ಮತ್ತಾಯೆ 19
19
ಕಂಡನಿ ಬೊಡೆದಿಯಾಡ್ಲೆ ನಡವಳಿಕೆ
(ಮಾರ್ಕೆ 10:1-12)
1ಯೇಸು ಈ ಪಾತೆರೊಲೆನ್ ಮುಗಿತಿ ಬೊಕ್ಕ ಗಲಿಲಾಯೊನು ಬುಡ್ದು ಯೊರ್ದಾನ್ ತುದೆತ ಆಯೆರೆಗ್ ಪೋದು ಯೂದಾಯ ಪ್ರಾಂತೊಗು ಬತ್ತೆ. 2ಮಸ್ತ್ ಜನೊಕುಲು ಆಯ ಬೆರಿಯೆ ಗುಂಪುಗುಂಪಾದ್ ಪೋಯೆರ್. ಆಯೆ ಅಕ್ಲೆನ್ ಅವುಲೇ ಗುಣ ಮಲ್ತೆ.
3ಅಪಗ ಪರಿಸಾಯೆರ್ ಆಯನ ಕೈತಲ್‌ ಬತ್ತ್‌ದ್ ಆಯನ್ ಪರೀಕ್ಷೆ ಮಲ್ಪೊಡು ಪನ್ಪಿ ಯೋಚನೆಡ್, “ಒರಿ ಒವುಲಾ ಒಂಜಿ ಕಾರಣೊಡ್ದು ತನ ಬೊಡೆದಿನ್ ಬುಡ್ದು ಬುಡ್ಪಿನವು ನ್ಯಾಯನಾ,” ಅಂದ್‌ದ್ ಕೇಂಡೆರ್.
4ಐಕ್ ಯೇಸು, “ನರಮಾನಿನ್ ಉಂಡು ಮಲ್ತಿನಾಯೆ ಆದಿಡೇ ಅಕ್ಲೆನ್ ಆಣ್ ಪೊಣ್ಣಾದ್ ಉಂಡು ಮಲ್ತ್‌ದೆ. 5ಅಕ್ಲೆ ಸಂಗತಿಡ್, ‘ಈ ಕಾರಣೊಡ್ದು ಆಣ್ ಮಗೆ ಅಪ್ಪೆನ್ಲಾ ಅಮ್ಮೆರೆನ್ಲಾ ಬುಡ್ದು ತನ ಬೊಡೆದಿನ್ ಸೇರುವೆ. ಅಕುಲು ಇರ್ವೆರ್ ಒಂಜೇ ಶರೀರ ಆದುಪ್ಪುವೆರ್,’ ಅಂದ್‌ದ್ ಪನ್ತಿನೆನ್ ನಿಕುಲು ಓದುದಿಜರಾ? 6ಇಂಚ ಉಪ್ಪುನಗ ಅಕುಲು ನನ ಇರ್ವೆರತ್ತ್, ಒಂಜೇ ಶರೀರ ಆದುಪ್ಪುವೆರ್. ಅಂಚಾಯಿನೆಡ್ದ್ ದೇವೆರ್ ಕೂಡಾಯಿನೆನ್ ನರಮಾನಿಲು ಬೇತೆ ಮಲ್ಪೆರೆ ಬಲ್ಲಿ,” ಪಂಡೆ.
7ಅಕುಲು ಆಯನ್, “ಅಂಚಾಂಡ ತ್ಯಾಗಪತ್ರ ಕೊರ್ದು ಆಲೆನ್ ಬುಡ್ದು ಬುಡೊಲಿ ಅಂದ್‌ದ್ ಮೋಶೆ ದಾಯೆ ಅಪ್ಪಣೆ ಕೊರಿಯೆ,” ಅಂದ್‌ದ್ ಕೇಂಡೆರ್. 8ಐಕ್ ಯೇಸು ಅಕ್ಲೆಡ, “ಮೋಶೆ ನಿಕ್ಲೆನ ಹಟೊನು ತೂದು ನಿಕ್ಲೆನ ಬೊಡೆದಿಯಾಡ್ಲೆನ್ ಬುಡ್ದು ಬುಡಿಯೆರೆ ಅಪ್ಪಣೆ ಕೊರಿಯೆ, ಆಂಡ ಆದಿಡ್ದೇ ಅಂಚ ಇಜ್ಜಾಂಡ್. 9ಬೊಕ್ಕ ಯಾನ್ ನಿಕ್ಲೆಗ್ ಪನ್ಪಿನಿ ದಾನೆಂದ್ಂಡ, ವ್ಯಭಿಚಾರ ಮಲ್ತಿ ಕಾರಣೊಗಾದ್ ಅತ್ತಂದೆ ತನ ಬೊಡೆದಿನ್ ಬುಡ್ದು ಬೊಕ್ಕೊರ್ತಿನ್ ಮದ್ಮೆ ಮಲ್ತೊನುನಾಯೆ ವ್ಯಭಿಚಾರ ಮಲ್ಪುನಾಯೆ ಆದುಪ್ಪುವೆ.” ಪಂಡೆ.
10ಐಕ್ ಶಿಷ್ಯೆರ್ ಬೊಡೆದಿನ ಸಂಗತಿಡ್ ಕಂಡನಿನ ಧರ್ಮ ಇಂಚ ಇತ್ತ್ಂಡ ಮದ್ಮೆ ಆವಂದೆ ಉಪ್ಪುನವು ಎಡ್ಡೆ ಅತ್ತಾ ಪಂಡೆರ್.
11ಯೇಸು ಅಕ್ಲೆಡ, “ಉಂದು ಮಾತೆರೆಗ್ಲಾ ಒಪ್ಪಿಯೆರೆ ಆವಂದ್,” ಆಂಡ “ದೇವೆರ್ ಏರೆಗ್ ವರ ಕೊರ್ತೆನಾ ಅಕ್ಲೆಗ್ ಮಾತ್ರ. 12ಅಪ್ಪೆನ ಗರ್ಭೊಡ್ದು ಶಿಕಂಡಿಲಾದ್ ಪುಟ್ಟಿನಾಕುಲು ಕೆಲೆವೆರ್ ಉಲ್ಲೆರ್. ನರಮಾನಿಡ್ದ್ ಶಿಕಂಡಿಲಾಯಿನಾಕುಲು ಕೆಲೆವೆರ್ ಉಲ್ಲೆರ್. ಬೊಕ್ಕ ಪರಲೋಕ ರಾಜ್ಯೊಗಾದ್ ತನ್ಕುಲೆನ್ ತನ್ಕುಲೇ ಶಿಕಂಡಿಲಾದ್ ಮಲ್ತೊಂಡಿನಾಕುಲು ಕೆಲೆವೆರ್ ಉಲ್ಲೆರ್. ಅಂಗೀಕಾರ ಮಲ್ಪುನಾಯೆ ಅಂಗೀಕಾರ ಮಲ್ಪಡ್,” ಅಂದ್‌ದ್ ಪಂಡೆ.
ಜೋಕುಲೆನ್ ಆಶೀರ್ವದಿಪುನವು
(ಮಾರ್ಕೆ 10:13-16; ಲೂಕೆ 18:15-17)
13ಅಪಗ ಕೆಲೆವೆರ್ ತನ್ಕುಲೆ ಎಲ್ಯ ಜೋಕುಲೆನ್ ಯೇಸುನ ಕೈತಲ್‌ ಕನತ್‌ದ್ ಆಯೆ ಅಕ್ಲೆ ಮಿತ್ತ್ ಕೈ ದೀದ್ ಪ್ರಾರ್ಥನೆ ಮಲ್ಪೊಡಂದ್ ಕೇಂಡಿನಪಗ ಶಿಷ್ಯೆರ್ ಅಕ್ಲೆನ್ ದಟ್ಟಿಯೆರ್.
14ಯೇಸು ಅಕ್ಲೆಡ, “ಜೋಕುಲೆನ್ ಎನ ಕೈತಲ್‌ ಬರಿಯೆರೆ ಬುಡ್ಲೆ. ಅಕ್ಲೆಗ್ ಅಡ್ಡಿ ಮಲ್ಪಡೆ. ಪರಲೋಕ ರಾಜ್ಯ ಇಂಚಿತ್ತಿನಾಕುಲೆನವೇ,” 15ಬೊಕ್ಕ ಜೋಕುಲೆನ ಮಿತ್ತ್ ಕೈ ದೀದ್ ಆಶೀರ್ವಾದ ಮಲ್ತೆ. ಐಡ್ದ್ ಬೊಕ್ಕ ಅಲ್ತ್‌ಡ್ದ್ ಪಿದಾಡ್ದ್ ಪೋಯೆ.
ಐಶ್ವರ್ಯವಂತೆ ಜವನ್ಯೆ
(ಮಾರ್ಕೆ 10:17-31; ಲೂಕೆ 18:18-30)
16ಅಪಗ ಒರಿ ಬತ್ತ್‌ದ್ ಆಯಡ, “ಬೋಧಕಾ, ಯಾನ್ ನಿತ್ಯಜೀವೊನು ಪಡೆಯೊಡಾಂಡ ಎಂಚಿನ ಎಡ್ಡೆ ಕಾರ್ಯ ಮಲ್ಪೊಡು,” ಅಂದ್‌ದ್ ಕೇನ್ನಗ 17ಐಕ್ ಯೇಸು ಆಯಡ, “ಎಡ್ಡೆಂತಿನೆತ್ತ ಬಗೆಟ್ ಎನಡ ದಾಯೆಗ್ ಕೇನ್ವ? ಎಡ್ಡೆಂತಿನಾಯೆ ಒರಿಯೇ, ಆಂಡ ಆ ನಿತ್ಯಜೀವೊಡು ಸೇರೊಡಾಂಡ ದೇವೆರೆ ಅಪ್ಪಣೆಲೆಗ್ ತಕ್ಕ ನಡತೊನ್ಲ,” ಅಂದ್‌ದ್ ಪಂಡೆ. 18ಆಯೆ, “ಅವು ಎಂಚಿನವು,” ಅಂದ್‌ದ್ ಕೇನ್ನಗ ಯೇಸು, “ಮಾನ್ಯ ಕೆರಿಯೆರೆ ಬಲ್ಲಿ, ವ್ಯಭಿಚಾರ ಮಲ್ಪೆರೆ ಬಲ್ಲಿ, ಕಂಡೊನಿಯೆರೆ ಬಲ್ಲಿ, ಸುಳ್ಳು ಸಾಕ್ಷಿ ಪನಿಯೆರೆ ಬಲ್ಲಿ, ನಿನ ಅಪ್ಪೆಗ್ಲಾ ಅಮ್ಮೆರೆಗ್ಲಾ ಸನ್ಮಾನ ಮಲ್ಪೊಡು. 19ಬೊಕ್ಕ ನಿನಲೆಕ್ಕನೇ ನಿನ ನಿರೆತಾಯನ್ ಪ್ರೀತಿ ಮಲ್ಪೊಡು ಪನ್ಪಿನವೇ.” 20ಆ ಜವನ್ಯೆ ಆಯಡ, “ಉಂದೆಕ್ಕ್ ಮಾತ ಸರಿಯಾದ್ ನಡತೊಂದೆ; ನನ ಎಂಚಿನ ಕಡಿಮೆ ಆದುಪ್ಪು?” ಅಂದ್‌ದ್ ಕೇನ್ನಗ 21ಯೇಸು ಆಯಡ, “ಮಾತಲಾ ಸರಿ ಆವೊಡ್ಡ ಪೋದು ನಿನ ಆಸ್ತಿನ್ ಮಾರ್ದ್ ಬಡವೆರೆಗ್ ಕೊರ್ಲ; ಪರಲೋಕೊಡು ನಿಕ್ಕ್ ಆಸ್ತಿ ಉಪ್ಪುಂಡು; ಬೊಕ್ಕ ಎನ ಬೆರಿಯೆ ಬಲ,” ಪಂಡ್ದ್ ಪಂಡೆ. 22ಆ ಜವನ್ಯಗ್ ಮಸ್ತ್ ಆಸ್ತಿ ಇತ್ತಿನೆಡ್ದ್ ಈ ಪಾತೆರೊನು ಕೇಂಡ್ದ್ ದುಃಖೊಡು ಪಿರ ಪೋಯೆ.
23ಅಪಗ ಯೇಸು ತನ ಶಿಷ್ಯೆರೆನ್ ತೂದು, “ನಿಕ್ಲೆಗ್ ನಿಜಾದ್ ಪನ್ಪೆ, ಐಶ್ವರ್ಯವಂತೆ ಪರಲೋಕ ರಾಜ್ಯೊಡು ಸೇರುನವು ಕಷ್ಟ. 24ಐಶ್ವರ್ಯವಂತೆ ದೇವೆರೆ ರಾಜ್ಯೊಡು ಸೇರುನೆಡ್ದ್ ಒಂಜಿ ಒಂಟೆ ಸೂಜಿದ ಕಣ್ಣ್‌ಡ್ ನೂರುನವು ಸುಲಭ ಅಂದ್‌ದ್ ನಿಕ್ಲೆಗ್ ಕುಡ ಪನ್ಪೆ,” ಪಂಡೆ 25ಶಿಷ್ಯೆರ್ ಉಂದೆನ್ ಕೇಂಡ್ದ್ ಅಚ್ಚಿರ ಆದ್, “ಇಂಚಾಂಡ, ಏರೆಗ್ ರಕ್ಷಣೆ ಆವು?” ಅಂದ್‌ದ್ ಕೇನ್ನಗ 26ಯೇಸು ಅಕ್ಲೆನ್ ತೂದು, “ಉಂದು ನರಮಾನಿಲೆಗ್ ಅಸಾದ್ಯದವು; ಆಂಡ ದೇವೆರೆಗ್ ಮಾತಲಾ ಸಾದ್ಯನೇ,” ಪಂಡೆ.
ಯೇಸುನು ಬುಡ್ಪಿನಾಯಗ್ ತಿಕ್ಕುನ ಪ್ರತಿಫಲ
27ಅಪಗ ಪೇತ್ರೆ ಉತ್ತರ ಕೊರ್ದು ಆಯಡ, “ಇಂದಾ, ಎಂಕುಲು ಮಾತ ಬುಡ್ದು ನಿನ ಬೆರಿಯೆ ಬೈದ; ಎಂಕ್ಲೆಗ್ ಎಂಚಿನ ತಿಕ್ಕುಂಡು?” ಅಂದ್‌ದ್ ಕೇಂಡೆ. 28ಯೇಸು ಅಕ್ಲೆಡ, “ನಿಕ್ಲೆಗ್ ನಿಜಾದ್ ಪನ್ಪೆ. ಪೊಸ ಸೃಷ್ಟಿಡ್ ನರಮಾನಿ ಮಗೆ ತನ ಮೈಮೆದ ಗದ್ದಿಗೆದ ಮಿತ್ತ್ ಕುಲ್ಲುನಗ ಎನ ಬೆರಿಯೆ ಬರ್ಪಿ ನಿಕುಲುಲಾ ಪದ್ರಾಡ್ ಗದ್ದಿಗೆಡ್ ಕುಲ್ಲೊಂದು ಇಸ್ರಾಯೇಲ್‌ದ ಪದ್ರಾಡ್ ಗೋತ್ರೊಲೆಗ್ ನ್ಯಾಯತೀರ್ಪು ಮಲ್ಪುವರ್. 29ಬೊಕ್ಕ ಎನ ಪುದರ್‌ಗಾದ್ ಇಲ್ಲ್‌ನಾವಡ್, ಮೆಗ್ಯೆಪಲಯನಾವಡ್, ಮೆಗ್ದಿಪಲಿನಾವಡ್, ಅಪ್ಪೆನಾವಡ್, ಅಮ್ಮೆರೆನಾವಡ್, ಜೋಕುಲೆನಾವಡ್, ಆಸ್ತಿನಾವಡ್ ಬುಡ್ದುಬುಡ್ತಿನಾಕುಲೆಗ್ ನೂದು ತಲಾಂತ್ ಹೆಚ್ಚ್ ತಿಕ್ಕುಂಡು. ಬೊಕ್ಕ ಅಕುಲು ನಿತ್ಯಜೀವೊಗು ಬಾಧ್ಯಸ್ತೆರಾಪೆರ್. 30ಆಂಡ ಮಸ್ತ್ ಜನ ಸುರುತ್ತಾಕುಲು ಕಡೆತ್ತಾಕುಲು ಆಪೆರ್; ಕಡೆತ್ತಾಕುಲು ಸುರುತ್ತಾಕುಲು ಆಪೆರ್.”
Currently Selected:
ಮತ್ತಾಯೆ 19: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature
ಮತ್ತಾಯೆ 19
19
ಕಂಡನಿ ಬೊಡೆದಿಯಾಡ್ಲೆ ನಡವಳಿಕೆ
(ಮಾರ್ಕೆ 10:1-12)
1ಯೇಸು ಈ ಪಾತೆರೊಲೆನ್ ಮುಗಿತಿ ಬೊಕ್ಕ ಗಲಿಲಾಯೊನು ಬುಡ್ದು ಯೊರ್ದಾನ್ ತುದೆತ ಆಯೆರೆಗ್ ಪೋದು ಯೂದಾಯ ಪ್ರಾಂತೊಗು ಬತ್ತೆ. 2ಮಸ್ತ್ ಜನೊಕುಲು ಆಯ ಬೆರಿಯೆ ಗುಂಪುಗುಂಪಾದ್ ಪೋಯೆರ್. ಆಯೆ ಅಕ್ಲೆನ್ ಅವುಲೇ ಗುಣ ಮಲ್ತೆ.
3ಅಪಗ ಪರಿಸಾಯೆರ್ ಆಯನ ಕೈತಲ್‌ ಬತ್ತ್‌ದ್ ಆಯನ್ ಪರೀಕ್ಷೆ ಮಲ್ಪೊಡು ಪನ್ಪಿ ಯೋಚನೆಡ್, “ಒರಿ ಒವುಲಾ ಒಂಜಿ ಕಾರಣೊಡ್ದು ತನ ಬೊಡೆದಿನ್ ಬುಡ್ದು ಬುಡ್ಪಿನವು ನ್ಯಾಯನಾ,” ಅಂದ್‌ದ್ ಕೇಂಡೆರ್.
4ಐಕ್ ಯೇಸು, “ನರಮಾನಿನ್ ಉಂಡು ಮಲ್ತಿನಾಯೆ ಆದಿಡೇ ಅಕ್ಲೆನ್ ಆಣ್ ಪೊಣ್ಣಾದ್ ಉಂಡು ಮಲ್ತ್‌ದೆ. 5ಅಕ್ಲೆ ಸಂಗತಿಡ್, ‘ಈ ಕಾರಣೊಡ್ದು ಆಣ್ ಮಗೆ ಅಪ್ಪೆನ್ಲಾ ಅಮ್ಮೆರೆನ್ಲಾ ಬುಡ್ದು ತನ ಬೊಡೆದಿನ್ ಸೇರುವೆ. ಅಕುಲು ಇರ್ವೆರ್ ಒಂಜೇ ಶರೀರ ಆದುಪ್ಪುವೆರ್,’ ಅಂದ್‌ದ್ ಪನ್ತಿನೆನ್ ನಿಕುಲು ಓದುದಿಜರಾ? 6ಇಂಚ ಉಪ್ಪುನಗ ಅಕುಲು ನನ ಇರ್ವೆರತ್ತ್, ಒಂಜೇ ಶರೀರ ಆದುಪ್ಪುವೆರ್. ಅಂಚಾಯಿನೆಡ್ದ್ ದೇವೆರ್ ಕೂಡಾಯಿನೆನ್ ನರಮಾನಿಲು ಬೇತೆ ಮಲ್ಪೆರೆ ಬಲ್ಲಿ,” ಪಂಡೆ.
7ಅಕುಲು ಆಯನ್, “ಅಂಚಾಂಡ ತ್ಯಾಗಪತ್ರ ಕೊರ್ದು ಆಲೆನ್ ಬುಡ್ದು ಬುಡೊಲಿ ಅಂದ್‌ದ್ ಮೋಶೆ ದಾಯೆ ಅಪ್ಪಣೆ ಕೊರಿಯೆ,” ಅಂದ್‌ದ್ ಕೇಂಡೆರ್. 8ಐಕ್ ಯೇಸು ಅಕ್ಲೆಡ, “ಮೋಶೆ ನಿಕ್ಲೆನ ಹಟೊನು ತೂದು ನಿಕ್ಲೆನ ಬೊಡೆದಿಯಾಡ್ಲೆನ್ ಬುಡ್ದು ಬುಡಿಯೆರೆ ಅಪ್ಪಣೆ ಕೊರಿಯೆ, ಆಂಡ ಆದಿಡ್ದೇ ಅಂಚ ಇಜ್ಜಾಂಡ್. 9ಬೊಕ್ಕ ಯಾನ್ ನಿಕ್ಲೆಗ್ ಪನ್ಪಿನಿ ದಾನೆಂದ್ಂಡ, ವ್ಯಭಿಚಾರ ಮಲ್ತಿ ಕಾರಣೊಗಾದ್ ಅತ್ತಂದೆ ತನ ಬೊಡೆದಿನ್ ಬುಡ್ದು ಬೊಕ್ಕೊರ್ತಿನ್ ಮದ್ಮೆ ಮಲ್ತೊನುನಾಯೆ ವ್ಯಭಿಚಾರ ಮಲ್ಪುನಾಯೆ ಆದುಪ್ಪುವೆ.” ಪಂಡೆ.
10ಐಕ್ ಶಿಷ್ಯೆರ್ ಬೊಡೆದಿನ ಸಂಗತಿಡ್ ಕಂಡನಿನ ಧರ್ಮ ಇಂಚ ಇತ್ತ್ಂಡ ಮದ್ಮೆ ಆವಂದೆ ಉಪ್ಪುನವು ಎಡ್ಡೆ ಅತ್ತಾ ಪಂಡೆರ್.
11ಯೇಸು ಅಕ್ಲೆಡ, “ಉಂದು ಮಾತೆರೆಗ್ಲಾ ಒಪ್ಪಿಯೆರೆ ಆವಂದ್,” ಆಂಡ “ದೇವೆರ್ ಏರೆಗ್ ವರ ಕೊರ್ತೆನಾ ಅಕ್ಲೆಗ್ ಮಾತ್ರ. 12ಅಪ್ಪೆನ ಗರ್ಭೊಡ್ದು ಶಿಕಂಡಿಲಾದ್ ಪುಟ್ಟಿನಾಕುಲು ಕೆಲೆವೆರ್ ಉಲ್ಲೆರ್. ನರಮಾನಿಡ್ದ್ ಶಿಕಂಡಿಲಾಯಿನಾಕುಲು ಕೆಲೆವೆರ್ ಉಲ್ಲೆರ್. ಬೊಕ್ಕ ಪರಲೋಕ ರಾಜ್ಯೊಗಾದ್ ತನ್ಕುಲೆನ್ ತನ್ಕುಲೇ ಶಿಕಂಡಿಲಾದ್ ಮಲ್ತೊಂಡಿನಾಕುಲು ಕೆಲೆವೆರ್ ಉಲ್ಲೆರ್. ಅಂಗೀಕಾರ ಮಲ್ಪುನಾಯೆ ಅಂಗೀಕಾರ ಮಲ್ಪಡ್,” ಅಂದ್‌ದ್ ಪಂಡೆ.
ಜೋಕುಲೆನ್ ಆಶೀರ್ವದಿಪುನವು
(ಮಾರ್ಕೆ 10:13-16; ಲೂಕೆ 18:15-17)
13ಅಪಗ ಕೆಲೆವೆರ್ ತನ್ಕುಲೆ ಎಲ್ಯ ಜೋಕುಲೆನ್ ಯೇಸುನ ಕೈತಲ್‌ ಕನತ್‌ದ್ ಆಯೆ ಅಕ್ಲೆ ಮಿತ್ತ್ ಕೈ ದೀದ್ ಪ್ರಾರ್ಥನೆ ಮಲ್ಪೊಡಂದ್ ಕೇಂಡಿನಪಗ ಶಿಷ್ಯೆರ್ ಅಕ್ಲೆನ್ ದಟ್ಟಿಯೆರ್.
14ಯೇಸು ಅಕ್ಲೆಡ, “ಜೋಕುಲೆನ್ ಎನ ಕೈತಲ್‌ ಬರಿಯೆರೆ ಬುಡ್ಲೆ. ಅಕ್ಲೆಗ್ ಅಡ್ಡಿ ಮಲ್ಪಡೆ. ಪರಲೋಕ ರಾಜ್ಯ ಇಂಚಿತ್ತಿನಾಕುಲೆನವೇ,” 15ಬೊಕ್ಕ ಜೋಕುಲೆನ ಮಿತ್ತ್ ಕೈ ದೀದ್ ಆಶೀರ್ವಾದ ಮಲ್ತೆ. ಐಡ್ದ್ ಬೊಕ್ಕ ಅಲ್ತ್‌ಡ್ದ್ ಪಿದಾಡ್ದ್ ಪೋಯೆ.
ಐಶ್ವರ್ಯವಂತೆ ಜವನ್ಯೆ
(ಮಾರ್ಕೆ 10:17-31; ಲೂಕೆ 18:18-30)
16ಅಪಗ ಒರಿ ಬತ್ತ್‌ದ್ ಆಯಡ, “ಬೋಧಕಾ, ಯಾನ್ ನಿತ್ಯಜೀವೊನು ಪಡೆಯೊಡಾಂಡ ಎಂಚಿನ ಎಡ್ಡೆ ಕಾರ್ಯ ಮಲ್ಪೊಡು,” ಅಂದ್‌ದ್ ಕೇನ್ನಗ 17ಐಕ್ ಯೇಸು ಆಯಡ, “ಎಡ್ಡೆಂತಿನೆತ್ತ ಬಗೆಟ್ ಎನಡ ದಾಯೆಗ್ ಕೇನ್ವ? ಎಡ್ಡೆಂತಿನಾಯೆ ಒರಿಯೇ, ಆಂಡ ಆ ನಿತ್ಯಜೀವೊಡು ಸೇರೊಡಾಂಡ ದೇವೆರೆ ಅಪ್ಪಣೆಲೆಗ್ ತಕ್ಕ ನಡತೊನ್ಲ,” ಅಂದ್‌ದ್ ಪಂಡೆ. 18ಆಯೆ, “ಅವು ಎಂಚಿನವು,” ಅಂದ್‌ದ್ ಕೇನ್ನಗ ಯೇಸು, “ಮಾನ್ಯ ಕೆರಿಯೆರೆ ಬಲ್ಲಿ, ವ್ಯಭಿಚಾರ ಮಲ್ಪೆರೆ ಬಲ್ಲಿ, ಕಂಡೊನಿಯೆರೆ ಬಲ್ಲಿ, ಸುಳ್ಳು ಸಾಕ್ಷಿ ಪನಿಯೆರೆ ಬಲ್ಲಿ, ನಿನ ಅಪ್ಪೆಗ್ಲಾ ಅಮ್ಮೆರೆಗ್ಲಾ ಸನ್ಮಾನ ಮಲ್ಪೊಡು. 19ಬೊಕ್ಕ ನಿನಲೆಕ್ಕನೇ ನಿನ ನಿರೆತಾಯನ್ ಪ್ರೀತಿ ಮಲ್ಪೊಡು ಪನ್ಪಿನವೇ.” 20ಆ ಜವನ್ಯೆ ಆಯಡ, “ಉಂದೆಕ್ಕ್ ಮಾತ ಸರಿಯಾದ್ ನಡತೊಂದೆ; ನನ ಎಂಚಿನ ಕಡಿಮೆ ಆದುಪ್ಪು?” ಅಂದ್‌ದ್ ಕೇನ್ನಗ 21ಯೇಸು ಆಯಡ, “ಮಾತಲಾ ಸರಿ ಆವೊಡ್ಡ ಪೋದು ನಿನ ಆಸ್ತಿನ್ ಮಾರ್ದ್ ಬಡವೆರೆಗ್ ಕೊರ್ಲ; ಪರಲೋಕೊಡು ನಿಕ್ಕ್ ಆಸ್ತಿ ಉಪ್ಪುಂಡು; ಬೊಕ್ಕ ಎನ ಬೆರಿಯೆ ಬಲ,” ಪಂಡ್ದ್ ಪಂಡೆ. 22ಆ ಜವನ್ಯಗ್ ಮಸ್ತ್ ಆಸ್ತಿ ಇತ್ತಿನೆಡ್ದ್ ಈ ಪಾತೆರೊನು ಕೇಂಡ್ದ್ ದುಃಖೊಡು ಪಿರ ಪೋಯೆ.
23ಅಪಗ ಯೇಸು ತನ ಶಿಷ್ಯೆರೆನ್ ತೂದು, “ನಿಕ್ಲೆಗ್ ನಿಜಾದ್ ಪನ್ಪೆ, ಐಶ್ವರ್ಯವಂತೆ ಪರಲೋಕ ರಾಜ್ಯೊಡು ಸೇರುನವು ಕಷ್ಟ. 24ಐಶ್ವರ್ಯವಂತೆ ದೇವೆರೆ ರಾಜ್ಯೊಡು ಸೇರುನೆಡ್ದ್ ಒಂಜಿ ಒಂಟೆ ಸೂಜಿದ ಕಣ್ಣ್‌ಡ್ ನೂರುನವು ಸುಲಭ ಅಂದ್‌ದ್ ನಿಕ್ಲೆಗ್ ಕುಡ ಪನ್ಪೆ,” ಪಂಡೆ 25ಶಿಷ್ಯೆರ್ ಉಂದೆನ್ ಕೇಂಡ್ದ್ ಅಚ್ಚಿರ ಆದ್, “ಇಂಚಾಂಡ, ಏರೆಗ್ ರಕ್ಷಣೆ ಆವು?” ಅಂದ್‌ದ್ ಕೇನ್ನಗ 26ಯೇಸು ಅಕ್ಲೆನ್ ತೂದು, “ಉಂದು ನರಮಾನಿಲೆಗ್ ಅಸಾದ್ಯದವು; ಆಂಡ ದೇವೆರೆಗ್ ಮಾತಲಾ ಸಾದ್ಯನೇ,” ಪಂಡೆ.
ಯೇಸುನು ಬುಡ್ಪಿನಾಯಗ್ ತಿಕ್ಕುನ ಪ್ರತಿಫಲ
27ಅಪಗ ಪೇತ್ರೆ ಉತ್ತರ ಕೊರ್ದು ಆಯಡ, “ಇಂದಾ, ಎಂಕುಲು ಮಾತ ಬುಡ್ದು ನಿನ ಬೆರಿಯೆ ಬೈದ; ಎಂಕ್ಲೆಗ್ ಎಂಚಿನ ತಿಕ್ಕುಂಡು?” ಅಂದ್‌ದ್ ಕೇಂಡೆ. 28ಯೇಸು ಅಕ್ಲೆಡ, “ನಿಕ್ಲೆಗ್ ನಿಜಾದ್ ಪನ್ಪೆ. ಪೊಸ ಸೃಷ್ಟಿಡ್ ನರಮಾನಿ ಮಗೆ ತನ ಮೈಮೆದ ಗದ್ದಿಗೆದ ಮಿತ್ತ್ ಕುಲ್ಲುನಗ ಎನ ಬೆರಿಯೆ ಬರ್ಪಿ ನಿಕುಲುಲಾ ಪದ್ರಾಡ್ ಗದ್ದಿಗೆಡ್ ಕುಲ್ಲೊಂದು ಇಸ್ರಾಯೇಲ್‌ದ ಪದ್ರಾಡ್ ಗೋತ್ರೊಲೆಗ್ ನ್ಯಾಯತೀರ್ಪು ಮಲ್ಪುವರ್. 29ಬೊಕ್ಕ ಎನ ಪುದರ್‌ಗಾದ್ ಇಲ್ಲ್‌ನಾವಡ್, ಮೆಗ್ಯೆಪಲಯನಾವಡ್, ಮೆಗ್ದಿಪಲಿನಾವಡ್, ಅಪ್ಪೆನಾವಡ್, ಅಮ್ಮೆರೆನಾವಡ್, ಜೋಕುಲೆನಾವಡ್, ಆಸ್ತಿನಾವಡ್ ಬುಡ್ದುಬುಡ್ತಿನಾಕುಲೆಗ್ ನೂದು ತಲಾಂತ್ ಹೆಚ್ಚ್ ತಿಕ್ಕುಂಡು. ಬೊಕ್ಕ ಅಕುಲು ನಿತ್ಯಜೀವೊಗು ಬಾಧ್ಯಸ್ತೆರಾಪೆರ್. 30ಆಂಡ ಮಸ್ತ್ ಜನ ಸುರುತ್ತಾಕುಲು ಕಡೆತ್ತಾಕುಲು ಆಪೆರ್; ಕಡೆತ್ತಾಕುಲು ಸುರುತ್ತಾಕುಲು ಆಪೆರ್.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature