ಮತ್ತಾಯೆ 24
24
ದೇವಾಲಯದ ನಾಶನದ ಬಗೆಟ್ ತೆರಿಪಾವುನವು
(ಮಾರ್ಕೆ 13:1,2; ಲೂಕೆ 21:5,6)
1ಐಡ್ದ್ ಬೊಕ್ಕ ಯೇಸು ದೇವಾಲಯೊಡ್ದು ಪಿದಾಡ್ದ್ ಪೋವೊಂದುಪ್ಪುನಗ ಆಯನ ಶಿಷ್ಯೆರ್ ಆಯನ ಕೈತಲ್‌ ಬತ್ತ್‌ದ್ ಆಯಗ್ ದೇವಾಲಯದ ಕಟ್ಟಣೊನು ತೋಜಾಯೆರ್. 2ಅಪಗ ಆಯೆ, “ಉಂದೆನ್ ಮಾತ ತೂಪರತ್ತಾ, ನೆತ್ತ ಒಂಜಿ ಕಲ್ಲ್‌ಲಾ ಒಂಜೆತ್ತ ಮಿತ್ತ್ ಒಂಜಿ ಉಪ್ಪಂದ್. ಮಾತಲಾ ಮಗ್‌ರ್ದ್ ತಿರ್ತ್ ಬೂರ್ದು ಪೋವು,” ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ.
ಅಂತ್ಯಕಾಲದ ಬಗೆಟ್ ತೆರಿಪಾಯಿನವು
(ಮಾರ್ಕೆ 13:3-13; ಲೂಕೆ 21:7-19)
3ಐಡ್ದ್ ಬೊಕ್ಕ ಆಯೆ ಇಪ್ಪೆಗುಡ್ಡೆದ ಮಿತ್ತ್ ಕುಲ್ಲುದಿತ್ತಿನಪಗ ಶಿಷ್ಯೆರ್ ಆಯ ಕೈತಲ್‌ ಬೇತೆ ಬೇತೆ ಆದ್ ಬತ್ತ್‌ದ್, “ಉಂದು ಏಪ ಆವು. ಈ ಕುಡ ಬರ್ಪಿನೆಕ್ಕ್‌ಲಾ ಯುಗತ ಅಂತ್ಯ ಆಪಿನೆಕ್ಕ್‌ಲಾ ಗುರ್ತ ಎಂಚಿನವು ಎಂಕ್ಲೆಗ್ ಪನ್ಲ,” ಪಂಡೆರ್. 4ಅಪಗ ಯೇಸು ಅಕ್ಲೆಗ್ ಉತ್ತರ ಕೊರ್ದು ಪಂಡಿನಿ, “ಏರಾಂಡಲಾ ನಿಕ್ಲೆನ್ ಮೋಸ ಮಲ್ಪಂದಿಲೆಕ್ಕ ತೂವೊನ್ಲೆ. 5ದಾಯೆ ಪಂಡ ಕೆಲೆವೆರ್ ಬತ್ತ್‌ದ್ ಎನ ಪುದರ್ ದೆತ್ತೊಂದು, ‘ಯಾನೇ ಕ್ರಿಸ್ತೆ,’ ಅಂದ್‌ದ್ ಏತೋ ಜನೊಕುಲೆನ್ ಮೋಸೊಡು ಪಾಡೆರ್. 6ಉಂದತ್ತಂದೆ ಯುದ್ದೊಲು ಆಪಿನೆನ್ಲಾ, ಯುದ್ದೊಲು ಆಪಿಲೆಕ್ಕ ಉಂಡು ಪನ್ಪಿ ಸುದ್ಧಿಲೆನ್ಲಾ ನಿಕುಲು ಕೇನೊಡಾಪುಂಡು. ಗಲಿಬಿಲಿ ಆವಂದಿಲೆಕ್ಕ ತೂವೊನ್ಲೆ. ಇಂಚಿನ ಪರಿಸ್ಥಿತಿ ಆಪಿನವು ಅಗತ್ಯ. ಆಂಡಲಾ ಉಂದು ಅಂತ್ಯಕಾಲ ಅತ್ತ್. 7ಜನಾಂಗದ ವಿರೋಧಾದ್ ಜನಾಂಗೊಲುಲಾ, ರಾಜ್ಯೊಗು ವಿರೋಧಾದ್ ರಾಜ್ಯೊಲುಲಾ ಲಕ್ಕುಂಡು. ಬರಗಾಲ ಬರ್ಪಿನವುಲಾ ಭೂಕಂಪೊಲು ಆಪಿನವುಲಾ 8ಉಂದು ಮಾತ (ಪೊಸ ಯುಗ ಪುಟ್ಟುನ) ಪೆದ್ದುನ ಬೇನೆದ ಸುರುತ್ತ ಬೇನೆಲು. 9ಅಪಗ ನಿಕ್ಲೆನ್ ಭಂಗೊಗು ಒಚ್ಚಿದ್ ಕೊರ್ದು ಕೆರ್ವೆರ್. ಎನ ಪುದರ್‌ಗಾದ್ ನಿಕ್ಲೆನ್ ಮಾತ ಜನಾಂಗದಾಕುಲು ಪಗೆ ಮಲ್ಪುವೆರ್. 10ಅಪಗ ಮಸ್ತ್ ಜನ ಪಿರಜಾರ್ದ್ ಒರಿಯನ್ ಒರಿ ಪತ್ತ್‌ದ್ ಕೊರುವೆರ್. ಒರಿಯ ಮಿತ್ತ್ ಒರಿ ಪಗೆ ಮಲ್ಪುವೆರ್. 11ಮಸ್ತ್ ಜನ ಸುಳ್ಳು ಪ್ರವಾದಿಲುಲಾ ಲಕ್ಕ್‌ದ್ ಮಸ್ತ್ ಜನೊಕುಲೆನ್ ಮೋಸೊಗು ಪಾಡೆರ್. 12ಉಂದತ್ತಂದೆ ಅನ್ಯಾಯ ಹೆಚ್ಚಾಪಿನೆಡ್ದ್ ಮಸ್ತ್ ಜನೊಕುಲೆ ಪ್ರೀತಿ ಚೌಲಿ ಆದ್ ಪೋಪುಂಡು. 13ಆಂಡ ಕಡೆ ಮುಟ್ಟ ತಾಳೊನುನಾಯಗ್ ರಕ್ಷಣೆ ಆವು. 14ಉಂದತ್ತಂದೆ ಪರಲೋಕ ರಾಜ್ಯದ ಈ ಸುವಾರ್ತೆನ್ ಇಡೀ ಲೋಕೊಡು ಮಾತ ಜನಾಂಗೊಲೆಗ್ ಸಾಕ್ಷಿಗಾದ್ ಸಾರಿಯುಂಡು. ಅಪಗ ಅಂತ್ಯ ಬರ್ಪುಂಡು.
ಭಯಂಕರ ದಿನೊಕುಲು
(ಮಾರ್ಕೆ 13:14-23; ಲೂಕೆ 21:20-24)
15“ಅಂಚಾಯಿನೆಡ್ದ್ ಪ್ರವಾದಿ ದಾನಿಯೇಲೆ ಪಂಡಿನಂಚಿನ, ‘ಹಾಳ್ ಮಲ್ಪುನ ಅಸಹ್ಯ ವಸ್ತುಲು ಪರಿಶುದ್ಧಸ್ಥಾನೊಡು ಉಂತುದುಪ್ಪುನೆನ್,’ ನಿಕುಲು ತೂನಗ, (ಉಂದೆನ್ ಓದುನಾಯೆ ತೆರಿಯೊನುಡು). 16ಯೂದಾಯೊಡು ಉಪ್ಪುನಾಕುಲು ಪರ್ವತೊಲೆಗ್ ಪಾರ್ದ್ ಪೋವಡ್. 17ಮಾಳಿಗೆಡ್ ಉಪ್ಪುನಾಯೆ ತಿರ್ತ್ ಜತ್ತ್‌ದ್ ಇಲ್ಲದುಲಯಿ ಪೋವಂದೆ ತನ ಇಲ್ಲದುಲಯಿಡ್ದ್ ದಾದಾಂಡಲಾ ದೆತ್ತೊನಂದೆ ಉಪ್ಪಡ್.
18“ಕಂಡೊಡು ಉಪ್ಪುನಾಯೆ ತನ ಪೊದೆಪುನು ದೆತ್ತೊನಿಯೆರೆ ಪಿರ ಪೋವಂದೆ ಉಪ್ಪಡ್. 19ಆಂಡ ಆ ದಿನೊಟು ಬಂಜಿನಾಕುಲೆಗ್ಲಾ ಬಾಲೆಗ್ ಮಿರೆ ಕೊರ್ಪಿ ಅಪ್ಯಾಡ್ಲೆಗ್ಲಾ ಬರ್ಪಿ ಕಷ್ಟೊನು ಪನಿಯೆರೆ ತೀರಂದ್. 20ನಿಕುಲು ಪಾರ್ ಪೋಪಿನವು ಚಳಿಕಾಲೊಡಾವಡ್ ಸಬ್ಬತ್ ದಿನೊಟಾವಡ್ ಆವೆರೆ ಬಲ್ಲಿ ಅಂದ್‌ದ್ ಪ್ರಾರ್ಥನೆ ಮಲ್ಪುಲೆ. 21ಅಂಚಿನ ಸಂಕಟ ಲೋಕದ ಆರಂಭದ ದಿನೊಡ್ದು ಇನಿ ಮುಟ್ಟಲಾ ಆತ್‌ಜಿ. ನನ ಮಿತ್ತ್‌ಗ್ಲಾ ಆವಂದ್. 22ಕರ್ತವೆ ಆ ದಿನೊಕುಲೆನ್ ಕಡಿಮೆ ಮಲ್ತ್‌ಜೆಡ ಒಂಜಿ ನರಪ್ರಾಣಿಲಾ ಬದ್‌ಕಂದ್. ಆಂಡ ತಾನ್ ಅಜತ್ ದೆತ್ತೊಂಡಿನಾಕುಲೆಗಾದ್ ಆ ದಿನೊಕುಲೆನ್ ಕಡಿಮೆ ಮಲ್ಪುವೆ. 23ಅಪಗ ಏರಾಂಡಲಾ ನಿಕ್ಲೆಗ್, ‘ಇಂದಾ, ಕ್ರಿಸ್ತೆ ಮೂಲು ಉಲ್ಲೆ,’ ಇಂದಾ, ‘ಅಲ್ಪ ಉಲ್ಲೆ,’ ಅಂದ್‌ದ್ ಪಂಡೆರ್ಡ ನಂಬಡೆ 24ಸುಳ್ಳು ಕ್ರಿಸ್ತೆರ್ಲಾ ಸುಳ್ಳು ಪ್ರವಾದಿಲುಲಾ ತೋಜಿದ್ ಬರ್ವೆರ್. ಸಾದ್ಯ ಇತ್ತ್ಂಡ ದೇವೆರ್ ಅಜತ್ ದೆತ್ತೊಂಡಿನಾಕುಲೆನ್ಲಾ ಮೋಸೊಡು ಪಾಡಿಯೆರೆಗಾದ್ ಮಲ್ಲ ಮಲ್ಲ ಗುರ್ತೊಲೆನ್ಲಾ ಕಾರ್ನಿಕೊಲೆನ್ಲಾ ಮಲ್ತ್‌ದ್ ತೋಜಪಾವೆರ್. 25ಇಂದಾ, ನಿಕ್ಲೆಗ್ ಸುರುಟ್ಟೆ ಪನ್ತೆ. 26ಅಂಚಾಯಿನೆಡ್ದ್ ಏರಾಂಡಲಾ ನಿಕ್ಲೆಗ್, ‘ಇಂದಾ, ಕ್ರಿಸ್ತೆ ಕಾಡ್‌ಡ್ ಉಲ್ಲೆ,’ ಪಂಡೆರ್ಡ ಪಿದಾಡ್ದ್ ಪೋವಡೆ. ‘ಇಂದಾ, ಕೋಣೆದ ಉಲಯಿ ಉಲ್ಲೆ,’ ಅಂದ್‌ದ್ ಪಂಡೆರ್ಡ ನಂಬಡೆ. 27ಎಂಚ ಮಿಂಚಿ ಮೂಡಯಿಡ್ ಪುಟ್ಟುದು ಪಡ್ಡಯಿ ಮುಟ್ಟ ಮಿಂಚುಂಡಾ, ಅಂಚೆನೇ ನರಮಾನಿ ಮಗನ ಅವತಾರ ಉಪ್ಪುಂಡು. 28ಪುಣೊಕುಲು ಓಲುಂಡಾ ಅಲ್ಪನೇ ಗಿಡಿಕುಲು ಸೇರ್ದ್ ಬರ್ಪುಂಡು.
ಯೇಸು ಕುಡೊರ ಬರ್ಪಿನವು
(ಮಾರ್ಕೆ 13:24-27; ಲೂಕೆ 21:25-28)
29“ಆ ದಿನೊಕುಲೆ ಸಂಕಟ ಮುಗಿನಪಗ ಸೂರ್ಯೆ ಕತ್ತಲೆ ಆದ್ ಪೋವು, ಚಂದ್ರೆ ಬೊಲ್ಪು ಕೊರಂದ್, ನಕ್ಷತ್ರೊಲು ಬಾನೊಡ್ದು ತಾಲ್ದ್ ಬೂರು ಬಾನದ ಶಕ್ತಿ ಪಂದ್‌ದ್ ಪೋವು. 30ಅಪಗ ನರಮಾನಿ ಮಗನ್ ತೋಜಾವುನ ಗುರ್ತ ಬಾನೊಡು ತೋಜಿದ್ ಬರ್ಪುಂಡು. ಅಪಗ ಭೂಲೋಕೊಡುಪ್ಪು ಮಾತ ಗೋತ್ರೊಲು ತಿಗಲೆ ದರ್ತೊನ್ವೆರ್, ಬೊಕ್ಕ ನರಮಾನಿ ಮಗೆ ಬಲೊಟ್ಲಾ ಬಾರಿ ಮೈಮೆಡ್ಲಾ ಬಾನದ ಮುಗಲ್‌ದ ಮಿತ್ತ್ ಬರ್ಪಿನೆನ್ ತೂವೆರ್ 31ಬೊಕ್ಕ ಆಯೆ ತುತೂರಿದ ಮಲ್ಲ ಶಬ್ಧೊಡು ತನ ದೂತೆರೆನ್ ಕಡಪುಡ್ವೆ. ಅಕುಲು ಆಯೆ ಅಜತ್ ದೆತ್ತೊಂಡಿನಾಕುಲೆನ್ ಬಾನದ ಒಂಜಿ ಕಡೆಡ್ದ್ ಬೊಕ್ಕೊಂಜಿ ಕಡೆ ಮುಟ್ಟ ನಾಲ್ ದಿಕ್ಕ್‌ಲೆಡ್ದ್ ಒಟ್ಟು ಕೂಡಾವೆರ್.
ಅಂತ್ಯಕಾಲೊದೆನ್ ಇತ್ತೆನೇ ತೆರಿಯೊನ್ಲೆ
(ಮಾರ್ಕೆ 13:28-31; ಲೂಕೆ 21:29-33)
32“ಅಂಜೂರದ ಮರತ ಉಪಕತೆಡ್ದ್ ಬುದ್ಧಿ ಕಲ್ತೊನ್ಲೆ. ಐತ ಗೆಲ್ಲ್ ನನಲಾ ಲತ್ತ್ ಇತ್ತ್‌ದ್ ಇರೆ ಬುಡ್ನಗ ಅರೆಗಾಲ ಕೈತಲಾಂಡ್ ಅಂದ್‌ದ್ ತೆರಿಯೊನ್ವರ್.” 33ಅಂಚೆನೇ ನಿಕುಲುಲಾ ಉಂದೆನ್ ಮಾತ ತೂನಗ ಆ ದಿನ ಕೈತಲಾಂಡ್, ಬಾಕಿಲ್‌ದಲ್ಪನೇ ಉಂಡು ಅಂದ್‌ದ್ ತೆರಿಯೊನ್ಲೆ. 34ಉಂದು ಮಾತ ಆಪಿನೆಟ್ಟ ಈ ಸಂತಾನ ಆಳಿದ್ ಪೋಪಿನೇ ಇಜ್ಜಿ ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. 35ಬಾನಲಾ ಭೂಮಿಲಾ ಆಳಿದ್ ಪೋವು, ಆಂಡ ಎನ ಪಾತೆರೊಲು ಆಳಿದ್ ಪೋಪಿನೆ ಇಜ್ಜಿ.
ಎನ್ನಂದಿ ಗಳಿಗೆಲು
(ಮಾರ್ಕೆ 13:32-37; ಲೂಕೆ 17:26-30,34-36)
36“ಉಂದತ್ತಂದೆ ಆ ದಿನತ ಬಗೆಟ್ಲಾ ಆ ಗಳಿಗೆದ ಬಗೆಟ್ಲಾ ಎನ ಅಮ್ಮೆರೆಗ್ ಒರಿಯಗೇ ತೆರಿಯು ಅತ್ತಂದೆ ಬೊಕ್ಕ ಏರೆಗ್ಲಾ ತೆರಿಯಂದ್. ಪರಲೋಕೊಡುಪ್ಪು ದೂತೆರೆಗ್ಲಾ ತೆರಿಯಂದ್, ಮಗಕ್ಲಾ ತೆರಿಯಂದ್. 37ನೋಹನ ದಿನೊಕುಲೆಡ್ ಎಂಚ ಇತ್ತನಾ ಅಂಚೆನೇ ನರಮಾನಿ ಮಗೆ ಬರ್ಪಿನವುಲಾ ಉಪ್ಪು. 38ಎಂಚಂದ್ಂಡ ಜಲಪ್ರಳಯದ ದುಂಬದ ದಿನೊಕುಲೆಡ್ ನೋಹೆ ಕಪ್ಪಲ್‌ಡ್ ಸೇರಿನ ದಿನ ಮುಟ್ಟ ಜನೊಕುಲು ಉನೊಂದು, ಪರೊಂದು, ಮದ್ಮೆ ಮಲ್ತೊಂದು, ಮಲ್ಪಾವೊಂದು ಇತ್ತೆರ್. 39ಜಲಪ್ರಳಯದ ನೀರ್ ಬತ್ತ್‌ದ್ ಮಾತೆರೆನ್ ಒಯ್ತೊಂದು ಪೋನೆಟ್ಟ ದಾಲಾ ತೆರಿಯಂದೆ ಇತ್ತೆರತ್ತಾ, ಐತ ಲೆಕ್ಕನೆ ನರಮಾನಿ ಮಗೆ ಕುಡ ಬರ್ಪಿ ಕಾಲೊಡ್ಲಾ ಉಪ್ಪು. 40ಅಪಗ ಇರ್ವೆರ್ ಕಂಡೊಡು ಉಪ್ಪುವೆರ್. ಒರಿಯನ್ ದೆತ್ತೊನುವೆರ್, ಒರಿಯನ್ ಬುಡ್ಪೆರ್. 41ರಡ್ಡ್ ಪೊಂಜೊವುಲು ಬೀಸುನ ಕಲ್ಲ್‌ದ ದುಂಬು ಕುಲ್ಲುದು ಬೀಸೊಂದುಪ್ಪುವೆರ್. ಒರ್ತಿನ್ ದೆತ್ತೊನ್ವೆರ್, ಒರ್ತಿನ್ ಬುಡ್ಪೆರ್. 42ಇಂಚ ಉಪ್ಪುನಗ ನಿಕ್ಲೆ ಕರ್ತವೆ ಬರ್ಪಿನ ದಿನ ನಿಕ್ಲೆಗ್ ಗೊತ್ತುದಾಂತೆ ಉಪ್ಪುನೆಡ್ದ್ ಎಚ್ಚರಿಕೆ ಆದುಪ್ಪುಲೆ. 43ಕಲ್ವೆ ಬರ್ಪಿನ ಗಳಿಗೆ ಇಲ್ಲದ ಯಜಮಾನಗ್ ತೆರಿದಿತ್ತ್‌ಂಡ ಆಯೆ ಎಚ್ಚರಿಕೆಡ್ ಇತ್ತ್‌ದ್ ತನ ಇಲ್ಲಗ್ ಮಾಟೆ ದೆಪ್ಪೆರೆ ಬುಡ್ತುವಯೆ ಅಂದ್‌ದ್ ತೆರಿಯೊನ್ಲೆ. 44ಅಂಚಾಯಿನೆಡ್ದ್ ನಿಕುಲುಲಾ ತಯಾರಾದುಪ್ಪುಲೆ; ನಿಕುಲು ಎನ್ನಂದಿ ಗಳಿಗೆಡ್ ನರಮಾನಿ ಮಗೆ ಬರ್ಪೆ.
ಯಜಮಾನೆ ಬೊಕ್ಕ ಬೇಲೆದಾಯೆ
(ಲೂಕೆ 12:41-48)
45“ಅಂಚಾಂಡ ಯಜಮಾನೆ ತನ ಇಲ್ಲದಾಕುಲೆಗ್ ಪೊರ್ತು ಪೊರ್ತುಗು ವಣಸ್ ತಿನಸ್ ಕೊರಿಯೆರೆ ಅಕ್ಲೆ ಮಿತ್ತ್ ದೀತಿನ ನಂಬಿಗೆದಾಯೆಲಾ ಬುದ್ಧಿವಂತೆಲಾ ಅಂಚಿತ್ತಿ ಬೇಲೆದಾಯೆ ಏರ್? 46ಯಜಮಾನೆ ಪಿದಾಯಿ ಪೋದು ಬನ್ನಮುಟ್ಟ ಜವಾಬ್ದಾರಿಡ್ ಬೇಲೆ ಮಲ್ಪುನಾಯೆನೇ ಭಾಗ್ಯವಂತೆ. 47ಅಂಚಿತ್ತಿನಾಯನ್ ಆಯೆ ತನ ಮಾತ ಆಸ್ತಿದ ಮಿತ್ತ್ ನೇಮಕ ಮಲ್ಪುವೆ, ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. 48ಆಂಡ ಆ ಹಾಳ್ ಬೇಲೆದಾಯೆ, ‘ತನ ಯಜಮಾನೆ ಬರಿಯೆರೆ ತಡ ಮಲ್ಪುವೆ,’ ಅಂದ್‌ದ್ ತನ ಉಡಲ್‌ಡ್ ಎನ್ನೊಂದು 49ತನ ಜತೆ ಬೇಲೆದಾಕುಲೆಗ್ ಹಾಕ್ಯೆರೆ ಸುರು ಮಲ್ತ್‌ದ್ ಪರ್ಪೆಲೆರೆ ಜತೆಟ್ ತಿನೊಂದು ಪರೊಂದು ಉಪ್ಪುವೆ. 50ಆಂಡ ಆಯೆ ಎನ್ನಂದಿ ದಿನೊಟ್ಲಾ ತೆರಿಯಂದಿ ಗಳಿಗೆಡ್ಲಾ ಆ ಬೇಲೆದಾಯನ ಯಜಮಾನೆ ಬತ್ತ್‌ದ್ ಆಯಗ್ ಭಯಂಕರ ಪೆಟ್ಟ್ ಕೊರ್ಪಾದ್ 51ಕಪಟಿಲೆಗ್ ಆವೊಡಾಯಿ ಗತಿನ್ ಆಯಗ್ ನೇಮಕ ಮಲ್ಪುವೆ. ಅವುಲು ಅರಬಾಯಿಲಾ ಕಟಕಟ ಕೂಲಿ ಕಡೆಪಿನವುಲಾ ಉಪ್ಪುಂಡು.”
Currently Selected:
ಮತ್ತಾಯೆ 24: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature
ಮತ್ತಾಯೆ 24
24
ದೇವಾಲಯದ ನಾಶನದ ಬಗೆಟ್ ತೆರಿಪಾವುನವು
(ಮಾರ್ಕೆ 13:1,2; ಲೂಕೆ 21:5,6)
1ಐಡ್ದ್ ಬೊಕ್ಕ ಯೇಸು ದೇವಾಲಯೊಡ್ದು ಪಿದಾಡ್ದ್ ಪೋವೊಂದುಪ್ಪುನಗ ಆಯನ ಶಿಷ್ಯೆರ್ ಆಯನ ಕೈತಲ್‌ ಬತ್ತ್‌ದ್ ಆಯಗ್ ದೇವಾಲಯದ ಕಟ್ಟಣೊನು ತೋಜಾಯೆರ್. 2ಅಪಗ ಆಯೆ, “ಉಂದೆನ್ ಮಾತ ತೂಪರತ್ತಾ, ನೆತ್ತ ಒಂಜಿ ಕಲ್ಲ್‌ಲಾ ಒಂಜೆತ್ತ ಮಿತ್ತ್ ಒಂಜಿ ಉಪ್ಪಂದ್. ಮಾತಲಾ ಮಗ್‌ರ್ದ್ ತಿರ್ತ್ ಬೂರ್ದು ಪೋವು,” ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ.
ಅಂತ್ಯಕಾಲದ ಬಗೆಟ್ ತೆರಿಪಾಯಿನವು
(ಮಾರ್ಕೆ 13:3-13; ಲೂಕೆ 21:7-19)
3ಐಡ್ದ್ ಬೊಕ್ಕ ಆಯೆ ಇಪ್ಪೆಗುಡ್ಡೆದ ಮಿತ್ತ್ ಕುಲ್ಲುದಿತ್ತಿನಪಗ ಶಿಷ್ಯೆರ್ ಆಯ ಕೈತಲ್‌ ಬೇತೆ ಬೇತೆ ಆದ್ ಬತ್ತ್‌ದ್, “ಉಂದು ಏಪ ಆವು. ಈ ಕುಡ ಬರ್ಪಿನೆಕ್ಕ್‌ಲಾ ಯುಗತ ಅಂತ್ಯ ಆಪಿನೆಕ್ಕ್‌ಲಾ ಗುರ್ತ ಎಂಚಿನವು ಎಂಕ್ಲೆಗ್ ಪನ್ಲ,” ಪಂಡೆರ್. 4ಅಪಗ ಯೇಸು ಅಕ್ಲೆಗ್ ಉತ್ತರ ಕೊರ್ದು ಪಂಡಿನಿ, “ಏರಾಂಡಲಾ ನಿಕ್ಲೆನ್ ಮೋಸ ಮಲ್ಪಂದಿಲೆಕ್ಕ ತೂವೊನ್ಲೆ. 5ದಾಯೆ ಪಂಡ ಕೆಲೆವೆರ್ ಬತ್ತ್‌ದ್ ಎನ ಪುದರ್ ದೆತ್ತೊಂದು, ‘ಯಾನೇ ಕ್ರಿಸ್ತೆ,’ ಅಂದ್‌ದ್ ಏತೋ ಜನೊಕುಲೆನ್ ಮೋಸೊಡು ಪಾಡೆರ್. 6ಉಂದತ್ತಂದೆ ಯುದ್ದೊಲು ಆಪಿನೆನ್ಲಾ, ಯುದ್ದೊಲು ಆಪಿಲೆಕ್ಕ ಉಂಡು ಪನ್ಪಿ ಸುದ್ಧಿಲೆನ್ಲಾ ನಿಕುಲು ಕೇನೊಡಾಪುಂಡು. ಗಲಿಬಿಲಿ ಆವಂದಿಲೆಕ್ಕ ತೂವೊನ್ಲೆ. ಇಂಚಿನ ಪರಿಸ್ಥಿತಿ ಆಪಿನವು ಅಗತ್ಯ. ಆಂಡಲಾ ಉಂದು ಅಂತ್ಯಕಾಲ ಅತ್ತ್. 7ಜನಾಂಗದ ವಿರೋಧಾದ್ ಜನಾಂಗೊಲುಲಾ, ರಾಜ್ಯೊಗು ವಿರೋಧಾದ್ ರಾಜ್ಯೊಲುಲಾ ಲಕ್ಕುಂಡು. ಬರಗಾಲ ಬರ್ಪಿನವುಲಾ ಭೂಕಂಪೊಲು ಆಪಿನವುಲಾ 8ಉಂದು ಮಾತ (ಪೊಸ ಯುಗ ಪುಟ್ಟುನ) ಪೆದ್ದುನ ಬೇನೆದ ಸುರುತ್ತ ಬೇನೆಲು. 9ಅಪಗ ನಿಕ್ಲೆನ್ ಭಂಗೊಗು ಒಚ್ಚಿದ್ ಕೊರ್ದು ಕೆರ್ವೆರ್. ಎನ ಪುದರ್‌ಗಾದ್ ನಿಕ್ಲೆನ್ ಮಾತ ಜನಾಂಗದಾಕುಲು ಪಗೆ ಮಲ್ಪುವೆರ್. 10ಅಪಗ ಮಸ್ತ್ ಜನ ಪಿರಜಾರ್ದ್ ಒರಿಯನ್ ಒರಿ ಪತ್ತ್‌ದ್ ಕೊರುವೆರ್. ಒರಿಯ ಮಿತ್ತ್ ಒರಿ ಪಗೆ ಮಲ್ಪುವೆರ್. 11ಮಸ್ತ್ ಜನ ಸುಳ್ಳು ಪ್ರವಾದಿಲುಲಾ ಲಕ್ಕ್‌ದ್ ಮಸ್ತ್ ಜನೊಕುಲೆನ್ ಮೋಸೊಗು ಪಾಡೆರ್. 12ಉಂದತ್ತಂದೆ ಅನ್ಯಾಯ ಹೆಚ್ಚಾಪಿನೆಡ್ದ್ ಮಸ್ತ್ ಜನೊಕುಲೆ ಪ್ರೀತಿ ಚೌಲಿ ಆದ್ ಪೋಪುಂಡು. 13ಆಂಡ ಕಡೆ ಮುಟ್ಟ ತಾಳೊನುನಾಯಗ್ ರಕ್ಷಣೆ ಆವು. 14ಉಂದತ್ತಂದೆ ಪರಲೋಕ ರಾಜ್ಯದ ಈ ಸುವಾರ್ತೆನ್ ಇಡೀ ಲೋಕೊಡು ಮಾತ ಜನಾಂಗೊಲೆಗ್ ಸಾಕ್ಷಿಗಾದ್ ಸಾರಿಯುಂಡು. ಅಪಗ ಅಂತ್ಯ ಬರ್ಪುಂಡು.
ಭಯಂಕರ ದಿನೊಕುಲು
(ಮಾರ್ಕೆ 13:14-23; ಲೂಕೆ 21:20-24)
15“ಅಂಚಾಯಿನೆಡ್ದ್ ಪ್ರವಾದಿ ದಾನಿಯೇಲೆ ಪಂಡಿನಂಚಿನ, ‘ಹಾಳ್ ಮಲ್ಪುನ ಅಸಹ್ಯ ವಸ್ತುಲು ಪರಿಶುದ್ಧಸ್ಥಾನೊಡು ಉಂತುದುಪ್ಪುನೆನ್,’ ನಿಕುಲು ತೂನಗ, (ಉಂದೆನ್ ಓದುನಾಯೆ ತೆರಿಯೊನುಡು). 16ಯೂದಾಯೊಡು ಉಪ್ಪುನಾಕುಲು ಪರ್ವತೊಲೆಗ್ ಪಾರ್ದ್ ಪೋವಡ್. 17ಮಾಳಿಗೆಡ್ ಉಪ್ಪುನಾಯೆ ತಿರ್ತ್ ಜತ್ತ್‌ದ್ ಇಲ್ಲದುಲಯಿ ಪೋವಂದೆ ತನ ಇಲ್ಲದುಲಯಿಡ್ದ್ ದಾದಾಂಡಲಾ ದೆತ್ತೊನಂದೆ ಉಪ್ಪಡ್.
18“ಕಂಡೊಡು ಉಪ್ಪುನಾಯೆ ತನ ಪೊದೆಪುನು ದೆತ್ತೊನಿಯೆರೆ ಪಿರ ಪೋವಂದೆ ಉಪ್ಪಡ್. 19ಆಂಡ ಆ ದಿನೊಟು ಬಂಜಿನಾಕುಲೆಗ್ಲಾ ಬಾಲೆಗ್ ಮಿರೆ ಕೊರ್ಪಿ ಅಪ್ಯಾಡ್ಲೆಗ್ಲಾ ಬರ್ಪಿ ಕಷ್ಟೊನು ಪನಿಯೆರೆ ತೀರಂದ್. 20ನಿಕುಲು ಪಾರ್ ಪೋಪಿನವು ಚಳಿಕಾಲೊಡಾವಡ್ ಸಬ್ಬತ್ ದಿನೊಟಾವಡ್ ಆವೆರೆ ಬಲ್ಲಿ ಅಂದ್‌ದ್ ಪ್ರಾರ್ಥನೆ ಮಲ್ಪುಲೆ. 21ಅಂಚಿನ ಸಂಕಟ ಲೋಕದ ಆರಂಭದ ದಿನೊಡ್ದು ಇನಿ ಮುಟ್ಟಲಾ ಆತ್‌ಜಿ. ನನ ಮಿತ್ತ್‌ಗ್ಲಾ ಆವಂದ್. 22ಕರ್ತವೆ ಆ ದಿನೊಕುಲೆನ್ ಕಡಿಮೆ ಮಲ್ತ್‌ಜೆಡ ಒಂಜಿ ನರಪ್ರಾಣಿಲಾ ಬದ್‌ಕಂದ್. ಆಂಡ ತಾನ್ ಅಜತ್ ದೆತ್ತೊಂಡಿನಾಕುಲೆಗಾದ್ ಆ ದಿನೊಕುಲೆನ್ ಕಡಿಮೆ ಮಲ್ಪುವೆ. 23ಅಪಗ ಏರಾಂಡಲಾ ನಿಕ್ಲೆಗ್, ‘ಇಂದಾ, ಕ್ರಿಸ್ತೆ ಮೂಲು ಉಲ್ಲೆ,’ ಇಂದಾ, ‘ಅಲ್ಪ ಉಲ್ಲೆ,’ ಅಂದ್‌ದ್ ಪಂಡೆರ್ಡ ನಂಬಡೆ 24ಸುಳ್ಳು ಕ್ರಿಸ್ತೆರ್ಲಾ ಸುಳ್ಳು ಪ್ರವಾದಿಲುಲಾ ತೋಜಿದ್ ಬರ್ವೆರ್. ಸಾದ್ಯ ಇತ್ತ್ಂಡ ದೇವೆರ್ ಅಜತ್ ದೆತ್ತೊಂಡಿನಾಕುಲೆನ್ಲಾ ಮೋಸೊಡು ಪಾಡಿಯೆರೆಗಾದ್ ಮಲ್ಲ ಮಲ್ಲ ಗುರ್ತೊಲೆನ್ಲಾ ಕಾರ್ನಿಕೊಲೆನ್ಲಾ ಮಲ್ತ್‌ದ್ ತೋಜಪಾವೆರ್. 25ಇಂದಾ, ನಿಕ್ಲೆಗ್ ಸುರುಟ್ಟೆ ಪನ್ತೆ. 26ಅಂಚಾಯಿನೆಡ್ದ್ ಏರಾಂಡಲಾ ನಿಕ್ಲೆಗ್, ‘ಇಂದಾ, ಕ್ರಿಸ್ತೆ ಕಾಡ್‌ಡ್ ಉಲ್ಲೆ,’ ಪಂಡೆರ್ಡ ಪಿದಾಡ್ದ್ ಪೋವಡೆ. ‘ಇಂದಾ, ಕೋಣೆದ ಉಲಯಿ ಉಲ್ಲೆ,’ ಅಂದ್‌ದ್ ಪಂಡೆರ್ಡ ನಂಬಡೆ. 27ಎಂಚ ಮಿಂಚಿ ಮೂಡಯಿಡ್ ಪುಟ್ಟುದು ಪಡ್ಡಯಿ ಮುಟ್ಟ ಮಿಂಚುಂಡಾ, ಅಂಚೆನೇ ನರಮಾನಿ ಮಗನ ಅವತಾರ ಉಪ್ಪುಂಡು. 28ಪುಣೊಕುಲು ಓಲುಂಡಾ ಅಲ್ಪನೇ ಗಿಡಿಕುಲು ಸೇರ್ದ್ ಬರ್ಪುಂಡು.
ಯೇಸು ಕುಡೊರ ಬರ್ಪಿನವು
(ಮಾರ್ಕೆ 13:24-27; ಲೂಕೆ 21:25-28)
29“ಆ ದಿನೊಕುಲೆ ಸಂಕಟ ಮುಗಿನಪಗ ಸೂರ್ಯೆ ಕತ್ತಲೆ ಆದ್ ಪೋವು, ಚಂದ್ರೆ ಬೊಲ್ಪು ಕೊರಂದ್, ನಕ್ಷತ್ರೊಲು ಬಾನೊಡ್ದು ತಾಲ್ದ್ ಬೂರು ಬಾನದ ಶಕ್ತಿ ಪಂದ್‌ದ್ ಪೋವು. 30ಅಪಗ ನರಮಾನಿ ಮಗನ್ ತೋಜಾವುನ ಗುರ್ತ ಬಾನೊಡು ತೋಜಿದ್ ಬರ್ಪುಂಡು. ಅಪಗ ಭೂಲೋಕೊಡುಪ್ಪು ಮಾತ ಗೋತ್ರೊಲು ತಿಗಲೆ ದರ್ತೊನ್ವೆರ್, ಬೊಕ್ಕ ನರಮಾನಿ ಮಗೆ ಬಲೊಟ್ಲಾ ಬಾರಿ ಮೈಮೆಡ್ಲಾ ಬಾನದ ಮುಗಲ್‌ದ ಮಿತ್ತ್ ಬರ್ಪಿನೆನ್ ತೂವೆರ್ 31ಬೊಕ್ಕ ಆಯೆ ತುತೂರಿದ ಮಲ್ಲ ಶಬ್ಧೊಡು ತನ ದೂತೆರೆನ್ ಕಡಪುಡ್ವೆ. ಅಕುಲು ಆಯೆ ಅಜತ್ ದೆತ್ತೊಂಡಿನಾಕುಲೆನ್ ಬಾನದ ಒಂಜಿ ಕಡೆಡ್ದ್ ಬೊಕ್ಕೊಂಜಿ ಕಡೆ ಮುಟ್ಟ ನಾಲ್ ದಿಕ್ಕ್‌ಲೆಡ್ದ್ ಒಟ್ಟು ಕೂಡಾವೆರ್.
ಅಂತ್ಯಕಾಲೊದೆನ್ ಇತ್ತೆನೇ ತೆರಿಯೊನ್ಲೆ
(ಮಾರ್ಕೆ 13:28-31; ಲೂಕೆ 21:29-33)
32“ಅಂಜೂರದ ಮರತ ಉಪಕತೆಡ್ದ್ ಬುದ್ಧಿ ಕಲ್ತೊನ್ಲೆ. ಐತ ಗೆಲ್ಲ್ ನನಲಾ ಲತ್ತ್ ಇತ್ತ್‌ದ್ ಇರೆ ಬುಡ್ನಗ ಅರೆಗಾಲ ಕೈತಲಾಂಡ್ ಅಂದ್‌ದ್ ತೆರಿಯೊನ್ವರ್.” 33ಅಂಚೆನೇ ನಿಕುಲುಲಾ ಉಂದೆನ್ ಮಾತ ತೂನಗ ಆ ದಿನ ಕೈತಲಾಂಡ್, ಬಾಕಿಲ್‌ದಲ್ಪನೇ ಉಂಡು ಅಂದ್‌ದ್ ತೆರಿಯೊನ್ಲೆ. 34ಉಂದು ಮಾತ ಆಪಿನೆಟ್ಟ ಈ ಸಂತಾನ ಆಳಿದ್ ಪೋಪಿನೇ ಇಜ್ಜಿ ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. 35ಬಾನಲಾ ಭೂಮಿಲಾ ಆಳಿದ್ ಪೋವು, ಆಂಡ ಎನ ಪಾತೆರೊಲು ಆಳಿದ್ ಪೋಪಿನೆ ಇಜ್ಜಿ.
ಎನ್ನಂದಿ ಗಳಿಗೆಲು
(ಮಾರ್ಕೆ 13:32-37; ಲೂಕೆ 17:26-30,34-36)
36“ಉಂದತ್ತಂದೆ ಆ ದಿನತ ಬಗೆಟ್ಲಾ ಆ ಗಳಿಗೆದ ಬಗೆಟ್ಲಾ ಎನ ಅಮ್ಮೆರೆಗ್ ಒರಿಯಗೇ ತೆರಿಯು ಅತ್ತಂದೆ ಬೊಕ್ಕ ಏರೆಗ್ಲಾ ತೆರಿಯಂದ್. ಪರಲೋಕೊಡುಪ್ಪು ದೂತೆರೆಗ್ಲಾ ತೆರಿಯಂದ್, ಮಗಕ್ಲಾ ತೆರಿಯಂದ್. 37ನೋಹನ ದಿನೊಕುಲೆಡ್ ಎಂಚ ಇತ್ತನಾ ಅಂಚೆನೇ ನರಮಾನಿ ಮಗೆ ಬರ್ಪಿನವುಲಾ ಉಪ್ಪು. 38ಎಂಚಂದ್ಂಡ ಜಲಪ್ರಳಯದ ದುಂಬದ ದಿನೊಕುಲೆಡ್ ನೋಹೆ ಕಪ್ಪಲ್‌ಡ್ ಸೇರಿನ ದಿನ ಮುಟ್ಟ ಜನೊಕುಲು ಉನೊಂದು, ಪರೊಂದು, ಮದ್ಮೆ ಮಲ್ತೊಂದು, ಮಲ್ಪಾವೊಂದು ಇತ್ತೆರ್. 39ಜಲಪ್ರಳಯದ ನೀರ್ ಬತ್ತ್‌ದ್ ಮಾತೆರೆನ್ ಒಯ್ತೊಂದು ಪೋನೆಟ್ಟ ದಾಲಾ ತೆರಿಯಂದೆ ಇತ್ತೆರತ್ತಾ, ಐತ ಲೆಕ್ಕನೆ ನರಮಾನಿ ಮಗೆ ಕುಡ ಬರ್ಪಿ ಕಾಲೊಡ್ಲಾ ಉಪ್ಪು. 40ಅಪಗ ಇರ್ವೆರ್ ಕಂಡೊಡು ಉಪ್ಪುವೆರ್. ಒರಿಯನ್ ದೆತ್ತೊನುವೆರ್, ಒರಿಯನ್ ಬುಡ್ಪೆರ್. 41ರಡ್ಡ್ ಪೊಂಜೊವುಲು ಬೀಸುನ ಕಲ್ಲ್‌ದ ದುಂಬು ಕುಲ್ಲುದು ಬೀಸೊಂದುಪ್ಪುವೆರ್. ಒರ್ತಿನ್ ದೆತ್ತೊನ್ವೆರ್, ಒರ್ತಿನ್ ಬುಡ್ಪೆರ್. 42ಇಂಚ ಉಪ್ಪುನಗ ನಿಕ್ಲೆ ಕರ್ತವೆ ಬರ್ಪಿನ ದಿನ ನಿಕ್ಲೆಗ್ ಗೊತ್ತುದಾಂತೆ ಉಪ್ಪುನೆಡ್ದ್ ಎಚ್ಚರಿಕೆ ಆದುಪ್ಪುಲೆ. 43ಕಲ್ವೆ ಬರ್ಪಿನ ಗಳಿಗೆ ಇಲ್ಲದ ಯಜಮಾನಗ್ ತೆರಿದಿತ್ತ್‌ಂಡ ಆಯೆ ಎಚ್ಚರಿಕೆಡ್ ಇತ್ತ್‌ದ್ ತನ ಇಲ್ಲಗ್ ಮಾಟೆ ದೆಪ್ಪೆರೆ ಬುಡ್ತುವಯೆ ಅಂದ್‌ದ್ ತೆರಿಯೊನ್ಲೆ. 44ಅಂಚಾಯಿನೆಡ್ದ್ ನಿಕುಲುಲಾ ತಯಾರಾದುಪ್ಪುಲೆ; ನಿಕುಲು ಎನ್ನಂದಿ ಗಳಿಗೆಡ್ ನರಮಾನಿ ಮಗೆ ಬರ್ಪೆ.
ಯಜಮಾನೆ ಬೊಕ್ಕ ಬೇಲೆದಾಯೆ
(ಲೂಕೆ 12:41-48)
45“ಅಂಚಾಂಡ ಯಜಮಾನೆ ತನ ಇಲ್ಲದಾಕುಲೆಗ್ ಪೊರ್ತು ಪೊರ್ತುಗು ವಣಸ್ ತಿನಸ್ ಕೊರಿಯೆರೆ ಅಕ್ಲೆ ಮಿತ್ತ್ ದೀತಿನ ನಂಬಿಗೆದಾಯೆಲಾ ಬುದ್ಧಿವಂತೆಲಾ ಅಂಚಿತ್ತಿ ಬೇಲೆದಾಯೆ ಏರ್? 46ಯಜಮಾನೆ ಪಿದಾಯಿ ಪೋದು ಬನ್ನಮುಟ್ಟ ಜವಾಬ್ದಾರಿಡ್ ಬೇಲೆ ಮಲ್ಪುನಾಯೆನೇ ಭಾಗ್ಯವಂತೆ. 47ಅಂಚಿತ್ತಿನಾಯನ್ ಆಯೆ ತನ ಮಾತ ಆಸ್ತಿದ ಮಿತ್ತ್ ನೇಮಕ ಮಲ್ಪುವೆ, ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. 48ಆಂಡ ಆ ಹಾಳ್ ಬೇಲೆದಾಯೆ, ‘ತನ ಯಜಮಾನೆ ಬರಿಯೆರೆ ತಡ ಮಲ್ಪುವೆ,’ ಅಂದ್‌ದ್ ತನ ಉಡಲ್‌ಡ್ ಎನ್ನೊಂದು 49ತನ ಜತೆ ಬೇಲೆದಾಕುಲೆಗ್ ಹಾಕ್ಯೆರೆ ಸುರು ಮಲ್ತ್‌ದ್ ಪರ್ಪೆಲೆರೆ ಜತೆಟ್ ತಿನೊಂದು ಪರೊಂದು ಉಪ್ಪುವೆ. 50ಆಂಡ ಆಯೆ ಎನ್ನಂದಿ ದಿನೊಟ್ಲಾ ತೆರಿಯಂದಿ ಗಳಿಗೆಡ್ಲಾ ಆ ಬೇಲೆದಾಯನ ಯಜಮಾನೆ ಬತ್ತ್‌ದ್ ಆಯಗ್ ಭಯಂಕರ ಪೆಟ್ಟ್ ಕೊರ್ಪಾದ್ 51ಕಪಟಿಲೆಗ್ ಆವೊಡಾಯಿ ಗತಿನ್ ಆಯಗ್ ನೇಮಕ ಮಲ್ಪುವೆ. ಅವುಲು ಅರಬಾಯಿಲಾ ಕಟಕಟ ಕೂಲಿ ಕಡೆಪಿನವುಲಾ ಉಪ್ಪುಂಡು.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature