ಮಾರ್ಕೆ 10
10
ಕಂಡನಿ ಬೊಡೆದಿನ್ ಬುಡ್ಪಿ ಬಗೆಟ್ ಬೋಧನೆ
(ಮತ್ತಾಯೆ 19:1-12; ಲೂಕೆ 16:18)
1ಯೇಸು ಆ ಜಾಗ್‌ನ್ ಬುಡ್ದು, ಯೂದಾಯ ಸೀಮೆಗ್ಲಾ ಯೊರ್ದಾನ್ ತುದೆತ ಆಪೆದ ಮರ್ಗಿಲ್‌ಗ್ ಪೋಯೆ. ಅಲ್ಪ ಜನೊಕುಲು ಗುಂಪುಗುಂಪಾದ್ ಆಯನ ಕೈತಲ್‌ ಕುಡ ಬತ್ತೆರ್. ಆಯೆ ಅಕ್ಲೆಗ್ ಬೋಧನೆ ಮಲ್ಪೆರೆ ಸುರು ಮಲ್ತೆ.
2ಅಪಗ ಪರಿಸಾಯೆರ್ ಆಯನ ಕೈತಲ್‌ ಬತ್ತ್‌ದ್ ಆಯನ್ ಪರೀಕ್ಷೆ ಮಲ್ಪೊಡು ಪನ್ಪಿ ಯೋಚನೆಡ್, “ಒರಿ ಮದ್ಮೆ ಆಯಿ ಬೊಕ್ಕ ತನ ಬೊಡೆದಿನ್ ಬುಡ್ದು ಬುಡ್ಪಿನವು ನ್ಯಾಯನಾ?” ಅಂದ್‌ದ್ ಕೇಂಡೆರ್.
3ಯೇಸು ಐಕ್, “ಮೋಶೆ ನಿಕ್ಲೆಗ್ ವಾ ಅಪ್ಪಣೆ ಕೊರ್ತೆ?” ಅಂದ್‌ದ್ ಕೇಂಡೆ.
4ಐಕ್ ಅಕುಲು, “ತ್ಯಾಗಪತ್ರೊನು ಬರೆದ್ ಕೊರ್ದು ಆಲೆನ್ ಬುಡ್ದು ಬುಡೊಲಿ ಅಂದ್‌ದ್ ಮೋಶೆ ಒಪ್ಪಿಗೆ ಕೊರ್ತೆ,” ಅಂದ್‌ದ್ ಪಂಡೆರ್.
5ಆಂಡ ಯೇಸು ಅಕ್ಲೆಡ, “ಆಯೆ ನಿಕ್ಲೆನ ಹಟೊನು ತೂದು ನಿಕ್ಲೆಗ್ ಇಂಚಿತ್ತಿ ಅಪ್ಪಣೆನ್ ಬರೆದ್ ದೀತೆ. 6ಸೃಷ್ಟಿದ ಸುರುಟ್ಟೇ, ‘ದೇವೆರ್ ನರಮಾನಿನ್ ಆಣ್ ಪೊಣ್ಣಾದ್ ಉಂಡು ಮಲ್ತ್‌ದೆ.’ 7‘ಈ ಕಾರಣೊಡ್ದು ಅಂಜೊವು ತನ ಅಪ್ಪೆಅಮ್ಮನ್ ಬುಡ್ದು ತನ ಬೊಡೆದಿನ್ ಸೇರೊನ್ವೆ. ಇರ್ವೆರ್‌ಲಾ ಒಂಜೇ ಜೀವ ಆಪೆರ್ ಪಂಡ್ದ್ ಬರೆತ್ಂಡ್. 8ಇಂಚ ಉಪ್ಪುನಗ ಅಕುಲು ನನ ಇರ್ವೆರತ್ತ್. ಒಂಜೇ ಶರೀರ ಆದುಪ್ಪುವೆರ್.’ 9ಅಂಚಾಯಿನೆಡ್ದ್ ದೇವೆರ್ ಕೂಡಾಯಿನೆನ್ ನರಮಾನಿಲು ಬೇತೆ ಮಲ್ಪೆರೆ ಬಲ್ಲಿ,” ಅಂದ್‌ದ್ ಪಂಡೆ.
10ಅಕುಲು ಇಲ್ಲಡ್ ಉಪ್ಪುನಗ ಆಯನ ಶಿಷ್ಯೆರ್ ಈ ಸಂಗತಿಡ್ ಆಯಡ ಕುಡ ಕೇಂಡೆರ್. 11ಆಯೆ ಅಕ್ಲೆಡ, “ತನ ಬೊಡೆದಿನ್ ಬುಡ್ದು ಬೊಕ್ಕೊರ್ತಿನ್ ಮದ್ಮೆ ಮಲ್ತೊನುನಾಯೆ ತನ ಬೊಡೆದಿಗ್ ವಿರೋಧಾದ್ ವ್ಯಭಿಚಾರ ಮಲ್ಪುನಾಯೆ ಆದುಲ್ಲೆ. 12ಬೊಕ್ಕ ಬೊಡೆದಿ ತನ ಕಂಡನಿನ್ ಬುಡ್ದು ಬೊಕ್ಕೊರಿಯನ್ ಮದ್ಮೆ ಆಯಲ್‌ಡ, ಆಲ್‌ಲಾ ವ್ಯಭಿಚಾರ ಮಲ್ಪುನಾಲ್ ಆದುಲ್ಲಲ್,” ಅಂದ್‌ದ್ ಪಂಡೆ.
ಎಲ್ಯ ಜೋಕುಲೆನ್ ಆಶೀರ್ವಾದ ಮಲ್ಪುನವು
(ಮತ್ತಾಯೆ 19:13-15; ಲೂಕೆ 18:15-17)
13ಬೊಕ್ಕ ಕೆಲೆವೆರ್ ತನ್ಕುಲೆ ಎಲ್ಯ ಜೋಕುಲೆನ್ ಯೇಸು ಮುಟ್ಟೊಡು ಪಂಡ್ದ್, ಆಯನ ಕೈತಲ್‌ ಕನತಿನಪಗ ಶಿಷ್ಯೆರ್ ಅಕ್ಲೆನ್ ದಟ್ಟಿಯೆರ್. 14ಆಂಡ ಯೇಸು ಅವೆನ್ ತೂದು, ಕೋಪೊಡು ಅಕ್ಲೆಡ, “ಜೋಕುಲೆನ್ ಎನ ಕೈತಲ್‌ ಬರಿಯೆರೆ ಬುಡ್ಲೆ. ಅಕ್ಲೆಗ್ ಅಡ್ಡಿ ಮಲ್ಪಡೆ. ದೇವೆರೆ ರಾಜ್ಯ ಇಂಚಿತ್ತಿನಾಕುಲೆನವೇ.” 15ನಿಕ್ಲೆಗ್ ನಿಜಾದ್ ಪನ್ಪೆ, ಬಾಲೆದಲೆಕ್ಕ ಒರಿ ದೇವೆರೆ ರಾಜ್ಯೊನು ದೆತ್ತೊನುಜೆಡ, ಆಯೆ ಐತ ಉಲಯಿ ಪೋವಯೆ, ಅಂದ್‌ದ್ ಪಂಡೆ. 16ಐಕ್ಲೆನ್‌ ಅರ್ಂಟ್ ಪತ್ತ್‌ದ್ ಐಕ್ಲೆ ಮಿತ್ತ್ ಕೈ ದೀದ್ ಆಶೀರ್ವಾದ ಮಲ್ತೆ.
ಐಶ್ವರ್ಯವಂತೆ
(ಮತ್ತಾಯೆ 19:16-30; ಲೂಕೆ 18:18-30)
17ಅಲ್ಪಡ್ದ್ ಯೇಸು ಪಿದಾಡ್ದ್, ಸಾದಿಡ್ ಪೋನಗ ಒರಿ ಪಾರೊಂದು ಬತ್ತ್‌ದ್, ಆಯನ ಎದುರು ಅಡ್ಡಬೂರ್ದು ಆಯಡ, “ಎಡ್ಡೆ ಬೋಧಕಾ, ಯಾನ್ ನಿತ್ಯಜೀವೊಗು ಭಾದ್ಯಸ್ಥೆ ಆವೊಡಾಂಡ ದಾದ ಮಲ್ಪೊಡು?” ಅಂದ್‌ದ್ ಕೇಂಡೆ.
18ಯೇಸು ಆಯಡ, “ಎನನ್ ಎಡ್ಡೆಂತಿನಾಯೆ ಅಂದ್‌ದ್ ದಾಯೆಗ್ ಪನ್ಪ? ದೇವೆರ್ ಒರಿಯೇ ಅತ್ತಂದೆ ಬೇತೆ ಏರ್ಲಾ ಎಡ್ಡೆಂತಿನಾಯೆ ಇಜ್ಜೆ. 19ಮಾನ್ಯ ಕೆರಿಯೆರೆ ಬಲ್ಲಿ, ವ್ಯಭಿಚಾರ ಮಲ್ಪೆರೆ ಬಲ್ಲಿ, ಕಂಡೊನಿಯೆರೆ ಬಲ್ಲಿ, ಸುಳ್ಳು ಸಾಕ್ಷಿ ಪನಿಯೆರೆ ಬಲ್ಲಿ, ಮೋಸ ಮಲ್ಪೆರೆ ಬಲ್ಲಿ, ನಿನ ಅಪ್ಪೆಅಮ್ಮನ್ ಸನ್ಮಾನ ಮಲ್ಪೊಡು ಪನ್ಪಿ ದೇವೆರೆ ಅಪ್ಪಣೆಲು ನಿಕ್ಕ್ ಗೊತ್ತುಂಡತ್ತಾ,” ಅಂದ್‌ದ್ ಪಂಡೆ.
20ಐಕ್ ಆಯೆ, “ಬೋಧಕಾ, ಯಾನ್ ಎಲ್ಲಿಡ್ದಿಂಚಿಲಾ ಉಂದೆಕ್ಕ್ ಮಾತೆಕ್ಲಾ ಸರಿಯಾದ್ ನಡತೊಂದು ಬೈದೆ,” ಪಂಡ್ದ್ ಪನ್ನಗ,
21ಯೇಸು ಆಯನ್ ದೃಷ್ಟಿ ದೀದ್ ಪ್ರೀತಿಡ್ ಆಯಡ, “ನಿನಡ ಒಂಜಿ ಕಮ್ಮಿ ಉಂಡು. ಪೋದು ನಿನ ಆಸ್ತಿನ್ ಮಾತೆನ್ ಮಾರ್ದ್ ಬಡವೆರೆಗ್ ಕೊರ್ಲ. ಪರಲೋಕೊಡು ನಿಕ್ಕ್ ಆಸ್ತಿ ಉಪ್ಪುಂಡು; ಬೊಕ್ಕ ಎನ ಬೆರಿಯೆ ಬಲ,” ಪಂಡ್ದ್ ಪಂಡೆ. 22ಆಂಡ ಆಯಗ್ ಮಸ್ತ್ ಆಸ್ತಿ ಇತ್ತಿನೆಡ್ದ್ ಈ ಪಾತೆರೊನು ಕೇಂಡ್ದ್ ಮೋನೆ ಬಾಡಾದ್ ದುಃಖೊಡು ಪಿರ ಪೋಯೆ.
23ಅಪಗ ಯೇಸು ಸುತ್ತಲಾ ತೂದು ತನ ಶಿಷ್ಯೆರೆಗ್, “ಐಶ್ವರ್ಯವಂತೆ ದೇವೆರೆ ರಾಜ್ಯೊಡು ಸೇರುನವು ಏತೋ ಕಷ್ಟ,” ಅಂದ್‌ದ್ ಪಂಡೆ.
24ಶಿಷ್ಯೆರ್ ಆಯನ ಪಾತೆರೊಲೆನ್ ಕೇಂಡ್ದ್ ಅಚ್ಚಿರ ಆಯೆರ್. ಆಂಡ ಯೇಸು ಕುಡ ಅಕ್ಲೆಗ್, “ಜೋಕುಲೇ, ದೇವೆರೆ ರಾಜ್ಯೊಡು ಸೇರುನವು ಏತೋ ಕಷ್ಟ. 25ಐಶ್ವರ್ಯವಂತೆ ದೇವೆರೆ ರಾಜ್ಯೊಡು ಸೇರುನೆಡ್ದ್, ಒಂಜಿ ಒಂಟೆ ಸೂಜಿದ ಕಣ್ಣ್‌ಡ್ ನೂರುನವು ಸುಲಭ ಆದುಂಡು,” ಪಂಡೆ
26ಶಿಷ್ಯೆರ್ ಈ ಪಾತೆರೊಗು ನನಲಾತ್ ಅಚ್ಚಿರ ಆದ್, “ಇಂಚಾಂಡ, ಏರೆಗ್ ರಕ್ಷಣೆ ಆವು,” ಅಂದ್‌ದ್ ತನ್ಕುಲೆಡ್ ಪಾತೆರೊಂಡೆರ್.
27ಯೇಸು ಅಕ್ಲೆನ ಮಿತ್ತ್ ದೃಷ್ಟಿ ದೀದ್, “ಉಂದು ನರಮಾನಿಲೆಗ್ ಅಸಾದ್ಯದವು, ಆಂಡ ದೇವೆರೆಗ್ ಅತ್ತ್. ದೇವೆರೆಗ್ ಮಾತಲಾ ಸಾದ್ಯನೇ.” ಪಂಡೆ.
28ಅಪಗ ಪೇತ್ರೆ ಆಯಡ, “ಇಂದಾ, ಎಂಕುಲು ಮಾತ ಬುಡ್ದು ನಿನ ಬೆರಿಯೆ ಬೈದ,” ಅಂದ್‌ದ್ ಪನಿಯೆರೆ ಸುರು ಮಲ್ತೆ.
29ಐಕ್ ಯೇಸು, “ನಿಕ್ಲೆಗ್ ನಿಜಾದ್ ಪನ್ಪೆ, ಏರ್ ಎಂಕಾದ್ ಸುವಾರ್ತೆಗಾದ್ ಇಲ್ಲ್‌ನಾವಡ್, ಮೆಗ್ಯೆಪಲಯನಾವಡ್, ಮೆಗ್ದಿಪಲಿನಾವಡ್, ಅಪ್ಪೆನಾವಡ್, ಅಮ್ಮೆರೆನಾವಡ್, ಜೋಕುಲೆನಾವಡ್, ಆಸ್ತಿನಾವಡ್ ಬುಡ್ದು ಬುಡ್ತೆನಾ, 30ಆಯಗ್ ಇತ್ತೆದ ಕಾಲೊಡು ಇಲ್ಲ್, ಮೆಗ್ಯೆಪಲಯೆ, ಮೆಗ್ದಿಪಲಿ, ಅಪ್ಪೆ, ಜೋಕುಲು, ಆಸ್ತಿ ಉಂದು ಮಾತಲಾ ಕಷ್ಟದೊಟ್ಟುಗು ನೂದೆದಾತ್ ತಿಕ್ಕುಂಡು. ಬೊಕ್ಕ ಬರ್ಪಿ ಯುಗೊಟ್ಟು ನಿತ್ಯಜೀವಲಾ ತಿಕ್ಕುಂಡು. 31ಆಂಡ, ಮಸ್ತ್ ಜನ ಸುರುತ್ತಾಕುಲು ಕಡೆತ್ತಾಕುಲು ಆಪೆರ್, ಕಡೆತ್ತಾಕುಲು ಸುರುತ್ತಾಕುಲು ಆಪೆರ್,” ಅಂದ್‌ದ್ ಪಂಡೆ.
ಯೇಸುನ ಮರಣೊನು ಮೂಜನೆ ಸರ್ತಿ ತೆರಿಪಾಯಿನವು
(ಮತ್ತಾಯೆ 20:17-19; ಲೂಕೆ 18:31-34)
32ಅಕುಲು ಯೆರೂಸಲೇಮುಗು ಪೋವೊಂದುಪ್ಪುನಗ ಸಾದಿಡ್ ಯೇಸು ಅಕ್ಲೆನ ದುಂಬುಡೇ ಪೋಯೆ, ಶಿಷ್ಯೆರ್ ತೂದು ಅಚ್ಚಿರ ಆಯೆರ್, ಬೊಕ್ಕ ಆಯನ ಬೆರಿಯೆ ಪೋಪಿನಾಕುಲು ಪೋಡಿಯೆರ್. ಅಪಗ ಆಯೆ ಕುಡ ತನ ಪದ್ರಾಡ್ ಶಿಷ್ಯೆರೆನ್ ಲೆತ್ತ್‌ದ್ ತನ್ಕ್ ಆಪಿನೆನ್ ಪನಿಯೆರೆ ಸುರು ಮಲ್ತೆ. 33ತೂಲೆ, “ನಮ ಯೆರೂಸಲೇಮುಗು ಪೋವೊಂದುಲ್ಲ. ನರಮಾನಿ ಮಗನ್ ಪ್ರಧಾನಯಾಜಕೆರೆ ಬೊಕ್ಕ ಶಾಸ್ತ್ರಿಲೆನ ಕೈಕ್ ಪತ್ತ್‌ದ್ ಕೊರುವೆರ್. ಆಯಗ್ ಮರಣ ದಂಡನೆ ಆವು. ಆಯನ್ ಪಿದಯಿದ ಜನೊಕುಲೆ ಕೈಕ್ ಒಚ್ಚಿದ್ ಕೊರುವೆರ್. 34ಮೊಕುಲು ಆಯಗ್ ಗೇಲಿ ಮಲ್ತ್‌ದ್, ಆಯನ ಮಿತ್ತ್ ಉಬ್ಬಿದ್, ಆಯಗ್ ಚಾಟಿಡ್ ಹಾಕ್‌ದ್, ಕೆರ್ದ್ ಪಾಡ್ವೆರ್, ಬೊಕ್ಕ ಆಯೆ ಮೂಜನೇ ದಿನೊಟು ಜೀವಾದ್ ಲಕ್ಕ್‌ದ್ ಬರ್ಪೆ,” ಅಂದ್‌ದ್ ಪಂಡೆ.
ಯಾಕೋಬು ಬೊಕ್ಕ ಯೋಹಾನನ ಕೋರಿಕೆ
(ಮತ್ತಾಯೆ 20:20-28)
35ಅಪಗ ಜೆಬೆದಾಯನ ಜೋಕುಲಾಯಿ ಯಾಕೋಬು, ಯೋಹಾನೆ ಆಯನ ಕೈತಲ್‌ ಬತ್ತ್‌ದ್ ಆಯಗ್, “ಗುರೂ, ಎಂಕ್ಲೆನ ಒಂಜಿ ಆಸೆನ್ ನಡಪಾದ್ ಕೊರೊಡು” ಅಂದ್‌ದ್ ಕೇನೊಂಡೆರ್.
36ಯೇಸು ಅಕ್ಲೆಡ, “ನಿಕ್ಲೆಗ್ ದಾದ ನಡಪಾದ್ ಕೊರೊಡು?” ಅಂದ್‌ದ್ ಕೇಂಡೆ.
37ಅಕುಲು, “ಈ ನಿನ ಮೈಮೆದ ಪಧವಿನ್ ಪಡೆನಗ, ಎಂಕ್ಲೆಡ್ ಒರಿ ನಿನ ಬಲತ್ತ ಮರ್ಗಿಲ್‌ಡ್ ಬೊಕ್ಕೊರಿ ನಿನ ದತ್ತ ಮರ್ಗಿಲ್‌ಡ್ ಕುಲ್ಲುಲೆಕ್ಕ ಮಲ್ಪೊಡು,” ಪಂಡೆರ್.
38ಆಂಡ ಯೇಸು ಅಕ್ಲೆಡ, “ನಿಕುಲು ನಟ್ಟೊಂಡಿನವು ದಾನೆಂದ್ ನಿಕ್ಲೆಗ್ ತೆರಿಯಂದ್. ಎನ ಕಷ್ಟೊಡು ಪಾಲ್‌ದಾರೆರಾವೆರೆ ನಿಕ್ಲೆಗ್ ಸಾದ್ಯನಾ? ಎಂಕ್ ಆಪಿನ ದೀಕ್ಷಾಸ್ನಾನೊನು ಪಡೆಯೆರೆ ನಿಕ್ಲೆಗ್ ಸಾದ್ಯನಾ?” ಪಂಡೆ.
39ಅಕುಲು ಆಯಡ, “ಆವು,” ಪಂಡೆರ್. ಅಪಗ ಯೇಸು ಅಕ್ಲೆಗ್, “ಎನ ಕಷ್ಟೊಡು ನಿಕುಲು ಪಾಲ್‌ದಾರೆರ್ ಆವರ್ ಸರಿ. ಎಂಕ್ ಆಪಿನ ದೀಕ್ಷಾಸ್ನಾನ ನಿಕ್ಲೆಗಾಪುಂಡಲಾ 40ಎನ ಬಲತ್ತ ಮರ್ಗಿಲ್ಡಾವಡ್, ದತ್ತ ಮರ್ಗಿಲ್ಡಾವಡ್ ಕುಲ್ಲಾವುನ ಎನ ಬೇಲೆ ಅತ್ತ್. ಅವು ಏರೆಗ್ ತಯಾರ್ ಮಲ್ತ್‌ದುಂಡಾ, ಅಕ್ಲೆಗ್ ತಿಕ್ಕುಂಡು,” ಅಂದ್‌ದ್ ಪಂಡೆ.
41ಒರಿದಿ ಪತ್ತ್ ಶಿಷ್ಯೆರ್ ಉಂದೆನ್ ಕೇಂಡ್ದ್, ಯಾಕೋಬು, ಯೋಹಾನನ ಮಿತ್ತ್ ಕೋಪ ಮಲ್ತೆರ್. 42ಯೇಸು ಅಕ್ಲೆನ್ ಕೈತಲ್‌ ಲೆತ್ತ್‌ದ್ ಅಕ್ಲೆಗ್, “ಪಿದಯಿದ ಜನೊಕುಲೆನ್ ಆಳುನಾಕುಲು ಅಕ್ಲೆನ ಮಿತ್ತ್ ಅಹಂಕಾರೊಡು ನಡಪಾವೆರ್ ಬೊಕ್ಕ ಮಲ್ಲಾಕುಲು ಬಲತ್ಕಾರೊಡ್ದು ಅಧಿಕಾರ ನಡಪಾವೆರ್ ಅಂದ್‌ದ್ ನಿಕುಲು ತೆರಿದರತ್ತಾ? 43ಆಂಡ ನಿಕ್ಲೆಡ್ ಅಂಚ ಉಪ್ಪೆರೆ ಬಲ್ಲಿ. ನಿಕ್ಲೆಡ್ ಮಲ್ಲಾಯೆ ಆವೊಡುಂದು ಉಪ್ಪುನಾಯೆ ಚಾಕ್ರಿದಾಯೆ ಆದುಪ್ಪೊಡು. 44ಆಂಡ ನಿಕ್ಲೆಡ್ ಸುರುತ್ತಾಯೆ ಆವೊಡು ಇನ್ಪಿನಾಯೆ ನಿಕ್ಲೆ ಅಡಿಯಾಳ್ ಆದುಪ್ಪೊಡು. 45ನರಮಾನಿ ಮಗೆಲಾ ಚಾಕ್ರಿ ಮಲ್ಪಾವೊನ್ರೆ ಅತ್ತ್, ಚಾಕ್ರಿ ಮಲ್ಪೆರೆಲಾ ತನ ಪ್ರಾಣೊನು ಮಸ್ತ್ ಜನೊಕುಲೆನ ಬುಡುಗಡೆಗಾದ್ ಕೊರಿಯೆರೆ ಬತ್ತೆ.” ಅಂದ್‌ದ್ ಪಂಡೆ.
ಯೇಸು ಬಾರ್ತಿಮಾಯನ್ ಗುಣ ಮಲ್ಪುನವು
(ಮತ್ತಾಯೆ 20:29-34; ಲೂಕೆ 18:35-43)
46ಐಡ್ದ್ ಬೊಕ್ಕ ಅಕುಲು ಯೆರಿಕೊಗು ಬತ್ತೆರ್. ಯೇಸುಲಾ ಆಯನ ಶಿಷ್ಯೆರ್‌ಲಾ ಮಸ್ತ್ ಜನೊಕುಲೆ ಗುಂಪುಲಾ ಆ ಊರುಡ್ದು ಪಿದಾಡ್ದ್ ಪೋವೊಂದುಪ್ಪುನಗ, ತಿಮಾಯನ ಮಗೆ ಕುರುಡೆ ಬಾರ್ತಿಮಾಯೆ ಇನ್ಪಿ ನಟ್ಟುನಾಯೆ, ಸಾದಿದ ಬರಿಟ್ಟ್ ಕುಲ್ಲುದಿತ್ತೆ. 47ಆ ಕುರುಡೆ ಸಾದಿಡ್ ಪೋಪಿನಾಯೆ ನಜರೇತ್‌ದ ಯೇಸು ಅಂದ್‌ದ್ ಆಯೆ ತೆರಿದ್, “ಯೇಸೋ ದಾವೀದ ಮಗಾ, ಎನನ್ ಕರುಣೆ ಮಲ್ಪುಲ!” ಅಂದ್‌ದ್ ಬೊಬ್ಬೆ ದೀಯೆ.
48ಕೆಲೆವೆರ್, ಮನಿಪಂದೆ ಉಪ್ಪು ಅಂದ್‌ದ್ ಆಯನ್ ದಟ್ಟಿನಗ ಆಯೆ ದಾವೀದ ಮಗಾ, “ಎಂಕ್ ಕನಿಕರ ತೋಜಾಲ,” ಅಂದ್‌ದ್ ಬೊಕ್ಕಲಾತ್ ಬೊಬ್ಬೆ ದೀಯೆ.
49ಅಪಗ ಯೇಸು ಉಂತುದು, “ಆಯನ್ ಲೆಪ್ಪುಲೆ.” ಅಂದ್‌ದ್ ಪನ್ನಗ ಅಕುಲು ಆ ಕುರುಡನ್ ಲೆತ್ತ್‌ದ್, “ಧೈರ್ಯೊಡುಪ್ಪುಲ, ಲಕ್ಕ್‌ಲ, ನಿನನ್ ಲೆಪ್ಪುವೆ,” ಅಂದ್‌ದ್ ಪಂಡೆರ್.
50ಆಯೆ ತನ ಕುಂಟುನು ದಕ್ಕ್‌ದ್, ದಿಡ್ಕ ಲಕ್ಕ್‌ದ್, ಯೇಸುನ ಕೈತಲ್‌ ಬತ್ತೆ. 51ಯೇಸು ಆಯಡ, “ಯಾನ್ ನಿಕ್ಕ್ ದಾದ ಮಲ್ಪೊಡು?” ಅಂದ್‌ದ್ ಕೇನ್ನಗ, ಆ ಕುರುಡೆ “ಗುರೂ, ಎಂಕ್ ಕಣ್ಣ್ ತೋಜುಲೆಕ್ಕ ಮಲ್ಪೊಡು,” ಪಂಡೆ.
52ಯೇಸು ಆಯಗ್, “ಪೋಲ, ನಿನ ನಂಬಿಕೆನೇ ನಿನನ್ ಗುಣ ಮಲ್ತ್ಂಡ್,” ಪಂಡ್ದ್ ಪಂಡೆ. ಅಪಗನೆ ಆಯಗ್ ಕಣ್ಣ್ ತೋಜ್ಂಡ್. ಆಯೆ ಆ ಸಾದಿಡ್ ಆಯನ ಬೆರಿಯೆ ಪೋಯೆ.
Currently Selected:
ಮಾರ್ಕೆ 10: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature
ಮಾರ್ಕೆ 10
10
ಕಂಡನಿ ಬೊಡೆದಿನ್ ಬುಡ್ಪಿ ಬಗೆಟ್ ಬೋಧನೆ
(ಮತ್ತಾಯೆ 19:1-12; ಲೂಕೆ 16:18)
1ಯೇಸು ಆ ಜಾಗ್‌ನ್ ಬುಡ್ದು, ಯೂದಾಯ ಸೀಮೆಗ್ಲಾ ಯೊರ್ದಾನ್ ತುದೆತ ಆಪೆದ ಮರ್ಗಿಲ್‌ಗ್ ಪೋಯೆ. ಅಲ್ಪ ಜನೊಕುಲು ಗುಂಪುಗುಂಪಾದ್ ಆಯನ ಕೈತಲ್‌ ಕುಡ ಬತ್ತೆರ್. ಆಯೆ ಅಕ್ಲೆಗ್ ಬೋಧನೆ ಮಲ್ಪೆರೆ ಸುರು ಮಲ್ತೆ.
2ಅಪಗ ಪರಿಸಾಯೆರ್ ಆಯನ ಕೈತಲ್‌ ಬತ್ತ್‌ದ್ ಆಯನ್ ಪರೀಕ್ಷೆ ಮಲ್ಪೊಡು ಪನ್ಪಿ ಯೋಚನೆಡ್, “ಒರಿ ಮದ್ಮೆ ಆಯಿ ಬೊಕ್ಕ ತನ ಬೊಡೆದಿನ್ ಬುಡ್ದು ಬುಡ್ಪಿನವು ನ್ಯಾಯನಾ?” ಅಂದ್‌ದ್ ಕೇಂಡೆರ್.
3ಯೇಸು ಐಕ್, “ಮೋಶೆ ನಿಕ್ಲೆಗ್ ವಾ ಅಪ್ಪಣೆ ಕೊರ್ತೆ?” ಅಂದ್‌ದ್ ಕೇಂಡೆ.
4ಐಕ್ ಅಕುಲು, “ತ್ಯಾಗಪತ್ರೊನು ಬರೆದ್ ಕೊರ್ದು ಆಲೆನ್ ಬುಡ್ದು ಬುಡೊಲಿ ಅಂದ್‌ದ್ ಮೋಶೆ ಒಪ್ಪಿಗೆ ಕೊರ್ತೆ,” ಅಂದ್‌ದ್ ಪಂಡೆರ್.
5ಆಂಡ ಯೇಸು ಅಕ್ಲೆಡ, “ಆಯೆ ನಿಕ್ಲೆನ ಹಟೊನು ತೂದು ನಿಕ್ಲೆಗ್ ಇಂಚಿತ್ತಿ ಅಪ್ಪಣೆನ್ ಬರೆದ್ ದೀತೆ. 6ಸೃಷ್ಟಿದ ಸುರುಟ್ಟೇ, ‘ದೇವೆರ್ ನರಮಾನಿನ್ ಆಣ್ ಪೊಣ್ಣಾದ್ ಉಂಡು ಮಲ್ತ್‌ದೆ.’ 7‘ಈ ಕಾರಣೊಡ್ದು ಅಂಜೊವು ತನ ಅಪ್ಪೆಅಮ್ಮನ್ ಬುಡ್ದು ತನ ಬೊಡೆದಿನ್ ಸೇರೊನ್ವೆ. ಇರ್ವೆರ್‌ಲಾ ಒಂಜೇ ಜೀವ ಆಪೆರ್ ಪಂಡ್ದ್ ಬರೆತ್ಂಡ್. 8ಇಂಚ ಉಪ್ಪುನಗ ಅಕುಲು ನನ ಇರ್ವೆರತ್ತ್. ಒಂಜೇ ಶರೀರ ಆದುಪ್ಪುವೆರ್.’ 9ಅಂಚಾಯಿನೆಡ್ದ್ ದೇವೆರ್ ಕೂಡಾಯಿನೆನ್ ನರಮಾನಿಲು ಬೇತೆ ಮಲ್ಪೆರೆ ಬಲ್ಲಿ,” ಅಂದ್‌ದ್ ಪಂಡೆ.
10ಅಕುಲು ಇಲ್ಲಡ್ ಉಪ್ಪುನಗ ಆಯನ ಶಿಷ್ಯೆರ್ ಈ ಸಂಗತಿಡ್ ಆಯಡ ಕುಡ ಕೇಂಡೆರ್. 11ಆಯೆ ಅಕ್ಲೆಡ, “ತನ ಬೊಡೆದಿನ್ ಬುಡ್ದು ಬೊಕ್ಕೊರ್ತಿನ್ ಮದ್ಮೆ ಮಲ್ತೊನುನಾಯೆ ತನ ಬೊಡೆದಿಗ್ ವಿರೋಧಾದ್ ವ್ಯಭಿಚಾರ ಮಲ್ಪುನಾಯೆ ಆದುಲ್ಲೆ. 12ಬೊಕ್ಕ ಬೊಡೆದಿ ತನ ಕಂಡನಿನ್ ಬುಡ್ದು ಬೊಕ್ಕೊರಿಯನ್ ಮದ್ಮೆ ಆಯಲ್‌ಡ, ಆಲ್‌ಲಾ ವ್ಯಭಿಚಾರ ಮಲ್ಪುನಾಲ್ ಆದುಲ್ಲಲ್,” ಅಂದ್‌ದ್ ಪಂಡೆ.
ಎಲ್ಯ ಜೋಕುಲೆನ್ ಆಶೀರ್ವಾದ ಮಲ್ಪುನವು
(ಮತ್ತಾಯೆ 19:13-15; ಲೂಕೆ 18:15-17)
13ಬೊಕ್ಕ ಕೆಲೆವೆರ್ ತನ್ಕುಲೆ ಎಲ್ಯ ಜೋಕುಲೆನ್ ಯೇಸು ಮುಟ್ಟೊಡು ಪಂಡ್ದ್, ಆಯನ ಕೈತಲ್‌ ಕನತಿನಪಗ ಶಿಷ್ಯೆರ್ ಅಕ್ಲೆನ್ ದಟ್ಟಿಯೆರ್. 14ಆಂಡ ಯೇಸು ಅವೆನ್ ತೂದು, ಕೋಪೊಡು ಅಕ್ಲೆಡ, “ಜೋಕುಲೆನ್ ಎನ ಕೈತಲ್‌ ಬರಿಯೆರೆ ಬುಡ್ಲೆ. ಅಕ್ಲೆಗ್ ಅಡ್ಡಿ ಮಲ್ಪಡೆ. ದೇವೆರೆ ರಾಜ್ಯ ಇಂಚಿತ್ತಿನಾಕುಲೆನವೇ.” 15ನಿಕ್ಲೆಗ್ ನಿಜಾದ್ ಪನ್ಪೆ, ಬಾಲೆದಲೆಕ್ಕ ಒರಿ ದೇವೆರೆ ರಾಜ್ಯೊನು ದೆತ್ತೊನುಜೆಡ, ಆಯೆ ಐತ ಉಲಯಿ ಪೋವಯೆ, ಅಂದ್‌ದ್ ಪಂಡೆ. 16ಐಕ್ಲೆನ್‌ ಅರ್ಂಟ್ ಪತ್ತ್‌ದ್ ಐಕ್ಲೆ ಮಿತ್ತ್ ಕೈ ದೀದ್ ಆಶೀರ್ವಾದ ಮಲ್ತೆ.
ಐಶ್ವರ್ಯವಂತೆ
(ಮತ್ತಾಯೆ 19:16-30; ಲೂಕೆ 18:18-30)
17ಅಲ್ಪಡ್ದ್ ಯೇಸು ಪಿದಾಡ್ದ್, ಸಾದಿಡ್ ಪೋನಗ ಒರಿ ಪಾರೊಂದು ಬತ್ತ್‌ದ್, ಆಯನ ಎದುರು ಅಡ್ಡಬೂರ್ದು ಆಯಡ, “ಎಡ್ಡೆ ಬೋಧಕಾ, ಯಾನ್ ನಿತ್ಯಜೀವೊಗು ಭಾದ್ಯಸ್ಥೆ ಆವೊಡಾಂಡ ದಾದ ಮಲ್ಪೊಡು?” ಅಂದ್‌ದ್ ಕೇಂಡೆ.
18ಯೇಸು ಆಯಡ, “ಎನನ್ ಎಡ್ಡೆಂತಿನಾಯೆ ಅಂದ್‌ದ್ ದಾಯೆಗ್ ಪನ್ಪ? ದೇವೆರ್ ಒರಿಯೇ ಅತ್ತಂದೆ ಬೇತೆ ಏರ್ಲಾ ಎಡ್ಡೆಂತಿನಾಯೆ ಇಜ್ಜೆ. 19ಮಾನ್ಯ ಕೆರಿಯೆರೆ ಬಲ್ಲಿ, ವ್ಯಭಿಚಾರ ಮಲ್ಪೆರೆ ಬಲ್ಲಿ, ಕಂಡೊನಿಯೆರೆ ಬಲ್ಲಿ, ಸುಳ್ಳು ಸಾಕ್ಷಿ ಪನಿಯೆರೆ ಬಲ್ಲಿ, ಮೋಸ ಮಲ್ಪೆರೆ ಬಲ್ಲಿ, ನಿನ ಅಪ್ಪೆಅಮ್ಮನ್ ಸನ್ಮಾನ ಮಲ್ಪೊಡು ಪನ್ಪಿ ದೇವೆರೆ ಅಪ್ಪಣೆಲು ನಿಕ್ಕ್ ಗೊತ್ತುಂಡತ್ತಾ,” ಅಂದ್‌ದ್ ಪಂಡೆ.
20ಐಕ್ ಆಯೆ, “ಬೋಧಕಾ, ಯಾನ್ ಎಲ್ಲಿಡ್ದಿಂಚಿಲಾ ಉಂದೆಕ್ಕ್ ಮಾತೆಕ್ಲಾ ಸರಿಯಾದ್ ನಡತೊಂದು ಬೈದೆ,” ಪಂಡ್ದ್ ಪನ್ನಗ,
21ಯೇಸು ಆಯನ್ ದೃಷ್ಟಿ ದೀದ್ ಪ್ರೀತಿಡ್ ಆಯಡ, “ನಿನಡ ಒಂಜಿ ಕಮ್ಮಿ ಉಂಡು. ಪೋದು ನಿನ ಆಸ್ತಿನ್ ಮಾತೆನ್ ಮಾರ್ದ್ ಬಡವೆರೆಗ್ ಕೊರ್ಲ. ಪರಲೋಕೊಡು ನಿಕ್ಕ್ ಆಸ್ತಿ ಉಪ್ಪುಂಡು; ಬೊಕ್ಕ ಎನ ಬೆರಿಯೆ ಬಲ,” ಪಂಡ್ದ್ ಪಂಡೆ. 22ಆಂಡ ಆಯಗ್ ಮಸ್ತ್ ಆಸ್ತಿ ಇತ್ತಿನೆಡ್ದ್ ಈ ಪಾತೆರೊನು ಕೇಂಡ್ದ್ ಮೋನೆ ಬಾಡಾದ್ ದುಃಖೊಡು ಪಿರ ಪೋಯೆ.
23ಅಪಗ ಯೇಸು ಸುತ್ತಲಾ ತೂದು ತನ ಶಿಷ್ಯೆರೆಗ್, “ಐಶ್ವರ್ಯವಂತೆ ದೇವೆರೆ ರಾಜ್ಯೊಡು ಸೇರುನವು ಏತೋ ಕಷ್ಟ,” ಅಂದ್‌ದ್ ಪಂಡೆ.
24ಶಿಷ್ಯೆರ್ ಆಯನ ಪಾತೆರೊಲೆನ್ ಕೇಂಡ್ದ್ ಅಚ್ಚಿರ ಆಯೆರ್. ಆಂಡ ಯೇಸು ಕುಡ ಅಕ್ಲೆಗ್, “ಜೋಕುಲೇ, ದೇವೆರೆ ರಾಜ್ಯೊಡು ಸೇರುನವು ಏತೋ ಕಷ್ಟ. 25ಐಶ್ವರ್ಯವಂತೆ ದೇವೆರೆ ರಾಜ್ಯೊಡು ಸೇರುನೆಡ್ದ್, ಒಂಜಿ ಒಂಟೆ ಸೂಜಿದ ಕಣ್ಣ್‌ಡ್ ನೂರುನವು ಸುಲಭ ಆದುಂಡು,” ಪಂಡೆ
26ಶಿಷ್ಯೆರ್ ಈ ಪಾತೆರೊಗು ನನಲಾತ್ ಅಚ್ಚಿರ ಆದ್, “ಇಂಚಾಂಡ, ಏರೆಗ್ ರಕ್ಷಣೆ ಆವು,” ಅಂದ್‌ದ್ ತನ್ಕುಲೆಡ್ ಪಾತೆರೊಂಡೆರ್.
27ಯೇಸು ಅಕ್ಲೆನ ಮಿತ್ತ್ ದೃಷ್ಟಿ ದೀದ್, “ಉಂದು ನರಮಾನಿಲೆಗ್ ಅಸಾದ್ಯದವು, ಆಂಡ ದೇವೆರೆಗ್ ಅತ್ತ್. ದೇವೆರೆಗ್ ಮಾತಲಾ ಸಾದ್ಯನೇ.” ಪಂಡೆ.
28ಅಪಗ ಪೇತ್ರೆ ಆಯಡ, “ಇಂದಾ, ಎಂಕುಲು ಮಾತ ಬುಡ್ದು ನಿನ ಬೆರಿಯೆ ಬೈದ,” ಅಂದ್‌ದ್ ಪನಿಯೆರೆ ಸುರು ಮಲ್ತೆ.
29ಐಕ್ ಯೇಸು, “ನಿಕ್ಲೆಗ್ ನಿಜಾದ್ ಪನ್ಪೆ, ಏರ್ ಎಂಕಾದ್ ಸುವಾರ್ತೆಗಾದ್ ಇಲ್ಲ್‌ನಾವಡ್, ಮೆಗ್ಯೆಪಲಯನಾವಡ್, ಮೆಗ್ದಿಪಲಿನಾವಡ್, ಅಪ್ಪೆನಾವಡ್, ಅಮ್ಮೆರೆನಾವಡ್, ಜೋಕುಲೆನಾವಡ್, ಆಸ್ತಿನಾವಡ್ ಬುಡ್ದು ಬುಡ್ತೆನಾ, 30ಆಯಗ್ ಇತ್ತೆದ ಕಾಲೊಡು ಇಲ್ಲ್, ಮೆಗ್ಯೆಪಲಯೆ, ಮೆಗ್ದಿಪಲಿ, ಅಪ್ಪೆ, ಜೋಕುಲು, ಆಸ್ತಿ ಉಂದು ಮಾತಲಾ ಕಷ್ಟದೊಟ್ಟುಗು ನೂದೆದಾತ್ ತಿಕ್ಕುಂಡು. ಬೊಕ್ಕ ಬರ್ಪಿ ಯುಗೊಟ್ಟು ನಿತ್ಯಜೀವಲಾ ತಿಕ್ಕುಂಡು. 31ಆಂಡ, ಮಸ್ತ್ ಜನ ಸುರುತ್ತಾಕುಲು ಕಡೆತ್ತಾಕುಲು ಆಪೆರ್, ಕಡೆತ್ತಾಕುಲು ಸುರುತ್ತಾಕುಲು ಆಪೆರ್,” ಅಂದ್‌ದ್ ಪಂಡೆ.
ಯೇಸುನ ಮರಣೊನು ಮೂಜನೆ ಸರ್ತಿ ತೆರಿಪಾಯಿನವು
(ಮತ್ತಾಯೆ 20:17-19; ಲೂಕೆ 18:31-34)
32ಅಕುಲು ಯೆರೂಸಲೇಮುಗು ಪೋವೊಂದುಪ್ಪುನಗ ಸಾದಿಡ್ ಯೇಸು ಅಕ್ಲೆನ ದುಂಬುಡೇ ಪೋಯೆ, ಶಿಷ್ಯೆರ್ ತೂದು ಅಚ್ಚಿರ ಆಯೆರ್, ಬೊಕ್ಕ ಆಯನ ಬೆರಿಯೆ ಪೋಪಿನಾಕುಲು ಪೋಡಿಯೆರ್. ಅಪಗ ಆಯೆ ಕುಡ ತನ ಪದ್ರಾಡ್ ಶಿಷ್ಯೆರೆನ್ ಲೆತ್ತ್‌ದ್ ತನ್ಕ್ ಆಪಿನೆನ್ ಪನಿಯೆರೆ ಸುರು ಮಲ್ತೆ. 33ತೂಲೆ, “ನಮ ಯೆರೂಸಲೇಮುಗು ಪೋವೊಂದುಲ್ಲ. ನರಮಾನಿ ಮಗನ್ ಪ್ರಧಾನಯಾಜಕೆರೆ ಬೊಕ್ಕ ಶಾಸ್ತ್ರಿಲೆನ ಕೈಕ್ ಪತ್ತ್‌ದ್ ಕೊರುವೆರ್. ಆಯಗ್ ಮರಣ ದಂಡನೆ ಆವು. ಆಯನ್ ಪಿದಯಿದ ಜನೊಕುಲೆ ಕೈಕ್ ಒಚ್ಚಿದ್ ಕೊರುವೆರ್. 34ಮೊಕುಲು ಆಯಗ್ ಗೇಲಿ ಮಲ್ತ್‌ದ್, ಆಯನ ಮಿತ್ತ್ ಉಬ್ಬಿದ್, ಆಯಗ್ ಚಾಟಿಡ್ ಹಾಕ್‌ದ್, ಕೆರ್ದ್ ಪಾಡ್ವೆರ್, ಬೊಕ್ಕ ಆಯೆ ಮೂಜನೇ ದಿನೊಟು ಜೀವಾದ್ ಲಕ್ಕ್‌ದ್ ಬರ್ಪೆ,” ಅಂದ್‌ದ್ ಪಂಡೆ.
ಯಾಕೋಬು ಬೊಕ್ಕ ಯೋಹಾನನ ಕೋರಿಕೆ
(ಮತ್ತಾಯೆ 20:20-28)
35ಅಪಗ ಜೆಬೆದಾಯನ ಜೋಕುಲಾಯಿ ಯಾಕೋಬು, ಯೋಹಾನೆ ಆಯನ ಕೈತಲ್‌ ಬತ್ತ್‌ದ್ ಆಯಗ್, “ಗುರೂ, ಎಂಕ್ಲೆನ ಒಂಜಿ ಆಸೆನ್ ನಡಪಾದ್ ಕೊರೊಡು” ಅಂದ್‌ದ್ ಕೇನೊಂಡೆರ್.
36ಯೇಸು ಅಕ್ಲೆಡ, “ನಿಕ್ಲೆಗ್ ದಾದ ನಡಪಾದ್ ಕೊರೊಡು?” ಅಂದ್‌ದ್ ಕೇಂಡೆ.
37ಅಕುಲು, “ಈ ನಿನ ಮೈಮೆದ ಪಧವಿನ್ ಪಡೆನಗ, ಎಂಕ್ಲೆಡ್ ಒರಿ ನಿನ ಬಲತ್ತ ಮರ್ಗಿಲ್‌ಡ್ ಬೊಕ್ಕೊರಿ ನಿನ ದತ್ತ ಮರ್ಗಿಲ್‌ಡ್ ಕುಲ್ಲುಲೆಕ್ಕ ಮಲ್ಪೊಡು,” ಪಂಡೆರ್.
38ಆಂಡ ಯೇಸು ಅಕ್ಲೆಡ, “ನಿಕುಲು ನಟ್ಟೊಂಡಿನವು ದಾನೆಂದ್ ನಿಕ್ಲೆಗ್ ತೆರಿಯಂದ್. ಎನ ಕಷ್ಟೊಡು ಪಾಲ್‌ದಾರೆರಾವೆರೆ ನಿಕ್ಲೆಗ್ ಸಾದ್ಯನಾ? ಎಂಕ್ ಆಪಿನ ದೀಕ್ಷಾಸ್ನಾನೊನು ಪಡೆಯೆರೆ ನಿಕ್ಲೆಗ್ ಸಾದ್ಯನಾ?” ಪಂಡೆ.
39ಅಕುಲು ಆಯಡ, “ಆವು,” ಪಂಡೆರ್. ಅಪಗ ಯೇಸು ಅಕ್ಲೆಗ್, “ಎನ ಕಷ್ಟೊಡು ನಿಕುಲು ಪಾಲ್‌ದಾರೆರ್ ಆವರ್ ಸರಿ. ಎಂಕ್ ಆಪಿನ ದೀಕ್ಷಾಸ್ನಾನ ನಿಕ್ಲೆಗಾಪುಂಡಲಾ 40ಎನ ಬಲತ್ತ ಮರ್ಗಿಲ್ಡಾವಡ್, ದತ್ತ ಮರ್ಗಿಲ್ಡಾವಡ್ ಕುಲ್ಲಾವುನ ಎನ ಬೇಲೆ ಅತ್ತ್. ಅವು ಏರೆಗ್ ತಯಾರ್ ಮಲ್ತ್‌ದುಂಡಾ, ಅಕ್ಲೆಗ್ ತಿಕ್ಕುಂಡು,” ಅಂದ್‌ದ್ ಪಂಡೆ.
41ಒರಿದಿ ಪತ್ತ್ ಶಿಷ್ಯೆರ್ ಉಂದೆನ್ ಕೇಂಡ್ದ್, ಯಾಕೋಬು, ಯೋಹಾನನ ಮಿತ್ತ್ ಕೋಪ ಮಲ್ತೆರ್. 42ಯೇಸು ಅಕ್ಲೆನ್ ಕೈತಲ್‌ ಲೆತ್ತ್‌ದ್ ಅಕ್ಲೆಗ್, “ಪಿದಯಿದ ಜನೊಕುಲೆನ್ ಆಳುನಾಕುಲು ಅಕ್ಲೆನ ಮಿತ್ತ್ ಅಹಂಕಾರೊಡು ನಡಪಾವೆರ್ ಬೊಕ್ಕ ಮಲ್ಲಾಕುಲು ಬಲತ್ಕಾರೊಡ್ದು ಅಧಿಕಾರ ನಡಪಾವೆರ್ ಅಂದ್‌ದ್ ನಿಕುಲು ತೆರಿದರತ್ತಾ? 43ಆಂಡ ನಿಕ್ಲೆಡ್ ಅಂಚ ಉಪ್ಪೆರೆ ಬಲ್ಲಿ. ನಿಕ್ಲೆಡ್ ಮಲ್ಲಾಯೆ ಆವೊಡುಂದು ಉಪ್ಪುನಾಯೆ ಚಾಕ್ರಿದಾಯೆ ಆದುಪ್ಪೊಡು. 44ಆಂಡ ನಿಕ್ಲೆಡ್ ಸುರುತ್ತಾಯೆ ಆವೊಡು ಇನ್ಪಿನಾಯೆ ನಿಕ್ಲೆ ಅಡಿಯಾಳ್ ಆದುಪ್ಪೊಡು. 45ನರಮಾನಿ ಮಗೆಲಾ ಚಾಕ್ರಿ ಮಲ್ಪಾವೊನ್ರೆ ಅತ್ತ್, ಚಾಕ್ರಿ ಮಲ್ಪೆರೆಲಾ ತನ ಪ್ರಾಣೊನು ಮಸ್ತ್ ಜನೊಕುಲೆನ ಬುಡುಗಡೆಗಾದ್ ಕೊರಿಯೆರೆ ಬತ್ತೆ.” ಅಂದ್‌ದ್ ಪಂಡೆ.
ಯೇಸು ಬಾರ್ತಿಮಾಯನ್ ಗುಣ ಮಲ್ಪುನವು
(ಮತ್ತಾಯೆ 20:29-34; ಲೂಕೆ 18:35-43)
46ಐಡ್ದ್ ಬೊಕ್ಕ ಅಕುಲು ಯೆರಿಕೊಗು ಬತ್ತೆರ್. ಯೇಸುಲಾ ಆಯನ ಶಿಷ್ಯೆರ್‌ಲಾ ಮಸ್ತ್ ಜನೊಕುಲೆ ಗುಂಪುಲಾ ಆ ಊರುಡ್ದು ಪಿದಾಡ್ದ್ ಪೋವೊಂದುಪ್ಪುನಗ, ತಿಮಾಯನ ಮಗೆ ಕುರುಡೆ ಬಾರ್ತಿಮಾಯೆ ಇನ್ಪಿ ನಟ್ಟುನಾಯೆ, ಸಾದಿದ ಬರಿಟ್ಟ್ ಕುಲ್ಲುದಿತ್ತೆ. 47ಆ ಕುರುಡೆ ಸಾದಿಡ್ ಪೋಪಿನಾಯೆ ನಜರೇತ್‌ದ ಯೇಸು ಅಂದ್‌ದ್ ಆಯೆ ತೆರಿದ್, “ಯೇಸೋ ದಾವೀದ ಮಗಾ, ಎನನ್ ಕರುಣೆ ಮಲ್ಪುಲ!” ಅಂದ್‌ದ್ ಬೊಬ್ಬೆ ದೀಯೆ.
48ಕೆಲೆವೆರ್, ಮನಿಪಂದೆ ಉಪ್ಪು ಅಂದ್‌ದ್ ಆಯನ್ ದಟ್ಟಿನಗ ಆಯೆ ದಾವೀದ ಮಗಾ, “ಎಂಕ್ ಕನಿಕರ ತೋಜಾಲ,” ಅಂದ್‌ದ್ ಬೊಕ್ಕಲಾತ್ ಬೊಬ್ಬೆ ದೀಯೆ.
49ಅಪಗ ಯೇಸು ಉಂತುದು, “ಆಯನ್ ಲೆಪ್ಪುಲೆ.” ಅಂದ್‌ದ್ ಪನ್ನಗ ಅಕುಲು ಆ ಕುರುಡನ್ ಲೆತ್ತ್‌ದ್, “ಧೈರ್ಯೊಡುಪ್ಪುಲ, ಲಕ್ಕ್‌ಲ, ನಿನನ್ ಲೆಪ್ಪುವೆ,” ಅಂದ್‌ದ್ ಪಂಡೆರ್.
50ಆಯೆ ತನ ಕುಂಟುನು ದಕ್ಕ್‌ದ್, ದಿಡ್ಕ ಲಕ್ಕ್‌ದ್, ಯೇಸುನ ಕೈತಲ್‌ ಬತ್ತೆ. 51ಯೇಸು ಆಯಡ, “ಯಾನ್ ನಿಕ್ಕ್ ದಾದ ಮಲ್ಪೊಡು?” ಅಂದ್‌ದ್ ಕೇನ್ನಗ, ಆ ಕುರುಡೆ “ಗುರೂ, ಎಂಕ್ ಕಣ್ಣ್ ತೋಜುಲೆಕ್ಕ ಮಲ್ಪೊಡು,” ಪಂಡೆ.
52ಯೇಸು ಆಯಗ್, “ಪೋಲ, ನಿನ ನಂಬಿಕೆನೇ ನಿನನ್ ಗುಣ ಮಲ್ತ್ಂಡ್,” ಪಂಡ್ದ್ ಪಂಡೆ. ಅಪಗನೆ ಆಯಗ್ ಕಣ್ಣ್ ತೋಜ್ಂಡ್. ಆಯೆ ಆ ಸಾದಿಡ್ ಆಯನ ಬೆರಿಯೆ ಪೋಯೆ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature