Ioan 17
17
O rudimos le Isusohko.
1Pala so dea duma kadea, o Isus vazdea le iakha karing o čeri, thai phendea.
„Daddna, avilo o čeaso! Proslăvisar Te Šaves, kă i o Šeau Tiro Te proslăvil Tu Tut,#Cap. 12.23; 13.32.
2pala sar dean Les zor pa orsavo manuši, kaste del čivava vešniko saoŕăngă kolengă, kai dean Lehkă le Tu.#Vers. 6, 9, 24. Cap. 3.35; 5.27; 6.37. Dan. 7.14. Mat. 11.27.; 28.18. 1Kor. 15.25, 27. Filip. 2.10. Evr. 2.8.
3Thai e čivava vešniko sî kadea: te prinjeanen Tu Tut, o čečio korkoŕo Dell, thai le Isusos Kristosos, kai tradean Les Tu,#Cap. 3.34; 5.36; 6.29, 57; 7.29; 10.36; 11.42. Is. 53.11. Ier. 9.24. 1Kor. 8.4. 1Tes. 1.9.
4Me proslăvisardem Tu pe phuw, isprăvisardem e buti, kai dean Ma te kărau la.#Cap. 4.34; 5.36; 9.3; 13.31; 14.13, 31; 15.10; 19.30.
5Thai akana, Daddna, proslăvisar Ma orta Tute la slavasa, kai sas Ma anglal Tute, anglal te avel e lumea.#Cap. 1.1, 2; 10.30; 14.9. Filip. 2.6. Kol. 1.15, 17. Evr. 1.3, 10.
6Kărdem prinjeando Teo Anau le manušengă, saven dean Mangă le andai lumea. Tiră sas, thai Tu dean Mangă le; thai on arakhline o Divano Tiro.#Vers. 2.9, 11, 26. Cap. 6.37, 39; 10.29; 15.19. Ps. 22.22.
7Akana prinjeande kă sa so dean Ma Tu, avel Tutar.
8Kă dem le ăl divanuri, kai dean Mangă le Tu. On line le, thai prinjeande čečimasa kă Tutar ankăstem, thai pateaine kă Tu tradean Ma.#Vers. 25, 30. Cap. 8.28; 12.49; 14.10; 16.27.
9Anda lende rudi Ma. Či rudi Ma andai lumea, ta anda kukola, save dean Mngă le Tu; anda kă sî Tiră:#1Ioan 5.19.
10sa so sî Muŕo, sî Tiro, thai so sî Tiro, sî Muŕo, – thai Me sîm proslăvime ande lende.#Cap. 16.15.
11Me či mai sîm ande lumea, ta on sî ande lumea, thai Me avau Tute. Dadd Sfîntona, arakh le, ande Teo Anau, kukolen kai dean Mangă le, anda kă on te aven iekh, sar sam i ame.#Vers. 21, etc. Cap. 10.30. 13.1; 16.28. 1Pet. 1.5. Iuda 1.
12Kana sîmas lença ande lumea, arakhauas le Me ande Tiro Anau. Me arakhlem kodolen, kai dean Mangă le; thai či iekh anda lende či xasai'lo, avri andoa šeau le xasarimahko, kaste pherdeol o LillleDevllehko.#Cap. 6.39, 70; 10.28; 13.18; 18.9. Ps. 109.8. Kărd. 1.20. Evr. 2.13. 1Ioan 2.19.
13Ta akana, Me avau Tute; thai phenau kadala butea, kana sîm înkă ande lumea,
anda kaste aven le ande lende o baxtalimos Muŕo pherdo.
14Dem le o Divano Tiro; thai lumea či dabadikhlea le, anda kă on nai andai lumea, pala sar Me či sîm andai lumea.#Vers. 8, 16. Cap. 8.23; 15.18, 19. 1Ioan 3.13.
15Či rudi Tu te les le andai lumea, ta te arakhăs le jungalestar.#Mat. 6.13. Gal. 1.4. 2Tes. 3.3. 1Ioan 5.18.
16On nai andai lumea, pala sar či Me či sîm andai lumea.#Vers. 14.
17Sfinçosar le ande Tiro čeačimos: O Divano Tiro sî o čeačimos.#Cap. 15.3. 2Sam. 7.28. Ps. 119.142, 151. Kărd. 15.9. Efes. 5.26. 1Pet. 1.22.
18Sar tradean Ma Tu Man ande lumea, kadea tradem le i Me len ande lumea.#Cap. 20.21.
19Thai Me orta sfinçoma anda lende, ka i on te ašen sfinçome ando čeačimos.#1Kor. 1.2, 30. 1Tes. 4.7. Evr. 10.10.
20Thai rudi Ma na numai anda lende, ta i anda kukola kai pateana ande Mande anda lengo divano.
21Rudi Ma ka saoŕă te aven iekh. Sar Tu, Daddna, san ande Mande, thai Me ande Tute, ka, i on te aven iekh ande amende, anda ka e lumea kadea te pateal kă Tu tradean Ma.#Vers. 11.22, 23. Cap. 10.16, 38; 14.11. Rom. 12.5. Gal. 3.28.
22Me dem le e slava, kai Tu dean Mangă la, anda ka on te aven iekh, sar i ame sam iekh,#Cap. 14.20. 1Ioan 1.3; 3.24.
– 23Me ande lende, thai Tu ande Mande; – anda ka on te aven orta iekh, kaste prinjeanel e lumea kă tu tradean Ma, thai kă kamblean le, sar kamblean Ma Man.#Kol. 3.14.
24Daddna, kamau oče kai sîm Me, te aven andekhthan Mança i kukola, kai dean Mangă le Tu, kaste dikhăn Mîŕă slava, slava kai dean Mangă la Tu; anda kă Tu kamblean Ma anglal te kărdeol e lumea.#Vers. 5. Cap. 12.26; 14.3. 1Tes. 4.17.
25Bibezexalo Daddna, e lumea či prinjeandea Tu; Me prinjeandem Tu, thai kadala prinjeandine kă Tu tradean Ma.#Vers. 8. Cap. 7.29; 8.55; 10.15; 15.21; 16.3, 27.
26Me kărdem lengă prinjeando o Anau Tiro, thai mai kăraua Les prinjeando, anda ka Teo kamblimos kai kamblean Ma Tu, te avel ande lende, thai Me te avau ande lende.”#Vers. 6. Cap. 15.9, 15.
Currently Selected:
Ioan 17: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
