ ತಗ್ಗಾವೊನ್ವೆನಾ, ಆಯೆನೇ ಪರಲೋಕ ರಾಜ್ಯೊಡು ಮಲ್ಲಾಯೆ. 5ಉಂದತ್ತಂದೆ ಏರಾಂಡಲಾ ಎನ ಪುದರ್‌ಡ್ ಇಂಚಿನ ಒಂಜಿ ಬಾಲೆನ್ ಸೇರಾವೊಂಡೆಡ, ಎನನ್ ಸೇರಾವೊಂಡಿಲೆಕ್ಕ ಆಂಡ್.
ಪಾಪೊಡ್ದು ನರಕೊಗು ಸಾದಿ
(ಮಾರ್ಕೆ 9:42-48; ಲೂಕೆ 17:1,2)
6“ಎನ ಮಿತ್ತ್ ನಂಬಿಕೆ ದೀಪಿನ ಈ ಎಲ್ಯಾಕುಲೆಡ್ ಒರಿಯಗ್ ಏರಾಂಡಲಾ ಅಡ್ಡಿ ಮಲ್ತೆಡ ಅಂಚಿನಾಯನ ಕಂಟೆಲ್‌ಗ್ ಮಲ್ಲ ಬೀಸುನ ಕಲ್ಲ್ ಕಟ್ಟ್‌ದ್ ಕಡಲ್ದ ಗುಂಡಿಗ್ ಮುರ್ಕಾವುನವು ಎಡ್ಡೆ ಅವು. 7ಅಡ್ಡಿಲು ಬರ್ಪಿನೆಡ್ದ್ ಲೋಕೊಗು ಏತೋ ಕೇಡ್. ಅಡ್ಡಿಲು ಎಂಚಾಂಡಲಾ ಬರು. ಆಂಡಲಾ ವಾ ನರಮಾನಿಡ್ದ್ ಅಡ್ಡಿ ಆಪುಂಡಾ ಆಯನ ಗತಿನ್ ದಾನೆಂದ್ ಪನೊಲಿ?
8“ಅಂಚಾಂಡ ನಿನ ಕೈಯಾವಡ್ ಕಾರಾವಡ್ ನಿನನ್ ಪಾಪೊಗು ತಿಕ್ಕಾವುನಾಂಡ ಅವೆನ್ ಕಡ್ತ್‌ದ್ ದಕ್ಕ್‌ದ್ ಬುಡ್ಲ, ಕೈಕಾರ್ ರಡ್ಡ್‌ಲಾ ಇತ್ತ್‌ದ್ ತೆಕ್ಕಂದಿ ತೂಟು ಪಾಡ್ದಿನಾಯೆ ಆಪಿನೆಡ್ದ್ ಕೈಕಾರ್ ಕಳೆವೊಂದಿನಾಯೆ ಆದ್ ಜೀವೊಡು ಸೇರುನವು ನಿಕ್ಕ್ ಏತೋ ಎಡ್ಡೆ. 9ನಿನ ಕಣ್ಣ್ ನಿನನ್ ಪಾಪೊಗು ತಿಕ್ಕಾವುನಾಂಡ ಅವೆನ್ ಕೂಂತುದು ದಕ್ಕ್‌ಲ, ರಡ್ಡ್ ಕಣ್ಣ್ ಇತ್ತಿನಾಯೆ ಆದಿತ್ತ್‌ದ್ ತೂತ ನರಕೊಗು ಬೂರುನೆಡ್ದ್ ಒಂಜೇ ಕಣ್ಣ್ ಇತ್ತಿನಾಯೆ ಆದ್ ಜೀವೊಗು ಸೇರುನವು ನಿಕ್ಕ್ ಏತೋ ಎಡ್ಡೆ.
ತತ್ತ್ ಪೋಯಿ ಕುರಿ
(ಲೂಕೆ 15:3-7)
10“ಈ ಎಲ್ಯಾಕುಲೆಡ್ ಒರಿಯನಾಂಡಲಾ ಸಸಾರ ಮಲ್ಪಂದಿಲೆಕ್ಕ ತೂವೊನ್ಲೆ; ಅಕ್ಲೆ ದೂತೆರ್ ಪರಲೋಕೊಡು ಏಪಲಾ ಎನ ಅಮ್ಮೆರೆನ ಮೋನೆ ತೂವೊಂದುಲ್ಲೆರ್,” ಅಂದ್‌ದ್ ನಿಕ್ಲೆಗ್ ಪನ್ಪೆ. 11ನರಮಾನಿ ಮಗೆ ತತ್ತ್‌ದ್ ಪೋಯಿನೆನ್ ರಕ್ಷಣೆ ಮಲ್ಪೆರೆ ಬತ್ತೆ#18:11 ಉಂದು ವಚನ ಪರ ಗ್ರಂಥೊಡು ತೋಜಿದ್ ಬರ್ಪುಜಿ .
12“ನಿಕ್ಲೆಗ್ ಎಂಚ ತೋಜುಂಡು? ಒರಿ ನರಮಾನಿಗ್ ನೂದು ಕುರಿಕುಲು ಉಪ್ಪುನಗ ಐಟ್ಟ್ ಒಂಜಿ ಕುರಿ ತತ್ತ್‌ದ್ ಪೋಂಡ ಆಯೆ ಸೊನ್ಪತ್ತೊರ್ಂಬ ಕುರಿಕುಲೆನ್ ಗುಡ್ಡೆಡ್ ಬುಡ್ದು, ತಪ್ಪಾವೊಂದು ಪೋತಿನ ಒಂಜಿ ಕುರಿನ್ ನಾಡೊಂದು ಪೋಪೆ ಅತ್ತಾ. 13ಅವು ತಿಕ್ಕ್ಂಡ, ತತ್ತ್‌ದ್ ಪೋವಂದಿ ಸೊನ್ಪತ್ತೊರ್ಂಬ ಕುರಿಕುಲೆಡ್ದ್ ಆ ಒಂಜಿ ಕುರಿಕ್ಕಾದ್ ಮಸ್ತ್ ಸಂತೋಷ ಮಲ್ಪುವೆ ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. 14ಅಂಚೆನೇ ಈ ಎಲ್ಯಾಕುಲೆಡ್ ಒರಿಯಾಂಡಲಾ ನಾಶಾದ್ ಪೋಪಿನವು ಪರಲೋಕೊಡುಪ್ಪು ನಿಕ್ಲೆ ಅಮ್ಮೆರೆ ಚಿತ್ತ ಅತ್ತ್.
ಪಾಪೊಗು ಪರಿಹಾರ
15“ಉಂದತ್ತಂದೆ ನಿನ ಸಹೋದರೆ ನಿಕ್ಕ್ ತಪ್ಪು ಮಲ್ತೆಡ ಈ ಪೋದು ಇರ್ವೆರೆ ಉಪ್ಪುನಪಗ ಆಯನ ತಪ್ಪುನು ಆಯಗ್ ತೆರಿಪಾಲ. ಆಯೆ ನಿನ ಪಾತೆರೊನು ಕೇಂಡೆಡ ನಿನ ಸಹೋದ್ರನ್ ಗೆಂದಿಯ. 16ಆಯೆ ಕೇನಂದೆ ಪೋಂಡ ರಡ್ಡ್ ಮೂಜಿ ಜನ ಸಾಕ್ಷಿದಾಕುಲೆ ಬಾಯಿಡ್ದ್ ಪ್ರತಿಯೊಂಜಿ ಪಾತೆರಲಾ ನಿಗಂಟ್ ಆಪಿಲೆಕ್ಕ ನನಲಾ ಒರಿ ಇರ್ವೆರೆನ್ ನಿನಡೊಪ್ಪ ಲೆತ್ತೊಂದು ಪೋಲ. 17ಆಯೆ ಅಕ್ಲೆ ಪಾತೆರೊನ್ಲಾ ಕೇಂಡಿಜೆಡ ಸಭೆಕ್ ಪನ್ಲ; ಆಂಡ ಸಭೆತಲಾ ಪಾತೆರೊನು ಕೇನಂದೆ ಪೋಯೆಡ ಆಯೆ ನಿಕ್ಕ್ ಪಿದಯಿದ ಜನೊಕುಲೆ ಲೆಕ್ಕಲಾ, ಸುಂಕದಾಯಲೆಕ್ಕಲಾ ಉಪ್ಪಡ್.
18“ಭೂಲೋಕೊಡು ನಿಕುಲು ಒವೆನ್ ಕಟ್ಟುವರಾ, ಅವು ಪರಲೋಕೊಡ್ಲಾ ಕಟ್ಟ್‌ದುಪ್ಪು. ಬೊಕ್ಕ ಭೂಲೋಕೊಡು ನಿಕುಲು ಒವೆನ್ ಗಿರ್ಪುವರಾ ಅವು ಪರಲೋಕೊಡ್ಲಾ ಗಿರ್ಪುಂಡು, ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. 19ಉಂದತ್ತಂದೆ ನಿಕ್ಲೆಡ್ ಇರ್ವೆರ್ ಒಟ್ಟಾದ್ ನಟ್ಟೊನುನ ಒವ್ವಾಂಡಲಾ ಒಂಜಿ ಕಾರ್ಯದ ಸಂಗತಿಲಾವಡ್ ಭೂಲೋಕೊಡು ಒಂಜೇ ಮನಸಾದಿತ್ತ್ಂಡ ಅವು ಪರಲೋಕೊಡುಪ್ಪು ಎನ ಅಮ್ಮೆರೆಡ್ದ್ ಅಕ್ಲೆಗ್ ಒದಗ್‌ದ್ ಬರು, ಅಂದ್‌ದ್ ಕುಡ ನಿಕ್ಲೆಗ್ ಪನ್ಪೆ. 20ದಾಯೆ ಪಂಡ ಇರ್ವೆರಾವಡ್, ಮೂವೆರಾವಡ್ ಎನ ಪುದರ್‌ಡ್ ಓಲ್ ಒಟ್ಟು ಸೇರ್ದ್ ಬರ್ಪೆರಾ ಅವುಲು ಅಕ್ಲೆ ನಡುಟು ಯಾನ್ ಉಲ್ಲೆ,” ಪಂಡೆ.
ಕನಿಕರದಾಂತಿ ಚಾಕ್ರಿದಾಯನ ಉದಾರಣೆ
21ಅಪಗ ಪೇತ್ರೆ ಆಯ ಕೈತಲ್‌ ಬತ್ತ್‌ದ್, “ಕರ್ತವಾ, ಎನ ಸಹೋದರೆ ಎಂಕ್ ತಪ್ಪು ಮಲ್ತ್ಂಡ ಏತ್ ಸರ್ತಿ ಮಾಪು ಮಲ್ಪೊಡು? ಏಳ್ ಸರ್ತಿಯ,” ಅಂದ್‌ದ್ ಕೇಂಡೆ.
22ಐಕ್ ಯೇಸು ಆಯಡ, “ಏಳ್ ಸರ್ತಿ ಪಂಡ್ದ್ ಅತ್ತ್, ಏಳ್ಪತ್ತ ಏಳ್ ಸರ್ತಿಅಂದ್‌ದ್ ನಿಕ್ಕ್ ಪನ್ಪೆ.
23“ಉಂದೆಕ್ಕಾದ್ ಪರಲೋಕ ರಾಜ್ಯ ತನ ಸೇವಕೆರೆಡ್ದ್ ಲೆಖ್ಖ ದೆತ್ತೊನಿಯೆರೆ ಮನಸ್ ಇತ್ತಿ ಒರಿ ಅರಸುಗು ಸಮ ಆದುಂಡು. 24ಆಯೆ ಲೆಖ್ಖ ದೆತ್ತೊನಿಯೆರೆ ಸುರು ಮಲ್ತಿನಪಗ ಕೋಟ್ಯಾಂತರ ದುಡ್ಡು ಸಾಲ ಮಲ್ತಿನಾಯನ್ ಒರಿಯನ್ ಆಯ ಕೈತಲ್‌ ಪತ್ತ್‌ದ್ ಕನತೆರ್. 25ಆ ಸಾಲ ಸಂದಾಯೆರೆ ಆಯಡ ದಾಲಾ ಇಜ್ಜಂದಿನೆಡ್ದ್ ಆಯನ ಧನಿ ಆಯನ್ಲಾ, ಆಯನ ಬೊಡೆದಿ ಜೋಕುಲೆನ್ಲಾ, ಆಯನ ಮಾತ ಬದ್‌ಕ್‌ನ್ಲಾ ಮಾರ್ದ್ ಸಂದಾಯ ಮಲ್ಪೆರೆ ಅಪ್ಪಣೆ ಕೊರಿಯೆ. 26ಆ ಚಾಕ್ರಿದಾಯೆ ಆಯ ಕಾರ್‌ಗ್ ಅಡ್ಡಬೂರ್ದು ಆಯಡ, ‘ಧನಿ ಒಂತೆ ತಡೆತೊನು, ನಿಕ್ಕ್ ಕೊರ್ಪಿನೆನ್ ಯಾನ್ ಕೊರ್ದು ಸಂದಾವೆ,’ ಅಂದ್‌ದ್ ಅಡ್ಡಬೂರ್ಯೆ. 27ಆ ಚಾಕ್ರಿದಾಯನ ಧನಿ ಕನಿಕರೊಡು ಆಯನ್ ಬುಡ್ಪಾದ್ ಆ ಸಾಲೊನು ಬುಡ್ದು ಬುಡಿಯೆ.
28“ಐಡ್ದ್ ಬೊಕ್ಕ ಆ ಚಾಕ್ರಿದಾಯೆ ಪಿದಯಿ ಬತ್ತ್‌ದ್ ತನ್ಕ್ ನೂದು ಪಣವು ಕೊರೊಡಿತ್ತಿ ಒರಿ ಜತೆ ಚಾಕ್ರಿದಾಯನ್ ತೂದು ಆಯನ್ ಪತ್ತ್‌ದ್, ‘ಎನ ಸಾಲ ಸಂದಾಲ,’ ಅಂದ್‌ದ್ ಆಯನ ಕೆಕ್ಕಿಲ್ ಪೊಜೆಂಕಿಯೆ. 29ಅಪಗ ಆಯನ ಜತೆ ಚಾಕ್ರಿದಾಯೆ ಆಯ ಕಾರ್‌ಗ್ ಬೂರ್ದು, ‘ಒಂತೆ ತಡೆತೊನು, ಬೂಟಾವೆ,’ ಅಂದ್‌ದ್ ನಟ್ಟೊಂಡೆ. 30ಆಂಡ ಆಯೆ ಒಪ್ಪಿಯಂದೆ ಲಕ್ಕ್‌ದ್ ಪೋದು, ಕೊರೊಡಾಪಿನ ಮಾತ ಸಾಲೊನ್ಲಾ ಸಂದಾವುನೆಟ್ಟ ಆಯನ್ ಸೆರೆಮನೆಟ್ ಪಾಡಿಯೆ. 31ಆಯ ಜತೆ ಚಾಕ್ರಿದಾಕುಲು ನಡೆತಿ ಸಂಗತಿನ್ ತೂದು ಬಾರೀ ಬೇಜಾರ್ ಮಲ್ತ್‌ದ್ ಧನಿ ಕೈತಲ್‌ ಬತ್ತ್‌ದ್ ಸಂಗತಿಲೆನ್ ತೆರಿಪಾಯೆರ್. 32ಅಪಗ ಯಜಮಾನೆ ಆಯನ್ ಲೆಪ್ಡಾದ್, ‘ಓ ನೀಚ ಚಾಕ್ರಿದಾಯಾ,’ ಈ ಎನನ್ ನಟ್ಟೊಂಡಿನೆಕ್ಕ್ ನಿನ ಸಾಲೊನು ಪೂರ ಮಾಪು ಮಲ್ತೆ. 33‘ಯಾನ್ ನಿಕ್ಕ್ ಕನಿಕರ ತೋಜಾಯಿಲೆಕ್ಕ ಈ ನಿನ ಜತೆ ಚಾಕ್ರಿದಾಯಗ್ ಕನಿಕರ ತೋಜಾಯೆರೆ ಬಲ್ಲಿತ್ತ್‌ಂಡಾ,’ ಪಂಡೆ. 34ಕೋಪೊಡು ಆಯನ ಧನಿ ತನ್ಕ್ ಕೊರೊಡಾಯಿನ ಸಾಲ ಸಂದುನೆಟ್ಟ ಆಯನ್ ಕಷ್ಟ ಕೊರ್ಪಿನಾಕುಲೆ ಕೈಕ್ ಒಚ್ಚಿದ್ ಕೊರಿಯೆ. 35ನಿಕ್ಲೆಡ್ ಪ್ರತಿಯೊರಿಲಾ ತನ ಸಹೋದ್ರನ ಪಾಪೊನು ಪೂರ್ತಿ ಮನಸ್‌ಡ್ದ್ ಮಾಪು ಮಲ್ಪಂದೆ ಪೋಯರ್ಡ, ಪರಲೋಕೊಡುಪ್ಪು ಎನ ಅಮ್ಮೆ ನಿಕ್ಲೆಗ್ ಅಂಚೆನೇ ಮಲ್ಪುವೆ,” ಪಂಡೆ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature