ಮಾರ್ಕೆ 9
9
1ಬೊಕ್ಕ ಯೇಸು ಅಕ್ಲೆಡ, “ನಿಕ್ಲೆಗ್ ನಿಜಾದ್ ಪನ್ಪೆ, ಮುಲ್ಪ ಉಂತುದಿನಾಕುಲೆಡ್ ಕೆಲೆವೆರ್ ದೇವೆರೆ ರಾಜ್ಯ ಬಲೊಟು ಬರ್ಪಿನೆನ್ ತೂವ ಮುಟ್ಟ, ಸೈಪುಜರ್,” ಅಂದ್‌ದ್ ಪಂಡೆ.
ಯೇಸುನ ರೂಪಾಂತರ
(ಮತ್ತಾಯೆ 17:1-13; ಲೂಕೆ 9:28-36)
2ಆಜಿ ದಿನೊಡ್ದು ಬೊಕ್ಕ ಯೇಸು ಪೇತ್ರೆ, ಯಾಕೋಬೆ, ಯೋಹಾನೆ ಮೊಕ್ಲೆನ್, ಪ್ರತ್ಯೇಕಾದ್ ಒಂಜಿ ಎತ್ತರ ಗುಡ್ಡೆಗ್ ಲೆತ್ತೊಂದು ಪೋಯೆ. ಅಲ್ಪ ಅಕ್ಲೆನ ಕಣ್ಣೆದುರುಡು ಆಯನ ರೂಪ ಬೇತೆ ಆಂಡ್. 3ಆಯನ ಕುಂಟು ಮಿಂಚಿದ್ ಹಿಮತ್ತಲೆಕ್ಕ ಬೊಲ್ದಾಂಡ್. ಭೂಲೋಕೊದ ವಾ ಡೋಬಿದಾಯೆಗ್ಲಾ ಆತ್ ಬೊಲ್ದು ಮಲ್ಪೆರೆ ಆವಂದ್. 4ಬೊಕ್ಕ ಎಲೀಯೆಲಾ ಮೋಶೆಲಾ ಅಕ್ಲೆಗ್ ತೋಜಿದ್ ಬತ್ತ್‌ದ್ ಯೇಸುಡೊಪ್ಪ ಪಾತೆರೊಂದುಪ್ಪುನೆನ್ ಶಿಷ್ಯೆರ್ ತೂಯೆರ್. 5ಅಪಗ ಪೇತ್ರೆ ಯೇಸುಡ, “ಗುರೂ ನಮ ಮೂಲೇ ಉಪ್ಪುನವು ಎಡ್ಡೆ, ಮೂಜಿ ಗುಡಾರ ಕಟ್ಟ್‌ಗ, ನಿಕ್ಕೊಂಜಿ, ಮೋಶೆಗೊಂಜಿ, ಎಲೀಯಗೊಂಜಿ,” ಅಂದ್‌ದ್ ಪಂಡೆ. 6ತಾನ್ ಎಂಚಿನ ಪಾತೆರುವೆ ಅಂದ್‌ದ್ ಆಯಗ್ ತೆರಿದಿತ್ತಿಜಿ, ದಾಯೆಗ್ ಪಂಡ ಅಕುಲು ಬಾರಿ ಪೋಡಿದಿತ್ತೆರ್.
7ಆತ್‌ನೆಟ್ಟ ಮುಗಲ್ ಬತ್ತ್‌ದ್ ಅಕ್ಲೆನ ಮಿತ್ತ್ ನಿರೆಲಾಂಡ್. ಆ ಮುಗಲ್‌ದ ಉಲಯಿಡ್ದ್, “ಇಂಬೆ ಎನ ಪ್ರೀತಿದ ಮಗೆ, ಆಯನ ಪಾತೆರೊನು ಕೇನ್ಲೆ.” ಅಂದ್‌ದ್ ಒಂಜಿ ಮಲ್ಲ ಸ್ವರ ಆಂಡ್. 8ಅಪಗ ಸುತ್ತಲಾ ತೂನಗ, ಯೇಸು ಅತ್ತಂದೆ ಬೇತೆ ಏರೆನ್ಲಾ ತೂಯಿಜೆರ್.
9ಅಕುಲು ಆ ಗುಡ್ಡೆಡ್ದ್ ಜತ್ತ್‌ದ್ ಬರೊಂದುಪ್ಪುನಗ ಆಯೆ ಅಕ್ಲೆಗ್, “ನಿಕುಲು ತೂಯಿನೆನ್ ನರಮಾನಿ ಮಗೆ ಸೈತ್‌ದ್ ಜೀವಾದ್ ಲಕ್ಕ್‌ದ್ ಬನ್ನೆಟ್ಟ ಏರೆಗ್ಲಾ ತೆರಿಪಾವರೆ ಬಲ್ಲಿ,” ಅಂದ್‌ದ್ ಅಪ್ಪಣೆ ಕೊರಿಯೆ.
10ಅಕುಲು ಆ ಪಾತೆರೊನು ತನ್ಕುಲೆ ಉಲಯಿ ದೀವೊಂಡೆರ್. “ಸೈತ್‌ದ್ ಜೀವಾದ್ ಲಕ್ಕುನು ಪಂಡ ದಾದ?” ಅಂದ್‌ದ್ ಒರಿಯಗ್ ಒರಿ ಪಾತೆರೊಂಡೆರ್. 11ಬೊಕ್ಕ ಅಕುಲು, “ಎಲೀಯೆ ಸುರುಟ್ಟು ಬರ್ಪಿನವು ಅಗತ್ಯ ಅಂದ್‌ದ್ ಶಾಸ್ತ್ರಿಲು ದಾಯೆಗ್ ಪನ್ಪೆರ್?” ಆಯಡ ಕೇಂಡೆರ್.
12ಐಕ್ ಯೇಸು ಅಕ್ಲೆಡ, “ಎಲೀಯೆ ಸುರುಟ್ಟು ಬತ್ತ್‌ದ್ ಮಾತೆನ್ ಸರಿ ಮಲ್ಪುನವು ನಿಜ. ಬೊಕ್ಕ ನರಮಾನಿ ಮಗೆ ಬಾರಿ ಕಷ್ಟೊನು ಸಹಿಸೊಂದು ತಿರಸ್ಕಾರ ಆವೊಡು ಅಂದ್‌ದ್ ಶಾಸ್ತ್ರೊಡು ದಾಯೆಗ್ ಬರೆತ್ಂಡ್? 13ಆಂಡ ಯಾನ್ ನಿಕ್ಲೆಗ್ ಪನ್ಪಿನಿ ದಾನೆಂದ್ಂಡ, ಎಲೀಯೆ ಬತ್ತೆ, ಶಾಸ್ತ್ರೊಡು ಬರೆದುಪ್ಪುನ ಪ್ರಕಾರ ಜನೊಕುಲು ತನ್ಕುಲೆ ಮನಸ್‌ಗ್ ಬತ್ತಿಲೆಕ್ಕ ಆಯಗ್ ಮಲ್ತೆರ್,” ಅಂದ್‌ದ್ ಪಂಡೆ.
ಯೇಸು ಮೂಕದೆವ್ವ ಪತ್ತ್‌ದಿ ಆಣನ್ ಗುಣ ಮಲ್ಪುನವು
(ಮತ್ತಾಯೆ 17:14-21; ಲೂಕೆ 9:37-43)
14ಐಡ್ದ್ ಬೊಕ್ಕ ಒರಿದಿ ಶಿಷ್ಯೆರೆನ ಕೈತಲ್‌ ಬನ್ನಗ, ಸುತ್ತಲಾ ಜನೊಕುಲು ಬೊಕ್ಕ ಶಾಸ್ತ್ರಿಲು ಮಲ್ಲ ಗುಂಪುಡು ಉಂತುದು ಅಕ್ಲೆಡ ಚರ್ಚೆ ಮಲ್ಪುನೆನ್ ತೂಯೆರ್. 15ಅಪಗನೆ ಜನೊಕುಲೆ ಗುಂಪು ಯೇಸುನು ತೂದು, ಬಾರಿ ಅಚ್ಚಿರ ಆದ್, ಆಯನ ಕೈತಲ್‌ ಪಾರ್‌ಪೋದು, ಆಯಗ್ ವಂದನೆ ಮಲ್ತೆರ್. 16ಯೇಸು ಶಿಷ್ಯೆರೆಗ್, “ಮೊಕ್ಲೆಡೊಪ್ಪ ದಾದ ಚರ್ಚೆ ಮಲ್ತೊಂದುಲ್ಲರ್?” ಅಂದ್‌ದ್ ಕೇಂಡೆ.
17ಆ ಗುಂಪುಡ್ದು ಒರಿ, “ಬೋಧಕಾ, ಎನ ಮಗನ್ ನಿನ ಕೈತಲ್‌ ಲೆತ್ತೊಂದು ಬತ್ತೆ. ಆಯನ್ ಒಂಜಿ ಬಾಯಿಬರಂದಿ ದೆವ್ವ ಪತ್ತ್‌ದ್ಂಡ್. 18ಅವು ಆಯನ ಮಿತ್ತ್ ಬತ್ತ್ಂಡ ಆಯನ್ ನೆಲಕ್ ಬೂರ್ಪಾವುಂಡು. ಅಪಗ ಆಯೆ ನುರೆ ಜಪುಡಾವೊಂದು ಕಟಕಟ ಕೂಲಿ ಕಡೆವೊಂದು ಮರಕಟ್ಟ್‌ದ್ ಪೋಪೆ. ಅವೆನ್ ನಿನ ಶಿಷ್ಯೆರೆಡ ಬುಡ್ಪಾವೆರೆ ಪಂಡೆ. ಆಂಡ ಅಕ್ಲೆಡ್ದ್ ಆವಂದೆ ಪೋಂಡು.” ಅಂದ್‌ದ್ ಉತ್ತರ ಕೊರಿಯೆ. 19ಐಕ್ ಆಯೆ, “ಓ! ನಂಬಿಕೆದಾಂತಿ ಸಂತಾನೊಲೇ, ನನ ಏತ್ ದಿನ ಯಾನ್ ನಿಕ್ಲೆಡೊಪ್ಪ ಇತ್ತ್‌ದ್ ನಿಕ್ಲೆನ್ ಸಹಿಸೊನೊಡು? ಆಯನ್ ಎನ ಕೈತಲ್‌ ಕನಲೆ.” ಪಂಡೆ 20ಅಪಗ ಅಕುಲು ಆ ಆಣನ್ ಯೇಸು ಕೈತಲ್‌ ಲೆತ್ತೊಂದು ಬತ್ತೆರ್. ಆಯನ್ ತೂಯಿ ಕೂಡ್ಲೆ, ಆ ದೆವ್ವ ಆ ಆಣನ್ ಮಸ್ತ್ ಒದ್ದಾಡ್ಪಾಂಡ್, ಆಯೆ ನೆಲಕ್ ಬೂರ್ದು, ನುರೆ ಜಪುಡಾವೊಂದು ಪೊರೆಲಿಯೆ. 21ಯೇಸು ಆಯನ ಅಮ್ಮೆರೆಡ, “ಉಂದು ಉಂಬ್ಯಗ್ ಏತ್ ಸಮಯೊಡ್ದಿಂಚಿ ಉಂಡು?” ಅಂದ್‌ದ್ ಕೇನ್ನಗ, ಆಯೆ ಪಂಡಿನಿ, “ಎಲ್ಯ ಬಾಲೆಡ್ದಿಂಚಿ ಉಂಡು. 22ಬೊಕ್ಕ ಉಂಬ್ಯನ್‌ ಕೆರೊಡು ಅಂದ್‌ದ್ ಅಪಗಪಗ, ತೂಟುಲಾ ನೀರ್‌ಡ್ಲಾ ಬೂರ್ಪಾವುಂಡು. ನಿನಡ ಸಾದ್ಯ ಇತ್ತ್ಂಡ, ಎಂಕ್ಲೆನ ಮಿತ್ತ್ ಕನಿಕರ ದೀದ್ ಎಂಕ್ಲೆಗ್ ಸಹಾಯ ಮಲ್ಪುಲ,” ಪಂಡೆ
23ಯೇಸು ಆಯಡ, “ನಿನಡ ಸಾದ್ಯ ಇತ್ತ್ಂಡ ಅಂದ್‌ದ್ ಪನ್ಪನಾ? ನಂಬುನಾಯಗ್ ಮಾತಲಾ ಸಾದ್ಯ,” ಅಂದ್‌ದ್ ಪಂಡೆ.
24ಕೂಡ್ಲೆ ಆ ಆಣನ ಅಮ್ಮೆ, “ಯಾನ್ ನಿನನ್ ನಂಬುವೆ, ಎಂಕ್ ನಂಬಿಕೆ ಕಡಿಮೆ ಇತ್ತ್ಂಡಲಾ ಸಹಾಯ ಮಲ್ಪು.” ಅಂದ್‌ದ್ ಬುಲ್ತುದು ಪಂಡೆ. 25ಅಪಗ ಯೇಸು ಜನೊಕುಲು ಗುಂಪು ಕಟ್ಟೊಂದು ಬಲ್ತೊಂದು ಅಕ್ಲೆನ ಕಡೆಕ್ಕ್ ಬರ್ಪಿನೆನ್ ತೂದು, ಆ ದೆವ್ವೊಗು ದಟ್ಟಿದ್, “ಓ ಕೆಬಿ ಕೇನಂದಿ ಕೆಪ್ಪ ಆತ್ಮಾ, ಇಂಬ್ಯನ್ ಬುಡ್ದು ಪೋಲ, ನನ ಆಯನ ಉಲಯಿ ಬರಡ,” ಯಾನ್ ನಿಕ್ಕ್ ಅಪ್ಪಣೆ ಕೊರ್ಪೆ ಪಂಡೆ
26ಅಪಗ ಅವು ಅಬ್ಬರಿತ್‌ದ್ ಆಯನ್ ಒದ್ದಾಡ್ಪಾದ್ ಬುಡ್ದು ಪೋಂಡು. ಆ ಆಣ್ ಸೈತಿನಾಯೆಲೆಕ್ಕ ಬೂರ್ದಿನೆಡ್ದ್, ಕೆಲವು ಜನೊಕುಲು, “ಆಯೆ ಸೈತೆ,” ಅಂದ್‌ದ್ ಪಂಡೆರ್. 27ಆಂಡ ಯೇಸು ಆಯನ್ ಕೈ ಪತ್ತ್‌ದ್ ಲಕ್ಕಾಯೆ. ಆಯೆ ಲಕ್ಕ್‌ದ್ ಉಂತಿಯೆ.
28ಯೇಸು ಇಲ್ಲಗ್ ಬತ್ತಿನಪಗ ಆಯನ ಶಿಷ್ಯೆರ್, “ಅವೆನ್ ಬುಡ್ಪಾಯೆರೆ ಎಂಕ್ಲೆಡ್ದ್ ದಾಯೆಗ್ ಆಯಿಜಿ?” ಅಂದ್‌ದ್ ಆಯಡ ಗುಟ್ಟುಡು ಕೇಂಡೆರ್.
29ಐಕ್ ಯೇಸು ಅಕ್ಲೆಡ, “ಈ ಜಾತಿಲು ದೇವೆರೆ ಪ್ರಾರ್ಥನೆಡ್ದ್‌ಲಾ ಉಪವಾಸೊಡ್ದುಲಾ ಅತ್ತಂದೆ ಬೇತೆ ಒಯಿಡ್ದ್‌ಲಾ ಬುಡ್ದು ಪೋಪುಜಾ.” ಅಂದ್‌ದ್ ಪಂಡೆ.
ಯೇಸುನ ಮರಣದ ಸಂಗತಿನ್ ಕುಡೊರ ತೆರಿಪಾವುನವು
(ಮತ್ತಾಯೆ 17:22,23; ಲೂಕೆ 9:43-45)
30ಅಲ್ತ್‌ಡ್ದ್ ಅಕುಲು ಗಲಿಲಾಯ ಕಡತ್‌ದ್ ಪೋವೊಂದಿತ್ತೆರ್. ಅವು ಜನೊಕುಲೆಗ್ ಗೊತ್ತಾವೆರೆ ಬಲ್ಲಿ ಪಂಡ್ದ್ ಆಯಗ್ ಮನಸಿತ್ತ್‌ಂಡ್. 31ದಾಯೆಗ್ ಪಂಡ, ಆಯೆ ತನ ಶಿಷ್ಯೆರೆಗ್ ಬೋಧನೆ ಮಲ್ತೊಂದು, “ನರಮಾನಿ ಮಗನ್ ಜನೊಕುಲೆ ಕೈಕ್ ಒಚ್ಚಿದ್ ಕೊರ್ಪೆರ್. ಅಕುಲು ಆಯನ್ ಕೆರ್ವೆರ್; ಸೈತ್‌ದ್ ಮೂಜನೇ ದಿನೊಟು ಆಯೆ ಜೀವಾದ್ ಲಕ್ಕುವೆ,” ಅಂದ್‌ದ್ ಪಂಡೆ.
32ಆಂಡ ಅಕ್ಲೆಗ್ ಈ ಪಾತೆರದ ಅರ್ಥ ಗೊತ್ತಾಯಿಜಿ, ಬೊಕ್ಕ ಅಕುಲು ಆಯಡ ಕೇನಿಯೆರೆ ಪೋಡಿಯೆರ್.
ದೇವೆರೆ ರಾಜ್ಯೊಡು ಏರ್ ಮಲ್ಲಾಯೆ?
(ಮತ್ತಾಯೆ 18:15; ಲೂಕೆ 9:46-48)
33ಬೊಕ್ಕ ಅಕುಲು ಕಪೆರ್ನೌಮುಗು ಬತ್ತೆರ್. ಅಲ್ಪ ಆಯೆ ಇಲ್ಲ್‌ಡಿತ್ತಿನಪಗ, “ನಿಕುಲು ಸಾದಿಡ್ ದಾದ ಚರ್ಚೆ ಮಲ್ತೊಂದಿತ್ತರ್?” ಅಂದ್‌ದ್ ಶಿಷ್ಯೆರೆಡ ಕೇಂಡೆ.
34ಅಕುಲು ಮನಿಪಂದೆ ಇತ್ತೆರ್, ದಾಯೆ ಪಂಡ ಅಕುಲು ಸಾದಿಡ್ ತನ್ಕುಲೆ ಉಲಯಿ ಏರ್ ಮಲ್ಲಾಯೆ ಅಂದ್‌ದ್ ಪಾತೆರೊಂದಿತ್ತೆರ್. 35ಬೊಕ್ಕ ಯೇಸು ಕುಲ್ಲುದು, ತನ ಪದ್ರಾಡ್ ಶಿಷ್ಯೆರೆನ್ ಲೆತ್ತ್‌ದ್ ಅಕ್ಲೆಡ, “ಏರಾಂಡಲಾ ಸುರುತ್ತಾಯೆ ಆವೊಡಾಂಡ, ಆಯೆ ಮಾತೆರೆಡ್ದ್ ಕಡೆತಾಯೆ ಆದ್, ಮಾತೆರೆ ಚಾಕ್ರಿದಾಯೆ ಆದುಪ್ಪೊಡು,” ಅಂದ್‌ದ್ ಪಂಡೆ. 36ಬೊಕ್ಕ ಒಂಜಿ ಎಲ್ಯ ಬಾಲೆನ್ ದೆತ್ತೊಂದು, ಅಕ್ಲೆನ ನಡುಟು ಉಂತಾದ್, ಅರ್ಂಟ್ ಪತ್ತ್‌ದ್, 37ಅಕ್ಲೆಡ, “ಏರಾಂಡಲಾ ಎನ ಪುದರ್‌ಡ್ ಇಂಚಿತ್ತಿ ಎಲ್ಯ ಬಾಲೆನ್ ಸೇರಾವೊಂಡೆಡ, ಎನನ್ ಸೇರಾವೊಂಡಿಲೆಕ್ಕ ಆಂಡ್. ಬೊಕ್ಕ ಏರಾಂಡಲಾ ಎನನ್ ಸೇರಾವೊಂಡೆಡ ಎನನ್ ಅತ್ತ್, ಎನನ್ ಕಡಪುಡ್ದು ಕೊರಿನಾಯನೇ ಸೇರಾವೊಂಡಿಲೆಕ್ಕ ಆಂಡ್,” ಅಂದ್‌ದ್ ಪಂಡೆ.
ವಿರೋಧ ಆದುಪ್ಪಂದಿನಾಯೆ ನಮ್ಮಾಯೆ
(ಲೂಕೆ 9:49,50)
38ಯೋಹಾನೆ ಯೇಸುಗು, “ಗುರೂ, ಏರಾ ಒರಿ ನಿನ ಪುದರ್‌ನ್ ಪಂಡ್ದ್ ದೆವ್ವ ಬುಡ್ಪಾವುನೆನ್ ಎಂಕುಲು ತೂದು, ಆಯೆ ಎಂಕ್ಲೆನಾಯೆ ಅತ್ತಂದಿನೆಡ್ದ್ ಆಯಗ್ ಅಡ್ಡಿ ಮಲ್ತ,” ಪಂಡೆ.
39ಐಕ್ ಯೇಸು, “ಅಡ್ಡಿ ಮಲ್ಪಡೆ, ಏರ್ಲಾ ಎನ ಪುದರ್‌ಡ್ ಮಲ್ಲಕಾರ್ಯೊನು ಮಲ್ತ್‌ದ್ ಅಪಗನೆ ಎನನ್ ದೂರುನಾಯೆ ಒರಿಲಾ ಇಜ್ಜೆ.” 40ನಂಕ್ ವಿರೋಧ ಆದುಪ್ಪಂದಿನಾಯೆ, ನಮ ಕಡೆತಾಯೆ ಆದುಲ್ಲೆ. 41ನಿಕುಲು ಕ್ರಿಸ್ತನಾಕುಲು ಪಂಡ್ದ್, ನಿಕ್ಲೆಗ್ ಏರಾಂಡಲಾ ಎನ ಪುದರ್‌ಡ್ ಒಂಜಿ ಚೊಂಬು ನೀರ್‌ನ್ ಪರ್ಯೆರೆ ಕೊರಿಯೆಡ ಬರೊಡಾಯಿ ಪ್ರತಿಫಲ ಆಯಗ್ ತಪ್ಪುನೇ ಇಜ್ಜಿ ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ.
ಪಾಪೊಡು ಬೂರುಲೆಕ್ಕ ಶೋಧನೆ
(ಮತ್ತಾಯೆ 18:6-9; ಲೂಕೆ 17:1,2)
42ಎನ ಮಿತ್ತ್ ನಂಬಿಕೆ ದೀಪಿನ ಈ ಎಲ್ಯಾಕುಲೆಡ್ ಒರಿಯಗ್ ಏರಾಂಡಲಾ ಅಡ್ಡಿ ಮಲ್ತೆಡ ಅಂಚಿನಾಯನ ಕಂಟೆಲ್‌ಗ್ ಬೀಸುನ ಕಲ್ಲ್ ಕಟ್ಟ್‌ದ್ ಕಡಲ್‌ಗ್ ಪಾಡೊನುನವೇ ಎಡ್ಡೆ. 43ಉಂದತ್ತಂದೆ ನಿನ ಕೈ ನಿನನ್ ಪಾಪೊಗು ತಿಕ್ಕಾವುನಾಂಡ ಅವೆನ್ ಕಡ್ತ್‌ದ್ ದಕ್ಕ್‌ಲ. ರಡ್ಡ್ ಕೈ ಇತ್ತಿನಾಯೆ ಆದಿತ್ತ್‌ದ್, ತೆಕ್ಕಂದಿ ತೂ ಆಯಿನ ನರಕೊಡು ಬೂರುನೆಡ್ದ್, ಊನದಾಯೆ ಆದ್ ನಿತ್ಯಜೀವೊಡು ಸೇರುನವು ನಿಕ್ಕ್ ಏತೋ ಎಡ್ಡೆ. 44#9:44 ಕೆಲವು ಪರ ಗ್ರಂಥೊಲೆಡ್ 44ನೇ ವಚನೊನು ಸೇರಾದುಂಡು: ನರಕೊಡು ಅಕ್ಲೆನ್ ತಿನ್ಪಿನ ಪುರಿ ಸೈಪುಜಿ, ಅಕ್ಲೆನ್ ಪೊತ್ತುನ ತೂ ತೆಕ್ಕುಜಿ. 45ಬೊಕ್ಕ ನಿನ ಕಾರ್ ನಿನನ್ ಪಾಪೊಗು ತಿಕ್ಕಾವುನಾಂಡ ಅವೆನ್ ಕಡ್ತ್‌ದ್ ದಕ್ಕ್‌ಲ. ರಡ್ಡ್ ಕಾರ್ ಇತ್ತಿನಾಯೆ ಆದಿತ್ತ್‌ದ್ ನರಕೊಡು ಬೂರುನೆಡ್ದ್, ಕುಂಟೆ ಆದ್ ನಿತ್ಯಜೀವೊಡು ಸೇರುನವು ನಿಕ್ಕ್ ಏತೋ ಎಡ್ಡೆ. 46#9:46 ಕೆಲವು ಪರ ಗ್ರಂಥೊಲೆಡ್ 46ನೇ ವಚನೊನು ಸೇರಾದುಂಡು. ನರಕೊಡು ಅಕ್ಲೆನ್ ತಿನ್ಪಿನ ಪುರಿ ಸೈಪುಜಿ, ಅಕ್ಲೆನ್ ಪೊತ್ತುನ ತೂ ತೆಕ್ಕುಜಿ. 47ನಿನ ಕಣ್ಣ್ ನಿನನ್ ಪಾಪೊಗು ತಿಕ್ಕಾವುನಾಂಡ ಅವೆನ್ ಕೂಂತುದು ದಕ್ಕ್‌ಲ; ರಡ್ಡ್ ಕಣ್ಣ್ ಇತ್ತಿನಾಯೆ ಆದಿತ್ತ್‌ದ್ ನರಕೊಡು ಬೂರುನೆಡ್ದ್ ಒಂಜೇ ಕಣ್ಣ್ ಇತ್ತಿನಾಯೆ ಆದ್ ದೇವೆರೆ ರಾಜ್ಯೊಡು ಸೇರುನವು ನಿಕ್ಕ್ ಏತೋ ಎಡ್ಡೆ. 48ನರಕೊಡು ಅಕ್ಲೆನ್ ತುಚ್ಚುನ ಪುರಿ ಸೈಪುಜಿ, ತೂ ತೆಕ್ಕುಜಿ.
49“ಪ್ರತಿಯೊರಿಗ್ಲಾ ತೂ ಪನ್ಪಿ ಉಪ್ಪುದ ಹದೊನು ಕೊರೊಡು.
50“ಉಪ್ಪು ಎಡ್ಡೆಂತಿನವೇ; ಆಂಡ ಉಪ್ಪು ಚಪ್ಪೆ ಆಂಡ, ಅವೆನ್ ಒಯಿಡ್ದ್ ರುಚಿ ಮಲ್ಪುವರ್? ಅಂಚಾದ್ ನಿಕ್ಲೆಡ್ ಉಪ್ಪು ಇತ್ತಿನಾಕುಲು ಆದುಪ್ಪುಲೆ, ಒರಿಯಡ ಒರಿ ಸಮಾಧಾನೊಡು ಉಪ್ಪುಲೆ,”
Currently Selected:
ಮಾರ್ಕೆ 9: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature
ಮಾರ್ಕೆ 9
9
1ಬೊಕ್ಕ ಯೇಸು ಅಕ್ಲೆಡ, “ನಿಕ್ಲೆಗ್ ನಿಜಾದ್ ಪನ್ಪೆ, ಮುಲ್ಪ ಉಂತುದಿನಾಕುಲೆಡ್ ಕೆಲೆವೆರ್ ದೇವೆರೆ ರಾಜ್ಯ ಬಲೊಟು ಬರ್ಪಿನೆನ್ ತೂವ ಮುಟ್ಟ, ಸೈಪುಜರ್,” ಅಂದ್‌ದ್ ಪಂಡೆ.
ಯೇಸುನ ರೂಪಾಂತರ
(ಮತ್ತಾಯೆ 17:1-13; ಲೂಕೆ 9:28-36)
2ಆಜಿ ದಿನೊಡ್ದು ಬೊಕ್ಕ ಯೇಸು ಪೇತ್ರೆ, ಯಾಕೋಬೆ, ಯೋಹಾನೆ ಮೊಕ್ಲೆನ್, ಪ್ರತ್ಯೇಕಾದ್ ಒಂಜಿ ಎತ್ತರ ಗುಡ್ಡೆಗ್ ಲೆತ್ತೊಂದು ಪೋಯೆ. ಅಲ್ಪ ಅಕ್ಲೆನ ಕಣ್ಣೆದುರುಡು ಆಯನ ರೂಪ ಬೇತೆ ಆಂಡ್. 3ಆಯನ ಕುಂಟು ಮಿಂಚಿದ್ ಹಿಮತ್ತಲೆಕ್ಕ ಬೊಲ್ದಾಂಡ್. ಭೂಲೋಕೊದ ವಾ ಡೋಬಿದಾಯೆಗ್ಲಾ ಆತ್ ಬೊಲ್ದು ಮಲ್ಪೆರೆ ಆವಂದ್. 4ಬೊಕ್ಕ ಎಲೀಯೆಲಾ ಮೋಶೆಲಾ ಅಕ್ಲೆಗ್ ತೋಜಿದ್ ಬತ್ತ್‌ದ್ ಯೇಸುಡೊಪ್ಪ ಪಾತೆರೊಂದುಪ್ಪುನೆನ್ ಶಿಷ್ಯೆರ್ ತೂಯೆರ್. 5ಅಪಗ ಪೇತ್ರೆ ಯೇಸುಡ, “ಗುರೂ ನಮ ಮೂಲೇ ಉಪ್ಪುನವು ಎಡ್ಡೆ, ಮೂಜಿ ಗುಡಾರ ಕಟ್ಟ್‌ಗ, ನಿಕ್ಕೊಂಜಿ, ಮೋಶೆಗೊಂಜಿ, ಎಲೀಯಗೊಂಜಿ,” ಅಂದ್‌ದ್ ಪಂಡೆ. 6ತಾನ್ ಎಂಚಿನ ಪಾತೆರುವೆ ಅಂದ್‌ದ್ ಆಯಗ್ ತೆರಿದಿತ್ತಿಜಿ, ದಾಯೆಗ್ ಪಂಡ ಅಕುಲು ಬಾರಿ ಪೋಡಿದಿತ್ತೆರ್.
7ಆತ್‌ನೆಟ್ಟ ಮುಗಲ್ ಬತ್ತ್‌ದ್ ಅಕ್ಲೆನ ಮಿತ್ತ್ ನಿರೆಲಾಂಡ್. ಆ ಮುಗಲ್‌ದ ಉಲಯಿಡ್ದ್, “ಇಂಬೆ ಎನ ಪ್ರೀತಿದ ಮಗೆ, ಆಯನ ಪಾತೆರೊನು ಕೇನ್ಲೆ.” ಅಂದ್‌ದ್ ಒಂಜಿ ಮಲ್ಲ ಸ್ವರ ಆಂಡ್. 8ಅಪಗ ಸುತ್ತಲಾ ತೂನಗ, ಯೇಸು ಅತ್ತಂದೆ ಬೇತೆ ಏರೆನ್ಲಾ ತೂಯಿಜೆರ್.
9ಅಕುಲು ಆ ಗುಡ್ಡೆಡ್ದ್ ಜತ್ತ್‌ದ್ ಬರೊಂದುಪ್ಪುನಗ ಆಯೆ ಅಕ್ಲೆಗ್, “ನಿಕುಲು ತೂಯಿನೆನ್ ನರಮಾನಿ ಮಗೆ ಸೈತ್‌ದ್ ಜೀವಾದ್ ಲಕ್ಕ್‌ದ್ ಬನ್ನೆಟ್ಟ ಏರೆಗ್ಲಾ ತೆರಿಪಾವರೆ ಬಲ್ಲಿ,” ಅಂದ್‌ದ್ ಅಪ್ಪಣೆ ಕೊರಿಯೆ.
10ಅಕುಲು ಆ ಪಾತೆರೊನು ತನ್ಕುಲೆ ಉಲಯಿ ದೀವೊಂಡೆರ್. “ಸೈತ್‌ದ್ ಜೀವಾದ್ ಲಕ್ಕುನು ಪಂಡ ದಾದ?” ಅಂದ್‌ದ್ ಒರಿಯಗ್ ಒರಿ ಪಾತೆರೊಂಡೆರ್. 11ಬೊಕ್ಕ ಅಕುಲು, “ಎಲೀಯೆ ಸುರುಟ್ಟು ಬರ್ಪಿನವು ಅಗತ್ಯ ಅಂದ್‌ದ್ ಶಾಸ್ತ್ರಿಲು ದಾಯೆಗ್ ಪನ್ಪೆರ್?” ಆಯಡ ಕೇಂಡೆರ್.
12ಐಕ್ ಯೇಸು ಅಕ್ಲೆಡ, “ಎಲೀಯೆ ಸುರುಟ್ಟು ಬತ್ತ್‌ದ್ ಮಾತೆನ್ ಸರಿ ಮಲ್ಪುನವು ನಿಜ. ಬೊಕ್ಕ ನರಮಾನಿ ಮಗೆ ಬಾರಿ ಕಷ್ಟೊನು ಸಹಿಸೊಂದು ತಿರಸ್ಕಾರ ಆವೊಡು ಅಂದ್‌ದ್ ಶಾಸ್ತ್ರೊಡು ದಾಯೆಗ್ ಬರೆತ್ಂಡ್? 13ಆಂಡ ಯಾನ್ ನಿಕ್ಲೆಗ್ ಪನ್ಪಿನಿ ದಾನೆಂದ್ಂಡ, ಎಲೀಯೆ ಬತ್ತೆ, ಶಾಸ್ತ್ರೊಡು ಬರೆದುಪ್ಪುನ ಪ್ರಕಾರ ಜನೊಕುಲು ತನ್ಕುಲೆ ಮನಸ್‌ಗ್ ಬತ್ತಿಲೆಕ್ಕ ಆಯಗ್ ಮಲ್ತೆರ್,” ಅಂದ್‌ದ್ ಪಂಡೆ.
ಯೇಸು ಮೂಕದೆವ್ವ ಪತ್ತ್‌ದಿ ಆಣನ್ ಗುಣ ಮಲ್ಪುನವು
(ಮತ್ತಾಯೆ 17:14-21; ಲೂಕೆ 9:37-43)
14ಐಡ್ದ್ ಬೊಕ್ಕ ಒರಿದಿ ಶಿಷ್ಯೆರೆನ ಕೈತಲ್‌ ಬನ್ನಗ, ಸುತ್ತಲಾ ಜನೊಕುಲು ಬೊಕ್ಕ ಶಾಸ್ತ್ರಿಲು ಮಲ್ಲ ಗುಂಪುಡು ಉಂತುದು ಅಕ್ಲೆಡ ಚರ್ಚೆ ಮಲ್ಪುನೆನ್ ತೂಯೆರ್. 15ಅಪಗನೆ ಜನೊಕುಲೆ ಗುಂಪು ಯೇಸುನು ತೂದು, ಬಾರಿ ಅಚ್ಚಿರ ಆದ್, ಆಯನ ಕೈತಲ್‌ ಪಾರ್‌ಪೋದು, ಆಯಗ್ ವಂದನೆ ಮಲ್ತೆರ್. 16ಯೇಸು ಶಿಷ್ಯೆರೆಗ್, “ಮೊಕ್ಲೆಡೊಪ್ಪ ದಾದ ಚರ್ಚೆ ಮಲ್ತೊಂದುಲ್ಲರ್?” ಅಂದ್‌ದ್ ಕೇಂಡೆ.
17ಆ ಗುಂಪುಡ್ದು ಒರಿ, “ಬೋಧಕಾ, ಎನ ಮಗನ್ ನಿನ ಕೈತಲ್‌ ಲೆತ್ತೊಂದು ಬತ್ತೆ. ಆಯನ್ ಒಂಜಿ ಬಾಯಿಬರಂದಿ ದೆವ್ವ ಪತ್ತ್‌ದ್ಂಡ್. 18ಅವು ಆಯನ ಮಿತ್ತ್ ಬತ್ತ್ಂಡ ಆಯನ್ ನೆಲಕ್ ಬೂರ್ಪಾವುಂಡು. ಅಪಗ ಆಯೆ ನುರೆ ಜಪುಡಾವೊಂದು ಕಟಕಟ ಕೂಲಿ ಕಡೆವೊಂದು ಮರಕಟ್ಟ್‌ದ್ ಪೋಪೆ. ಅವೆನ್ ನಿನ ಶಿಷ್ಯೆರೆಡ ಬುಡ್ಪಾವೆರೆ ಪಂಡೆ. ಆಂಡ ಅಕ್ಲೆಡ್ದ್ ಆವಂದೆ ಪೋಂಡು.” ಅಂದ್‌ದ್ ಉತ್ತರ ಕೊರಿಯೆ. 19ಐಕ್ ಆಯೆ, “ಓ! ನಂಬಿಕೆದಾಂತಿ ಸಂತಾನೊಲೇ, ನನ ಏತ್ ದಿನ ಯಾನ್ ನಿಕ್ಲೆಡೊಪ್ಪ ಇತ್ತ್‌ದ್ ನಿಕ್ಲೆನ್ ಸಹಿಸೊನೊಡು? ಆಯನ್ ಎನ ಕೈತಲ್‌ ಕನಲೆ.” ಪಂಡೆ 20ಅಪಗ ಅಕುಲು ಆ ಆಣನ್ ಯೇಸು ಕೈತಲ್‌ ಲೆತ್ತೊಂದು ಬತ್ತೆರ್. ಆಯನ್ ತೂಯಿ ಕೂಡ್ಲೆ, ಆ ದೆವ್ವ ಆ ಆಣನ್ ಮಸ್ತ್ ಒದ್ದಾಡ್ಪಾಂಡ್, ಆಯೆ ನೆಲಕ್ ಬೂರ್ದು, ನುರೆ ಜಪುಡಾವೊಂದು ಪೊರೆಲಿಯೆ. 21ಯೇಸು ಆಯನ ಅಮ್ಮೆರೆಡ, “ಉಂದು ಉಂಬ್ಯಗ್ ಏತ್ ಸಮಯೊಡ್ದಿಂಚಿ ಉಂಡು?” ಅಂದ್‌ದ್ ಕೇನ್ನಗ, ಆಯೆ ಪಂಡಿನಿ, “ಎಲ್ಯ ಬಾಲೆಡ್ದಿಂಚಿ ಉಂಡು. 22ಬೊಕ್ಕ ಉಂಬ್ಯನ್‌ ಕೆರೊಡು ಅಂದ್‌ದ್ ಅಪಗಪಗ, ತೂಟುಲಾ ನೀರ್‌ಡ್ಲಾ ಬೂರ್ಪಾವುಂಡು. ನಿನಡ ಸಾದ್ಯ ಇತ್ತ್ಂಡ, ಎಂಕ್ಲೆನ ಮಿತ್ತ್ ಕನಿಕರ ದೀದ್ ಎಂಕ್ಲೆಗ್ ಸಹಾಯ ಮಲ್ಪುಲ,” ಪಂಡೆ
23ಯೇಸು ಆಯಡ, “ನಿನಡ ಸಾದ್ಯ ಇತ್ತ್ಂಡ ಅಂದ್‌ದ್ ಪನ್ಪನಾ? ನಂಬುನಾಯಗ್ ಮಾತಲಾ ಸಾದ್ಯ,” ಅಂದ್‌ದ್ ಪಂಡೆ.
24ಕೂಡ್ಲೆ ಆ ಆಣನ ಅಮ್ಮೆ, “ಯಾನ್ ನಿನನ್ ನಂಬುವೆ, ಎಂಕ್ ನಂಬಿಕೆ ಕಡಿಮೆ ಇತ್ತ್ಂಡಲಾ ಸಹಾಯ ಮಲ್ಪು.” ಅಂದ್‌ದ್ ಬುಲ್ತುದು ಪಂಡೆ. 25ಅಪಗ ಯೇಸು ಜನೊಕುಲು ಗುಂಪು ಕಟ್ಟೊಂದು ಬಲ್ತೊಂದು ಅಕ್ಲೆನ ಕಡೆಕ್ಕ್ ಬರ್ಪಿನೆನ್ ತೂದು, ಆ ದೆವ್ವೊಗು ದಟ್ಟಿದ್, “ಓ ಕೆಬಿ ಕೇನಂದಿ ಕೆಪ್ಪ ಆತ್ಮಾ, ಇಂಬ್ಯನ್ ಬುಡ್ದು ಪೋಲ, ನನ ಆಯನ ಉಲಯಿ ಬರಡ,” ಯಾನ್ ನಿಕ್ಕ್ ಅಪ್ಪಣೆ ಕೊರ್ಪೆ ಪಂಡೆ
26ಅಪಗ ಅವು ಅಬ್ಬರಿತ್‌ದ್ ಆಯನ್ ಒದ್ದಾಡ್ಪಾದ್ ಬುಡ್ದು ಪೋಂಡು. ಆ ಆಣ್ ಸೈತಿನಾಯೆಲೆಕ್ಕ ಬೂರ್ದಿನೆಡ್ದ್, ಕೆಲವು ಜನೊಕುಲು, “ಆಯೆ ಸೈತೆ,” ಅಂದ್‌ದ್ ಪಂಡೆರ್. 27ಆಂಡ ಯೇಸು ಆಯನ್ ಕೈ ಪತ್ತ್‌ದ್ ಲಕ್ಕಾಯೆ. ಆಯೆ ಲಕ್ಕ್‌ದ್ ಉಂತಿಯೆ.
28ಯೇಸು ಇಲ್ಲಗ್ ಬತ್ತಿನಪಗ ಆಯನ ಶಿಷ್ಯೆರ್, “ಅವೆನ್ ಬುಡ್ಪಾಯೆರೆ ಎಂಕ್ಲೆಡ್ದ್ ದಾಯೆಗ್ ಆಯಿಜಿ?” ಅಂದ್‌ದ್ ಆಯಡ ಗುಟ್ಟುಡು ಕೇಂಡೆರ್.
29ಐಕ್ ಯೇಸು ಅಕ್ಲೆಡ, “ಈ ಜಾತಿಲು ದೇವೆರೆ ಪ್ರಾರ್ಥನೆಡ್ದ್‌ಲಾ ಉಪವಾಸೊಡ್ದುಲಾ ಅತ್ತಂದೆ ಬೇತೆ ಒಯಿಡ್ದ್‌ಲಾ ಬುಡ್ದು ಪೋಪುಜಾ.” ಅಂದ್‌ದ್ ಪಂಡೆ.
ಯೇಸುನ ಮರಣದ ಸಂಗತಿನ್ ಕುಡೊರ ತೆರಿಪಾವುನವು
(ಮತ್ತಾಯೆ 17:22,23; ಲೂಕೆ 9:43-45)
30ಅಲ್ತ್‌ಡ್ದ್ ಅಕುಲು ಗಲಿಲಾಯ ಕಡತ್‌ದ್ ಪೋವೊಂದಿತ್ತೆರ್. ಅವು ಜನೊಕುಲೆಗ್ ಗೊತ್ತಾವೆರೆ ಬಲ್ಲಿ ಪಂಡ್ದ್ ಆಯಗ್ ಮನಸಿತ್ತ್‌ಂಡ್. 31ದಾಯೆಗ್ ಪಂಡ, ಆಯೆ ತನ ಶಿಷ್ಯೆರೆಗ್ ಬೋಧನೆ ಮಲ್ತೊಂದು, “ನರಮಾನಿ ಮಗನ್ ಜನೊಕುಲೆ ಕೈಕ್ ಒಚ್ಚಿದ್ ಕೊರ್ಪೆರ್. ಅಕುಲು ಆಯನ್ ಕೆರ್ವೆರ್; ಸೈತ್‌ದ್ ಮೂಜನೇ ದಿನೊಟು ಆಯೆ ಜೀವಾದ್ ಲಕ್ಕುವೆ,” ಅಂದ್‌ದ್ ಪಂಡೆ.
32ಆಂಡ ಅಕ್ಲೆಗ್ ಈ ಪಾತೆರದ ಅರ್ಥ ಗೊತ್ತಾಯಿಜಿ, ಬೊಕ್ಕ ಅಕುಲು ಆಯಡ ಕೇನಿಯೆರೆ ಪೋಡಿಯೆರ್.
ದೇವೆರೆ ರಾಜ್ಯೊಡು ಏರ್ ಮಲ್ಲಾಯೆ?
(ಮತ್ತಾಯೆ 18:15; ಲೂಕೆ 9:46-48)
33ಬೊಕ್ಕ ಅಕುಲು ಕಪೆರ್ನೌಮುಗು ಬತ್ತೆರ್. ಅಲ್ಪ ಆಯೆ ಇಲ್ಲ್‌ಡಿತ್ತಿನಪಗ, “ನಿಕುಲು ಸಾದಿಡ್ ದಾದ ಚರ್ಚೆ ಮಲ್ತೊಂದಿತ್ತರ್?” ಅಂದ್‌ದ್ ಶಿಷ್ಯೆರೆಡ ಕೇಂಡೆ.
34ಅಕುಲು ಮನಿಪಂದೆ ಇತ್ತೆರ್, ದಾಯೆ ಪಂಡ ಅಕುಲು ಸಾದಿಡ್ ತನ್ಕುಲೆ ಉಲಯಿ ಏರ್ ಮಲ್ಲಾಯೆ ಅಂದ್‌ದ್ ಪಾತೆರೊಂದಿತ್ತೆರ್. 35ಬೊಕ್ಕ ಯೇಸು ಕುಲ್ಲುದು, ತನ ಪದ್ರಾಡ್ ಶಿಷ್ಯೆರೆನ್ ಲೆತ್ತ್‌ದ್ ಅಕ್ಲೆಡ, “ಏರಾಂಡಲಾ ಸುರುತ್ತಾಯೆ ಆವೊಡಾಂಡ, ಆಯೆ ಮಾತೆರೆಡ್ದ್ ಕಡೆತಾಯೆ ಆದ್, ಮಾತೆರೆ ಚಾಕ್ರಿದಾಯೆ ಆದುಪ್ಪೊಡು,” ಅಂದ್‌ದ್ ಪಂಡೆ. 36ಬೊಕ್ಕ ಒಂಜಿ ಎಲ್ಯ ಬಾಲೆನ್ ದೆತ್ತೊಂದು, ಅಕ್ಲೆನ ನಡುಟು ಉಂತಾದ್, ಅರ್ಂಟ್ ಪತ್ತ್‌ದ್, 37ಅಕ್ಲೆಡ, “ಏರಾಂಡಲಾ ಎನ ಪುದರ್‌ಡ್ ಇಂಚಿತ್ತಿ ಎಲ್ಯ ಬಾಲೆನ್ ಸೇರಾವೊಂಡೆಡ, ಎನನ್ ಸೇರಾವೊಂಡಿಲೆಕ್ಕ ಆಂಡ್. ಬೊಕ್ಕ ಏರಾಂಡಲಾ ಎನನ್ ಸೇರಾವೊಂಡೆಡ ಎನನ್ ಅತ್ತ್, ಎನನ್ ಕಡಪುಡ್ದು ಕೊರಿನಾಯನೇ ಸೇರಾವೊಂಡಿಲೆಕ್ಕ ಆಂಡ್,” ಅಂದ್‌ದ್ ಪಂಡೆ.
ವಿರೋಧ ಆದುಪ್ಪಂದಿನಾಯೆ ನಮ್ಮಾಯೆ
(ಲೂಕೆ 9:49,50)
38ಯೋಹಾನೆ ಯೇಸುಗು, “ಗುರೂ, ಏರಾ ಒರಿ ನಿನ ಪುದರ್‌ನ್ ಪಂಡ್ದ್ ದೆವ್ವ ಬುಡ್ಪಾವುನೆನ್ ಎಂಕುಲು ತೂದು, ಆಯೆ ಎಂಕ್ಲೆನಾಯೆ ಅತ್ತಂದಿನೆಡ್ದ್ ಆಯಗ್ ಅಡ್ಡಿ ಮಲ್ತ,” ಪಂಡೆ.
39ಐಕ್ ಯೇಸು, “ಅಡ್ಡಿ ಮಲ್ಪಡೆ, ಏರ್ಲಾ ಎನ ಪುದರ್‌ಡ್ ಮಲ್ಲಕಾರ್ಯೊನು ಮಲ್ತ್‌ದ್ ಅಪಗನೆ ಎನನ್ ದೂರುನಾಯೆ ಒರಿಲಾ ಇಜ್ಜೆ.” 40ನಂಕ್ ವಿರೋಧ ಆದುಪ್ಪಂದಿನಾಯೆ, ನಮ ಕಡೆತಾಯೆ ಆದುಲ್ಲೆ. 41ನಿಕುಲು ಕ್ರಿಸ್ತನಾಕುಲು ಪಂಡ್ದ್, ನಿಕ್ಲೆಗ್ ಏರಾಂಡಲಾ ಎನ ಪುದರ್‌ಡ್ ಒಂಜಿ ಚೊಂಬು ನೀರ್‌ನ್ ಪರ್ಯೆರೆ ಕೊರಿಯೆಡ ಬರೊಡಾಯಿ ಪ್ರತಿಫಲ ಆಯಗ್ ತಪ್ಪುನೇ ಇಜ್ಜಿ ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ.
ಪಾಪೊಡು ಬೂರುಲೆಕ್ಕ ಶೋಧನೆ
(ಮತ್ತಾಯೆ 18:6-9; ಲೂಕೆ 17:1,2)
42ಎನ ಮಿತ್ತ್ ನಂಬಿಕೆ ದೀಪಿನ ಈ ಎಲ್ಯಾಕುಲೆಡ್ ಒರಿಯಗ್ ಏರಾಂಡಲಾ ಅಡ್ಡಿ ಮಲ್ತೆಡ ಅಂಚಿನಾಯನ ಕಂಟೆಲ್‌ಗ್ ಬೀಸುನ ಕಲ್ಲ್ ಕಟ್ಟ್‌ದ್ ಕಡಲ್‌ಗ್ ಪಾಡೊನುನವೇ ಎಡ್ಡೆ. 43ಉಂದತ್ತಂದೆ ನಿನ ಕೈ ನಿನನ್ ಪಾಪೊಗು ತಿಕ್ಕಾವುನಾಂಡ ಅವೆನ್ ಕಡ್ತ್‌ದ್ ದಕ್ಕ್‌ಲ. ರಡ್ಡ್ ಕೈ ಇತ್ತಿನಾಯೆ ಆದಿತ್ತ್‌ದ್, ತೆಕ್ಕಂದಿ ತೂ ಆಯಿನ ನರಕೊಡು ಬೂರುನೆಡ್ದ್, ಊನದಾಯೆ ಆದ್ ನಿತ್ಯಜೀವೊಡು ಸೇರುನವು ನಿಕ್ಕ್ ಏತೋ ಎಡ್ಡೆ. 44#9:44 ಕೆಲವು ಪರ ಗ್ರಂಥೊಲೆಡ್ 44ನೇ ವಚನೊನು ಸೇರಾದುಂಡು: ನರಕೊಡು ಅಕ್ಲೆನ್ ತಿನ್ಪಿನ ಪುರಿ ಸೈಪುಜಿ, ಅಕ್ಲೆನ್ ಪೊತ್ತುನ ತೂ ತೆಕ್ಕುಜಿ. 45ಬೊಕ್ಕ ನಿನ ಕಾರ್ ನಿನನ್ ಪಾಪೊಗು ತಿಕ್ಕಾವುನಾಂಡ ಅವೆನ್ ಕಡ್ತ್‌ದ್ ದಕ್ಕ್‌ಲ. ರಡ್ಡ್ ಕಾರ್ ಇತ್ತಿನಾಯೆ ಆದಿತ್ತ್‌ದ್ ನರಕೊಡು ಬೂರುನೆಡ್ದ್, ಕುಂಟೆ ಆದ್ ನಿತ್ಯಜೀವೊಡು ಸೇರುನವು ನಿಕ್ಕ್ ಏತೋ ಎಡ್ಡೆ. 46#9:46 ಕೆಲವು ಪರ ಗ್ರಂಥೊಲೆಡ್ 46ನೇ ವಚನೊನು ಸೇರಾದುಂಡು. ನರಕೊಡು ಅಕ್ಲೆನ್ ತಿನ್ಪಿನ ಪುರಿ ಸೈಪುಜಿ, ಅಕ್ಲೆನ್ ಪೊತ್ತುನ ತೂ ತೆಕ್ಕುಜಿ. 47ನಿನ ಕಣ್ಣ್ ನಿನನ್ ಪಾಪೊಗು ತಿಕ್ಕಾವುನಾಂಡ ಅವೆನ್ ಕೂಂತುದು ದಕ್ಕ್‌ಲ; ರಡ್ಡ್ ಕಣ್ಣ್ ಇತ್ತಿನಾಯೆ ಆದಿತ್ತ್‌ದ್ ನರಕೊಡು ಬೂರುನೆಡ್ದ್ ಒಂಜೇ ಕಣ್ಣ್ ಇತ್ತಿನಾಯೆ ಆದ್ ದೇವೆರೆ ರಾಜ್ಯೊಡು ಸೇರುನವು ನಿಕ್ಕ್ ಏತೋ ಎಡ್ಡೆ. 48ನರಕೊಡು ಅಕ್ಲೆನ್ ತುಚ್ಚುನ ಪುರಿ ಸೈಪುಜಿ, ತೂ ತೆಕ್ಕುಜಿ.
49“ಪ್ರತಿಯೊರಿಗ್ಲಾ ತೂ ಪನ್ಪಿ ಉಪ್ಪುದ ಹದೊನು ಕೊರೊಡು.
50“ಉಪ್ಪು ಎಡ್ಡೆಂತಿನವೇ; ಆಂಡ ಉಪ್ಪು ಚಪ್ಪೆ ಆಂಡ, ಅವೆನ್ ಒಯಿಡ್ದ್ ರುಚಿ ಮಲ್ಪುವರ್? ಅಂಚಾದ್ ನಿಕ್ಲೆಡ್ ಉಪ್ಪು ಇತ್ತಿನಾಕುಲು ಆದುಪ್ಪುಲೆ, ಒರಿಯಡ ಒರಿ ಸಮಾಧಾನೊಡು ಉಪ್ಪುಲೆ,”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature