ಮತ್ತಾಯೆ 23
23
ಶಾಸ್ತ್ರಿಲೆ ಬಗೆಟ್ ಎಚ್ಚರಿಕೆ
(ಮಾರ್ಕೆ 12:38,39; ಲೂಕೆ 11:43,46; 20:45,46)
1ಬೊಕ್ಕ ಯೇಸು ಜನೊಕುಲೆ ಗುಂಪುಗ್ಲಾ, ತನ ಶಿಷ್ಯೆರೆಗ್ಲಾ ಪಂಡಿನಿ ದಾನೆ ಪಂಡ, 2“ಶಾಸ್ತ್ರಿಲುಲಾ ಪರಿಸಾಯೆರ್‌ಲಾ ಮೋಶೆನ ಗದ್ದಿಗೆಡ್ ಕುಲ್ಲೊಂದುಲ್ಲೆರ್. 3ಅಂಚಾಯಿನೆಡ್ದ್ ಅಕುಲು ನಿಕ್ಲೆಗ್ ಎಂಚೆಂಚಿನ ಪನ್ಪೆರಾ ಅವೆನ್ ಮಾತ ಮಲ್ಪುಲೆ, ತಾಳೊನ್ಲೆ. ಆಂಡ ಅಕ್ಲೆನ ನಡತೆದ ಲೆಕ್ಕ ನಡಪಡೆ. ಅಕುಲು ಪನ್ಪಿನೆ ಅತ್ತಂದೆ ಅಂಚ ನಡಪುಜೆರ್. 4ಅಕುಲು ಜನೊಕುಲೆ ಮಿತ್ತ್ ತುಂಬೆರೆ ತೀರಂದಿ ಪುದೆಕ್ಲೆನ್ ತುಂಬಾವೆರ್; ಆಂಡ ತನ್ಕುಲು ಆ ಪುದೆಕ್ಲೆನ್ ಒಂಜಿ ಬಿರೆಲ್‌ಡ್ದ್‌ಲಾ ಮುಟ್ಟುಜೆರ್. 5ಅಕುಲು ತನ್ಕುಲೆ ಬೇಲೆ ಮಾತ ಜನೊಕುಲೆಗ್ ತೋಜೊಡು ಅಂದ್‌ದ್ ಮಲ್ಪುವೆರ್. ತನ್ಕುಲು ಶಾಸ್ತ್ರದ ಪಟ್ಟಿಲೆನ್ ಅಗೆಲ ದೀದ್ ಮುಂಡೊಡು ಕಟ್ಟ್‌ದ್ ಕುಂಟುದ ಗೊಂಡೆಲೆನ್ ಉದ್ಧ ಮಲ್ಪುವೆರ್. 6ಉಂದತ್ತಂದೆ ಲೇಸ್‌ಲೆಡ್ ಸುರುತ್ತ ಪಂತೆ, ಸಭಾಮಂದಿರೊಡು ಮಲ್ಲಸ್ಥಾನೊಲು, 7ಅಂಗಡಿ ಸಾದಿಲೆಡ್ ವಂದನೆಲು, ಜನೊಕುಲೆಡ್ದ್ ಬೋಧಕೆರಂದ್‌ದ್ ಪನ್ಪಾವೊನ್ನವು ಅಕ್ಲೆಗ್ ಇಷ್ಟ. 8ಆಂಡ ನಿಕುಲು ಬೋಧಕೆರಂದ್‌ದ್ ಪನ್ಪಾವೊನಡೆ; ದಾಯೆಗ್ ಪಂಡ ಕ್ರಿಸ್ತೆ ಒರಿಯೇ ನಿಕ್ಲೆಗ್ ಬೋಧಕೆ, ನಿಕುಲು ಮಾತ ಸಹೋದ್ರೆರ್. 9ಉಂದತ್ತಂದೆ ಭೂಲೋಕೊಡು ಏರೆನ್ಲಾ ಎಂಕುಲೆ ಅಮ್ಮೆ ಅಂದ್‌ದ್ ಲೆಪ್ಪಡೆ, ಪರಲೋಕೊಡುಪ್ಪು ಒರಿಯೇ ನಿಕ್ಲೆಗ್ ಅಮ್ಮೆ. 10ಬೊಕ್ಕ ಗುರುಕುಲು ಅಂದ್‌ದ್ ಲೆಪ್ಪಾವೊನಡೆ; ಕ್ರಿಸ್ತೆ ಒರಿಯೇ ನಿಕ್ಲೆಗ್ ಗುರು. 11ನಿಕ್ಲೆಡ್ ಮಿತ್ತ್‌ದ ಸ್ಥಾನೊಡು ಉಪ್ಪುನಾಯೆ ನಿಕ್ಲೆನ ಸೇವಕೆ ಆದುಪ್ಪೊಡು. 12ಏರ್ ತನನ್ ಹೆಚ್ಚಾವೊನ್ವೆನಾ ದೇವೆರ್ ಆಯನ್ ತಗ್ಗಾವೆ. ಏರ್ ತನನ್ ತಾನ್ ತಗ್ಗಾವೊನ್ವೆನಾ ದೇವೆರ್ ಆಯನ್ ಮಲ್ಲ ಸ್ಥಾನೊಗು ಏರಾವೆ.
ಕಪಟಿಲಾಯಿ ಶಾಸ್ತ್ರಿಲೆಗ್ ಬೋಧನೆ
(ಮಾರ್ಕೆ 12:40; ಲೂಕೆ 11:39-42,44,52; 20:47)
13“ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ಪರಲೋಕ ರಾಜ್ಯದ ಬಾಕಿಲ್‌ನ್ ನರಮಾನಿಲೆ ಎದುರು ಮುಚ್ಚಿದ್ ಬುಡ್ಪರ್, ನಿಕುಲಾಂಡಲಾ ಉಲಯಿ ಪೋಪುಜರ್, ಉಲಯಿ ಪೋವೊಡಂದ್ ಉಪ್ಪುನಾಕುಲೆನ್ಲಾ ಪೋಯೆರೆ ಬುಡ್ಪುಜರ್. 14ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ತೂಪೆರ್ ಪಂಡ್ದ್ ಉದ್ಧದ ಪ್ರಾರ್ಥನೆನ್ ಮಲ್ಪುವರ್, ಮೊಕುಲು ಕಂಡನಿದಾಂತಿನಾಕುಲೆನ ಇಲ್ಲ್‌ಲೆನ್ ಸ್ವಾದೀನ ಮಲ್ಪುವೆರ್. ಇಂಚಿತ್ತಿನಾಕುಲು ಹೆಚ್ಚಿನ ದಂಡನೆಗ್ ಒಳಗಾಪೆರ್. 15ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ನಿಕುಲು ಒರಿಯನ್ ನಿಕ್ಲೆನ ಜಾತಿಗ್ ಸೇರಾಯೆರೆ ಬೋಡಾದ್ ಭೂಮಿನ್ಲಾ ಕಡಲ್‌ನ್ಲಾ ಸುತ್ತುದು ಬರ್ಪರ್. ಆಯೆ ಸೇರಿ ಬೊಕ್ಕ ಆಯನ್ ನಿಕ್ಲೆಡ್ದ್ ರಡ್ದ್ ಪಾಲ್ ನರಕದಾಯಾದ್ ಮಲ್ಪುವರ್.
16“ಅಯ್ಯೋ, ಸಾದಿ ತೂಪಾವುನ ಕುರುಡೆರೇ, ‘ಒರಿ ದೇವಾಲಯದ ಮಿತ್ತ್ ಆಜ ದೀಯೆಡ ಅವು ದಾಲ ಆಜ ಅತ್ತ್,’ ಆಂಡ ‘ಒರಿ ದೇವಾಲಯದ ಬಂಗಾರ್‌ದ ಮಿತ್ತ್ ಆಜ ದೀವೊಂಡೆಡ ಅವೆನ್ ನಡಪಾವೊಡೇ,’ ಅಂದ್‌ದ್ ಪನ್ಪರ್. 17ಮರ್ಲೆರೇ, ಕುರುಡೆರೇ, ಒವು ಹೆಚ್ಚ್‌ದವು? ಬಂಗಾರನಾ, ಬಂಗಾರ್‌ನ್ ಪರಿಶುದ್ಧ ಮಲ್ಪುನ ದೇವಾಲಯನಾ? 18‘ಒರಿ ಬಲಿಪೀಠದ ಮಿತ್ತ್ ಆಜ ದೀವೊಂಡೆಡ ಅವು ದಾಲ ಆಜ ಅತ್ತ್,’ ಆಂಡ ‘ಐಟ್ಟುಪ್ಪು ಕಾಣಿಕೆದ ಮಿತ್ತ್ ಆಜ ದೀಯೆಡ ಅವೆನ್ ನಡಪಾವೊಡೇ,’ ಅಂದ್‌ದ್ ಪನ್ಪರ್. 19ಕುರುಡೆರೇ ಒವು ಹೆಚ್ಚ್‌ದವು? ಕಾಣಿಕೆನಾ, ಆ ಕಾಣಿಕೆನ್ ಪರಿಶುದ್ಧ ಮಲ್ಪುನ ಬಲಿಪೀಠನಾ? 20ಇಂಚಾಯಿನೆಡ್ದ್ ಬಲಿಪೀಠದ ಮಿತ್ತ್ ಆಜ ಪಾಡ್‌ಂಡ ಐತ ಮಿತ್ತ್‌ಲಾ ಐತ ಮಿತ್ತುಪ್ಪು ಮಾತೆತ್ತ ಮಿತ್ತ್‌ಲಾ ಆಜ ಪಾಡಿಲೆಕ್ಕ ಆಂಡ್. 21ದೇವಾಲಯದ ಮಿತ್ತ್ ಆಜ ದೀಂಡ ಐತ ಮಿತ್ತ್‌ಲಾ ಐಟ್ಟ್ ಉಪ್ಪುನಾಯನ ಮಿತ್ತ್‌ಲಾ ಆಜ ದೀಯಿಲೆಕ್ಕ ಆಂಡ್. ಅಂಚೆನೇ ದೇವಾಲಯದ ಆಜ ಪಾಡುನಾಯೆ ಆಯೆ ದೇವಾಲಯದ ಮಿತ್ತ್‌ಲಾ ಬೊಕ್ಕ ಐಟ್ಟ್ ಉಪ್ಪುನ ದೇವೆರೆನ ಮಿತ್ತ್‌ಲಾ ಆಜ ಪಾಡುಲೆಕ್ಕ ಆಂಡ್. 22ಪರಲೋಕದ ಮಿತ್ತ್ ಆಜ ಪಾಡುನಾಯೆ ದೇವೆರೆ ಗದ್ದಿಗೆದ ಮಿತ್ತ್‌ಲಾ ಐಟ್ಟ್ ಕುಲ್ಲುದಿನಾಯನ ಮಿತ್ತ್‌ಲಾ ಆಜ ಪಾಡುಲೆಕ್ಕ ಆಂಡ್.
23“ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ನಿಕುಲು ಪುದಿನ, ಮೆತ್ತೆ, ಸಬ್ಬಸಿಗೆ ಸೊಪ್ಪು, ಜೀರ್ದರಿಲೆಡ್ ಪತ್ತೆಟ್ಟ್ ಒಂಜಿ ಪಾಲ್ ಕೊರ್ಪರ್ ಸರಿ, ಆಂಡ ನ್ಯಾಯಕಟ್ಟ್‌ಡ್ ಮಾರ್ಯಾದಿಡುಪ್ಪುನ ನ್ಯಾಯೊನ್ಲಾ, ಕರುಣೆನ್ಲಾ, ನಂಬಿಕೆನ್ಲಾ ಬುಡ್ದು ಬುಡಿಯರ್. ಉಂದೆನ್ ಮಲ್ಪೊಡಾದಿತ್ತ್‌ಂಡ್; ಅವೆನ್ಲಾ ಬುಡಿಯೆರೆ ಬಲ್ಲಿ. 24ಸಾದಿ ತೋಜಾವುನ ಕುರುಡೆರೆ, ನಿಕುಲು ಉಮಿಲ್ ಗಾಳ್ಯುನಾಕುಲುಲಾ ಒಂಟೆ ದಿಂಗುನಾಕುಲುಲಾ 25ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ನಿಕುಲು ಚೊಂಬು, ಬಟ್ಟಲ್‌ನ್ ಪಿದಾಯಿಡ್ದ್ ಸೂಕ್ಷ್ಮೊಡು ದೆಕ್ಕುವರ್, ಆಂಡ ಉಲಯಿಡ್ದ್ ಕಲೆಂಗ್ ಪತ್ತಿದಿನವು ದುರಾಸೆಡ್ದ್‌ಲಾ ಸುಲಿಗೆಲೆಡ್ದ್‌ಲಾ ದಿಂಜಿದಿನವು ಆದುಪ್ಪುಂಡು. 26ಕುರುಡೆ ಆದುಪ್ಪು ಪರಿಸಾಯಾ, ದುಂಬತ್ತ ಚೊಂಬು, ಬಟ್ಟಲ್ದ ಉಲಯಿದೆನ್ ದೆಕ್ಕ್‌ಲ ಅಪಗ ಪಿದಯಿದವುಲಾ ಮಿಂಚ್ಚುಂಡು.
27“ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ನಿಕುಲು ಸುಣ್ಣ ಕೊರ್ತಿ ಸಮಾಧಿದ ಲೆಕ್ಕ ಉಲ್ಲರ್. ಆ ಸಮಾಧಿ ಪಿದಯಿಡ್ದ್ ಬಾರಿ ಪೊರ್ಲು ತೋಜುಂಡು, ಆಂಡ ಉಲಯಿ ತೂಂಡ ಸೈತಿನಾಕುಲೆನ ಎಲುಡ್ದುಲಾ, ಮಾತ ಗಲೀಜಿಡ್ದ್‌ಲಾ ದಿಂಜಿದಿಪ್ಪುಂಡು. 28ಅಂಚೆನೇ ನಿಕುಲುಲಾ ಪಿದಯಿ ಜನೊಕುಲೆಗ್ ನೀತಿವಂತೆರ್ ಲೆಕ್ಕ ತೋಜಾವೊನ್ವರ್ ಸರಿ, ಉಲಯಿ ಕಪಟೊಡ್ದುಲಾ ಅನ್ಯಾಯೊಡ್ದುಲಾ ದಿಂಜಿದಿನಕುಲಾದುಲ್ಲರ್.
ಕಪಟಿಲೆಗ್ ಆಪಿ ಶಿಕ್ಷೆ
(ಲೂಕೆ 11:47-51)
29“ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ನಿಕುಲು ಪ್ರವಾದಿಲೆ ಸಮಾಧಿಲೆನ್ ಕಟ್ಟ್‌ದ್ ನೀತಿವಂತೆರೆ ಗೋರಿಲೆನ್ ಸಿಂಗಾರ ಮಲ್ತ್‌ದ್ 30ಎಂಕುಲು ಎಂಕಲ್ನ ಹಿರಿಯೆರೆ ಕಾಲೊಡು ಇತ್ತುದ್ವಡ ಪ್ರವಾದಿಲೆ ನೆತ್ತೆರ್‌ಡ್ ಪಾಲ್‌ದಾರೆರ್ ಆತ್ವಯ ಪನ್ಪರ್. 31ಅಂಚಾಂಡ ನಿಕುಲು ಪ್ರವಾದಿಲೆನ್ ಕೆರಿನಕುಲೆ ಜೋಕುಲೇ ಅಂದ್‌ದ್ ನಿಕ್ಲೆಗ್ ನಿಕುಲೇ ಸಾಕ್ಷಿ ಆದುಲ್ಲರ್. 32ಎಡ್ಡೆ, ನಿಕುಲು ನಿಕ್ಲೆ ಹಿರಿಯೆರೆ ಪಾಪದ ಆಳತೆನ್ ಪೂರ್ತಿ ಮಲ್ಪುಲೆ. 33ಕಂದೊಡಿಲೇ! ಸರ್ಪ ಜಾತಿಲೇ ನರಕದ ದಂಡನೆಗ್ ಎಂಚ ತಪ್ಪವೊನ್ವರ್? 34ಅಂಚಾಯಿನೆಡ್ದ್ ತೂಲೇ, ಯಾನ್ ನಿಕ್ಲೆ ಕೈತಲ್‌ ಪ್ರವಾದಿಲೆನ್ಲಾ, ಬುದ್ಧಿವಂತೆರೆನ್ಲಾ ಶಾಸ್ತ್ರಿಲೆನ್ಲಾ ಕಡಪುಡ್ವೆ; ಅಕ್ಲೆಡ್ ಕೆಲೆವೆರೆನ್ ಕೆರುವರ್‌, ಕ್ರುಸ್ಸುಗು ಪಾಡ್ವರ್; ಕೆಲೆವೆರೆನ್ ನಿಕ್ಲೆ ಸಭಾಮಂದಿರೊಲೆಡ್ ಸೋಂಟೆಡ್ ಹಾಕ್‌ದ್ ಊರುಡ್ದು ಊರುಗು ಗಿಡ್ತೊಂದು ಪೋವರ್. 35ಇಂಚ ನೀತಿವಂತೆ ಆದಿತ್ತಿ ಹೇಬೇಲ್‌ನ ನೆತ್ತೆರೆಡ್ದ್ ಸುರುವಾದ್ ದೇವಾಲಯೊಗ್ಲಾ, ಬಲಿಪೀಠದ ನಡುಟು ನಿಕುಲು ಕೆರ್ದ್ ಪಾಡಿನ ಬರಕೀಯನ ಮಗೆ ಆದುಪ್ಪು ಜಕರೀಯನ ನೆತ್ತೆರ್ ಮುಟ್ಟ ಭೂಮಿದ ಮಿತ್ತ್ ಜಪುಡಾಯಿನ ನೀತಿವಂತೆರೆ ನೆತ್ತೆರೆಡ್ದ್ ಆಯಿನ ಅಪರಾಧ ನಿಕ್ಲೆ ತರೆತ ಮಿತ್ತ್ ಬರು. 36ಅವು ಮಾತ ಈ ಸಂತಾನದ ಮಿತ್ತ್ ಬರು ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ.
ಯೆರೂಸಲೇಮುಗು ಬೋಡಾದ್ ದುಃಖ ಪಡೆಯಿನವು
(ಲೂಕೆ 13:34,35)
37“ಯೆರೂಸಲೇಮೋ, ಯೆರೂಸಲೇಮೋ ಪ್ರವಾದಿಲೆ ಪ್ರಾಣ ದೆಪ್ಪುನಾಲೇ, ದೇವೆರ್ ನಿನ ಕೈತಲ್‌ ಕಡಪುಡ್ದು ಕೊರ್ತಿನಾಕುಲೆನ್ ಕಲ್ಲ್ ದಕ್ಕ್‌ದ್ ಕೆರ್ಪಿನಾಲೇ, ಕೋರಿ ತನ ಕಿನ್ನಿಲೆನ್ ರೆಂಕೆದ ಅಡಿಟ್ಟ್ ಕುಲ್ಲಾವುಲೆಕ್ಕ ನಿನ ಜೋಕುಲೆನ್ ಕುಲ್ಲಾಯೆರೆ ಎಂಕ್ ಏತೋ ಸರ್ತಿ ಮನಸಿತ್ತ್‌ಂಡ್. ಆಂಡ ನಿಕ್ಲೆಗ್ ಮನಸ್‌ದಾಂತೆ ಪೋಂಡು. 38ತೂಲೇ, ನಿಕ್ಲೆನ ಆಲಯ ಕಾಲಿ ಆದ್ ಬೂರ್ದುಂಡು. 39ಇತ್ತೆಡ್ದ್, ‘ಕರ್ತವ ಪುದರ್‌ಡ್ ಬರ್ಪಿನಾಯಗ್ ಆಶೀರ್ವಾದ,’ ಪಂಡ್ದ್ ಪನ್ಪಿನ ಮುಟ್ಟ ನಿಕುಲು ಎನನ್ ತೂಪಿನೇ ಇಜ್ಜಿ ಅಂದ್‌ದ್ ನಿಕ್ಲೆಗ್ ಪನ್ಪೆ.”
Currently Selected:
ಮತ್ತಾಯೆ 23: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature
ಮತ್ತಾಯೆ 23
23
ಶಾಸ್ತ್ರಿಲೆ ಬಗೆಟ್ ಎಚ್ಚರಿಕೆ
(ಮಾರ್ಕೆ 12:38,39; ಲೂಕೆ 11:43,46; 20:45,46)
1ಬೊಕ್ಕ ಯೇಸು ಜನೊಕುಲೆ ಗುಂಪುಗ್ಲಾ, ತನ ಶಿಷ್ಯೆರೆಗ್ಲಾ ಪಂಡಿನಿ ದಾನೆ ಪಂಡ, 2“ಶಾಸ್ತ್ರಿಲುಲಾ ಪರಿಸಾಯೆರ್‌ಲಾ ಮೋಶೆನ ಗದ್ದಿಗೆಡ್ ಕುಲ್ಲೊಂದುಲ್ಲೆರ್. 3ಅಂಚಾಯಿನೆಡ್ದ್ ಅಕುಲು ನಿಕ್ಲೆಗ್ ಎಂಚೆಂಚಿನ ಪನ್ಪೆರಾ ಅವೆನ್ ಮಾತ ಮಲ್ಪುಲೆ, ತಾಳೊನ್ಲೆ. ಆಂಡ ಅಕ್ಲೆನ ನಡತೆದ ಲೆಕ್ಕ ನಡಪಡೆ. ಅಕುಲು ಪನ್ಪಿನೆ ಅತ್ತಂದೆ ಅಂಚ ನಡಪುಜೆರ್. 4ಅಕುಲು ಜನೊಕುಲೆ ಮಿತ್ತ್ ತುಂಬೆರೆ ತೀರಂದಿ ಪುದೆಕ್ಲೆನ್ ತುಂಬಾವೆರ್; ಆಂಡ ತನ್ಕುಲು ಆ ಪುದೆಕ್ಲೆನ್ ಒಂಜಿ ಬಿರೆಲ್‌ಡ್ದ್‌ಲಾ ಮುಟ್ಟುಜೆರ್. 5ಅಕುಲು ತನ್ಕುಲೆ ಬೇಲೆ ಮಾತ ಜನೊಕುಲೆಗ್ ತೋಜೊಡು ಅಂದ್‌ದ್ ಮಲ್ಪುವೆರ್. ತನ್ಕುಲು ಶಾಸ್ತ್ರದ ಪಟ್ಟಿಲೆನ್ ಅಗೆಲ ದೀದ್ ಮುಂಡೊಡು ಕಟ್ಟ್‌ದ್ ಕುಂಟುದ ಗೊಂಡೆಲೆನ್ ಉದ್ಧ ಮಲ್ಪುವೆರ್. 6ಉಂದತ್ತಂದೆ ಲೇಸ್‌ಲೆಡ್ ಸುರುತ್ತ ಪಂತೆ, ಸಭಾಮಂದಿರೊಡು ಮಲ್ಲಸ್ಥಾನೊಲು, 7ಅಂಗಡಿ ಸಾದಿಲೆಡ್ ವಂದನೆಲು, ಜನೊಕುಲೆಡ್ದ್ ಬೋಧಕೆರಂದ್‌ದ್ ಪನ್ಪಾವೊನ್ನವು ಅಕ್ಲೆಗ್ ಇಷ್ಟ. 8ಆಂಡ ನಿಕುಲು ಬೋಧಕೆರಂದ್‌ದ್ ಪನ್ಪಾವೊನಡೆ; ದಾಯೆಗ್ ಪಂಡ ಕ್ರಿಸ್ತೆ ಒರಿಯೇ ನಿಕ್ಲೆಗ್ ಬೋಧಕೆ, ನಿಕುಲು ಮಾತ ಸಹೋದ್ರೆರ್. 9ಉಂದತ್ತಂದೆ ಭೂಲೋಕೊಡು ಏರೆನ್ಲಾ ಎಂಕುಲೆ ಅಮ್ಮೆ ಅಂದ್‌ದ್ ಲೆಪ್ಪಡೆ, ಪರಲೋಕೊಡುಪ್ಪು ಒರಿಯೇ ನಿಕ್ಲೆಗ್ ಅಮ್ಮೆ. 10ಬೊಕ್ಕ ಗುರುಕುಲು ಅಂದ್‌ದ್ ಲೆಪ್ಪಾವೊನಡೆ; ಕ್ರಿಸ್ತೆ ಒರಿಯೇ ನಿಕ್ಲೆಗ್ ಗುರು. 11ನಿಕ್ಲೆಡ್ ಮಿತ್ತ್‌ದ ಸ್ಥಾನೊಡು ಉಪ್ಪುನಾಯೆ ನಿಕ್ಲೆನ ಸೇವಕೆ ಆದುಪ್ಪೊಡು. 12ಏರ್ ತನನ್ ಹೆಚ್ಚಾವೊನ್ವೆನಾ ದೇವೆರ್ ಆಯನ್ ತಗ್ಗಾವೆ. ಏರ್ ತನನ್ ತಾನ್ ತಗ್ಗಾವೊನ್ವೆನಾ ದೇವೆರ್ ಆಯನ್ ಮಲ್ಲ ಸ್ಥಾನೊಗು ಏರಾವೆ.
ಕಪಟಿಲಾಯಿ ಶಾಸ್ತ್ರಿಲೆಗ್ ಬೋಧನೆ
(ಮಾರ್ಕೆ 12:40; ಲೂಕೆ 11:39-42,44,52; 20:47)
13“ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ಪರಲೋಕ ರಾಜ್ಯದ ಬಾಕಿಲ್‌ನ್ ನರಮಾನಿಲೆ ಎದುರು ಮುಚ್ಚಿದ್ ಬುಡ್ಪರ್, ನಿಕುಲಾಂಡಲಾ ಉಲಯಿ ಪೋಪುಜರ್, ಉಲಯಿ ಪೋವೊಡಂದ್ ಉಪ್ಪುನಾಕುಲೆನ್ಲಾ ಪೋಯೆರೆ ಬುಡ್ಪುಜರ್. 14ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ತೂಪೆರ್ ಪಂಡ್ದ್ ಉದ್ಧದ ಪ್ರಾರ್ಥನೆನ್ ಮಲ್ಪುವರ್, ಮೊಕುಲು ಕಂಡನಿದಾಂತಿನಾಕುಲೆನ ಇಲ್ಲ್‌ಲೆನ್ ಸ್ವಾದೀನ ಮಲ್ಪುವೆರ್. ಇಂಚಿತ್ತಿನಾಕುಲು ಹೆಚ್ಚಿನ ದಂಡನೆಗ್ ಒಳಗಾಪೆರ್. 15ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ನಿಕುಲು ಒರಿಯನ್ ನಿಕ್ಲೆನ ಜಾತಿಗ್ ಸೇರಾಯೆರೆ ಬೋಡಾದ್ ಭೂಮಿನ್ಲಾ ಕಡಲ್‌ನ್ಲಾ ಸುತ್ತುದು ಬರ್ಪರ್. ಆಯೆ ಸೇರಿ ಬೊಕ್ಕ ಆಯನ್ ನಿಕ್ಲೆಡ್ದ್ ರಡ್ದ್ ಪಾಲ್ ನರಕದಾಯಾದ್ ಮಲ್ಪುವರ್.
16“ಅಯ್ಯೋ, ಸಾದಿ ತೂಪಾವುನ ಕುರುಡೆರೇ, ‘ಒರಿ ದೇವಾಲಯದ ಮಿತ್ತ್ ಆಜ ದೀಯೆಡ ಅವು ದಾಲ ಆಜ ಅತ್ತ್,’ ಆಂಡ ‘ಒರಿ ದೇವಾಲಯದ ಬಂಗಾರ್‌ದ ಮಿತ್ತ್ ಆಜ ದೀವೊಂಡೆಡ ಅವೆನ್ ನಡಪಾವೊಡೇ,’ ಅಂದ್‌ದ್ ಪನ್ಪರ್. 17ಮರ್ಲೆರೇ, ಕುರುಡೆರೇ, ಒವು ಹೆಚ್ಚ್‌ದವು? ಬಂಗಾರನಾ, ಬಂಗಾರ್‌ನ್ ಪರಿಶುದ್ಧ ಮಲ್ಪುನ ದೇವಾಲಯನಾ? 18‘ಒರಿ ಬಲಿಪೀಠದ ಮಿತ್ತ್ ಆಜ ದೀವೊಂಡೆಡ ಅವು ದಾಲ ಆಜ ಅತ್ತ್,’ ಆಂಡ ‘ಐಟ್ಟುಪ್ಪು ಕಾಣಿಕೆದ ಮಿತ್ತ್ ಆಜ ದೀಯೆಡ ಅವೆನ್ ನಡಪಾವೊಡೇ,’ ಅಂದ್‌ದ್ ಪನ್ಪರ್. 19ಕುರುಡೆರೇ ಒವು ಹೆಚ್ಚ್‌ದವು? ಕಾಣಿಕೆನಾ, ಆ ಕಾಣಿಕೆನ್ ಪರಿಶುದ್ಧ ಮಲ್ಪುನ ಬಲಿಪೀಠನಾ? 20ಇಂಚಾಯಿನೆಡ್ದ್ ಬಲಿಪೀಠದ ಮಿತ್ತ್ ಆಜ ಪಾಡ್‌ಂಡ ಐತ ಮಿತ್ತ್‌ಲಾ ಐತ ಮಿತ್ತುಪ್ಪು ಮಾತೆತ್ತ ಮಿತ್ತ್‌ಲಾ ಆಜ ಪಾಡಿಲೆಕ್ಕ ಆಂಡ್. 21ದೇವಾಲಯದ ಮಿತ್ತ್ ಆಜ ದೀಂಡ ಐತ ಮಿತ್ತ್‌ಲಾ ಐಟ್ಟ್ ಉಪ್ಪುನಾಯನ ಮಿತ್ತ್‌ಲಾ ಆಜ ದೀಯಿಲೆಕ್ಕ ಆಂಡ್. ಅಂಚೆನೇ ದೇವಾಲಯದ ಆಜ ಪಾಡುನಾಯೆ ಆಯೆ ದೇವಾಲಯದ ಮಿತ್ತ್‌ಲಾ ಬೊಕ್ಕ ಐಟ್ಟ್ ಉಪ್ಪುನ ದೇವೆರೆನ ಮಿತ್ತ್‌ಲಾ ಆಜ ಪಾಡುಲೆಕ್ಕ ಆಂಡ್. 22ಪರಲೋಕದ ಮಿತ್ತ್ ಆಜ ಪಾಡುನಾಯೆ ದೇವೆರೆ ಗದ್ದಿಗೆದ ಮಿತ್ತ್‌ಲಾ ಐಟ್ಟ್ ಕುಲ್ಲುದಿನಾಯನ ಮಿತ್ತ್‌ಲಾ ಆಜ ಪಾಡುಲೆಕ್ಕ ಆಂಡ್.
23“ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ನಿಕುಲು ಪುದಿನ, ಮೆತ್ತೆ, ಸಬ್ಬಸಿಗೆ ಸೊಪ್ಪು, ಜೀರ್ದರಿಲೆಡ್ ಪತ್ತೆಟ್ಟ್ ಒಂಜಿ ಪಾಲ್ ಕೊರ್ಪರ್ ಸರಿ, ಆಂಡ ನ್ಯಾಯಕಟ್ಟ್‌ಡ್ ಮಾರ್ಯಾದಿಡುಪ್ಪುನ ನ್ಯಾಯೊನ್ಲಾ, ಕರುಣೆನ್ಲಾ, ನಂಬಿಕೆನ್ಲಾ ಬುಡ್ದು ಬುಡಿಯರ್. ಉಂದೆನ್ ಮಲ್ಪೊಡಾದಿತ್ತ್‌ಂಡ್; ಅವೆನ್ಲಾ ಬುಡಿಯೆರೆ ಬಲ್ಲಿ. 24ಸಾದಿ ತೋಜಾವುನ ಕುರುಡೆರೆ, ನಿಕುಲು ಉಮಿಲ್ ಗಾಳ್ಯುನಾಕುಲುಲಾ ಒಂಟೆ ದಿಂಗುನಾಕುಲುಲಾ 25ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ನಿಕುಲು ಚೊಂಬು, ಬಟ್ಟಲ್‌ನ್ ಪಿದಾಯಿಡ್ದ್ ಸೂಕ್ಷ್ಮೊಡು ದೆಕ್ಕುವರ್, ಆಂಡ ಉಲಯಿಡ್ದ್ ಕಲೆಂಗ್ ಪತ್ತಿದಿನವು ದುರಾಸೆಡ್ದ್‌ಲಾ ಸುಲಿಗೆಲೆಡ್ದ್‌ಲಾ ದಿಂಜಿದಿನವು ಆದುಪ್ಪುಂಡು. 26ಕುರುಡೆ ಆದುಪ್ಪು ಪರಿಸಾಯಾ, ದುಂಬತ್ತ ಚೊಂಬು, ಬಟ್ಟಲ್ದ ಉಲಯಿದೆನ್ ದೆಕ್ಕ್‌ಲ ಅಪಗ ಪಿದಯಿದವುಲಾ ಮಿಂಚ್ಚುಂಡು.
27“ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ನಿಕುಲು ಸುಣ್ಣ ಕೊರ್ತಿ ಸಮಾಧಿದ ಲೆಕ್ಕ ಉಲ್ಲರ್. ಆ ಸಮಾಧಿ ಪಿದಯಿಡ್ದ್ ಬಾರಿ ಪೊರ್ಲು ತೋಜುಂಡು, ಆಂಡ ಉಲಯಿ ತೂಂಡ ಸೈತಿನಾಕುಲೆನ ಎಲುಡ್ದುಲಾ, ಮಾತ ಗಲೀಜಿಡ್ದ್‌ಲಾ ದಿಂಜಿದಿಪ್ಪುಂಡು. 28ಅಂಚೆನೇ ನಿಕುಲುಲಾ ಪಿದಯಿ ಜನೊಕುಲೆಗ್ ನೀತಿವಂತೆರ್ ಲೆಕ್ಕ ತೋಜಾವೊನ್ವರ್ ಸರಿ, ಉಲಯಿ ಕಪಟೊಡ್ದುಲಾ ಅನ್ಯಾಯೊಡ್ದುಲಾ ದಿಂಜಿದಿನಕುಲಾದುಲ್ಲರ್.
ಕಪಟಿಲೆಗ್ ಆಪಿ ಶಿಕ್ಷೆ
(ಲೂಕೆ 11:47-51)
29“ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ನಿಕುಲು ಪ್ರವಾದಿಲೆ ಸಮಾಧಿಲೆನ್ ಕಟ್ಟ್‌ದ್ ನೀತಿವಂತೆರೆ ಗೋರಿಲೆನ್ ಸಿಂಗಾರ ಮಲ್ತ್‌ದ್ 30ಎಂಕುಲು ಎಂಕಲ್ನ ಹಿರಿಯೆರೆ ಕಾಲೊಡು ಇತ್ತುದ್ವಡ ಪ್ರವಾದಿಲೆ ನೆತ್ತೆರ್‌ಡ್ ಪಾಲ್‌ದಾರೆರ್ ಆತ್ವಯ ಪನ್ಪರ್. 31ಅಂಚಾಂಡ ನಿಕುಲು ಪ್ರವಾದಿಲೆನ್ ಕೆರಿನಕುಲೆ ಜೋಕುಲೇ ಅಂದ್‌ದ್ ನಿಕ್ಲೆಗ್ ನಿಕುಲೇ ಸಾಕ್ಷಿ ಆದುಲ್ಲರ್. 32ಎಡ್ಡೆ, ನಿಕುಲು ನಿಕ್ಲೆ ಹಿರಿಯೆರೆ ಪಾಪದ ಆಳತೆನ್ ಪೂರ್ತಿ ಮಲ್ಪುಲೆ. 33ಕಂದೊಡಿಲೇ! ಸರ್ಪ ಜಾತಿಲೇ ನರಕದ ದಂಡನೆಗ್ ಎಂಚ ತಪ್ಪವೊನ್ವರ್? 34ಅಂಚಾಯಿನೆಡ್ದ್ ತೂಲೇ, ಯಾನ್ ನಿಕ್ಲೆ ಕೈತಲ್‌ ಪ್ರವಾದಿಲೆನ್ಲಾ, ಬುದ್ಧಿವಂತೆರೆನ್ಲಾ ಶಾಸ್ತ್ರಿಲೆನ್ಲಾ ಕಡಪುಡ್ವೆ; ಅಕ್ಲೆಡ್ ಕೆಲೆವೆರೆನ್ ಕೆರುವರ್‌, ಕ್ರುಸ್ಸುಗು ಪಾಡ್ವರ್; ಕೆಲೆವೆರೆನ್ ನಿಕ್ಲೆ ಸಭಾಮಂದಿರೊಲೆಡ್ ಸೋಂಟೆಡ್ ಹಾಕ್‌ದ್ ಊರುಡ್ದು ಊರುಗು ಗಿಡ್ತೊಂದು ಪೋವರ್. 35ಇಂಚ ನೀತಿವಂತೆ ಆದಿತ್ತಿ ಹೇಬೇಲ್‌ನ ನೆತ್ತೆರೆಡ್ದ್ ಸುರುವಾದ್ ದೇವಾಲಯೊಗ್ಲಾ, ಬಲಿಪೀಠದ ನಡುಟು ನಿಕುಲು ಕೆರ್ದ್ ಪಾಡಿನ ಬರಕೀಯನ ಮಗೆ ಆದುಪ್ಪು ಜಕರೀಯನ ನೆತ್ತೆರ್ ಮುಟ್ಟ ಭೂಮಿದ ಮಿತ್ತ್ ಜಪುಡಾಯಿನ ನೀತಿವಂತೆರೆ ನೆತ್ತೆರೆಡ್ದ್ ಆಯಿನ ಅಪರಾಧ ನಿಕ್ಲೆ ತರೆತ ಮಿತ್ತ್ ಬರು. 36ಅವು ಮಾತ ಈ ಸಂತಾನದ ಮಿತ್ತ್ ಬರು ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ.
ಯೆರೂಸಲೇಮುಗು ಬೋಡಾದ್ ದುಃಖ ಪಡೆಯಿನವು
(ಲೂಕೆ 13:34,35)
37“ಯೆರೂಸಲೇಮೋ, ಯೆರೂಸಲೇಮೋ ಪ್ರವಾದಿಲೆ ಪ್ರಾಣ ದೆಪ್ಪುನಾಲೇ, ದೇವೆರ್ ನಿನ ಕೈತಲ್‌ ಕಡಪುಡ್ದು ಕೊರ್ತಿನಾಕುಲೆನ್ ಕಲ್ಲ್ ದಕ್ಕ್‌ದ್ ಕೆರ್ಪಿನಾಲೇ, ಕೋರಿ ತನ ಕಿನ್ನಿಲೆನ್ ರೆಂಕೆದ ಅಡಿಟ್ಟ್ ಕುಲ್ಲಾವುಲೆಕ್ಕ ನಿನ ಜೋಕುಲೆನ್ ಕುಲ್ಲಾಯೆರೆ ಎಂಕ್ ಏತೋ ಸರ್ತಿ ಮನಸಿತ್ತ್‌ಂಡ್. ಆಂಡ ನಿಕ್ಲೆಗ್ ಮನಸ್‌ದಾಂತೆ ಪೋಂಡು. 38ತೂಲೇ, ನಿಕ್ಲೆನ ಆಲಯ ಕಾಲಿ ಆದ್ ಬೂರ್ದುಂಡು. 39ಇತ್ತೆಡ್ದ್, ‘ಕರ್ತವ ಪುದರ್‌ಡ್ ಬರ್ಪಿನಾಯಗ್ ಆಶೀರ್ವಾದ,’ ಪಂಡ್ದ್ ಪನ್ಪಿನ ಮುಟ್ಟ ನಿಕುಲು ಎನನ್ ತೂಪಿನೇ ಇಜ್ಜಿ ಅಂದ್‌ದ್ ನಿಕ್ಲೆಗ್ ಪನ್ಪೆ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature