Kărdimata Le Apostolengă 15
15
O tidimos la Khăngăreko ando Ierusalimo.
1Varesar manuši, avindoi andai Iudea, sîkavenas le phralen thai phenenas: „Kana či san šinderoata pala sar phendea o Moise, našti aven skăpime.”#Vers. 5. Gen. 17.10. Lev. 12.3. Ioan 7.22. Gal. 2.12; 5.2. Filip. 3.2. Kol. 2.8, 11, 16.
2Le Pavelos thai le Barnabas sas les lença khă juvindo paruglimos orbengo thai phendimatăngo; thai le phral phendine kă o Pavelo thai o Barnaba, thai varesar anda lende, te anklen ando Ierusalimo ka le apostolea thai kal phură, kaste pušen le pa kadala biateardimata.#Gal. 2.1.
3Pala so sas nigărdine la Khăngăreatar ji avri andai četatea, găline pe pehko drom andai Feničia thai Samaria, phendindoi o amboldimos le Neamurengo koa Dell; thai kărdine khă bari bukuria sa le phralengă.#Cap. 14.27. Rom. 15.24. 1Kor. 16.6, 11.
4Kana arăsline ando Ierusalimo, sas line la Khăngăreatar, le apostolendar thai le phurăndar, thai phendine lengă sa so kărdeasas o Dell anda lende.#Vers. 12. Cap. 14.27; 21.19.
5Atunčeara iekh anda e rig le Fariseiendi, kai pateaiesas, vazdine pe, thai phendine kă le Neamurea trăbun te aven šinderoata, thai te mangăl pe lengă te arakhăn e Lejea le Moisasti.#Vers. 1.
6Le apostolea thai le phură, tidinisai le andekhthan, kaste dikhăn so sî kărdimahko.
7Pala so kărtdilea but orba, ušti'lo o Petro thai phendea lengă:
„Phralale, jeanen kă o Dell, dă khă kotor lašo čirohko, kărdea khă alosardimos maškar tumende, ka anda muro mui, le neamurea te ašunen o divano la Lašea Vesteako, thai te patean.#Cap. 10.20; 11.12.
8Thai o Dell, kai prinjeanel le ille, dea duma anda lende, thai dea le o Sfînto Duxo sar i amengă.#Cap. 1.24; 10.44. 1Kron. 28.9.
9Či kărdea či khă alosarimos maškar amende thai lende, kă ujeardea lengă ille andoa pateaimos.#Cap. 10.15, 28, 43. Rom. 10.11. 1Kor. 1.2. 1Pet. 1.22.
10Ta akana, sostar zumaven le Devlles, thai thon pe koŕ le jenendi ăkh pharimos, sao či amară dadda, či ame či daštisardeam te phiravas les?#Mat. 23.4. Gal. 5.1.
11Ta pateas kă ame, sar i lende, sam skăpime andoa xaro le Raiehko le Isusohko.”#Rom. 3.24. Efes. 2.8. Tit 2.11; 3.4, 5.
12Soa tidimos ašilo muto, thai ašundea le Barnabas thai le Pavelos, kai phendine sa le sămnurea thai le minunea, kai kărdeasas le o Dell anda lende ando maškar le neamurengo.#Cap. 14.27.
O phendimos la Khăngăreako.
13Kana na mai dine duma on, o Iakovo, lea o divano, thai phendea: „Phralale, ašunen ma!#Cap. 12.17.
14O Simono phendea mai anglal sar o Dell šudea Pehkă dikhlimata karing le Neamuri, kaste alol anda lengo maškar khă poporo, kai te phiravel Lehko Anau.#Vers. 7.
15Thai le kărdimasa kadalesa čeačeon le divanuri le prooročengă, pala sar sî ramome:
16„Pala kodea, amboldaua Ma, thai vazdaua andai çăra le Davidosti andoa peraimos lehko, vazdaua lehkă andal perimata, thai vazdaua les pale:#Amos 9.11, 12.
17anda o ašimos le manušengo te roden le Raies, sar i sa le Neamuri pa sao sî akhardo Muŕo Anau,
18phenel o Rai, kai kărăl kadala butea, thai savehkă sî Lehkă prinjeandine andai vešničia.”
19Anda kodea, me phenau te na thon pe pharimata kukolengă anda le Neamuri kai ambolden pe koa Dell;#Vers. 28. 1Tes. 1.9.
20ta te ramol pe lengă numai te arakhăn pe anda le prikăjimata le idiolengă, la kurviatar, le juvindimatăndar tidine koŕatar thai le ratestar.#Gen. 9.4; 35.2. Exod. 20.3, 23. Lev. 3.17. Deut. 12.16, 23. Ezec. 20.30. 1Kor. 6.9, 18; 8.1; 10.20, 28. Gal. 5.19. Efes. 5.3. Kol. 3.5. 1Tes. 4.3. 1Pet. 4.3. Sîk. 2.14, 20.
21Kă dă katar andoa puraimos, o Moise sî les ande sako četatea manuši, kai den les duma, anda kă sî drabardo andel khăngărea ande sal des le Savatohkă.”#Cap. 13.15, 27.
22Atunčeara le apostolea thai le phură thai sa e Khăngări arakhline dromesa te alosarăn numai varesar anda lende, thai te traden le ande Antioxia, andekhthan le Pavelosa thai le Barnabasa. Thai alosardine le Iudas, phendino i Barsaba, thai le Silas, manuši dikhline maškar le phral.#Cap. 1.23.
23Thai ramosarde kadea anda lende: „Le apostolea, le phură thai le phral: karing le mai bară andal neamuri, kai sî ande Antioxia, ande Siria thai ande Čilčia, rudimos!
24Anda kă ašundeam kă iekh, teleardine anda amende, bi vo khă tradimos andai rig amari, biujeardine tume pehkă divanurença, thai mištisardine tumară duxuri, phendindoi te šinen tume roata thai te arakhăn e Kris;#Vers. 1. Gal. 2.4; 5.12. Tit 1.10, 11.
25ame, pala so tideam ame saoŕă andekhthan, khă gîndosa, arakhleam le dromesa te alosaras varesar manuši, thai te tradas le tumende, andekhthan amară butkučença o Barnaba thai o Pavelo,
26le manuši kadala, kai thodine pesti čivava ando khălimos anda o Anau le Raiehko amarăhko le Isus Kristosohko.#Cap. 13.50; 14.19. 1Kor. 15.30. 2Kor. 11.13, 26.
27Tradeam kadeadar le Iudas thai le Silas, kai phenena tumengă andoa juvindo divano sa kadala butea.
28Kă dikhlea pe ortome le Sfîntone Duxohkă thai amengă, te na mai thoas pa tumende či aver pharimos, numai so trăbul,
29kadeadar: te arakhăn tume le buteandar jertfime le idolengă, ratestar, le juvindimatăndar tidine koŕatar, thai andai kurvăria, butea savendar, kana arakhăna tume, avela mišto tumendar. Aven sasteveste.”#Vers. 20. Cap. 21.25. Lev. 17.14. Sîk. 2.14, 20.
O phendimos andino ande Antioxia.
30On kadea, line pehkă lašimos lašo kata e Khăngări, thai telearde ande Antioxia, kai dine o zakono le butimahkă tidino.
31Pala so drabardine les, le phral bukurisai le anda o zuralimos, kai anelas lengă les.
32O Iuda thai o Sila, kai i on sas prooročea, phendine le phralengă, thai zurearde le bute divanurença.#Cap. 14.22; 18.23.
33Pala varesar čiro, le phral mekline le pačeasa te ambolden pe ka kukola kai sas tradine.#1Kor. 16.11. Evr. 11.31.
34Sa o Sila arakhlea dromesa te ašel oče.
35O Pavel thai o Barnaba ašile ande Antioxia, thai sîkavenas le norodos thai denasduma, bute avrănça, o Divano le Raiehko.
O Pavel rodel le khăngărean.
36Pala varesar des, o Pavelo phendea le Barnabahkă: „Te amboldas ame, thai te jeas katal phral anda sal četăçi, ande save phendeam o Divano le Raiehko, kaste dikhas so mai kărăn.”#Cap. 13.4, 13, 14, 51; 14.1, 6, 24, 25.
37O Barnaba kamelas te lel pesa i le Ioanos, phendino Marko;#Cap. 12.12, 25; 13.5. Kol. 4.10. 2Tim. 4.11. Filim. 24.
38ta o Pavelo dinelas kă nai mišto te len pesa kukoles, sao mekleasas le ande Pamfilia, thai či avilo sas lença ande lendi buti.#Cap. 13.13.
39E čiungar kadea sas dăstul dă bari, kaste kărăn le te xuladeon iekh avrăstar. O Barnaba lea pesa le Markos, thai teleardea le berosa ando Čipro.
40O Pavelo alosardea pehkă le Silas, thai teleardea, pala so sas dino le phralendar ando xaro le Raiehko.#Cap. 14.26.
41O mardea sai Siria thai e Čiličia, zurearindoi le Khăngărea.#Cap. 16.5.
Currently Selected:
Kărdimata Le Apostolengă 15: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
